德美壽司 (德民街)

营业中

休息中

已經係度食過好幾次，但第一次係度食串燒雞翼。好好味，雖然依度一多客人，店員就會手忙腳亂，但仍然好好禮貌服務客人，記住要食佢個軟殼蟹手卷。出面真係食唔到咁好味，完

𝒥𝒶𝓅𝒶𝓃𝑒𝓈𝑒 𝑅𝑒𝓈𝓉𝒶𝓊𝓇𝒶𝓃𝓉 𝒾𝓃 𝐻𝓊𝓃𝑔 𝐻𝑜𝓂🌊德美和食便當 (秋刀魚）𝗪𝗮𝘀𝘆𝗼𝗸𝘂 𝗕𝗲𝗻𝘁𝗼𝘂 （$𝟴𝟵）好豐富既便當🍱，分左唔同格仔方唔同野食。其中一格係前菜海蜇，少少辣好開胃。仲有肥美既三文魚🍣，正正常常。當然唔少得秋刀魚，唔自好腥，好容易起肉。仲有炸豬炸都大塊且厚肉，更已切成細細舊！食起來好方便。配有一配白飯，米飯香口。定食另外有湯、沙律、茶、甜品同茶蒸碗，食到好飽☺️📍德美壽司 𝐒𝐮𝐬𝐡𝐢 𝐓𝐨𝐤𝐮𝐦𝐢紅磡黃埔新村德民街31號地下1B舖

今日係一個人既日式午餐 呢間都幾出名試下先!菜式如下 特盛刺身丼飯 包麵豉湯 日式沙律落單後好快就上左麵豉湯和沙律先,食住等主菜沙律有生菜椰菜番茄同粟米粒 番茄去皮去籽見到細節位 食日本菜就係精緻麵豉湯夠香又夠熱,飲完暖胃就上菜了海膽 蝦 鯛魚片 三文魚 蟹籽 魷魚片 飯都有調左味賣相豐富,刺身夠光澤夠鮮味 三文魚夠肥嫩 鯛魚片夠鮮味 蝦肉爽甜 海膽味濃厚魷魚脆口,口感豐富,每種食材都非常新鮮美味 德美壽司紅磡黃埔新村德民街31號地下1B號舖消費$100評分8/10

呢間又係由細細個都已經聽過個名不過都係限於覺得多人又要排 所以一直都未有時間試本身今次黎黃埔係想食拉面, 但真係太多人排又幾趕時間, 所以即刻搵附近有的咩可以食就佢啦!  德美, 由於呢間都有2個舖位, 都算幾大我個日係冇等就已經入座了~ 坐低都好快知道自己想食咩要食壽司set 同有蒸蛋既~ 有埋烏冬就完美呢到既壽司唔可以講好特別但係就幾新鮮 同快手 坐低左一陣叫完都好快上前菜同壽司烏冬都不過不失 似家庭式 屋企成日煮到既烏冬熱既野係夠熱 再加埋個價錢  其實冇咩位可以挑剔

喺出嚟做野之前，從來都唔覺得蔬菜係一樣幾咁重要嘅野🥦我愛食肉🥩肉類萬歲🥩但一出左嚟做野之後😂😂發覺😂點解喺街食菜可以咁貴😂仲越來越少地方食到菜，當堂成件事矜貴曬😂同一個日式牛煲😂幾年前從來冇試過食曬啲菜😂一來胃口問題一來唔喜食咁多菜今次去食牛煲我一嚟就係咁食菜飲湯食豆腐，啲牛反而擺埋一邊😂😂感嘆歲月嘅催殘，而家啲菜真係幾好食😂😂話說其實佢啲豆腐都好香好有豆味個牛肉都好大塊好有牛味嘅🤓🤓🤓btw佢菜以外嘅物體都好唔錯再ps我唔記得佢黃定藍，食錯請指正🙏🏻

德美，我細細個冇聽過呢個名，但成日都聽人講搵唔到位，友人仲話「你返工咁近，咪可以成日食囉！」咁睇嚟點都要會一會佢。呢日天氣唔太好，唔洗排隊。 午市套餐選擇算幾多，有壽司刺身set，有便當，亦都有熱食。今次揀咗壽司六貫配細牛肉烏冬，包埋沙律同茶碗蒸。 沙律菜冇滰水，溝淡晒啲醬汁嘅味😐茶碗蒸唔錯嘅，夠滑亦夠味，不過得勁少配料😐壽司未至於唔新鮮或者難食，但亦都完全唔出色，冇鮮甜味，吞拿魚蓉亦有筋，同埋蟹柳都係假蟹😐烏冬就都係正常，起碼用彈牙烏冬，牛肉都軟腍。 咦，我件甜蛋玉子同甜品呢？而家睇返先發現冇咗🤯再加埋佢上菜係上咗烏冬先上返前菜，更覺冇誠意😒 都係嗰句啦，未至於難食，但食物環境服務冇任何嘢出色，究竟點解咁多人排隊？仲未解得開呢個謎。可能同類型菜式嚟講佢算相對平，但基於本人對保留quota食好嘢嘅信念，都係不了。

呢間餐廳無論咩時候都係好忙同多人 （講真個句，佢地根本唔夠人手）食過好幾次但係我相信今次會係我最後一次食 如果你想食一餐飯可以開心啲同被受尊重嘅話，咁你千其唔嚟首先，你一入去，你係透明嘅。你要自己爭取攞位，同職員講幾次先會有位。我今日叫左魚生飯，上面係會加一粒溫泉蛋，我唔鍾意飯上面有，所以問左侍應可唔可以轉熟。佢話唔得，只可以唔要或者另上。事實上我聽唔切佢講，我就問可唔可以放係另一邊 （我明意思係“另上“，但係我聽唔到佢已經講咗）佢跟住就好寸嘴冇禮貌咁講“姐喺另上啦，咩叫放喺另一邊？” 仲要一路講一路行開去。以食客嘅角度黎講好唔好受，仲要我相信如果我唔係20幾歲，佢係唔會咁唔禮貌。另外，成餐飯侍應係無斟過一次水。叫左一位後生仔斟，但係佢用鈄視無視我。再叫另一位侍應幫我地，都係要提兩次先有茶飲。成餐飯覺得無一個人係認真對待食客。你會以為茶餐廳可能服務仲差，事實上呢間野連茶餐廳都不如。

本身開開心心一家人第一次幫襯， 大家也係冇咩所謂既人， 但個老闆疑似潮州怒漢， 大聲呼喝員工客人, 大家也是驚驚青青咁， 如此戰戰驚驚環境， 又怎能輕鬆進行晚餐， 排隊等待也不斷比人打尖， 應該係熟客， 但明白可能他們可能有訂位， 所以也不作聲。 食物質素普通， 不過魚生不大新鮮，他們漏了落單， 最後我們等耐了， 最後他也毫不猶豫比壓力，大聲要求我們離去， 我們只吃了1小時， 我看到他對其他也一樣也要求客人離去， 係依方面佢係一視同。 同家人食飯求開心，員工問題可以向經理反映， 但他是老闆，沒什麼能做的， 不會去第二次了。 食物質素好一般， 我們4人埋單＄1200， 價錢中等， 食左一個魚生拼盤， 一個sushi combo, 燒物， 煱烏冬， 三文魚沙津， 沒有多大驚喜， 不過不失， 和民水平， 但三文魚生及蝦不大新鮮， 有猩味。 也加了錢蝦頭＋miso soup, 但味道偏咸。總結食物和服務也不會再光顧。終於明白點解咁多負評

星期五諗住第日放假就入黃埔同朋友食飯拉。點知經過見到呢間日本野既裝修幾吸引，所以就諗住去食拉，點知拎左飛之後等左成個鐘先入到去🥲咁熱既天氣真係好難頂。終於入到去，可能真係好人，嗌野食都等左5分鐘，不過無辦法拉，因為真係全場爆滿。咁我地入就叫左個三文魚腩刺身，係幾肥美既，唔錯👍另外亦叫左啲壽司🍣其實啲魚生(三文魚，油甘魚，左口魚，帶子)真係幾真鮮，同好有鮮味，不過真係等既時間比較耐💤💤💤每次都等5-10分鐘先上另一碟😅最後試埋佢個串物-牛舌估唔到真係好有驚喜，好好食，好似日本食咁👍👍👍整體食物質素唔差既，不過如果上菜等服務安排得好啲就好拉😌

我和朋友一起去食，因為平時見都幾多人。我們叫了一客燒三文魚頭，這真是我見過最細的三文魚頭。我們亦叫了清酒，冷飲，當侍應把酒從樽倒入冷凍瓶，一枱都係酒，但侍應完全沒有覺得有問題。太過份，不管什麼酒，啤酒也不應倒出瓶或杯以外。還有就是，我本叫了壽司拼盤，當時侍應説其中一款壽司要改，我表達不太想，沒有說不要，但是侍應沒有下單，當我追時還説是我説不要，還要我確認是我說不要。請問，這是什麼服務態度？雖然不算貴，但亦不平宜，應該要有最起碼的服務食物不是太早質數，沒有意外驚喜。魚生是新鮮的。食物如果十分滿分，我會比六分。

我大約在夜晚7:00入席，我都明白店內係坐滿咗好多客人，同埋可能店內裏面嘅職員人手不足，所以都要喺門口等一位男士帶我哋入席！但係我感覺佢啲語氣同態度不友善！加上我也覺得佢有一點兒不耐煩！正當我叫佢落單嘅時候，旁邊嘅客人都準備落單，佢示意叫我哋等陣，同埋係一個落單嘅過程當中呢都係態度不耐煩，因為由入門口度坐低佢都冇俾個我哋有兩杯茶，但我眼見新入職的客人都已經有茶了！係我食飯嘅途中我見到佢，好好禮貌好殷勤咁招呼包廂一台客人，對比我哋出邊坐的客人來說可能我哋啲消費不及裏面高，所以換來兩種服務的態度，真係感覺差天共地！到最後買單的時候，係另一位職員好好態度來幫我哋買單，當找錢的時候，佢將一本錢補飛落枱，我從來未咁到如此難受！其實都係食一餐飯我又唔需要你好好嘅服務態度，加上我都冇得罪任何人，唔知點解換來咁嘅服務態度！服務質素差，食物麻麻，價錢也不平！我諗呢一間舖得一個着便服嘅男人態度差之外其他職員嘅態度都好好👍🏻

每年都會同男朋友食一次德美壽司🎎呢間日式餐廳對我哋有特別嘅意義😉記住提早訂枱 可以打電話📲即日訂枱都可以👍🏼如果唔係就有排等啦餐廳門面裝修真係幾靚🤗💙好似去咗日本咁 次次忍唔住都要喺門口打卡🤩遠距離見到到一排紅紅燈籠🏮🏮🏮🏮就證明你你啱地方啦🎉我哋咁啱星期六去食🤗冇平日晚餐套餐 如果嘅話都幾抵食～影低餐派俾大家下次試一試我哋兩個人叫咗三樣食品每一樣都好好味😋價錢都可以接受😳物有所值而家疫症關係 店內都採用左特別嘅措施🤣一開始個setting我哋都覺得奇怪 唔係俾漏咗筷子呀？？？！原來店員有三杯水上嚟🤪一杯放左筷子🥢 俾你用高溫熱水消毒😊細心位都幾加分😎1）炸雞塊 $45唔會太厚粉 炸完出嚟仲係好Juice2）壽司拼盤B $298壽司好足料 唔係薄薄地一片魚生種類都好多 menu會寫明有咩Sushi 就唔逐一介紹啦 大家可以睇返下面Menu☺️3) 鰻魚炒飯 $105估唔到佢係用石鍋上菜🤣🤣有驚喜不過日式炒飯唔會太乾身 鰻魚味好出色 每一啖都會食到鰻魚用料非常足👍🏼👍🏼叫咗三樣食品 兩個人都抱住個肚走CP值都好高埋單$493

德美（紅磡）店已經有很久歷史，能做了這麼久，仍然非常爆滿，實有原因的，晚上最好訂座，否則平日多數都要等位很久（等半小時以上是平常），店內環境裝修都不錯，但店舖位於橫巷內，天氣酷熱，要在店外等，確實難為客人，中午定食抵食，晚上只在平日星期一至四，設有 2款 2人套餐，十品（連甜品，湯，沙律，炒飯，前菜，天婦羅，牛肉鍋，燒鯖魚，三文魚刺身，共有十款），晚上食日本嘢，算價錢合理，總結亦算美味。。。👍🏻👍🏻💖 ，彈，服務態度確實麻麻，店外等位環境惡劣，熱死客人。。🙄

✨黃埔高CP值居酒屋✨•Hihi~今次同豬豬齊齊補完習食飯😆我哋係小鳥胃x2 所以叫左好少野食only🥺(期望有個大食朋友出現) 呢間係隨便入去嘅😂點知好抵！好好食喎!!!服務都幾好添啊😚黃埔真係好多好嘢食啊不過🥺我！想！住！黃！埔！啊！🥺！•🔸食物簡評(✔️收取加一服務費)•💭祥風燒三文魚丼 $92呢個係dinner set～包沙律同味精湯(兩樣都水準以下🤧)所以講返個丼飯先🤣有三文魚、蟹籽、溫泉蛋🥚！啲刺身份量多～又新鮮😚好好味啊痴線😋飯又超級多...兩個食完全食唔哂🥲我哋直接撈埋蟹籽同溫泉蛋一齊食！口感好豐富😆呢個好抵食!!🧡•💭牛油果軟殼蟹卷 $79呢個好多人嗌!!!一上枱已經覺得賣相好吸引😍外層牛油果好creamy～我唔鍾意食都食哂啊😚內層軟殼蟹炸得好鬆脆可口，炸粉又唔厚🥰同埋真係有成隻軟殼蟹㗎😂但就卷得唔係好實，好易散開～🥶•💭大蝦炸婦羅 $84莹莹話好鍾意食先叫🥰黎到賣相就真係麻麻哋～🤧但蝦大大隻！卜卜脆！🥰係幾好味既😚大蝦無雪味，但就未稱得上新鮮～亦都冇咩油膩感🤣性價比麻麻～整體不過不失啦...🤓•🔸IGable：(不適用於打卡)•值得一提既係呢到係有包廂！約埋一班三五知

不過不失的晚餐星期五晚飯時間，好多餐廳都要排隊，好彩德美比較少人，排咗兩張飛就有位了✌🏻 第一次嚟黃埔呢間德美，之前淨係去過尖沙咀分店。黃埔呢間係分開咗有兩個鋪位，今次被安排坐喺左邊鋪。一入去就聞到有好大浸煙味焗住，我相信冇可能係在座客人食煙，應該係後廚房傳出嚟，呢個位有啲影響我對德美嘅形象😕 而且座位之間有啲迫，店員上菜時都要比較小心。三文魚沙律🥗 (好味道:💛💛💛)三文魚沙律就不過不失啦，因為只係同跟餐嘅普通沙律一樣，加咗幾塊三文魚而已。沙律汁偏鹹，三文魚係新鮮的，但係整體食落冇乜特別，下次唔會再嗌🤫鍋燒烏冬🍲 (好味道:💛💛💛💛)一睇就知材料好豐富，同Menu張相一樣，冇偷工減料！本身以為剩係得一件炸蝦天婦羅，冇其他肉，點知原來有幾舊雞肉🤩食食吓仲發現有兩條獅子狗，係長過平時打邊爐嗰啲😆 除咗金菇，仲有小棠菜同埋娃娃菜，啱晒我呢啲想清清腸胃嘅人👍🏻 烏冬好彈牙，連埋啲湯一齊飲冇得彈！魚子呑拿魚腩茸飯🐠 (好味道:💛💛💛)男友係吞拿魚愛好者，呢個飯仲有魚子陪襯，佢梗係即刻落單啦！ 一上枱見到有一隻生嘅鵪鶉蛋放咗喺頂，覺得好得意好搞笑，要親手將隻生蛋到出嚟🤣 然後再撈匀嚟食。唔使落