德美壽司 (德民街)

营业中

休息中

LUNCH TIME時間，德美真係好多人之前已經食過一次，真係好抵食日式午餐～有質素之餘只係幾十蚊就有交易都唔知邊度搵～今次叫左呢個生薑燒豬肉定食份量真係好碟，炒得好香～而且仲有好多洋蔥就配料～味道唔錯，略嫌多油左Ｄ～希望貴店可以輕手Ｄ就完美啦配埋沙律醬食，更加ＣＲＥＡＭＹ～更加惹味！真係性價比高～係我既飯堂之一！

今日黎到德美壽司食晚餐嗌左一份燒牛扒定食牛扒雖然係薄切 但完全唔會overcooked肉質軟淋 仲超多肉汁牛扒油脂豐富 配埋飯食可以中和油膩感 剛剛好海鮮丼刺身份量非常多 而且味道仲好新鮮非常好味啊然後我地仲嗌左一串燒牛舌同埋雞翼牛舌非常厚切 爽口之餘牛味仲好濃郁雞翼皮燒得香脆 入面非常嫩滑不過就嫌調味唔太夠 如果可以多番少少鹽就perfect~最後仲嗌左一份忌廉蟹肉薯餅薯餅上台熱辣辣 忌廉香滑濃郁 好味到喊出黎 絕對係必食推介

要返工的星期六，偶然會和同事去lunch，而在公司附近嘅德美就係最好的選擇。午餐有好多選擇，但每次都只會叫彩の刺身便當，同事也受我影響，今天一坐低，即叫兩個彩の刺身便當😂刺身嘅帶子食落好鮮甜，軟殼蟹天婦羅，份量有半隻，熱辣辣趣卜卜😋五味壽司醋飯，甜酸度適中，好開胃。下次再來都仲係會叫依個餐😬

壽司其算是很多人都會鍾情的食品。簡單地說許多人都知道香港食壽司的新鮮程度不如日本，而這次疫情下去嚐嚐叫德美的日本食店。一坐下來便隨即點了一份叫 「壽司十貫」的定食。 十件壽司上面蓋著的刺身味道並未有太濃厚，飯亦可能因為醋嘅份量不足而散渙，夾起來有些壽司的飯會掉落，令我有點失望。沙律部份味道不足以用豐富來形容！但不過不失茶碗蒸蛋味香濃算是不錯整體而言 食品賣相不錯 用嚟打卡都算是不錯選擇食品質素不算太好 可以說是以失望嚟形容茶碗蒸Okay（好難失敗嘅食物，除非亂加調味）

好耐冇食過魚生飯，因為疫症問題一直忍口。最近好返啲所以去咗德美食個魚生飯做lunch！北海道三色魚生飯雖然恨食好耐但我比嘅評價都係一般，飯質同魚生嘅手感有啲乾！

估唔到咁夜都好多人係呢間小店食野🌃 呢區有種深夜食堂居酒屋🏮既Feel 主要食小菜飲酒🍻價錢都唔平💰⭐️ 特上壽司拼盤🍣壽司既Presentation 好整齊👍🏻每一塊魚生同飯既比例係一致既✨食落去味道好新鮮 無腥味🐠 種類都係大路野😅有三文魚 吞拿魚 魷魚 帶子 甜蝦等等 唔會食到雪藏味 ❄️值得一讚既係海膽🐡 我本身唔食海膽都覺得十分鮮甜😍 ⭐️ 汁燒魷魚筒 🦑魷魚份量好大條 好彈牙😋 燒汁甜甜地 好入味 🥰但係炙燒感可以濃多D🔥⭐️ 牛油果軟殼蟹卷 🦀軟殼蟹好香口🤣炸得好脆但係唔會成口都係炸粉🍤 壽司同樣整得有心機 唔會一夾全部散曬🍚

呢間位於黃埔嘅德美壽司一直喺呢度街坊嘅食堂午餐尤其抵食想介紹返我哋今次食嘅壽司10貫🍣都只係$139有前菜 味噌湯咁啱坐到起吧枱壽司師傅直接低壽司俾我地雖然只係$139但係都有唔少比較貴嘅食材例如帆立貝 三文魚子 海膽 吞拿魚腩🐟用呢啲料出面食起碼一個set都要$200以上而且十分之好食三文魚子每粒都脹卜卜海膽雖然係加拿大海膽但係都好鮮甜其他魚類都好新鮮唔想比咁貴出去食Omakase呢度頂住檔都唔錯會再嚟幫襯

今日午飯和同事一起去到德美食午市套餐，好多選擇，有烏冬牛肉鍋，鰻魚飯，壽司飯各樣套餐選擇， 10分豐富。今次選了壽司十貫， 138元有齊大部分精選壽司， 包埋蒸蛋， 麵豉湯，沙律和雪米糍。蒸蛋有啲蟹柳冬菇，鮮味蛋都夠玩；麵豉湯幾好，唔太鹹。沙律都好新鮮同埋幾清新好開胃。壽司好新鮮， 刀法好， 刺生肉厚肥潤，份量多， 壽司唔散， 好！ 魷魚好滑，幾好咬口， 蟹子同海膽同吞拿魚都好美味，好新鮮都有佢哋獨特嘅味道。呢個價錢食到呢個水準， 好超值。

聽咗德美壽司呢個大名好耐 今日行開紅磡就試下🥳🥳午餐好抵食 唔洗一百蚊就有個壽司加烏冬套餐😆 有壽司、沙律、茶碗蒸、牛肉烏冬同甜品😋 壽司質素中上 每舊都好大舊😆👍🏻👍🏻 最鍾意食三文魚壽司 魚生新鮮 熟蝦都爽口彈牙 另外個牛肉烏冬都好大碗 牛肉質素都唔錯 值得一試😛😛

lunch又同同事出發搵有咩好食上黎睇到德美壽司 就試一試我地5人無訂位 等左20分鐘先有得入座 入到去 我揀左大牛肉烏冬加壽司3件 同事叫左細牛肉烏冬 加壽司6件牛肉烏冬湯底係類似麵豉湯底 牛肉幾好食 偏薄 壽司有三文魚 蝦同腐皮壽司 壽司幾好食 同事比我食左佢一舊吞拿魚蓉壽司 我發現呢件係冠軍 但可能唔夠醋令舊飯比較鬆散 比較易散開lunch 免加一 食飯或壽司類 有湯 蒸蛋 沙律同甜品跟埋 都幾抵食 下次一定會記得訂咗位先嚟食 店員有禮貌 見我地食曬仲問洗唔洗加茶 先埋單 加分 值得推薦的餐廳👍👍

放假一諗唔到食咩，一家人就會搭車到黃埔德美食lunch 。通常12點我們會到舖頭了，因為角切魚生飯較受歡迎，所以會早些到舖頭進食，而且可以坐卡位，較舒服。德美星期六都有午餐，很抵食：有沙律、麵豉湯、茶碗蒸和糯米糍。角切魚生飯又好足料，飯量正常，食到飽一飽😃而我屋企人就叫了和食定食，都不錯，整個定食有不同配料，有炸豬扒、秋刀魚、刺身和冷海蜇👍👍👍👍入場無幾耐，就全場滿了，不知道是不是關放寬限聚令至四人吧，大家都想出去食好野😀

用餐果日係堂食放寬嘅第一晚，晚上7點黎到，已經滿座，要等一陣。今次係小弟第一次黎德美，雖然好早之前聽過呢間餐廳，但一直冇機會試...好彩等咗15分鐘就有位，仲咁啱係坐房仔，可以比較日式咁坐😂睇下個餐牌，係包羅萬有，連一啲比較冷門嘅刺身同燒物都有，亦有好多款酒。最後決定叫咗一份壽司盛、三文魚腩、鍋燒烏冬、牛油果軟殼蟹卷、蟹籽同埋海膽壽司。侍應就算忙到踢晒腳都好有禮貌，喺香港都幾難得。食物整體都好食，刺身夠新鮮，烏冬都夠熱。特別推介牛油果軟殼蟹卷，等枱見有侍應哥哥拎住好似好食，所以叫，原來真係好得！牛油果夠新鮮，軟殼蟹都幾大隻，又炸得夠脆，暫時食幾家日本餐廳嘅軟殼蟹卷，德美係最好味🤤不過埋單價錢幾貴，2人都要$650左右。

今個星期日，我同朋友一共六個人去食德美壽司。去到嘅時候啱啱開門，冇咩客人，一入去就帶咗我哋去卡位坐。我叫咗野菜牛肉鍋，都幾大份，幾抵食。誠意推介呢間餐廳，性價比極高。

疫情期間都需要預訂的餐廳，可想而知幾受食客歡迎！德美壽司係我最喜愛的日本料理餐廳之一，因為食物質素高，價錢相宜，因此吸引大量回頭客幫襯，我便是其中之一喇！當晚下班後和好友去食飯，甫坐下便有熱茶供應。我們點了活鰻魚朴葉丼、葱粒油甘魚腩茸丼、玉子燒和牛油果軟殼蟹卷。每份定食都會跟沙律前菜和麵豉湯。沙津前菜有蕃茄生菜配上酸酸的柚子醋，令人胃口大開！玉子燒入口軟綿，蛋味濃，是我個人最愛的食物！鰻魚是厚切的，非常肥美！我們都很滿意！好開心呢！有機會再嚟食過！

佢哋嘅lunch set食好抵食, 價錢大概80至$100左右套餐入邊仲包埋湯沙律同茶碗蒸我哋喺附近返工見到呢間舖頭日日都好多人排隊所以就黎試吓。我哋叫咗個香蔥吞拿魚腩茸飯，同埋三色魚生丼，兩碗飯嘅份量都有返咁上下。至於魚生方面都非常新鮮。兩個相比之下我就比較鍾意食蔥吞拿魚腩飯，因為佢哋個魚腩茸雖然有少少根但食得出佢哋用料係新鮮同埋優質嘅，配埋佢哋特製嘅飯非常滿足。至於三色魚生丼就有三文魚帶子同埋白身魚，其實都非常之好食貪心啲比較鍾意食多啲唔同款式嘅朋友可以揀呢個。總括嚟講呢間日式料理嘅嘢食都幾高質性價比都幾高我都推薦大家得閒平日lunch去試吓。