德美壽司

营业中

休息中

喺沙田行完街過咗嚟呢間朋友推介嘅德美壽司，平日晚市幾乎滿座。店員安排咗吧枱俾我哋，可以睇住師傅處理刺身、壽司。🍣 火灸海膽（2件 ) $84 海膽表面用火槍燒過，增添咗唔少香氣。海膽好creamy，味道濃郁而且冇腥味，加上焦香嘅味道加咗唔少分~🍣 煎鵝肝帶子卷 $92 飯卷入面包住青瓜、鵝肝，面頭係帶子同帶辣味嘅脆脆。帶子鮮甜，鵝肝偏乾身但香氣濃郁，加上辣辣地比想像中好食，好惹味。🍣 牛油果軟殼蟹卷（原隻） $88 上枱時好震撼，份量好多，而且軟殼蟹金黃嘅顏色好靚。飯卷上有飛魚子配牛油果，內裏包住青瓜絲及軟殼蟹，好有口感，而且食落唔會鬆散。軟殼蟹炸得好鬆脆但唔油膩，唔會好厚粉漿，配上牛油果好夾！🍣🍚 魚子蔥吞拿魚腩茸丼 $145丼飯可以揀多飯或小飯，我哋叫正常份量感覺都幾多。丼飯有蔥絲、三文魚子、青瓜、吞拿魚腩蓉，加入鵪鶉蛋蛋黃撈勻食更香滑。吞拿魚腩蓉好濃郁而且滑溜，食到一半先發現魚茸嘅厚度同飯嘅厚度一樣，非常誇張絕對唔孤寒！同三文魚子一齊食好滿足~兩份卷物都比想像中大件，埋單嗰陣仲有雪米糍送，食到好飽！太飽冇叫到串燒鍋物，下次再嚟試吓！

魚子蔥吞拿魚腩茸丼 $145 ✔️肥美新鮮嘅吞拿魚腩茸，油脂度非常夠✔️加上大大粒嘅三文魚籽，而陪上香蔥同青瓜，每啖都好fresh同滿足，仲有鵪鶉蛋係面，整體唔會太鹹，剛剛好✔️份量大方值得一讚😸炸雞軟骨 $49✔️先要大讚係個層炸粉好薄，加上沙律醬同七味粉，食落唔熱氣👏🏼✔️炸得香口，質感唔會太乾，外脆爽口燒多春魚 （4條) $40✔️燒得唔會太乾，外脆內軟，而加好香✔️比我想像中大條，都幾抵食蟹籽沙律 $58✔️份量驚人！咁大碟只係$58😂！✔️因為青瓜整體好fresh✔️個汁調得剛好，喜歡佢淡得黎又有少少鹹香，唔會酸！因為質感薄薄，食落冇罪惡感免治雞肉棒 $28✔️有蛋汁可以沾✔️喜歡佢帶有雞軟骨嘅口感，外脆內嫩Overall: 份量勁滿足，所有野都有水準而且唔貴，食完唔會覺得好鹹/好heavy😸呢間已經食過好多次，回訪率90%lgable打卡度：8/10好味度：8.5/10worth revisiting返兜度：9/10

今日早少少收工，入去沙田接老細，順便搵嘢食～～河畔附近都有好多食肆，估唔到德美開到嚟呢度～之前響觀塘食過食物質素都唔錯，沙田呢間店舖裝修仲好有特色，成間居酒屋咁！😻時間尚早，冇乜人～快啲入去點餐！晚餐有好多款可以揀！我當然係食返刺身丼啦！！兩隻甜蝦又大又新鮮，個頭仲有蝦膏㗎！😍三文魚十分肥美，配埋三文魚子，仲有熟三文魚肉，跨代親子丼呀！😝🤭兩粒刺身級帶子，鮮嫩爽甜，點少少醬油同wasabi，滿足口福！！估唔到佢個飯係有野菜同菇絲，口感好豐富！Yummy！老細叫咗吉列豬扒咖哩飯，個咖哩好香～😋日式咖哩唔辣，甜甜哋，啱曬佢！！件吉列豬扒真係炸得好靚！😘👍🏻首先個粉一啲都唔厚，而且見豬扒仲好juicy，好彈牙！！連我唔係太鍾意食吉列豬扒嘅……都忍唔住食咗一件～🤭😅呢度仲有串燒食，所以叫多個雞中翼、虎蝦同埋翠玉瓜～雞中翼燒到皮脆肉香，又唔會太鹹，啱啱好！！虎蝦真係好大隻！！🤗啲肉好爽口，又係燒得啱啱好！椒鹽調味都啱啱好！翠玉瓜落咗少少牛油，燒出嚟好香，仲好juicy添！！佢套餐會跟埋麵豉湯同蕃茄沙律，所以份量真係好足夠，兩個人食都唔使$400，店員仲非常親切，啱曬街坊！

呢個舖面裝修超日式🥹 我比佢個舖面吸引左 然後就入去食 發展入面更有驚喜 好有居酒屋感覺 仲有壽司吧檯 一秒如同置身日本咁 非常之有日本氣氛！🔖鍋燒烏冬 HKD94好豐富、熱辣辣嘅鍋燒烏冬，配料種類多，有雞肉、蛋、蟹棒、竹輪、冬菇、金針菇、娃娃菜。味道清甜，唔會好咸，湯底亦係鮮甜嘅，而烏冬亦煮得恰好、彈牙🔖加州卷 HKD54超大舊嘅加州卷，而且饀料絕不馬虎，有嫩滑香甜嘅玉子燒、蟹棒同青瓜絲等，表面更鋪有滿滿嘅飛魚籽。好食同抵食之選🔖温泉蛋天婦羅 HKD66呢個天婦羅實為一絕，推薦。以天婦羅做法炮製嫩滑、香濃嘅温泉蛋，外層嘅天婦羅炸紙香脆、且有些少咸香嘅調味，配上內裡嘅温泉蛋，更突出蛋香。如再沾上天婦羅汁，令整個味道更突出，再豐富具層次，超正🔖清酒煮蜆 HKD80鮮甜美味嘅清酒煮蜆，蜆肉鮮甜，唔腥唔臭無沙，且肉㸔金彈牙，品質幾高。最重要係真係試到清酒嘅清甜味，咬下蜆肉時，會伴隨蜆肉味，滲出清酒香。高質素嘅清酒煮蜆🔖日式炸餃子5隻 HKD45炸餃子幾好，外皮香脆，肉饀幾有薑味。而點餃子汁後則令味道更清爽啲，同時突出餃子饀味道🔖燒芝士年糕 HKD46好味嘅燒年糕，外層燒得略粉綿，口感好正。內

從前在紅磡返工，德美亦算是午餐之選後來沙田圍這間開幕以後，當每一次掛住日本的味道，我也嚟呢間食吓😋除咗價錢實惠，質素一直都keep住水準👍▫️ 赤蝦雜錦魚生丼 👍▫️ 北海道甜蝦帶子魚生丼魚生丼每一款魚生很新鮮，而且刀工精細～其中赤蝦🦐更為突出，肉質十分爽甜～三文魚🍣亦很肥美✨而且魚生份量足料，幾乎都是厚切，吃起來口感更佳😋丼飯用了醋，醬油，菌類特調～ 米粒十分軟糯，好好入口🫶🏻▫️牛油燒帶子串一串有兩件，帶子邊燒得帶點脆口～▫️ 日式海鮮蒸蛋👍製作需時，但值得等待✨蒸蛋十分滑溜，食起來還有少少柚子香🤩注意餐廳位置唔多，繁忙時間真係全場爆滿🤩 靜雞雞話你知lunch set都好抵架～

呢間餐廳平日晏晝都好難搵位，今次試吓食佢既晚餐😋北海道甜蝦帶子魚生丼丼飯好有心思，白飯之外仲加咗菇同芝麻調味，多咗口感之餘又更加香😍 而刺身就有好多款，蝦、三文魚子、三文魚、三文魚蓉同帶子，全部都好新鮮😆 而且全部都大隻又厚切，好抵食🤣野菜牛肉鍋+手打烏冬呢個鍋既配料又係好多，有冬菇、豆腐、洋蔥、大蔥、蛋同金菇等等。用咗壽喜燒湯底，所以食落比較重甜味😋 牛肉質素都好好，唔係平時既肥牛🤣 牛肉比較厚而且油脂分泌平均😋山賊汁燒牛舌第一次試山賊汁，鹹鹹哋咁幾得意🤣牛舌唔會燒得太硬，食落脆脆哋，好香口🤭赤蝦壽司赤蝦一樣好大隻，而且又係好新鮮🤭

每次返工想食日本嘢，就會嗌呢間餐廳嘅外賣，食物質素永遠都唔會令我失望ヾ(´︶`*)ﾉ♬ #### 1. 三色魚生丼- **價格**：$136- **評價**：呢碗三色魚生丼真係好好味！入面有新鮮嘅帶子同三文魚，每一啖都充滿海鮮嘅鮮味，好滿足(づ′▽`)づ### 總結德美壽司嘅魚生飯無論係新鮮度定味道都好出色，無論係一個人食定同朋友分享都好適合，強烈建議大家嚟試下！食完又有更加多動力做嘢啦！(๑•̀ㅂ•́)و✧

-沙田一向唔少日本餐廳～今次同大家推介，例如生日，週年紀念等，想係沙田近近地食餐性價比高的日本餐，可以考慮呢間 已經encore過幾次。餐廳以木色作主調；師傅話會每日都會有不同時令食材，充滿驚喜 -//牛油果軟殼蟹卷原隻軟殼蟹即點即炸，份量很大很滿足，有拳頭般大//刺身味道較為鮮甜。魚刺身師傅切得好厚身，而且新鮮// 刺身丼左口魚邊十分美味，配埋三文魚子，仲有三文魚，鮮嫩爽甜，點少少醬油同wasabi，滿足口福！

的確係性價比好高嘅日式餐廳， 不過個人認為只限於午市係性價比高，晚市嘅話價錢都冇話特別平🙈食過好多次呢就吞拿魚蓉飯， 新鮮好味，份量超足，啖啖都有好多吞拿魚， 而家望返張相都有啲想再食😂同埋午市定食係會包埋日式茶碗蒸，沙律，麵豉湯，仲有雪米糍一粒作為甜品， 超級豐富，男仔都一定夠飽。而且又唔需要加一，埋單唔使一百蚊。不過留意午市只收現金同埋有入座限時🙈不過明白嘅始終呢個價錢真係好抵，都唔可以要求太多

數年前來吃過這家德美壽司，印象不錯，今天二訪這間餐廳，工作日晚上客人也很多，環境仍然保持一貫的原木日系風格，安排位於bar檯位置，體驗感更勝一籌。日式丼飯選擇很多，點了魚子蔥吞拿魚腩蓉丼。蔥吞拿魚腩毫不吝嗇，口感新鮮，搭配魚子令其口感更豐富，丼飯份量比常見的餐廳多，價錢$145性價比很高。推薦店家的牛油果軟殼蟹卷，份量超多很滿足，原隻軟殼蟹即點即炸，牛油果也是眼見的新鮮，是我吃過最好吃的牛油果軟殼蟹卷！第一次吃雞皮餃子，外皮炸得很香脆，保留到雞皮那種煙韌口感，配著特色醬汁微微辣很好味。油甘魚很肥美，入口很新鮮。花之戀是我很喜歡的壽司，大大口吃下去超級滿足！

有朋友住沙田花園城，間中都會喺嗰邊食嘢，留意咗呢間德美壽司一段時間，今次終於試咗。感覺意料之外嘅好👍🏼，服務有禮，食物質素好！🇯🇵德美海膽魚生丼 $195海膽同魚生好鮮味✨必食推介✨！丼飯唔只係白飯，裡面燴咗醬汁加上東菇絲，有種暖胃嘅感覺，好好味！🇯🇵牛油果軟殼蟹卷(原隻) $88一整隻軟殼蟹再加上鋪得滿滿嘅蟹子，視覺上已經好吸引。當中嘅材料包括牛油果、紫菜、青瓜絲、沙律醬，當然仲有壽司飯。軟殼蟹本身係外脆內軟加煙韌。而其他食材嘅配搭就令口感層次更加豐富，大滿足！🇯🇵免治雞肉棒 $28呢款係貪得意叫嘅，口感鬆軟+爽脆。鬆軟嚟自雞肉，爽脆係因為有雞軟骨。🇯🇵瓜蕃薯天婦羅 $56粉漿唔會太厚，炸得啱啱好！

今晚去朋友屋企附近開餐揀咗食日本嘢 環境裝修得好日式 仲可以睇到師傅即場準備魚生同壽司另外見到仲有間房 啱晒一班朋友聚會🦀牛油果軟殻蟹卷 (原隻)份量好足既卷物 軟殼蟹好香脆 牛油果好Creamy 食落口感豐富🐟鮮蔥吞拿魚腩茸山掛卷吞拿魚腩蓉好夠份量入面撈咗蔥 令口感更有咬感🍜天婦羅烏冬 (冷烏冬)天婦羅有蝦 南瓜 蕃薯 茄子 冷烏冬煙韌彈牙另外仲有隻鵪鶉蛋撈埋嚟食🥚海膽茶碗蒸蛋海膽有2件 蒸蛋夠晒滑溜唔會蒸得過老 即叫即蒸 所以要啲時間出到嚟熱辣辣 小心燙口

今晚去了沙田(河畔花園)沙田圍路田園閣的一間名為"德美壽司"的餐廳晚餐。這裏位置比較偏僻，但有很多不同類型的食店，由沙田圍站步行到這裏都係祇需8分鐘左右，都頗為方便。 這間餐廳的佈置頗有日式feel，環境舒適。進入餐廳裏侍應殷勤地招待，主動的添加茶水，令我有賓至如歸的感覺。 看看menu，這裏的食物種類很多，價錢亦唔貴，真的是性價比高，一時間令我有選擇困難症。 三文魚腩刺身 (腩位6片) $82厚切的三文魚腩肉質鮮嫩，食落感覺肥美，再點上少許日本豉油和日本介辣醬，提升了魚的鮮味。 活鰻魚朴葉飯 $130外層有點焦香的鰻魚食落感覺外脆內軟，肉質非常嫩滑和肥美，飯質感覺綿密，再掛上少許鰻魚醬汁和散發著微微的朴葉香味，令我一試難忘。 野菜牛肉鍋 $98熱辣辣的熱鍋端出來香味四散，鍋裏材料非常豐富，有肥牛、紹菜、洋蔥、大葱、蛋、鮮冬菇、甘荀、小棠菜、金菇、豆腐和薯絲。肥牛感覺嫩滑，食落牛肉的香味滿佈口腔裏，豆腐感覺滑溜，薯絲食落煙靱彈牙，口感十足。這個熱湯吸收了所有材料的精華，非常好味，滿足了我的味蕾。 鹽燒油甘魚鮫 $94油甘魚鮫肉質鮮甜、皮脆肉嫩，食落感覺有微微的咸鮮味和魚肉的香味流進口腔

德美壽司 l 沙田讀書時期已經食過德美壽司🤫今次再食，仍然都係好食🤤【海膽茶碗蒸蛋】$58超級足料茶碗蒸！以呢個價錢，海膽份量真係算係多，海膽鮮甜✨【魚子蔥吞拿魚腩茸丼】$145好耐之前都有食過丼飯，份量多到係可以2個人share嚟食！超級多吞拿魚蓉，上面加上魚子同生鵪鶉蛋✨配埋壽司飯，口感豐富，好滿足！【油甘魚壽司（腩位）】$55【帆立貝壽司】$60油甘魚腩夠晒肥美，入口即化，腩位油脂平衡，食落好鮮甜！厚切嘅帆立貝，好新鮮！👍🏻【芝士鰻魚卷】$72鰻魚的肉質柔嫩，帶有豐富的油脂感，而配搭融化的芝士，反卷變得嚼勁！搭配少許的甜醬油，芝士鰻魚卷的味道非常豐富！🤤Rating: 8.5/10📍德美壽司沙田沙田圍路9-11號田園閣地下E號舖

蟹肉蟹子炒飯，熱辣辣嘅炒飯入面有勁多已拆肉嘅蟹肉，仲有好多蟹子，每啖飯都食到蟹肉蟹子嘅香味，足料又好鮮甜！帆立貝壽司，大大粒又厚切嘅帆立貝好新鮮，仲好肥美！食落口好鮮甜鯛魚壽司好新鮮，肉質細膩，口感仲富有彈性，食落口仲食到魚嘅鮮甜同埋柚子味道油甘魚腩壽司，色澤紋路分布均勻，油脂適中，食落口口感好豐富野菜牛肉鍋熱辣辣上格，牛肉鍋湯底非常濃郁，味道甜甜地！配菜好豐富，有洋蔥、冬菇、白菜、金針菇、溫泉蛋同埋牛肉等等，份量都唔少！粉絲仲吸哂所有湯汁餐廳舒適，食物整體質素都好高，性價比好高嘅餐廳！餐廳店員服務態度好友善，抵讚