德美壽司

营业中

休息中

今日早少少收工，入去沙田接老細，順便搵嘢食～～河畔附近都有好多食肆，估唔到德美開到嚟呢度～之前響觀塘食過食物質素都唔錯，沙田呢間店舖裝修仲好有特色，成間居酒屋咁！😻時間尚早，冇乜人～快啲入去點餐！晚餐有好多款可以揀！我當然係食返刺身丼啦！！兩隻甜蝦又大又新鮮，個頭仲有蝦膏㗎！😍三文魚十分肥美，配埋三文魚子，仲有熟三文魚肉，跨代親子丼呀！😝🤭兩粒刺身級帶子，鮮嫩爽甜，點少少醬油同wasabi，滿足口福！！估唔到佢個飯係有野菜同菇絲，口感好豐富！Yummy！老細叫咗吉列豬扒咖哩飯，個咖哩好香～😋日式咖哩唔辣，甜甜哋，啱曬佢！！件吉列豬扒真係炸得好靚！😘👍🏻首先個粉一啲都唔厚，而且見豬扒仲好juicy，好彈牙！！連我唔係太鍾意食吉列豬扒嘅……都忍唔住食咗一件～🤭😅呢度仲有串燒食，所以叫多個雞中翼、虎蝦同埋翠玉瓜～雞中翼燒到皮脆肉香，又唔會太鹹，啱啱好！！虎蝦真係好大隻！！🤗啲肉好爽口，又係燒得啱啱好！椒鹽調味都啱啱好！翠玉瓜落咗少少牛油，燒出嚟好香，仲好juicy添！！佢套餐會跟埋麵豉湯同蕃茄沙律，所以份量真係好足夠，兩個人食都唔使$400，店員仲非常親切，啱曬街坊！

呢個舖面裝修超日式🥹 我比佢個舖面吸引左 然後就入去食 發展入面更有驚喜 好有居酒屋感覺 仲有壽司吧檯 一秒如同置身日本咁 非常之有日本氣氛！🔖鍋燒烏冬 HKD94好豐富、熱辣辣嘅鍋燒烏冬，配料種類多，有雞肉、蛋、蟹棒、竹輪、冬菇、金針菇、娃娃菜。味道清甜，唔會好咸，湯底亦係鮮甜嘅，而烏冬亦煮得恰好、彈牙🔖加州卷 HKD54超大舊嘅加州卷，而且饀料絕不馬虎，有嫩滑香甜嘅玉子燒、蟹棒同青瓜絲等，表面更鋪有滿滿嘅飛魚籽。好食同抵食之選🔖温泉蛋天婦羅 HKD66呢個天婦羅實為一絕，推薦。以天婦羅做法炮製嫩滑、香濃嘅温泉蛋，外層嘅天婦羅炸紙香脆、且有些少咸香嘅調味，配上內裡嘅温泉蛋，更突出蛋香。如再沾上天婦羅汁，令整個味道更突出，再豐富具層次，超正🔖清酒煮蜆 HKD80鮮甜美味嘅清酒煮蜆，蜆肉鮮甜，唔腥唔臭無沙，且肉㸔金彈牙，品質幾高。最重要係真係試到清酒嘅清甜味，咬下蜆肉時，會伴隨蜆肉味，滲出清酒香。高質素嘅清酒煮蜆🔖日式炸餃子5隻 HKD45炸餃子幾好，外皮香脆，肉饀幾有薑味。而點餃子汁後則令味道更清爽啲，同時突出餃子饀味道🔖燒芝士年糕 HKD46好味嘅燒年糕，外層燒得略粉綿，口感好正。內

德美壽司 l 沙田讀書時期已經食過德美壽司🤫今次再食，仍然都係好食🤤【海膽茶碗蒸蛋】$58超級足料茶碗蒸！以呢個價錢，海膽份量真係算係多，海膽鮮甜✨【魚子蔥吞拿魚腩茸丼】$145好耐之前都有食過丼飯，份量多到係可以2個人share嚟食！超級多吞拿魚蓉，上面加上魚子同生鵪鶉蛋✨配埋壽司飯，口感豐富，好滿足！【油甘魚壽司（腩位）】$55【帆立貝壽司】$60油甘魚腩夠晒肥美，入口即化，腩位油脂平衡，食落好鮮甜！厚切嘅帆立貝，好新鮮！👍🏻【芝士鰻魚卷】$72鰻魚的肉質柔嫩，帶有豐富的油脂感，而配搭融化的芝士，反卷變得嚼勁！搭配少許的甜醬油，芝士鰻魚卷的味道非常豐富！🤤Rating: 8.5/10📍德美壽司沙田沙田圍路9-11號田園閣地下E號舖

蟹肉蟹子炒飯，熱辣辣嘅炒飯入面有勁多已拆肉嘅蟹肉，仲有好多蟹子，每啖飯都食到蟹肉蟹子嘅香味，足料又好鮮甜！帆立貝壽司，大大粒又厚切嘅帆立貝好新鮮，仲好肥美！食落口好鮮甜鯛魚壽司好新鮮，肉質細膩，口感仲富有彈性，食落口仲食到魚嘅鮮甜同埋柚子味道油甘魚腩壽司，色澤紋路分布均勻，油脂適中，食落口口感好豐富野菜牛肉鍋熱辣辣上格，牛肉鍋湯底非常濃郁，味道甜甜地！配菜好豐富，有洋蔥、冬菇、白菜、金針菇、溫泉蛋同埋牛肉等等，份量都唔少！粉絲仲吸哂所有湯汁餐廳舒適，食物整體質素都好高，性價比好高嘅餐廳！餐廳店員服務態度好友善，抵讚

沙田除咗新城市多美食，其實周邊都有唔少隱世嘅美食餐廳，就好似係沙田圍站附近嘅呢間食日本菜嘅---🌟德美壽司🌟餐廳平日夜晚都好full下，餐牌上嘅日式菜單好豐富，除咗丼飯、壽司，仲有好多款式嘅新鮮刺身。._.🥗 | 三文魚籽蟹肉沙律 | 🥗沙律都有款式，每款配撘都好吸引🤩一上枱大大碟，蟹肉佈滿沙律菜，而且啖啖蟹肉拆出黎，每啖配埋清新爽口嘅沙律菜一齊食好有口感。·🧡 | 蟹肉忌廉薯餅 | 🧡小食點咗呢個，炸到外層脆口，裏面充滿香濃嘅忌廉同蟹肉口感，點上沙律醬食，好惹味。·🐟 | 魚子蔥吞拿魚腩茸丼 | 🐟丼飯選擇都好多，有得選擇定食套餐，丼飯上嘅吞拿魚蓉分量多，仲夾雜住三文魚籽同芝麻粒，充滿口感，個有芝麻嘅香。·🦀 | 牛油果軟殼蟹卷 | 🦀軟殼蟹成隻脆炸，炸到好香脆，軟殼蟹炸到外脆裏面腍身可以成隻食，大大件分成四件壽司卷，好大舊，視覺效果都好震撼，大件到一啖都食唔曬🙊._.

呢間好耐之前食過一次～今次再去，不過今次去沙田呢間分店試吓•軟殼蟹牛油果壽司卷💕呢個真係好好味，冇諗過軟殼蟹係有咁多 ，其實都有啲誇張😮😮我影得衰冇咗個尾 其實壽司卷後面其實都仲有軟殼蟹😂🤣🤣••特色豆腐～呢個基本上都係去親啲日式餐廳必叫～連呢度都冇令我失望，外脆內軟～最緊要我通常喺呢方面有個原則😳😳亦都係我經常好堅持嘅一個重點…..就係夠熱辣辣🤩👍🏻••鯖魚份量都幾多幾大隻👍🏻

德美都有幾間分店, 以前係尖沙咀返工, 都成日同同事去食午餐, 覺得佢食物有質素, 今次就同朋友試下沙田呢間, 店舖裝潢比較日本居酒屋特色, 坐位有bar枱和普通長形枱和木椅~*上壽司拼盤(A) $268吞拿魚、三文魚、池魚、油甘魚、帆立貝、鰻魚、蝦、三文魚籽、沢庵卷壽司每款各一件, 擺盤依舊美觀, 刺身很新鮮和厚身, 我特別喜愛帆立貝, 厚身鮮甜, 啖啖刺身, 還有三文魚籽, 在口中跳舞一樣~*活鰻魚朴葉飯 $130一打開熱辣辣的, 用朴葉一齊烹調比較特別, 鰻魚十分厚肉肥美，加埋鰻魚汁，蛋絲, 和日本米白飯一起吃, 好味, 很滿足, 呢個之前食過, 保持水準*鹽燒鯖魚 $78 ~ 魚身厚肉大塊, 魚皮燒至香口, 配埋酸汁, 白蘿蔔蓉, 捉升味道

由於平日夜晚喺新城市廣場唔想排隊，所以朋友帶我行去沙田圍個邊既小店食飯🎏🍱 上壽司拼盤（A）$268 啲壽司既配搭都幾有誠意有吞拿魚 帆立貝 三文魚籽 油甘魚 池魚等等有一半都係啲貴價野刺身算幾厚切又新鮮😊 唔錯🐡味醂雞泡魚干 $68 味醂嘅甜味渗透入肉中，魚干又咸香咸香，真係令人食唔停！就算唔配酒，同朋友邊傾偈邊食都正！🍲野菜牛肉鍋 $98 $100唔駛就有個熱辣辣既鍋物，好啱share食牛肉份量都唔少，而且唔係得啲肥膏邊邊位最鍾意食完生冷野飲碗熱湯配粉絲🥰🍣加州卷 $54 睇相唔覺，實物係超大舊😂😂雖然加州卷唔係貴野，但師傅未免太豪爽了吧🤣🥰

講真，除非你去日式料理店淨係諗住食飯同埋麵，如果你想食壽司魚生嗰啲真係好唔抵食，講緊平均$50-60先得兩舊壽司，我要食幾多嚿先夠飽…食物賣相係唔錯嘅，但食落唔係特別好食，尤其個沙律好奇怪係鹹嘅，條鯖魚都係比較鹹同埋嚡口，唔值得試…壽喜燒湯底偏甜，視乎個人口味啦服務質素都係一般般，可能比較多兼職店員，問野的話，唔同職員有唔同答案，而且訂左位都要等位，座位唔特別舒服位置本身都唔特別方便，我就唔會再特登過去食了

數數下手指原來已經有10年冇食過德美壽司細個嘅時候覺得貴 估唔到大個咗 市場既物價 去到我覺得性價比好高😆今日嚟到沙田嘅分店 梗係坐喺我最鍾意嘅壽司吧枱啦牛油果軟殼蟹卷 $88 大推！ 原隻嘅軟殼蟹 再加上師傅一啲都唔吝嗇嘅飛魚子😍$88真係超級抵食 🫰🏻免治雞肉棒 $28 燒汁好香 肉棒入邊仲有雞軟骨勁有口感$28但係一啲都唔渣流仲配埋個鵪鶉蛋 食嗰陣時點落去超級滑溜油甘魚腩壽司 $55 赤蝦壽司 $48 火炙鰻魚 $48赤貝壽司 $80 特別推介赤背同埋油甘魚腩 雖然赤貝唔算好大隻 但係佢係新鮮赤貝睇住師傅喺眼前拍一拍 見到佢會捲起證明食材真係好新鮮👍🏻三文魚茶漬飯 $74 茶漬飯最緊要就係個湯 湯夠熱 有種鮮味😻 加埋粒粒配料 推介🫶🏻德美壽司📍 沙田沙田圍路9-11號田園閣地下E號舖

去探朋友，朋友說屋企附近有一間美味的日式餐廳帶我來吃飯，原來是德美，早前曾吃尖沙咀分店，確是不錯。帆立貝刺身：鮮美可口，口感爽脆，入口即化。三文魚腩刺身：鮮美可口，油脂分佈平均。牛油燒帶子串：牛油香氣四溢，帶子的鮮味，兩者混合在一起，使外皮酥脆可口，內裡肉質鮮嫩多汁。鮮蔥吞拿魚腩茸山掛卷：賣相吸睛，鮮蔥吞拿魚腩茸份量多，卷內有少量青瓜絲，使鮮蔥吞拿魚腩茸山掛卷鬆軟可口。野菜牛肉鍋：牛肉鮮味與野菜結合，湯底香甜。山賊汁燒牛舌：牛舌的肉質鮮嫩多汁，山賊汁感覺像是燒汁加蒜頭及黑椒粒。火灸鰻魚壽司：外皮酥脆可口，鰻魚肥厚美味。

人氣日式餐廳內外餐廳環境都很日式👘/🍱上壽司拼盤🍣吞拿魚、三文魚、池魚、油甘魚、帆立貝、鰻魚、蝦、三文魚籽、沢庵卷🐟擺盤挺精緻壽司上的刺身新鮮🌊刺身每件都很厚 尤其是鰻魚 帆立貝 蝦啖啖都是鮮味 正❣️.🍱天婦羅熱烏冬定食🥗沙律 新鮮蔬菜🍤雜錦天婦羅 蝦 雜錦蔬菜 番薯 南瓜 茄子等等🍆🎃🍲熱烏冬巨碗日式熱烏冬烏冬口感煙靭 很不錯✅豐富的定食😊.🍱三文魚刺身超級的厚 口感軟腍新鮮啖啖肉 很滿足☺️

沙田圍必食推介 — 德美壽司🎏 餐廳食物質素好 午市性價比極高 😋 午市定食除咗主食以外 仲包咗沙律、麵豉湯、茶碗蒸 豐富午餐大滿足 每次食完都好飽🤩前菜沙律應該落咗柚子醋 酸酸甜甜好開胃 🥗 麵豉湯同茶碗蒸都係熱辣辣嘅 想講茶碗蒸嘅蛋好滑 係嫲嫲最愛 就算嫲嫲平時好細食都會自己食曬成杯 ❤️ 今日同屋企人一齊食lunch 我就揀咗銀鱈魚西京燒定食 🐟 不負所望 銀鱈魚肉質好嫩滑 西京燒汁微甜 仲可以沾沙律醬 餸飯食一流 👍溫馨提示：午市只收現金💰

去左沙田圍探個舊同事, 同事當然帶我去食好野. 附近有間隱世居酒屋，D食物水準好高,好新鮮. 居酒屋嘅門面幾靚, 入到餐廳感覺幾有, 店員都有好nice , 安排左BAR 枱可近距離睇到師傅做食物. 同事食開, 交俾佢發板. 小食枝豆 -  新鮮開甜.   牛油果軟殼蟹卷 (原隻)  - 上菜時已經覺得超靚， 軟殼蟹炸得超香脆肉嫩，配香滑牛油果同搭配蟹籽沙律醬青瓜，口感層次豐富。 油甘魚腩刺身（６件）—  勁厚切，超鮮甜， 鮮美可口，入口即溶什錦天婦羅  —  炸得好香脆, 兩隻大蝦肉嫩, 蝦頭都食埋 鰻魚炒飯  —  用燒熱左既石鍋上菜勁香，香味鰻魚肉同鰻魚汁，配上粒粒分明的炒飯，鹹香可口，份量十足高質居酒屋，一定要多D探舊同事先得 ,再去番食.📍德美 (沙田)沙田沙田圍路9-11號田園閣地下E號舖

蟹肉蟹子炒飯$98材料豐富有蟹肉，蟹籽，鳴門卷，獅子狗卷，雞蛋，蔥花，木魚花用石鍋享用，保持食物嘅溫度，好新鮮，炒得好香口。蟹籽軟殼蟹手卷$48軟殼蟹炸得好香脆，配上青瓜絲，味道清新。蟹膏軍艦$58蟹膏味道比起其他壽司店濃郁鮮甜。三文魚壽司$32三文鱼口感爽滑，肥而不腻。仙鳳趾真蠔$98海水味較重，–口感飽滿細膩。焦糖菠蘿串$27脆卜卜焦糖，配上菠蘿，超級好食。鹽燒雞翼$32焦香嘅外皮，簡單嘅鹽燒已經絕配。德美壽司 (沙田)沙田沙田圍路9-11號田園閣地下E號舖