德興小廚

营业中

休息中

對於無飯主婦的我，發現了東涌裕東苑樓下商場開咗三餸飯店叫「德興小廚」，琳瑯滿目的中式小菜，餸菜美味份量又大，好值得幫襯！兩餸三餸飯菜品選擇非常多，不論係吃素者都兼顧，食肉獸都一定搵到選擇，菜品多達二三十種，目不暇給。肉類有：椒鹽雞翼、椒鹽豬扒、蕃茄炒肉片、雞髀、每樣菜鑊氣十足，隔住個玻璃望讓人垂涎三尺。海鮮類有：椒鹽九肚魚，豉汁蒸黃立䱽、西蘭花炒鮮魷等等。素食有：清炒時蔬，紅燒豆腐、三色蒸水蛋。我選擇咗甜酸平衡的咕嚕肉、夠曬咸的三色蒸水蛋、椒鹽雞翼、嗜辣者仲可以食麻辣雞翼、冬天必選枝竹火腩、西蘭花炒蝦、每樣餸菜都熱辣辣，用料上乘，搵日唔煮飯都會買餸加料。總結：抵食夾大件東涌兩餸飯之選

最近我光顧了這家「德興小廚」三餸飯店。這家店有多款選擇，而且餸菜味美，份量又大，非常值得幫襯！這家店的三餸飯菜單非常豐富，提供多達二十多種餸菜的選擇，滿足不同顧客的口味需求。無論是熱愛肉類的食客，還是偏好素食的顧客，都能在這裡找到合適的選擇。．肉類選擇包括椒鹽豬扒、酥炸雞翼、蕃茄炒肉片等等，每道菜都展現出不同的風味和烹調技巧。．海鮮選擇如西蘭花鮮魷、椒鹽九肚魚等，保留海鮮新鮮感。．素菜選擇如清炒時蔬、紅燒豆腐等，讓素食者也能享受到豐富的美味。而我選擇了肉餅、漁香茄子、咕嚕肉、蒸蛋和蘿蔔牛腩等。肉餅鮮嫩多汁，肉質彈牙，調味恰到好處；咕嚕肉的糖醋味道平衡得很好，肉外脆內嫩，味道酸甜適中……每道菜都各有特色，屬上乘的三餸飯菜。德興小廚 (東涌)地址：東涌怡東路8號裕雅商場地下6號舖

平時好少食二餸／三餸飯，但今日趕住開餐，同同事一人買一盒當午餐。位於東涌裕雅商場嘅德興小廚，店面唔算大，但整體擺放整齊，環境光線明亮，方便客人點餐。德興嘅選擇幾豐富，無論系炸雞亦、原隻雞脾，還是葡汁雞、肉餅、粟米班塊，睇到眼花繚亂。尤其系可以揀原條蒸魚，性價比更是提升不少。今日點咗兩個飯盒，分別系咖哩雞、大隻炸雞脾同黑椒豬排，份量十足。咖哩雞醬汁濃郁，非常好下飯。炸雞脾外脆內嫩，油炸至金黃色，咬下去嘅瞬間，肉汁四溢，讓人欲罷不能。其他嘅餸菜味道都唔錯。值得一提的是，呢度有學生優惠，整體性價比提升不少。

東涌抵食嘅雙餸飯，餸菜款式眾多，有十幾二十款揀，而且每日都有唔同嘅口味，食足一個星期都唔會重覆。青咖喱雞肉咖喱有淡淡嘅椰香，雞肉嫩滑仲有茄子做配菜。羊腩煲天氣開始轉凍，食返個羊腩煲特別暖胃，羊肉羶香嫩滑，配菜嘅枝竹冬菇夠晒入味。豆豉蒸䱽魚原條魚，大大條，多魚肉，加咗豆豉唔怕腥。炸雞翼想食啲香口啲嘅嘢可以揀炸雞翼，皮薄香脆，而且有四隻份量都唔少。鹹蛋蒸肉餅肉嫩多汁，不會好結實，最開心當然係有鹹蛋☺️，令肉餅即刻不單調。蒜蓉炒菜心飲食最緊要均衡，菜類嘅選擇都好多，有菜心、西蘭花、生菜等。咕嚕肉咬下去，酥脆的外皮，內裏係軟軟的豬肉，醬汁酸甜，色澤誘人。

第一次試德興小廚，價錢實惠，菜式嘅選擇也很多，而且份量超大份，啱晒我呢啲大食嘅人.同時味道都唔錯😛 係東涌食物選擇唔多嘅情況之下係幾標青 性價比高，肯定會再嘗試.職員都幾熱情 會介紹唔同嘅菜式 邊款好食嘅餸俾我哋參考 抵讚👏🏻👏🏻👏🏻👏🏻👏🏻👍🏻👍🏻喺東涌住咗幾年，睇住唔同嘅屋苑落成，同時又有唔同新嘅餐廳比大家選擇，其實都幾開心.期望之後會有更加多更好嘅選擇可以比我哋嘅居民嘗試.

真係好難得東涌有兩餸飯既選擇，因為住東涌既人就知平野食真係吾多，同埋依間既食物質素性價比都幾高，食落亦幾岩中意健康少油既人士，尤其係蒸物吾錯！希望有更加多餸菜選擇！

全部職員極之冇禮貌， 貼錢買難受， 啲嘢食又重味精又口渴， 多春魚一條完整嘅唔畀喺你面前將佢夾返曬出嚟畀爛嘅我地， 入去買過就知道發生咩事，態度極差， 悔氣加趕客， 眼神同講嘢都極之唔友善