影片
招牌菜
疫情下我个小朋友叫外卖早餐，送到上黎点知比错，然后打电话落去叫佢地跟进，点知都系送错，员工态度好差话又唔睇清楚，咁点会知道你地咁叻第二次都系送错仲要话番人地转头🤬🤬🤬正常你地都会讲句唔好意思啦，但你地唔觉有问题仲要濑落个客度，你地野食已经唔系好食仲要咁差既态度，简直系垃圾😡😡😡个早餐雪菜公仔面，肠仔加火腿，点知送到上黎变左雪菜米粉，打落去叫佢地跟进，再送上黎叻到肠仔同火腿冇埋，仲好意思同我个仔讲唔睇清楚，你地冇野吖嘛，哩间野唔会再帮衬，垃圾🤬
继续阅读
今朝买个早餐俾小朋友食，见佢有蕃茄螺丝粉㖞，啱晒小朋友啦，点知一俾小朋友食👶🏼「哗，好辣呀！」👩🏻「吓，蕃茄螺丝粉点会辣呀？」👶🏼「真系好辣呀！」我地即刻试下啦👩🏻「哗，真系好辣呀？仲辣过辣椒医？」👨🏻「哗，咁辣我都食唔到呀」咁我即刻打落去问下啦👨🏻「想问吓你个蕃茄螺丝粉辣架咩」👩🏽🍳「系辣架㖞，蕃茄汤吖嘛，我地落左tabasco」👨🏻「吓，你冇话系辣㖞」👩🏽🍳「咁我地用罗汤系辣架嘛」（佢真系讲「罗汤」，唔系讲「罗宋汤」）👨🏻「咁你要写明吖嘛，等我仲买俾小朋友食」👩🏽🍳「唉，阿老细你自己搞掂佢喇」👨🏽🍳「咁我地个蕃茄汤系辣架嘛，个个都知啦」👨🏻「咁你冇写我又点知呢？等我仲买俾小朋友食」👨🏼🍳「咁我又点知你买俾小朋友食啫，你讲吖嘛」👨🏻「你唔写又点知系辣呢」👨🏽🍳「咁个个都知系你唔知」👨🏻「第一次帮衬又点会知」👨🏽🍳「咁咪系啰，你第一次帮衬嘛」👨🏻「咁你冇写辣我又点知，得啦，咁以后唔会帮衬你啦」👨🏽🍳「你咪唔好帮衬啰」请问各位高人个餐牌边度有写用罗宋汤，边度有写个蕃茄汤系辣呢？如果想食Tabasco螺丝粉，真心推介你去，不过记得问清楚系咪辣先㖞，阵间佢又转左唔辣又话你冇讲架喇。
继续阅读
粉岭联和墟人，好多都识德记，今年2-3月左右转咗手，好似冇之前咁好食，选择更加少咗好多。今日食 牛奶麦皮 配 吞拿鱼三文治看底，加热奶茶，其实牛奶麦皮有源用上手份量做法，仍然香滑好味，但个吞拿鱼治，吞拿鱼酱少到食唔到，以前好多酱架，不过，d生菜新鲜都补救到少少。奶茶，茶味唔够😅服务就，睇下我只奶茶碟，原本系少少，佢上三文治时撞到，就倒咗咁多出黎🙈
继续阅读
粟米斑腩饭 $42.叫左少饭，但似乎无少到.粟米唔算多，取而代之多左小白菜、甘荀、木耳，都几多元化.主要问题出系鱼柳上，比琴日更厚粉，粉同真正鱼肉大约五五开，低质左少少.冻奶茶叫左多奶、走冰、少甜，有做到多奶、走冰，但仍然偏甜
继续阅读
今日，又黎联和墟觅食。宝宝介绍呢间德记茶餐厅，系屋苑仔入面，主要做街坊生意，有外卖服务，所有食品都系即叫即做，所以等候时间相对较耐。下午茶，我地最钟意叫炸鸡脾薯角，加埋野饮都系三十蚊，外卖加一。炸鸡脾，有我只手掌咁大只，即叫即炸，所以小心d油仲系热架！鸡皮炸到好脆，但鸡肉仲系好嫩滑，亦唔会炸得太干，鸡肉汁锁住系鸡脾入面好味炸薯角，份量都几多，又系炸得岩岩好，薯仔既份量多过面粉。冻奶茶，茶味浓，香滑好饮，甜度刚好。因为系做街坊生意，呀姐同d客人都有讲有笑，充满亲切感。
继续阅读