德記茶餐廳

营业中

休息中

疫情下我個小朋友叫外賣早餐，送到上黎點知比錯，然後打電話落去叫佢地跟進，點知都係送錯，員工態度好差話又唔睇清楚，咁點會知道你地咁叻第二次都係送錯仲要話番人地轉頭🤬🤬🤬正常你地都會講句唔好意思啦，但你地唔覺有問題仲要瀨落個客度，你地野食已經唔係好食仲要咁差既態度，簡直係垃圾😡😡😡個早餐雪菜公仔麵，腸仔加火腿，點知送到上黎變左雪菜米粉，打落去叫佢地跟進，再送上黎叻到腸仔同火腿冇埋，仲好意思同我個仔講唔睇清楚，你地冇野吖嘛，哩間野唔會再幫襯，垃圾🤬

今朝買個早餐俾小朋友食，見佢有蕃茄螺絲粉喎，啱晒小朋友啦，點知一俾小朋友食👶🏼「嘩，好辣呀！」👩🏻「吓，蕃茄螺絲粉點會辣呀？」👶🏼「真係好辣呀！」我地即刻試下啦👩🏻「嘩，真係好辣呀？仲辣過辣椒醫？」👨🏻「嘩，咁辣我都食唔到呀」咁我即刻打落去問下啦👨🏻「想問吓你個蕃茄螺絲粉辣架咩」👩🏽‍🍳「係辣架喎，蕃茄湯吖嘛，我地落左tabasco」👨🏻「吓，你冇話係辣喎」👩🏽‍🍳「咁我地用羅湯係辣架嘛」（佢真係講「羅湯」，唔係講「羅宋湯」）👨🏻「咁你要寫明吖嘛，等我仲買俾小朋友食」👩🏽‍🍳「唉，阿老細你自己搞掂佢喇」👨🏽‍🍳「咁我地個蕃茄湯係辣架嘛，個個都知啦」👨🏻「咁你冇寫我又點知呢？等我仲買俾小朋友食」👨🏼‍🍳「咁我又點知你買俾小朋友食啫，你講吖嘛」👨🏻「你唔寫又點知係辣呢」👨🏽‍🍳「咁個個都知係你唔知」👨🏻「第一次幫襯又點會知」👨🏽‍🍳「咁咪係囉，你第一次幫襯嘛」👨🏻「咁你冇寫辣我又點知，得啦，咁以後唔會幫襯你啦」👨🏽‍🍳「你咪唔好幫襯囉」請問各位高人個餐牌邊度有寫用羅宋湯，邊度有寫個蕃茄湯係辣呢？如果想食Tabasco螺絲粉，真心推介你去，不過記得問清楚係咪辣先喎，陣間佢又轉左唔辣又話你冇講

粉嶺聯和墟人，好多都識德記，今年2-3月左右轉咗手，好似冇之前咁好食，選擇更加少咗好多。今日食 牛奶麥皮 配 吞拿魚三文治看底，加熱奶茶，其實牛奶麥皮有源用上手份量做法，仍然香滑好味，但個吞拿魚治，吞拿魚醬少到食唔到，以前好多醬架，不過，d生菜新鮮都補救到少少。奶茶，茶味唔夠😅服務就，睇下我隻奶茶碟，原本係少少，佢上三文治時撞到，就倒咗咁多出黎🙈

粟米斑腩飯 $42.叫左少飯，但似乎無少到.粟米唔算多，取而代之多左小白菜、甘荀、木耳，都幾多元化.主要問題出係魚柳上，比琴日更厚粉，粉同真正魚肉大約五五開，低質左少少.凍奶茶叫左多奶、走冰、少甜，有做到多奶、走冰，但仍然偏甜

皇牌咖哩（魚柳）$42 .咖哩味道幾好，但如圖所見，頗油.入面除左魚柳，有洋蔥、青椒、薯仔等配菜，幾好食 .反而魚柳本身一般，好厚粉，可能有炸過；但外賣浸係汁度咁耐，一早淋哂，其實多此一舉 😐.凍檸茶有跟要求，走甜、走冰，like 👍🏻

今日，又黎聯和墟覓食。寶寶介紹呢間德記茶餐廳，係屋苑仔入面，主要做街坊生意，有外賣服務，所有食品都係即叫即做，所以等候時間相對較耐。下午茶，我地最鐘意叫炸雞脾薯角，加埋野飲都係三十蚊，外賣加一。炸雞脾，有我隻手掌咁大隻，即叫即炸，所以小心d油仲係熱架！雞皮炸到好脆，但雞肉仲係好嫩滑，亦唔會炸得太乾，雞肉汁鎖住係雞脾入面好味炸薯角，份量都幾多，又係炸得岩岩好，薯仔既份量多過麵粉。凍奶茶，茶味濃，香滑好飲，甜度剛好。因為係做街坊生意，呀姐同d客人都有講有笑，充滿親切感。

今日無聊周圍去.見到有間新野未試過咪去試下，入到去都算整齊，入去滿晒人都係等左4分鐘就有位，食左個咖喱飯同個豬扒包，一個字正，但個包最好多返D沙律醬就一流，因為佢地D豬扒包唔同出面，啖啖肉，又厚，又無骨，可惜無晚飯，如果唔係可以試下

開頭見佢招牌陪光線好似幾好,之後同女朋友入去試下,叫左咩野雞肉意大利粉,咖哩豬扒飯,d雞肉冇味加上d意大利粉好似變變地..食左少少唔想再食,個咖哩仲衰,都唔似出面食既咖哩.味道勁淡,都唔知咩人整可以咁難食,仲有果日見到佢入面地方出表就靚,但座係入面望真d,真係食唔落飯,仲要係入面冇咩人招呼,座左唔夠廿分鐘就走人啦我諗大家都係唔好去啦 !!

單看個賣相已經夠哂吸引，咖哩入口味道正，送飯無得項。奶油同蘑菇的配合真是一流，仲有d意利粉超滑!**粉嶺聯和墟榮福個頭新開左間茶餐廳，叫做「德記茶餐廳」，於是同老公及個女入左去試下。得到老闆娘的熱切招待，佢仲介紹左佢地的招牌菜給我同老公食。個度食晚餐的費用唔貴，而且轉凍飲仲唔駛加錢添。食物來的時候，簡直喜出望外。食物的賣相非常吸引，令人流哂口水，味道十分好。而呢個價錢食到咁的菜式，真係超值。不過，如過要食佢地的晚餐，就要到星期六或日才可以，因為呢兩日佢地會開夜D，收9時。好彩，佢地都可以叫外賣送餐，如果平時想食，打個電話咪就得囉。如果你地都係粉嶺的一分子，真係要來呢度試下啦!**