心怡甜品

营业中

休息中

#20250207 🤍📍 #心怡甜品 @anna_dessert88 佐敦吳松街107號地舖➖➖➖➖➖➖➖➖➖➖➖➖➖➖➖➖➖#雪蓮子桃膠燉雪燕 $52 🥢 #湯圓 #3粒 +$10💭 附近食完飯好想食碗港式糖水，本身係想去 #佳佳甜品 試下，一去到見到個人潮真係諗都唔使諗就調轉頭走人🙈於是搵到附近仲有呢間，啲料大約有兩羹左右，其餘都係糖水，甜度有啲超乎想像，湯圓皮幾煙韌，係略嫌個餡唔夠流心有啲太實🍡其實over $60碗糖水真係有啲嗱脷，差唔多可以食個飯，所以要求相對會高啲，而老實講呢個有啲below average🫢.#佐敦美食 #🐷在佐敦 #🐷_食

年輕男店員落單嘅時候冇反應冇回覆，完全唔知佢係收唔收到，聽唔聽到，好似未瞓醒咁語氣亦冇乜禮貌可能10點太夜啦，兩個店員出單出餐都好似係到遊魂甜品水準不過不失，都算正正常常，加油啦🙂‍↔️🙂‍↔️

咁啱經過佐敦嚟食糖水，叫咗兩款香港糖水，分別係金龍吐珠同椰奶竽圓西米露。金龍吐珠有芒果龍眼同黑珍珠配搭西米，味道鮮甜清爽。芒果同龍眼嘅組合帶出咗果香同果汁嘅鮮味，而黑珍珠同西米嘅口感更加豐富，加埋甜甜地糖水入口，真係令人回味無窮。而椰奶竽圓西米露以椰奶為底，加入新鮮竽圓同西米，帶出椰香濃厚嘅滋味。椰奶嘅香甜同竽圓嘅清香交融，配合著軟綿嘅西米，一碗暖暖地嘅椰奶竽圓西米露，真係係嚟一個香港嘅午後最適合唔過嘅甜品。兩款糖水各有特色，金龍吐珠帶有芒果龍眼嘅獨特風味，而椰奶竽圓西米露則展現椰香濃郁嘅滋味。不論係炎熱天氣定係寒冷天氣，飲返一碗香甜嘅港式糖水，總係可以帶嚟一陣清涼同滿足嘅感覺。😄😄

佳佳太多人，大熱天時唔想行太遠，想找個位坐同朋友吹多陣所以都冇望清楚就坐入去，想住港式糖水難食都有個譜，基本的港式楊支金露應該有掛，但佢個圖係奇奇怪怪咁，就唔敢試。想左一大輪點左紅豆相思（見圖有人氣推薦），但睇圖唔知道原來係椰汁西米露撈仙草，問店員時佢話涼粉（我想住係落花奶）落單後先知係仙草，想住差不多，間野想唔到食乜就唔改，點知個椰汁西米露勁甜。我係食得好甜的人，都頂唔到，真係唔多人頂到呢個甜度。想住淨食仙草，點知仙草都甜，總結係十級難食。朋友叫腐竹糖水，又係勁甜，對比椰汁西米露，咁呢碗野就唔算甜，西米露係呢碗野幾陪。朋友只能吃蛋，但蛋冇味。最正常係芒果雙丸，叫可以入口，但朋友都只係食左一半，我覺得出面叫一杯芒果沙冰，會好過佢🤣坐位很窄，坐得唔舒服，入去幫襯要三思🤣🤣🤣

與朋友短敍時吃，見旁邊大街小館結業後才嘗試這間。一進去見店員十分懶散，沒有即時安排座位反而在玩電話。在吃到最後時，有位男人衝進來指着我們枱大叫「執枱」然後即時離開。我們感到十分震驚，其他食客也嚇到了。再追問下得知他是老闆。雖然不知道他想斥責他的員工不收拾還是想趕我們離開。身為一個老闆作此般舉動令食客感覺十分差。好像被監視一樣。加上食物味道一般而且真的是名乎其實的食「糖水」，不會再來，也不推薦大家。

每次嚟親佐敦除咗「佳佳甜品」以外，都會諗起呢間甜品店，鋪仔細細，但係糖水一啲都唔馬虎。每次我都會點「雪蛤膏」，今次揀咗「木瓜燉雪蛤」，呢個甜品係即叫即燉，所以要等10分鐘左右。其他既燉雪蛤膏，主要係配椰皇，但就不用等咁耐。雪蛤膏配木瓜，熱辣辣食，味道唔錯，有機會既話都會再來encore除左雪蛤膏，呢度仲有樣甜品叫「九毛糕」，都係出名既，但係今次我哋就無試啦，因為天氣仲係比較涼，而呢款甜品亦都係偏寒涼嘅，暫時都係想食返d熱食甜品我哋嗌咗個酒釀桂花芋圓，桂花味十分清香，酒釀味道略嫌唔夠突出，不過整體都係唔錯既。係其他糖水舖都比較少見有呢款糖水，多數都係酒釀丸子，而呢度有埋湯圓同埋芋圓呢兩款選擇，都值得一試既兩位埋單共$110，價錢都算合理既，唯一可以挑剔既就係店舖空間太細，眼見收銀位置最嚴重，真係辛苦店員要行出行入去個細細既收銀位希望生意興隆，到時可以換間大少少既舖啦

見識完隔離廟街嘅夜繽紛，以甜品作今日嘅總結。紅豆沙 - 作為傳統糖水，佢d紅豆煲得好綿，甜度啱啱好，仲有幾粒蓮子作為點綴 👍木瓜燉鮮奶- 養顏糖水🥰，好少見糖水舖有得買！ 份量亦都好慷慨，有半個木瓜，入面裝住啲燉奶。淡淡嘅木瓜香味加埋燉奶嘅香甜味，值得一點嘅甜品！

凍冰冰的天氣,食飽飯後仍然想食甜品, 在附近找了這一間店,第一次來選了這個”椰王燉3.6牛奶蛋白", 正常蛋白味道,不算太甜. 朋友選了"蛋白雙丸”~滿足了她們貪食的慾望🤣小丸子&芋圓😋,一樣有蛋白香味,推介!紅棗雪耳燉桃膠(熱)~清甜滋潤之選.海帶香草綠豆沙(凍)~普普通通.

10點幾食完晚飯，朋友要食糖水，走到去佐敦區一間非常出名的甜品店，點知非常多人，所以在附近隨便逛逛，突然見到了這一間舖仔細細的甜品店。原來款式也不少啊。石磨核桃糊 $20，普普通通，不太甜，但也不是太有核桃的味道。童趣 $40 ，簡簡單單，曲奇味、抹茶味雪糕配上一些生果。士多啤梨奶凍 $38 ，士多啤梨雪糕有很濃的香精味。心太軟 $52 ，心太軟是新鮮焗製，朱古力味道濃郁，配上雪糕，感覺上是四個甜品之中最好食的一個。甜品簡簡單單，說不上是好食，但也絕對不是難食，感覺過口癮還是非常滿足的。感覺小店是家庭式經營，雖然甜品說不上非常好食，但小店的感覺還是很溫馨，有人情味的。

話說有日晚飯完，硬係好似差啲咩咁，行吓就見到呢間糖水舖，就姑且入去試吓。佢個門面真係其貌不揚，入到去都唔係好特別。但啲糖水真係好好食！❤️❤️令人相當驚喜。🤩椰皇燉3.6牛乳蛋白雙丸牛奶好滑又濃味😋入面有芝麻湯圓同埋芋圓😙兩樣嘢都好好食，煙靭又好香芝麻味Size屬於迷你，我覺得咁樣細細粒反而好食，食完又唔會好滯😊🤩榴槤紫米露本身叫嗰陣時以為會好衝突，點知嚟到，原來有幾夾㗎喎！榴槤，好好食，唔係好臭好大味嗰啲😚喺半生熟，個皮仲有啲脆個種😍紫米露煮得好香，好有咬口，又唔會話好甜，我覺得啱啱好！搞到我舀完又舀🥰不過呢間甜品舖，鋪面真係細細間，係比較傳統嗰啲甜品舖，大家真係唔好俾佢嘅環境影響咗，行過佐敦嘅朋友，記得去試吓啦！🥰

吃頓晚飯後找了找就看到這間甜品店, 雖然門面比較殘舊, 店𥚃也比較細, 但一進去時已經嗅到很強烈的榴槤味 😌 我與朋友已經無比興奮!我們各點了一個甜品:椰皇燉3.6牛奶蛋白雙丸 $55椰汁加蛋白混在一起, 蛋白滑, 椰香味重, 甜味恰到好處 👍🏻 除了湯丸之外還有些芋丸, 芋丸正常, 至於湯丸超讚! 皮薄餡多, 整粒湯丸都相當軟綿綿, 滿有口感!榴槤紫米露 $45喜歡榴槤的朋友絕對不能抗拒這個甜品, 沒想到榴槤紫米都配搭得蠻不錯! 榴槤肉鋪在面層, 份量不少, 含豐富的榴槤味 🤗 雖然未算吃了一大件榴槤, 如果想吃榴槤又吃不到一大件時這個絕對是代替品 🤭大概這類驟眼很髒很殘舊的店鋪才最以味道取勝 😅 所以不介意環境倒可以試一試。

早排夜媽媽突然想食甜品，即興約朋友去佐敦食甜品😂行過廟街附近見到有間甜品鋪，諗都唔諗就入左去，因為見附近好似得呢間甜品鋪懶得再行😂我哋太懶(´▽｀).多芒果布甸 $38布甸加左淡奶幾香滑幾濃芒果味，布甸邊仲有芒果粒，正！.心太軟配雪糕兩球 $52食甜品我多數會揀食心太軟，因為唔太鐘意食中式糖水，心太軟外脆內軟，一叉開就見到流心朱古力(有試過切開係實心😂焗得太耐)，朱古力唔會太甜剛剛好，朱古力再配上雪糕，滿足！

半夜三間想食糖水，見到佐敦呢一間甜品小店開到凌晨2:00 ，於是乎即刻揸車過去試一試。舖頭唔算好大，大概有10幾個座位，我哋點咗15分鐘就可以食，都算幾快。我同朋友點咗芒果雙丸同埋楊枝甘露芒果雙丸 即係湯圓再加芋圓 $38 喂表面仲有芒果肉，中間係芒果打汁，味道都唔錯，但係有少少偏甜，應該落咗糖水。楊枝甘露$35楊枝甘露裏面都有碌柚肉，芒果汁都係偏甜，不過有柚子肉就可以中和一下❤️❤️份量唔算好多，一個人食就啱啱好。

在佐敦區，想來個飯後甜品，去哪裏好？上網搜尋一下，找到了這間心怡甜品。這裏的甜品，選擇也不算少，有中式西式、有熱有凍、也有榴槤款的甜品。終於，點了兩款甜品來嚐嚐：多芒果奶凍，和桑寄生蓮子蛋茶。芒果奶凍， 芒果很美味，奶凍香滑不太甜， 也許甜品制作本身沒有什麼難度，也沒有什麼特色，總之就是不難吃。這個桑寄生蓮子蛋茶，就令我有點意料了。首先，我吃不出有桑寄生味道，反而似是夏枯草 味， 雞蛋也不入味，蓮子很少而不鬆化， 吃一次就夠了。

平時食開小巴站附近果間。不過今次想食間未食過嘅😛，就行前咗一條街，去食成日見好多人嘅「心怡甜品」。😎榴蓮王子有榴蓮雪糕 + 榴蓮肉 + 西米 + 椰汁 + 芒果，好多配料，味道唔算好甜。😋芒果奶凍呢款比較普通，奶凍上面有芒果雪糕，外加6件芒果肉。不過而家始終唔係芒果當造嘅季節，所以芒果肉有少少酸。😙椰王榴蓮盅見到個名就覺得好特別🤩。係用椰王殼裝住大大件嘅榴蓮肉、西米，仲有蛋白。榴蓮肉好好味😋。一擺枱就聞到有榴蓮味😍。可惜椰王殼冇椰子肉🥥，冇得刮嚟食。