心意小館

营业中

休息中

自從上年去完西安之後，就對陝西菜念念不忘。今日過咗嚟呢度食午餐$60個一個餐，包晒呢三樣嘢，一個食，一個餸，一杯嘢飲。豆漿好香，唔知係咪有另外加咗啲嘢落去，同平時飲啲豆漿嗰味有啲唔同，我覺得特別好味～跟住到個蔥油豬扒，意想不到地好食！好鬆軟，個皮剪得好脆，蔥油好香，最後食完啲豬扒，啲蔥油忍唔住都倒埋落去撈麵。最後就係個麵，超鍾意食佢個質地，我唔太食得辣，就叫咗小辣，有啲辣椒粉同辣椒油，我覺得如果再香濃啲會好啲，但係我都唔知點樣調味，不過我都好滿意👍🏻

收工同男朋友返屋企嘅時候經過呢間心意小館，其實都見過佢幾次門口有隻熊貓幾得意，俾佢門口陝西油潑褲帶面張poster吸引到，決定買外賣返屋企食，外賣自取仲有九折添👍🏻👍🏻套餐A: 陝西油潑褲帶配蔥油豬扒 $60平時都算幾食得辣所以就嗌咗中辣，褲帶面係好似闊條嘅粉皮，配埋辣醬同青瓜撈埋一齊食好重口味，蔥油豬扒都好香，豬扒好林煎到燶邊好好食😋套裝B: 蔥油撈麵配香菇鮮肉餃 $52蔥油撈麵本身係唔辣嘅，不過事頭婆知道我哋鍾意食辣，就送埋麻辣醬，個人覺得一定要加麻辣醬令到成個撈麵更加昇華！不過佢嘅香菇鮮肉餃個皮太厚，冇咩特別。另加小食南乳炸雞翼兩隻 $18反而炸雞翼好好食，外面炸得酥脆，都有南乳嘅香味👍🏻

今日開工去到西環，走過第二街見到一間小小的店，剛好是午餐時間，不想走回大街同人逼食飯，比我係度見到有間陝西菜小店，就入去試一試，紅油寛麵條套餐$60, 在港島區價錢合理，有一碗麵條，一份好足份量既蔥油豬排，一杯自家做的羅漢果茶，我叫左小辣，如果平時食潭X 米線小辣既朋友可以係度食到中辣以上，一上枱見到紅油寛麵，好地道，豬排上面好多蔥，正！紅油麵味道足夠，我整人好中意食蔥同芫荽，不過依度就兩樣都冇，感覺就係差左果一小小，豬排一入口就係家庭的味道，絕同有別一般餐廳一入口的鬆肉粉和雞粉味，羅漢果茶就小甜，愛甜濃味的朋友就會覺得差小小，整體黎講值得一試，不過鋪頭唔大，人手得老闆一個，可能等既時間會多D, 我會下次再去試下其他野👍🏾👍🏾

南乳雞翼脆卜卜，肉質鲜美，青瓜爽口清甜，好味。香滷豬仔骨飯，排骨其貌不揚，食落原來非一般口味，咬落香軟又够juicy, 教人喜出望外！好黃酒药膳雞麵酒香麵滑雞有咬口，值得再試！葱油淋雞令人驚喜：切雞很滋味，肉質嫩幼不粗糙！葱油惹味，飯都食多啲！秘製泡椒雞腳少少辣，多多脆，有骨落地。菊花羅漢果茶清甜滋潤，甜度洽到好處！抵讚。

真正的西安人评价好吃这是正儿八经油泼面没啥好说的在香港七八年了没吃过这么好吃的油泼面别跟我说那些什么xxxx、xxxx、xxx我都吃过口味可能因为本地化有一点淡重口的可以跟老板提一下不能评价味道因为食评不到两百字，真的懒得写了，但是真的好吃

非常之有心機煮嘅兩夫婦之前想食湯圓過元宵節，問佢哋有冇湯圓佢哋話冇，但係可以為咗我哋即刻成一碗俾我，即刻用現有嘅材料整一碗鹹湯圓俾我過節非常之有心佢哋嘅黃酒雞非常之足料。有時候如果你想好瞓啲啊你叫佢加多啲黃酒佢都會㗎

差唔多九點先至收工，繼續無得堂食又唔想煮，上熊貓嗌個外賣啦咁。。。一向鍾意食辣，之前未試過呢間餐廳，就叫幾樣嘢試吓。晚餐套餐有一款麵、一款小食再加飲品，佢話<人氣美食>係闊麵咁就試吓啦，可以揀大中小辣（今次點咗中辣），另外有個南乳炸雞翼同埋羅漢果茶，折咗之後只係＄6x蚊。因為要$120先免運費，所以另外點咗個蔥油雞，加埋就$12x 啱啱好。其實樣樣野都幾好食，雞翼好大隻，蔥油雞比想像中惹味，闊麵都好食嘅，不過中辣唔夠勁，下次再試吓大辣😋仲要多謝佢臨收工都接我呢張單，所以服務都比5🌟總括嚟講係好食又抵食嘅，可以encore.

陝西褲帶面，口感一流，面條夠彈性，陝西風味十足！越食越好食😋，再加埋滋補黃酒藥膳雞湯，里面有當歸，紅棗，杞子，桂圓，北芪，党參，等等！聞到都口水流，係秋涼季節，滋補一流！😍😍😍

本身諗住打邊爐，點知臨急訂唔到位，經過小店就試吓。可能新開，比較靜，平日晚上也只有2 檯客。食物方面，整體不錯，主食叫了黃酒雞米線及招牌褲帶麵（中辣）。黃酒雞湯好飲，雞件足，食完唔覺口渴；褲帶麵中辣都唔係好辣，麵質彈牙，有乾辣椒增加口感。小食叫了泡椒鳳爪，略嫌唔夠酸辣。餐飲叫了羅漢菊花茶，唔算太甜，有住家味道。服務方面：店員有禮，亦會推介餐牌嘅食物，整體體驗不錯👍 經過可以一試支持小店，希望香港多啲特色食物