必勝客 (已結業)

其實pizza hut o既食物基本上都唔駛點評, 港式pizza, o係意大利你一定食唔到!要講o既係佢地o既service, 比起十幾年前, 已經算係改善左好多, 試過半個鐘都埋唔到單, 嬲到比左一亳子貼士!最近一家大細又去食, 全因最細o個個姪女喜歡, 無計!一坐低發現坐正冷氣口, 有大有細, 要求換位, 回應係: 唔好換喇, 無大枱, 比件pizza hut o既衫你好無?我想話唔好, 不過算, 無謂拗!跟住發覺個冷氣口滳水, 滳正落我老豆個頭, 再要求換位, 回應o既係: 一兩滳o者, 滳完就唔滳架喇!我想問滳落佢老豆個頭得唔得?終於換到位, 叫完菜先記起印尼姐姐唔食豬, 有火腿都唔得, 所以後補一個雞飯, 不過食完所有野都未到, 問佢係唔係漏單, 回應係: 我有落單架, 多人未耐d o羅, 等一陣喇. 我想話我等左兩陣o勒!以後最好都係外賣, 同埋盡量唔好同我姪女提起pizza呢個字!

下午茶時間, 一行3人,叩左以下食物:軟<<腳>>蟹芝心大批$167冇乜特別,d 軟<<腳>>蟹冇蟹味...本人不太喜歡小食拚盆+ 2杯飲品$49小食拚盆, 包括4絛脆皮腸, 4隻雞翼,4個唔知咩圈(炸物)軟<<腳>>蟹芝心大批, 唔會再試

係度叫外賣慶祝朋友生日冇試過新既蜜蜜豬柳批...想試,不過我地多人貪平就冇叫到個餐...一個超級至專+意式風情,前者冇咁好食,少左汁又少左料...後者反而多左千島醬好食d個烤雞尾腸真係好好食呀~~之前冇汁但係今次有,類似意式肉丸既汁,不過兩者都好好食.唔知d腸係邊度有得買呢?

$113 優惠餐(星期一至四)<br />大批一個，飯/麵一客，香蒜包一客，忌廉雞湯兩客。<br />$10 加芝心<br />湯好濃，闊麵好味，芝心批超正。<br />有人送到上門心，平到震。