必勝客 (已結業)

呢間PIZZA HUT啲服務好似差咗好多咁。以前冇咁多人去食都仲好，依家九龍城廣場多返啲人去，佢就漏呢樣漏嗰樣。星期日去食LUNCH，叫咗兩個SET，個香蒜肉絲意粉勁快，唔使20分鐘已經上咗枱。另一個海鮮寬麵，等完又等，過晒佢話O既20分鐘，再加埋個香蒜肉絲意粉已經食晒，都未嚟。於是叫個WAITER睇吓啦，點知佢好似冇咗回事咁，隔咗10分鐘叫另一個跟，點知另一個話好，好好吓又冇理到。最後我同個WAITRESS講，不如你幫我CANCEL佢，淨喺咁我個湯同餐飲，跟住佢就話幫我睇，然後隔咗幾分鐘，就話因為要焗，所以先咁耐。但喺隔離枱喺個香蒜肉絲意粉上枱嗰陣入嚟，佢哋已經食緊一樣喺要焗O既PIZZA啦喎？你唔好同我講話個PIZZA喺蒸O既所以快啲？後尾佢話第多4、5分鐘。咁我就話你真喺4、5分鐘先好，如果唔喺嚟咗我都唔要，於是我就計時。當然佢喺過晒4、5分鐘先上枱，咁我都冇唔要到，呢間嘢真喺成日漏單，再上一次去食DINNER，全間嘢得嗰2張枱，都可以漏單，喺咁催先嚟。今次個海鮮寬都，個汁喺濕得好緊要，而且唔太熱，面嗰啲紅色粉勁多，好明顯佢漏單，拿拿聲整比我所以焗唔夠，求其搵啲紅色辣粉紫住就算。

見到pizza hut 既 $48 常餐廣告, 有4樣野食,好似好抵咁, 即管去一試!!落單既時候, 我同個fd order 2個$48 既set, 1個要飯, 1個要批, 另加$28要多個雞脾; 講左3次,個waitress 都好似未訓醒咁,問: 要咩話? 我再講第4次俾佢聽..呢個妹妹仔waitress 突然間好大聲咁話: 呢個無飯ga wor! 得意粉 ja! 我最後要指住個menu 叫佢落單, 有 飯 / 意粉 choose, 先知成功咁叫到野食!! (已經講左5次)d野黎得都幾快,但如果個飯可以熱d就更加好la,味道都ok !,但個批就好似無乜料咁.! 到d野食晒黎晒,我同個fd 飲埋杯野la, (由落單計起已經有35 mins),見個雞脾仲未黎..我地催左1次..個staff 話好快有, 再過多around 5 mins 都仲未黎..我地就叫第2個waitress cancell 左個佢la!佢唔肯,仲用d極之不禮貌既語氣話: 無得cancell wor!已經黎緊la!我地雖然好不滿,但都冇出聲,最後叫第2個waiter 幫我地cancell 個雞脾 + 埋單,係等緊

自從上次係TST到食過pizza後~都無再食過~因為上次實在太難食啦~今晚經開九龍城~咪又再食啦~今次好好多~完全水準正常啦~叫左平日套餐:滋味無窮2人套餐~很抵食啊($158),有一個小食,一個意大利粉,一個普通批,仲有兩個湯,兩個飲品!無咩人食,亦有好多吉位....套餐有:夏威夷風光pizza:雖然係一個好普通既pizza,材料得火腿同波蘿,但又整得幾好食喎~可能平時都會叫材料多既pizza~但間中叫下呢款pizza.....唔錯~前菜係脆炸墨魚塊拼咖喱角:可能今晚小人所以我覺得每一樣野都很即叫即做,而且唔會過左火喉~很脆~意粉就叫左個意式乾蕃茄烤雞意粉配黑椒碎:之前未試過呢個意粉~都不錯,因為佢唔係炒出黎~意粉唔會乾晒~濕濕地...易入口~總體黎講.....食pizza hut,呢間水準幾好~絕對有下一次~

我覺得呢一間野食唔算太差,都中等啦..但係值得一讚就係d服務員..嘩..very good我記得係星期六,..我同2個朋友黎食..食左個4人餐..好似三百幾蚊..之後再加左個海鮮闊條麵同超級至尊..先岩岩好夠飽..之後再叫左d甜品..我見到d服務員雖然踢晒腳..但都好耐心講野我知..我記得好似有個男仔既waiter叫Kelvin..好似係...仲有個女仔叫sandra...個男仔傳菜黎次次都有叫我小心熱..仲要多謝晒..我埋單果時叫左果個sandra埋黎..佢問我地有冇會員卡,我地話冇...之後我班朋友又想申請..之後我見到個kelvin..我就叫左佢埋黎問..,我見到佢幫左2 木台 客落order,都未入機..就過左黎..我驚佢唔記得入機,就叫佢入先..但佢都問埋我有咩幫到我..之後佢都好詳細介紹會員卡d優惠比我,佢唔講我都唔知原來有得儲分@@老實講真係多謝晒..多得佢我年中食多左好多pizza

同男友食完個$208既2人餐 (cheese bite 扭扭批), 我堅持要叫點品, 因為我個menu上面見我我最喜愛的心太軟....... 唉.. 可能我食過太多好味既心太軟... 令我對呢到既心太軟都好有期望 (話晒我上次食過個dessert platter都幾好味架嘛..... ) 今次真係失策呀...個心太軟一上.. 嘩, 好鬼恐怖... 裡面d朱古力未touch佢已經把把聲甘流出黎..... 個所謂蛋糕之不過係一個圓形既圍牆, 圈住佢囉... 跟住個面係一牌不知所謂既朱古力餅放面.... 唉. 完全唔知佢想點... 成個心太軟似流血多d囉....好啦, 開始食o個陣更加唔知從何入手..... 篤下佢, 佢又流野出黎.. 好似水浸甘....... 我一路食一路係甘鬧....... 我都未見過人地d心太軟甘既.. .叫火山爆發算啦... o羊鬼野軟者... 唔係慢慢流出黎既...... 到食pizza就好. 我下次都係唔會亂甘叫點品.. 實在令我太失望喇~

為師妹補習的另類酬勞：在節食期間到pizza hut食勁飽肚的二人餐。還要是最近的special cheesy bites.意大利菜湯:好淡。見到料還算是「足」的…有好多,好多的西芹…而全部菜都是超級軟身的,大概既煲了好久好久吧。再者湯有點稀…大概加了點水翻煲吧……法式田螺焗薯蓉:田螺味道亦很淡,不過口感還好的。薯蓉不算很fine…但也沒甚麼可咬的…大概是一般水準,牛油味重,尚算creamy.cheesy bites個人覺得…除了可以「玩」,和芝心批的分別不算太多,不過它可能是多用了另一種cheese吧…但不算吃得出…單吃那一舊邊,幾得意,好似在吃芝士飽,半溶的芝士很正!配上超脆口的thin bacon, 蜜桃菠蘿和肉粒,說真…味道不太獨特…而且芝士搶盡風頭。不過咬煙肉時的口感蠻不錯overall味道幾sweet,有丁點膩,還算不俗的…不過…pizza還是其他配搭更好味~加了8元試蘆薈冰茶救命>_<超級超級的甜…肯定加了好多好多syrup...蘆薈粒也吸收了不少…kiwi吃起來超酸…而且不太冰凍…整杯東西也喝不下…overall還是一般pizza hut的水準吧,有不少

昨天放工後急住番屋企同男友出去食lunch.... 突然間想食pizza窩 (雖然前日lunch已食過...), 所以咪去左九龍城廣場o個間囉.... 我地2點10分去到啦.. 好彩有細心d睇個menu咋.. 如果唔係就蝕錢囉.... 原先我地睇唔到有lunch set (野食+野飲....), 所以打算叫個2人套餐啦..... 嘩, 一模一樣既野如果叫2人餐竟然差成$100 蚊~!!!! 所以各位如果2點半前去pizza hut, 記得叫lunch set啊~ 每set 大慨$50 左右啦....我地最終叫左1個加勒比海迷你批餐, 1個吞拿魚腸螺絲粉餐+ 1客蒜茸包....個批都ok既.... 冇o羊料甘囉....個pasta就一般啦.... 個湯我改左三文魚酥皮湯 (+$18)... 唔錯唔錯 不過最終食唔晒, 要打包囉..... 唯一唔係太好既我係覺得上菜冇次序, 亂上...

這次點了菠菜雞皇意粉 - 味道不錯,不過略嫌雞肉少了點; 汁很多但太稀了,驟眼看還以為意粉出水...Pizza方面則點了輕嘗系列的椒烤脆雞薄脆批 - 味道不俗,喜歡它有齊紅綠黃椒;如果可以加多些雞塊相信會更好!

同呀暖及其一班朋友星期二去食。因為有人有卡，所以有張券可多送一個細批。一行十人，叫了兩個套餐，有新的扭扭脆批(幾好味，是橙色芝士，不過賣相一般)，同埋叫了好漏的芝心批(是白色芝士)。個人覺得傳統芝心批好味d。我真係好耐無食過Pizza Hut，都唔知原來有辣粉可以落。意粉同飯的質素一般。叫了特飲，要每杯加$6。但更加失望，那蘆薈綠茶唔係好得喎，蘆薈少又無味。最後埋單都要七百幾蚊。食得唔係好飽。不過見其多了好多菜式，好似沙律咁，都多o左好多款呀。我地做了會員呢。

今日同好朋友黎到呢度食Pizza叫了個新口味扭扭邊的芝心pizza黎到之後..大小朋友個個都嘩...個樣好靚每人一人一邊扭下扭下...芝心就跟住麵包好好味....成班都係芝士迷..我地仲講笑話...個師傅冇洗手就將pizza扭邊(笑)誰不知呀...個廣告冇教我地...食完邊後會點播而家個pizza係...冇左邊...唔知點算不過今日有D失望係焗豬扒飯.....有D差勁

初二在大埔分店試過pizza hut 的新出品- 三重芝心批幾好味, 隔兩日又去食, 但在九龍城分店在大埔食的是厚批, 在九龍城的是薄批.到底是厚定薄呢?新年期間, 食pizza 都幾好, 起碼唔駛加二.

一直對Pizza Hut 出品的香口膠口感港式pizza 無好感, 幫襯親通常一係無乜選擇, 一係想慳d 洗, 0黎到都只係會食意粉/小食.今日dinner 同屋企人0黎, 叫0左個set, 有龍蝦湯x 2, 藍莓0個隻特飲x 2, 漁港風情regular 芝脆批1 個, 龍蝦汁海鮮鸒鴦意粉1 客, tiramisu x 2; 另外亦加0左個Deluxe 全炸物小食拼盤(墨魚餅, 咖喱角, 蝦多士, 炸薯角) 同海鮮闊條麵.最好食係龍蝦汁海鮮鸒鴦意粉同小食拼盤0既墨魚餅同咖喱角... 鸒鴦意粉d 墨汁麵其實食落同普通的意粉無分別, 整體意粉味道ok, 口感就一般, 硬d 會好食d, d 海鮮就幾多, 不過除0左隻海蝦叫做好d 之外, 全部都好鹹.小食拼盤好熱氣, 不過墨魚餅同咖喱角比想像中無咁油膩, 真係幾好食! 蝦多士就非常油膩非常滯, 薯角就無乜味...Pizza 就不值一提, 真係非常唔0岩我口味!龍蝦湯無乜龍蝦肉, 不過無所謂啦, 味道係ok 的, 幾夠濃.Tiramisu 唔得, 唔夠一陣風, 面頭層mousse 杰得似cream, 咖啡酒味又唔夠, 唔及格.藍莓特飲唔co

住左九龍區都幾年,試過好幾間pizza hut ,唯一覺得九龍城廣場呢間下午茶最得,今日同左老公又黎食下午茶,order 左一個迷你田園風味批+挪威三文魚蜆肉螺絲粉+so皮三文魚湯+一柸特飲"蘆薈冰茶"+菜湯+可樂一柸...埋單一佰二拾幾...*總括:一定會再去...因為d批好好味

都ok ar..可能是因商場整緊的緣故，所以...無咩人.一去就有位之前一晚去九龍灣的pizza hut等了個幾鐘先有..(因為等得太耐無食到)果個換了芝心變成腸果個都ok ar...芝士腸~haha..起初以為好難食....但ok la.勁食的一個晚上

星期日晚6點半九龍城週圍d橫街已泊滿車，想話搵個表位泊低架車才覓食都咁難，兜來兜去過了45分鐘都仲係冇位，餓到顛左，只好去九龍城廣場泊車，直接係呢度食，在冇mug選擇的環境下來了pizza hut食。超級至尊薄pie：原來薄pie係咁淡，又唔脆，配料又冇味，都唔知食梗mug；拚盆：辣雞翼，好味；腸仔唔錯；脆魚圈好香口；黑牛：做型唔得，來到個雪糕已溶到一pat咁，可樂淡到死，唔掂呢間pizza hut係我去過咁多間最唔得既一間，野食又等得寧舍耐，個pizza點止等左15min.，半個鐘有多！可能佢地做太多外賣，攪到d水準冇哂！