必勝客

营业中

休息中

小編最近見到Pizza Hut有一個好吸引嘅買一送一promotion😍😍限時優惠 指定意粉同焗飯買一送一食落覺得真係幾值得向大家介紹一下.🐷 大蝦海鮮香橙荷蘭醬意粉呢個意粉嘅味道都幾特別 因為酸甜酸甜咁 又夠香 而且個醬汁濃稠到不得了 濃稠到甚至係可以拉到絲出嚟😂😂 每一條意粉都掛汁😍😍 仲要有好多隻蝦 啲蝦又爽口 同埋有好多紅蘿蔔架😋😋 .🐷 海鮮喇沙寬條麵呢個闊條麵又係有好多海鮮 最正其實係有好鬼死多魷魚🦑 加咗魷魚嘅pasta都係好好食 因為令到成個口感更加豐富個醬汁亦都係濃濃嘅喇沙味 個味道係比上面介紹嘅意粉濃少少 （因為上面嗰個係甜甜地嘅😂😂） 不過每一條闊條麵都係一樣咁掛汁😚 除開平均一個意粉$50都唔洗 又幾抵食😂

心血來潮好想食pizza，但係又唔想出街，唯有就係叫爸爸出去買啦。呢間Pizza Hut我哋成日都叫，keep 到水準。拎到返屋企仲可以做到拉絲😍小朋友就最鍾意食雞翼，妹妹每次都要食幾隻。

平時食🔸Pizza Hut🔸通常都只會食肉醬意粉, 機緣巧合下試咗新出嘅 Pizza 覺得好好食呀, 所以今日就 encore!🍕 芝味8 重奏 - 海鮮芝味個Pizza 本身好似星星形, 望落已經好吸引。餡料有大蝦, 蜆肉, 蜜桃, 青瓜, 蕃茄, 同巴馬臣忌廉芝士, 面層仲舖滿溶咗嘅芝士, 實在令人食指大動。大蝦爽滑彈牙, 蜆肉嘅份量亦都好多, 而蜜桃絕對可以幫手解油膩感。最最最好味係一啖過咁食嗰粒巴馬臣忌廉芝士, 濃而不膩嘅味道, 滿足感🆙🆙! 批邊係芝心批, 所以芝士控真係不能錯過! 可惜呢個批係期間限定, 如果唔係我一定會放入我個人必食 Pizza 第一位!

Pizza hut 最出名應該係Pizza, 不過我反而鍾情佢Pizza 以外嘅嘢食, 因為好多嘢食都幾有水準。🍕 蒜茸包濃濃蒜泥舖咗喺包上面, 而個包焗得好香脆。🍕 焗肉醬意粉肉醬控一定會鐘意食呢個肉醬意粉, 因為有好豐富嘅醬汁, 肉碎同蕃茄嘅味道互相配合。意粉焗得軟硬適中。🍕 芝士忌廉焗菠菜芝士忌廉汁去除咗菠菜嘅草青味, 整得好creamy, 不過相對地容易覺得膩。🍕 威尼斯迷你批無意中發現呢個威尼斯迷你批, 雖然無任何配料喺面, 不過就咁配煉奶食, 出奇地配合同好食!🍕 肉丸配拿破崙醬汁肉丸整得好軟腍, 好Juicy, 拿破崙醬汁偏酸, 不過面層舖滿芝士碎, 好好食。整體食物都好食, 除咗開Party 外, 都係一個晚飯好選擇。

Pizza係朋友聚餐，餐桌上既常見美食😛咁岩附近冇咩其他選擇，最後嗌咗Pizza Hut。上網落單大概等咗一個鐘左右，嘢食送到都仲有微溫！有時新款pizza都怪怪地，今次隱陣嗌返普通野。錦繡至尊芝心批toppings 都幾豐富，有雞肉、牛肉等，個芝心批底仲熱熱地，幾好味。平時自己整pizza好少咁有心機整芝心批，所以今次芝士控食完表示好滿足😂！雞翼一貫水準，雞肉微辣。菠菜長通粉都幾好味，平衡下食太多肉既油膩感。

是月去紅磡開會，中午遇著下大雨，大家都不想出門午餐，就最懶的解決方案⋯⋯叫外送薄餅，1428落好單，1505送到，時間合理，雖然店家出的薄餅很多款式，但大家都是喜歡最經典的款式（講真最新的薄餅越來越怪相）包裝企理，有跟足餐具，當然不是熱的，只是微暖！（我只在有食的食品寫評論）6人大批套餐（$578）至尊 - 芝心批(大批) 千島海鮮 - 芝心批(大批) 經典款，厚批有飽足感，千島醬開胃，加上菠蘿🍍及火腿，鹹鹹酸酸的好味香蒜肉絲意粉：最最最喜歡的必勝客食品，意粉有咬口（最討厭茶餐廳淋淋的意粉）每條都裹上芝士粉，意粉乾身又香，粒粒配菜的其實每次都會剩下，因為長條型意粉同粒粒狀的配菜都不能同時食到，如果變成火腿條或青椒條，就可以用叉一齊食了！葡汁雞焗飯 ：辣味雞翼 (8件)雞翼微辣，焗的幾乾身，有肉汁好味！原味雞翼 (8件) 蘑菇忌廉雞湯 ：6人大批套餐（$530）超級夏威夷 - 鬆厚批(大批) 芝味誘惑 - 鬆厚批(大批) 厚批有飽足感，入面滿滿的芝士，比經典款的芝士更香濃，最簡單的配搭，好香好味香蒜肉絲意粉 ：海鮮寬條麵 ：醬汁對我來講太濃稠，好漿口，裹住闊條麵，味道其實好味，配料冷凍海

今日見無時間煮野食，所以在網上預訂pizza hut，今次係食2-3人餐，揀左烤雞至尊薄批，兩碗湯，一個焗薯蓉，一盒菠菜雞皇長通粉。依間pizza hut其實已經不是第一次幫襯，之前幾次都還可以，今次買外賣自取，返到屋企後真係嬲嬲地，因為所有食物都只係微溫...仲要pizza應該係番叮果隻，又硬又微溫👎食pizza hut其實都無乜要求啦...但今次太差了!其實返到屋企已經好快食，點知都係微溫，連湯都係咁!真係愈做愈差...失望

聖誕唔想同人迫貴價餐廳，但又懶唔想買野整，所以就同屋企人決定叫pizza hut 外賣速遞，係網上點左4人套餐，選左千島醬海鮮芝心派，芝心要加18蚊，配有4碗忌廉湯、白汁意粉，葡汁雞飯。當然最好味係芝心派，一流口感，千島醬開胃，惟意粉比較乾身，整體都ok。

去朋友屋企玩, 有啲肚餓, 諗唔到食咩, 朋友就話叫pizza hut 外賣速遞喇。叫左吉列魚柳配薯格, 加$3轉罐裝綠茶。雖然價錢有啲貴, 但食落魚柳香脆熱辣辣, 可惜炸皮有啲厚。因為今次pizzahut好快送到, 所以啲食物都熱同脆口。薯格惹味, 腸仔就好一般喇, 皮唔脆, 肉有啲實, 比起魚柳同薯格就大為失色。

今日輪到欣榮店做PROMOTE....$49一個至尊大批(原價$131)個個都排隊買買買.....好瘋狂.....我家都買左2個因為PIZZA做好後會放入保溫袋保存.....所以批底會焗到淋曬個盒都焗梅左我用焗爐焗番熱.....就會變番香脆....雖然賣$49...但絕無將貨就價......一樣好足料.......絕對抵讚

貪新鮮見個扭扭腸批做廣告做得咁行，今次就叫了一個，還有雞搥、意粉和蒜蓉包，等了足足五十分鐘，跟pizza hut只一街之隔但送到黎竟然已經凍的，好失望！旁邊的扭扭腸其實不是真的很特別，而且超飽肚，食完一塊已唔想再食，都係芝芯好食好多！可能因為食物都凍了，全部變得很油食起來到都無乜心機！