必勝客 (已結業)

迎月夜返完工餓到暈與友人嚇見PIZZAHUT是夜竟然冇乜人排就試一試佢個五味餸比較意外係SERVICE較以往好,一舉手就有人應,服務周到(細心提示打開錫紙時小心熱及勤加水等等)食物方面,沙律選了火龍果吞拿魚及杧果咖喱雞,份糧多,火龍果新鮮兩個湯為煙三文魚及龍蝦仔,意料之外的CREAMY(煙三文魚份量亦不少)主菜選了拿破崙粉及龍利柳飯,味道還算滿意,唯拿破崙個汁較淡甜品選了CHOCOLATE MOUSSE同薑汁..(忘記了),賣相頗精緻,唯味道較普通餐飲選了另加$5一杯的朱古力奶,賣相吸引,朱古力味頗濃埋單連加一兩位$20X,認真抵食

受亞妹極力推介,今晚叫了個PIZZA HUT外賣,揀左千島夏威夷香軟批~~88蚊一個大批,送2罐汽水~~好抵~~食落去~果然同普通厚批唔同~~感覺好Q~~~\(^o^)/加上我最愛的菠蘿~~YUMMY~~

同友人做完gym之後就約左同事黎//完全諗唔到沙田有咩食..咁pizza hut一定個個都岩食啦...等位都等左10分鐘...之後入去...選左個恆生咭套餐...再加香蒜肉絲意粉同埋雞槌...樣樣野都ok既..不過好似唔夠熱咁...個扭扭批好似仲細過普通批咁...可能平時叫慣大批掛..個湯好好味a!!叫埋兩杯凍0茶...坐多陣就走lu!!今日都好滿足呢

今次系我第一篇食評，如果寫得唔好，請多多原諒。本人首先先旨聲明，今日100%不是去這間PIZZA HUT 食DINNER，只是去了其中一間，吃完後返到屋企，再去佢地官網睇完而有感而發.........我離開HK三年，今年返來探親，今日親友同我去PIZZA HUT 食嘢(3:00左右)，入到去，環境就一流，同埋呢段時間靜靜地無乜人（就哂我)。Waitress俾左menu我，嘩........成1，2，3，4，5，係5本menu!!咁多重乜??見到個用膠套裝嘅tea-set menu，嚇我一大跳!! pizza hut 變得好cheap(image)!! tea-menu d 食物超級茶餐廳feel。又西多，又飛碟，又奶醬多。點解會咁???當然menu用膠套裝已經好cheap 同埋同佢地個brand唔match~~重有個乜鬼常餐，好唔掂!!!咁都sell比人????好笑重有，門口又放d easy banner，勁核凸而且我見到d人著件厨師衫（個時好似成6:00)，好terrible，好樣衰!!!!!而且d人太young......好似Mc Donald~~唉!!突然覺得佢地好降格，成間茶餐

今日同媽咪去左pizza hut食常餐,因為好耐無食一坐低,望望無咩野岩我食我地諗住一個pizza一個麵因為咩常餐既pizza都唔太岩我食,最後唔想揀芝麻脆批就叫左兩個$38常餐pizza係菠蘿牛肉pizzapasta係白汁雞肉火腿湯+左$8蚊要酥皮湯一黎就係意粉,唔錯,汁同配料都幾多,加d black pepper好好味之後黎左個pizza,牛肉粒(已經好細細粒)五粒到咋,菠蘿又係好少,好似食乾包咁因為知酥皮湯會遲黎,點知黎到時個侍應一句野都無講,唔緊要,我望住佢黑面咁擺野囉唔鐘意就唔駛出聲我唔介意,唔駛黑面下嘛,你好似收緊我10% service charge ga wor都係買外賣好d~

近排見pizza hut 賣廣告出番扭扭批，由於我同男友都係芝士迷，所以急不及待去食。約19：00到，去到都有大把位。我地叫左個兩人餐加蒜茸包，個侍應話就話要等20分鍾，不過，我地落完單2-3分鍾到，個蒜茸包，同2碗餐湯，2杯餐飲就一次過黎晒。蒜茸包：個賣好好，但唔知係咪整左好耐，個包係暖架，唔熱，個包外面唔脆，不過好在蒜茸味搭夠。辣味雞亦：普普通通，冇咩特別。至尊扭扭批：可以免費加多啲芝士，但個批黎到後有失望，因個賣相no good呀好似成個批縮晒水咁，入面啲餡又唔多，好在真係有好多芝士，個餅邊好香好好味。肉醬千層闊麵：之前食過好多次都覺得唔錯，所以今次都叫番佢。但係今次真係好失望，個肉醬好淡，好似冇味咁，個汁好稀，啲闊麵煮得太淋，好爛。成個麵都好差，好難食，我地每人食左一更，就停左手。食左成晚，我覺得最好食都係個忌廉磨姑雞湯囉最後埋單$246

基於同行的慫恿結果幫趁了pizza hut晚餐，被對方得逞就因為在萬0購物夠$50就有現金優惠--pizza hut堂食夠$40減$20我們叫了：佛羅倫斯卷配薯角—約$32-$35兩條。無疑我係因這個dish令我回魂寫食評。嗯，我蠻稱得上係芝士迷…um…但不喜歡食芝芯批的朋友就不必浪費看下文了，因為這個卷很有芝芯批的芝士feel=芝士有點杰像與橡筋或香口膠拉扯，我正正曾有朋友因這口感不喜歡食芝芯批，而我不嬲對這口感沒抗拒就倒沒所謂。但這個卷真的焗得香脆才上菜，內裡整個填滿了澎湃的芝士sauce混了少許洋蔥粒兼蕃茄汁液真的令我食得很受落，亦因為這個同行對我說道令佢暫時忘記卡巴的牽掛；至於薯角像一般薯角焗了後變得外皮脆內裡稔粉沾茄汁食咁啦！名為「廚師精選」以咖喱為主打的pizza—揀了普通批x薄批；的而且確咖喱醬汁不及cpk惹味香濃，不過飯後的口渴程度又真的沒cpk那麼渴水。整個批以車厘茄、茄子及牛肉為主，事實個批以薄批來說係合格夠乾身、香脆的，但邊食邊唯一令我r頭想不明白的是個批夠乾夠脆但又配上容易滲出水份的蔬果就有點格格不入，結果令到個批身的濕氣揮之不去，亦令我拎住個薄批食得飄飄下頗狼

我估有成十年八載無試過堂食pizza hut，次次都係叫外賣食就算﹗同工友講開，有0的印象細個第一次食pizza hut就係沙田呢一間，係0的阿姨帶我來食的﹗當然應該裝修過很多次吧﹗0的餐唔多岩食，就叫了想吃的便算，一個海鮮闊條麵，一個香辣誘惑pizza﹗海鮮闊條麵是我在pizza hut的至愛，很愛吃它那種香而不膩的白汁，入口香濃而細膩，面頭芝士有微微焦香，闊條麵有質感而有嚼勁，真係食極都唔厭﹗但呢個麵十年如一日，都係0的海鮮好鬼少，雖然都係食佢個麵，不過有多0的餸料點都開心0的﹗要左個香辣誘惑pizza薄批，鮮茄底濃郁香脆，批面鋪上大量磨菇、肉粒及菠蘿等，配上芝士惹味好食﹗辣椒切得很細藏於批餡內，吃的時候如不小心咬到，必定辣到飛天﹗埋單兩樣野$159，價錢是貴了點，不過好吃﹗

前日想食pizza，夜晚九點來到此地卻大排長龍，當然唔排走人，今日決定叫外賣吃﹗試了個加勒比海pizza大批加咖哩牛腩飯及兩個湯，$132﹗加勒比海pizza用料簡單，就係菠蘿火腿加肉粒，賣相同睇相出入都幾遠，味道不錯卻未夠惹味﹗反而個咖哩牛腩飯用料夠多，咖哩味香濃而且仲幾辣，岩哂我地，牛腩多肉無根又夠腍，味道相當不俗，真係說不出的驚喜﹗下次穩陣都係叫番千島海鮮，始終佢真係pizza hut入面我的最愛，想吃pizza又吃不到想吃的，是罪過﹗

為左慶祝貓BB滿月,豪豪地去食左信用卡嘗嘗盡情2人套餐.包括:汽水2杯 (無特別,其實可以加$10轉特飲)海皇湯2客 (比較咸,好驚喜真係有幾粒小龍蝦肉)前菜1客 (要左焗磨菇,賣相好靚,話黑松露箘汁,但唔覺有咩特別)PASTA FERFETTO1客 (要左薯蓉焗意大利雲吞,焗得太乾蕃茄汁唔夠,如果再次再食應該唔會再試,改要返意粉通粉)海鮮雞肉芝麻脆邊批1個 (唔明白點解上枱個批都唔似得廣告相果個咁多芝麻,食落都唔覺有芝麻香,咪又係千島汁海鮮批一個)忌廉泡芙2客 (估唔到原來每客都有五粒,SURPRISE)其實食呢d優惠餐一向都係無咩特別驚喜,如果嗰日好肚餓好想食pizza都不失為一個好選擇,因為真係比散叫抵食囉.可能因為假期關係,我地食完只係七點左右已經有好多人等位,唔介意早少少開餐的可以早d去食唔使等太耐.

是日屋企人一起共進Pizza hut常餐 , 既可以節省煮野食同飯後洗滌既時間 , 又能夠滿足一下想勁食既心癮 , 一舉兩得 , 不過今次豪d , 除左叫兩個WOO!!!常餐之外 , 再揀另外兩個貴既套餐。 夏威夷風情(配千島醬)芝心批 ~ 細佬上次食完呢個批之後覺得好好食 , 所以今次叫左佢同媽咪一人一個。 千層肉醬闊麵 ~ 其實我左諗右諗左好耐 , 到底揀海鮮闊條麵定係呢個 , 由於我好想食薯蓉 , 結果就揀左呢個。 車打海鮮焗飯 ~ Dad話個飯既白汁淡左d唔夠香 , 同埋唔知點解感覺上份量好似縮左水咁。

1) 蜜汁燒肉排:我問: "經理, 點解明明menu係有6排, 黎到得3排嘅?"經理答: "哦, 係呀.. 我地係用重量黎計架.. 唔係用幾多"排"黎計架ma" 我答: "哦!! 好呀.. 咁妳攞六排嘅排骨同埋一個磅黎呀!!! 我要砰下, 睇下里3排係唔係同妳果六排一樣咁重" 經理答: "唔好意思呀下, 咁我換過俾你囉!" 2) 卡邦尼忌廉濃汁煙肉意粉我問: "經理, menu寫住 "煙肉意粉", WHY會變左火腿意粉呢????"經理答: "係呀.. 先生, 我地D 汁真係用煙肉黎整架"我問: "但係我要煙肉意粉喎, 你地menu 唔寫清楚係 "煙肉汁"意粉???"經理答: "唔好意思" (不過無得換)

外賣速度慢左~因為屋企人想食PIZZA所以打去叫左個套餐但等既時間比以前耐左好多同埋送到黎既溫度無以前咁熱唔知係咪因為人手問題,令到D PIZZA係盒耐左好多個PIZZA無以前個種熱熱有煙出既FEELCUT人手令送貨食物質數下降,好失望以後只會去堂食PIZZA了佢地連自己既招牌狂熱袋保溫送貨服務都唔掂我諗佢地只會令更多人失望,更少人叫外賣!!

每隔一段時間就會想念Pizza hut既芝心批 , 但係我口味不嬲都奇怪過人 , 淨係鐘意食條批邊 , 今晚決定同屋企人叫4個WOW!!!常餐 , 最起碼我覺得抵食過大家樂既晚餐價錢 , $35已經包兩片蒜蓉包﹑一個主菜﹑忌廉湯同汽水添 , 轉埋兩個芝心批都係$156 , 連屋企兩個大食怪都可以填得飽 , 而且唔同既分店味道質素都保持到一貫水準 , 當d外賣送到黎既時候就好似廣告內容咁將火熱美食 , 準時送到顧客手上。WOW!!!常餐揀左以下4款 : 吞拿魚蘑菇白汁意粉 豬肉腸咖哩芝士汁意粉 美式滋味(配香草汁)芝心批 夏威夷風情(配千島醬)芝心批

呢日雖然係紀念日不過由於家中犬隻今日出院，所以搞唔到任何慶祝活動，我地攞左佢返屋企就叫pizza食算數﹗叫左個二人餐，包一個夏威夷pizza，一個蒜香意粉及小食辣雞鎚，再加兩個餐湯﹗誠惠$149﹗而家0的外賣pizza真的快了很多，唔洗20分鐘已經送到上來喇，足不出戶就可以食到真係一大享受，食pizza hut有時真係無謂出街同人迫﹗pizza食落仲係暖暖的，我地鍾意食薄批，批邊鬆脆，料足，最緊要係有勁多我最鍾意食既菠蘿，好味道﹗蒜香意粉味道比較淡，不過我愛佢既乾身不會油淋淋濕笠笠似的﹗如果蒜蓉味可以提昇的話一定更好﹗雞鎚唔係講少，真係好鬼辣相當惹味，搞到我食左一隻之後要開罐啤酒飲下，佐酒不錯﹗最後兩個人食哂成個餐，可能照顧犬隻令人身心俱疲，唔食多0的野補充下真係唔掂﹗