必勝客

营业中

休息中

Pizza Hut係我兒時嘅回憶，記得呢一間係荷里活嘅Pizza Hut係屹立不倒，今次經開，突然之間好想食吓。一對去睇返餐牌晚餐，原來已經變咗有一餐可以叫，唔使下下叫一個非常之大嘅pizza，今次叫咗一個豬肋骨配薯條，另外再加一個細嘅批，另外佢會配返餐湯，同埋一杯嘢飲，咁樣叫嘅話其實都幾抵食，但係個Pizza就略嫌有少少細，每人只係有兩件細嘅，好似有少少唔夠喉，但係佢個豬肋骨係非常之好食嘅，再加埋薯條都好難唔好食，應該會再去食吓其他嘢食

今日媽咪話想食pizza，去到呢間餐廳發現原來買一送一。厚批同埋普通批都係買一送一。Pizza Hut近日推出限時推廣，指定11款必勝批買一送一。低至半價加配雞翼/醬燒豬仔骨/蘑菇忌廉湯同蒜蓉包。但係呢一間餐廳呢實在太多人啦，而家連yuu優惠都暫時唔會再有住，要上網訂購。不過佢哋啲員工真係好忙，同埋好少員工。呢間荷里活嘅Pizza Hut環境都好優美，有露台窗口位。叫咗兩個original pizza。發現佢有酸種pizza麵包皮🍕 Pizza Hut都識得與時並進，有新元素。不過我哋最後呢叫咗兩個批都係$200都唔使，都好抵，大家可以去食。☺️☺️

今天中午我去了必勝客,點了兩種口味的pizza外賣,分別是瑪格麗特pizza和千島海鮮pizza。瑪格麗特pizza搭配了新鮮的番茄醬、羊奶芝士和罪惡的罪犯牛肉,金黃酥脆的披薩皮加上濃郁的芝士,咬下去後,奶香和酸甜的番茄醬立即溢散在嘴中,餘韻悠長。雖然看似簡單,但每一口都讓人欲罷不能。而千島海鮮pizza則不同,配料包含了蝦仁、蟹肉棒、甜玉米粒等食材,搭配濃郁的千島醬,整個披薩呈現出一種海洋風味。每一口都能嚐到海鮮的鮮甜,搭配咸香的馬鈴薯泥,口感層次豐富,讓人難以忘懷。總的來說,這兩款pizza無論是在外觀還是口味上都非常出色,完美地展現了必勝客的精湛廚藝。作為平價快餐店,必勝客能夠推出如此美味的pizza實在讓人驚喜。下次一定再來品嘗其他的pizza種類。

講咗好耐要試嘅 #芝士火鍋 🧀 呢日終於成行😙 坦白講… #小秘書 對傳統嘅 #Fondue 真心唔識欣賞😅 唔知係我有問題，定係瑞士人口味特別濃？我硬係覺得對住成煲鹹魚濃湯咁… 真係臭到暈🤣 為咗迎合嘴刁嘅 #香港人，餐廳好多時都會為迎合大眾，改良烹調口味😙 估唔到 Pizza Hut 今次真係做到嘢😙 地度嘅 #芝士火鍋 睇起上嚟有板有眼，我哋將配料 #長通粉、#麵包、#蝦仁、#炸雞粒 同 #車厘茄 分別放入煮溶咗嘅芝士裡面慢煮，熱辣辣嘅口感又真係幾滋味🤤 哈 就連平時唔鍾意西式食物嘅老竇都食完一口又一口😙 不過一個迷你窩又點能夠滿足我哋三把嘴吖😙 另外我哋就加咗兩份 #下午茶餐，#夏威夷風情薄餅 即叫即焗勝在夠新鮮，無得輸！不過個 #肉醬意粉 配 #雞翼 就認真麻麻，意粉🍝碟底成氹油… 想肥死人咩😅 整體嚟講，餐廳地方乾乾淨淨，用 #Yuu積分 又有優惠，簡簡單單嘅一餐都唔錯吖🤩📍 #PizzaHut #必勝客 (鑽石山)龍蟠街3號荷里活廣場3樓321號舖

平日星期四下午4點在鑽石山下午茶，在商場見有窗口景座位，不用等位直入。環境舒適，空間足夠，明亮潔淨。服務員細心有禮，選擇多，食物味道可以， 我覺稍鹹，友人認為適中。

今日同屋企人去食，叫左4個餐下午茶，有叫到焗飯、卡邦尼意粉 、 餡餅同一個細pizza，每個餐都加左$10雞翼，最後再叫多左個大pizza，真係夠曬飽，即場食嘅味道真係好食好多👍🏻

叫咗個忌廉湯係凍嘅，要換過… 有個咩蜆肉意粉，成個碟都係蜆肉、多到有啲密集恐懼症嘅feel，少少醬汁香草都冇，啲意粉同埋麵乾爭爭，難食，超級冇誠意。pizza先最離譜，叫咗個至尊，不過得一塊辣肉腸喺面，成個賣相好差，啲肉碎一劈一劈，所有嘢都勁求其，投訴完之後完全冇心跟進，啲服務員根本就係求其Hea，唔係好知道點解要收加一，同埋唔值呢個價錢。嗰日食完真係好嬲，諗返起真係要上嚟俾個負評。Pizza Hut呢幾年真係越做越差，唔再檢討嘅話真係唔該執笠喇。

晚市來鑽石山荷里活呢間Pizza Hut完全唔使等位，但係就見好多人買外賣，似係做緊買一送一大批優惠，見行街攰唔想等位我哋就諗住堂食叫咗兩份晚餐，一份係Pizza另一份係意粉， 湯就各一，勁淡唔好飲，pizza重要係超迷你tea time size仲要唔好食,意粉就勁咸，加錢叫左個窩夫，得少少朱古力醬，可唔可以俾返少少誠意，咁鬼孤寒，朱古力醬好貴咩🤪唔怪得冇乜生意，再係咁落去想有回頭客都難，其實係咪已經轉型做晒外賣，分店越來越少，食物質素越來越差，人手又唔夠，冇下次😡😡😡😡

都成日去Pizza Hut食下午茶，貪唔洗排太耐，入座快，坐得算舒服。今次叫咗3份tea set，公司三文治拼薯格，份量完全足夠，好食之餘又比較健康，配埋杯凍0茶真係滿足😋😋墨西哥海鮮餡餅拼薯格，有八爪魚，蝦，蟹柳，混埋啲介未醬，真係好match，值得推介😋😋😋卡邦尼意粉，正常發揮，份量都幾多，當午餐食都仲可以😋😋依期做緊金會員全單8折，折後都算抵食👍👍👍

We always go to kowloon city branch. No problem there. Best service with smiles and warm greetings.The we head to Hollywood Plaza.First of all no wa greetings, no smiles.Second Chicken Mushroom is very watery where as a soup is suppose to be thick.Thirdly Minestrone Soup I spot a fly and asked for a change(glad they really changed it not just moving the bug 🥲😂)fourthly I've asked for a less ice Pepsi Max as it's for my kids. Instead gave me a whole block of ice with Pepsi 😂😂 Gave me a Pepsi with

下午茶時段食客都幾多, 店子地方大和多卡位, 稍作等候已能入座。香蒜肉絲意粉熱辣辣兼香口, 意粉腍度適中。來薄餅餐廳當然要點個必勝批, pizza hut經常會推出新口味嘅必勝批, 這個三杯雞必勝批口感很新鮮, 充滿東南亞風味, 雞肉嫩滑, 加上惹味嘅香草和甜甜嘅秘製醬汁, 批底鬆厚, 外脆內軟, 唔會有肥膩感覺。

鬆厚批4人套餐 $632🍄蘑菇忌廉雞湯質地頗濃稠 忌廉味突出材料有蘿蔔 蘑菇粒🍝雜菌意粉意粉彈牙 只係簡單用黑胡椒調過味配料都幾豐富有青豆 蘑菇 肉粒 火腿絲 同埋蘿蔔絲🍕超級至尊鬆厚批係傳統嘅蕃茄醬底配料有肉粒 洋蔥 青椒 火腿 菠蘿 辣肉腸同埋蘑菇片 整體偏油 鬆厚批感覺都無以前咁厚啦😭不過勝在材料豐富 都啖啖滿足🐔原味雞翼拼意式迷你腸醬汁甜甜黏黏 味道普通🍛意式雞皇飯 $63係每次去pizza hut嘅必點！白汁濃稠而且份量超多配料有蘑菇 青椒 洋蔥 火腿絲 同埋蘿蔔絲底下嘅白飯都做到粒粒分明 唔會濕到痴埋一舊🥦葡汁焗蔬菜 $50葡汁顏色超螢光 觀感就麻麻質地黏黏哋偏漿 味道都幾清香蔬菜有洋蔥 薯仔 西蘭花 紅蘿蔔同埋翠玉瓜 

晚市冇堂食唯有叫外賣，突然好想食Pizza Hut🍕，就到鑽石山荷里活廣場買返屋企慢慢食。 相信香港人對pizza hut都非常熟悉， 今次我點了二人套餐$238 ( 白汁煙肉薯蓉🥔、 至尊批🍕、 菠菜蘑菇長通粉🍝、 忌廉雞湯🥣 $4( 跟餐價) x 2) 。 外賣大約20分鐘， 等候時間都可以接受。 白汁煙肉薯蓉味道正常， 口感香軟。 至尊厚批 有豬肉粒、火腿和意式香腸， 材料豐富， 厚批有口感。 菠菜蘑菇長通粉清清地， 味道可以。 忌廉雞湯返到屋企仲係熱辣辣的😊，good。 熟悉的味道， 間中食下都不錯😊。   

唔清楚係因為嗰日太多人定係廚房有啲咩事發生咗，搞到成間餐廳都比較亂，因為之前都冇發生過咁嘅事。上菜嘅速度好慢，但係嘢食又唔熱😅。之後用會上一模一樣嘅菜俾我哋，真係會有啲無奈。希望下一次去嘅時候會有進步😜☀️西班牙炒飯覺得呢個份量有啲太少，因為以呢個價錢來講就唔係太值得。但係已未到你講佢係正常，唔會覺得有啲咩特別。但係因為另一樣嘢係叫咗set，反而頭盤都未上嘅話個飯已經到咗就覺得會有啲奇怪，因為呢個西班牙炒飯係單叫，所以都冇為意。🌙蒜蓉包呢樣嘢係每一次嚟Pizza Hut都會必叫嘅！因為都真係幾好味，蒜蓉味好足😽🌟雞翼雞翼嘅味道其實係冇問題嘅，但係溫度真係差啲，基本上上枱嘅時候都唔係熱嘅，只係有少少暖，搞到俾我哋嘅感覺就會好似擺咗好耐先上枱☀️海鮮闊條麵海鮮闊條麵同埋蒜蓉包都會一定嗌嘅，真係咁多年都會好欣賞呢個海鮮闊條麵！😽😽但係感覺上份量係少咗嘅但係味道依舊咁好味🤩🌙Pizza 呢個Pizza都唔錯，同樣都係溫度都係差啲，但係呢樣會比雞翼好少少會熱多少少咁多😅但係Pizza嘅餸嘅份量都唔錯，如果會再熱返啲就更好🌟酥皮忌廉湯一直都幾鍾意飲酥皮湯嘅，但係唔知點解今次嘅醜左小小，係會凹咗落去同埋

2021年10月20日 (星期三) 11:45am 23°C 環境光亮整潔，餐具乾淨。 人數：2人 HK$206.8 不用排隊 雞肉野菌意大利飯 - 雞肉鮮甜軟滑，菌類飄香，紅椒不辣，飯粒綿綿，拌隨芝士白汁，味道不錯呢！ 黑白松露雜菌芝士焗意粉 - 芝士濃厚，菇菌味重，紫洋蔥香辣，麵條質感滑溜，適合喜愛芝士人士。 迷你窩夫配朱古力醬 - 香脆美味 意大利菜湯 - 蔬菜爽口，灑上胡椒粉後，味道辣辣的，冬季暖胃。 蘑菇忌廉雞湯 - 濃稠適中，不會過杰，雞肉和蘑菇皆軟滑。 熱奶茶 - 香滑提神，茶味濃郁。【推介之選】❤❤❤《 餐 牌 》：【 溫 馨 提 示】：❶ 提供午市套餐❷ 結帳付款須自行到收銀處❸ 另收加一服務費