忌諱

营业中

休息中

和朋友慶祝生日性價比不錯 份量夠 加配的生日蛋糕有驚喜不但有寫字服務 還有🎆 正吖意想不到 難得不用逼住翻檯 任你坐到半夜哈哈哈 香港餐廳難見這樣服務菜色正常發揮 和午餐一樣好。

今日架啡好淡食物同以前差唔多塊魚有啲亁沙律巴個湯比較熱，稀啲，整體OK ！座位近窗比較舒服和暖服務態度可以接受，職員比較友善價錢跟未裝修之前差不多整體評分70分，尚可

📍Taboo(忌諱) - 灣仔灣仔Happy Friday嘅Lunch食乜好？同事介紹哩間Taboo餐廳！環境Chill食物高質！特別之處餐廳中文名叫忌諱😂百無禁忌嘅我同同事一齊去試下先😂Lunch Setan Fried Barramundi香煎盲曹魚柳 $125估唔到嘅係魚柳底下鋪滿8款豆類！魚柳香煎後嘅魚油流落底下嘅豆豆😋令普通嘅豆味道昇華一個Level🤤魚肉味道唔錯，煎得香脆可口！不過份量方面有啲唔太夠，男同事食完魚柳之後要食埋個甜品先夠飽😆甜品係紅蘿蔔做嘅煉奶蛋糕！味道好甜而且蛋糕鬆軟！鐘意食甜嘅同事覺得唔錯👍🏻我就覺得略甜左一啲😅而且煉奶好多。New Zealand Ribeye Steak 紐西蘭肉眼扒 $135哈哈哈哈！Lunch去鋸扒！聽落就知Happy Friday啦😂塊扒我㗎Order左Mediam(5成熟)，但係上到枱面我覺得已經9成熟啦🙈冇左預期中肉嫰嘅口感，不過牛扒味道充滿牛味👍🏻味道方面好出色😋配菜薯仔角同沙律味道唔錯👍🏻薯仔角岩岩炸好，熱辣辣好味道！而且薯仔又粉又蓉！又有薯味口感好正😁T-able 指數： 3.8/5

跟朋友到灣仔午餐，他帶我到一間位於商業大廈一樓的西式餐廳。相信此餐廳已開業多年，裝潢有點殘舊。 我們點了兩份午市套餐。＊餐湯：南瓜湯。餐湯附有餐包。南瓜湯算是清甜。餐一包也軟綿。  ＊烤羊排意想不到的是份量頗多。一嚐之下更感驚喜，羊排肉嫩，多肉不干，肥脂不多，烤得外表有點焦香。 ＊紐西蘭肉眼扒烹調得也不錯，肉質也軟腍。炸薯條也香口。 ＊　甜品：巧克力蛋糕 意想不到也十分滋味。巧克力蛋糕綿密，味道不會過於甜膩。 ＊　咖啡：咖啡味道不錯，入口也順喉。

又黎到灣仔lunch系列！今次終於終於要介紹哩一間酒吧，灣仔入面其實有好多間吧，但野食質素高既坦白講，真係唔算多，雖然哩一間酒吧個名好搞笑，叫「忌諱」，聽落係有少少怪既，而且入面好似長期冇乜人咁，行過都未必會想入去食，但其實佢有兩層，如果你有訂枱，職員會安排你上一層，我諗哩一個都係佢地喺疫情下重頂到吓的原因。唔好講咁多，一於講野食體驗～午市通常會提供幾款套餐，包餐湯沙律，主菜，野飲，重有甜品！價錢又唔貴，所以都幾抵食。餐廳通常都會有長註菜式，「牛扒」，其餘都會因應唔同時間會轉，以一間酒吧餐廳黎講算好有心。咁我平時都係食扒多，今日我同同事就叫左其他野食羊肉串燒配藜麥飯底我揀既野食係羊肉串燒配藜麥飯底，哩間餐廳好間唔時會有羊，而且通常都係羊架，串燒都真係好少見，所以好羊既我即刻揀左。一黎到，見到有五串，已經俾我想像中多，而且羊肉燒到好香，唔會好膻，配返健康既藜麥飯，比起就咁叫個羊架，冇咁油膩。同埋有時只係食羊，返到公司個口都重有勁大陣味，哩個餐食完唔覺，所以值得推薦紅酒鴨胸同事叫左個紅酒鴨胸，不過哩一個就有啲失望，因為鴨胸外面煎得唔夠脆，而入面啲水份就好明顯鎖得唔夠，較落去既口感有少少腍。

成日行過，但係第一次過來呢度食lunch, 原來book 枱係要上1/F 的，咁地下其實已經唔經，加埋樓上，真係幾大下。👍🏻一上到去，己經見到擺左張pool 枱係中間，全部坐位都係皮椅，好似幾型咁。🤣🤣 2個人安排到張窗邊位俾我地，very good~~🤣🤣👍🏻👍🏻呢度啲lunch set 都幾抵食，$100左右己經包左湯/starter，main course, dessert and drink . 唔貴呀🤣🤣🤣 今日嘅湯係Lobster soup , 無龍蝦🦞肉嘅，明顯係用膏開出來，係鹹左少少，都唔太差嘅。😅 main course 我同家姐一個揀左煎比目魚，一個揀雞肉帕爾瑪芝士，個魚有少少鯹，同無乜調味，好在佢啲伴碟啲薯容，配菜好好食😋。另外一份就係炸雞面再舖上cheese , 配薯條🍟，薯條好食，脆卜卜，但個雞同魚一樣，無咩味，而且個cheese 唔係熱擺上面，2樣嘢融合唔到一齊，可惜！😅 送嘅dessert 係tiramisu, 但拎來個樣就十足Opera 咁，味道方面就普通，蛋糕有啲嚡，麻麻地😅😅😅 呢度冷熱飲品都同價嘅，份量都大，至於味道就真係普通。

樓上一樓餐廳梳化好寬敞，坐到唔捨得走，好適合想傾計嘅飯局。餐湯味道合格，但唔熱，餐包直頭凍到硬，冇香味，沙律外觀唔吸引，好求其。可能一開始已經打哂折扣，對主菜冇哂期望，但原來反而有驚喜。牛扒熱騰騰，大大件，我要嘅Medium剛剛好，冇血水，牛味濃，肉質嫩，薯角香脆，幾飽都想食哂佢，伴菜色澤靚又爽脆，比起沙律好好多。雞皮煎得好脆，肉質保持到嫩滑，正。結論：如果頭盤可以改善埋，一星期去一次都可以😍。

這間隱蔽的餐廳同時亦是一間酒吧 所以內裏的裝修非常chill有桌球枱亦有電視 店員都是外國人 這次的business lunch體驗也十分好 🤎RIB EYE STEAK我們叫了七成熟 軟腍度也剛剛好 肉眼不會過乾 最難忘的是他們的薯角 炸粉超薄入口好外脆內軟 絕對是新鮮炸好的🤩 💛Spinach  Ricotta  Ravioli跟我們想像中的意式雲吞有出入 內涵吃不出是什麼 幸好他們的醬汁補救了 配上大量的芝士 中規中矩 但同行的朋友很抗拒 💚Set lunch有前菜或者沙律 兩者都很標準 還有牛油麵包 一款主菜和一個甜品 可惜當日的甜品並不吸引我 不過餐廳的氣氛真的很好員工態度的服務也很友善 總結：7/10

今日行去灣仔同舊部門同事食lunch，佢揀左呢間酒吧餐廳。Set Lunch包餐湯或沙律，主菜、甜品同餐飲，都幾豐富，要收加一服務費。我揀左沙律，有塊煙三文魚，沙律都新鮮既。舊同事揀左餐湯，佢話係周打蜆湯啲friend，但唔熱又稀左啲，餐湯會附有一個小餐包。主菜我揀左Rib Eye Steak，有舊牛油係扒上面，好邪惡。牛扒唔鞋唔韌，偏薄身，都算軟腍易咬。伴碟有勁多薯角，仲有沙律。舊同事就揀左Grilled Beef Short Ribs，試左少少都OK既，偏薄身，伴碟薯蓉幾好食。甜品係一小件朱古力蛋糕，口感偏實，略甜。餐飲我飲凍檸茶。

如果就咁睇Openrice 呢個餐廳既人氣度好似會俾人忽略咁 試完佢既set lunch之後 都覺得值得一試呢個餐廳係2樓 係一間酒吧黎 入到去有電視 有桌球枱 夜晚睇波應該唔錯我地一行4人 試左4個唔同既Main Course 全部各配Mini餐包+湯+甜品+野飲我覺得一份配有甜品既Set lunch令人好愉快 會power up捱埋下晝既working day!!淨係睇隻咸豬手相都應該嘩一聲。Set lunch有咁大隻咸豬手都幾誇張 但燒得十分好 皮好脆 肉質唔鞋 成隻都冇得彈 男士都未必食得晒!第2款有檸檬百里香燒春雞配煙肉蘆筍卷 個配搭幾合拍 第3款係澳洲肉眼扒,  切落去好juicy 將牛油搽係肉眼扒上面再食好滑口 配埋薯角同沙津菜 減輕膩感第4款係三文魚扒配米蘭汁 鐘意食三文魚的朋友應該幾喜歡 再配沙津菜同車厘茄Dessert係特濃朱古力蛋糕 上面有朱古力粒粒 層次好豐富。細細件 為lunch time埋個好尾。飲品就檸茶檸水奶茶咖啡之類 Set lunch係酒吧食都幾唔錯喎  雖然食完都係要返去俾老細捽....

呢間餐廳都幾大有上下兩層，但係下層啲枱大部份都係高枱，所以想坐得舒服啲就會揀上層同埋要預早訂位今次個湯係白湯，都幾多料，入邊有啲類似腸仔粒嘅餸，不過啲湯如果個質地厚啲會好啲主菜叫咗虎蝦蕃茄芝士意粉，意粉質地控制得好好，唔會太硬唔會太軟身，不過除咗兩隻虎蝦之外就冇其他餸，同埋意粉份量都唔算好多，女仔來講先叫剛剛食得飽甜品就俾咗個一小份藍莓芝士蛋糕我哋，水準都係正常嘅最後呢間餐廳嘅咖啡係偏淡味，朋友叫咗杯熱奶茶都係西式嘅熱奶茶，即係用茶包沖嗰啲，可能飲開港式奶茶就會有啲唔習慣

轉角位既地鋪幾顯眼，不過隔離棟樓既樓上一樓都係佢地既，質素頗為平穩下我都做左呢間西餐廳既常客☺️▪️ Rib Eye Steak💲128 (Set Lunch)前菜有是日餐湯或者沙律，呢日係略為稀身既椰菜花湯，仲有牛油麵包🍞主菜我多數都係叫牛，五成熟軟腍度就差唔多，本身已經有椒鹽調味，多數會配多個醬係面頭，醬汁未必次次一樣，呢次個Wasabi醬都幾特別比預期中夾😱最鍾意配薯角，呢間既薯角無得輸，炸粉薄身入口都外脆內軟😍甜品會有朱古力蛋糕 ，不過蛋糕既質感偏乾實一般般🙈最後仲包杯餐飲☕️呢個價黎講份量真係幾足夠曬飽肚🤤🔎 整體評分（7.5/10）

呢間餐廳有兩層，底層係酒吧，食lunch就坐左一樓，仲有得坐係窗邊，環境舒適，同埋餐廳環境好寬敞👍今次試左Rib eyes，三成熟，味道唔錯，雖然係三成熟，但係唔會成碟血水，而且啲肉好嫩，完全唔會硬同咬唔到，牛扒黎講價錢尚算合理😋另外仲有試到魚柳，塊魚柳都嫩，但係感覺有啲過淋，魚下面係薯蓉，薯蓉份量好多，味道正常😗甜品係朱古力蛋糕，朱古力味好濃，而且口感好緊實，細細件，唔會食到好流，非常吸引😋

難得可以一齊放假平日約埋朋友去灣仔食個豐富的brunch再去行山食飽就可以行山減肥真係好健康🤣呢間其實係上下兩層既酒吧如果早來搵位一定要揀一樓果層 可以望下街景而唔會比煩囂的都市人流嘈親靜靜地慢慢地嘆個brunch so chill ar 午市有set lunch 百零蚊包埋前菜主食甜品同野飲 灣仔區來說cp值爆燈我地都揀左食牛扒餐前菜有煙三文魚加少少菜 味道不錯主菜 牛扒 我要七成熟 煎得剛剛好 保留到肉汁又唔會太生係果芝士汁多得滯餐包 餐飲 都ok好味過茶餐廳最後甜品竟然出奇地難食， 好似藥水味又好膩既口感甜品失曬分千萬不要對甜品有任何期望成個午市套餐$128再加一其實都抵食會再回頭食亦都推介佢哋既主食同另一位朋友講起呢間餐廳 佢話羊扒都好食 係甜品唔ok

今日經同事嘅推介 去咗呢一間餐廳到食lunch 一上到嚟已經好鍾意呢到嘅環境 好舒服 而且個張凳亦都非常好坐坐低後我叫咗碟蟹肉意粉 佢個意粉都係非常精致 而且比我想像中大碟得多 對我嚟講非常夠飽 而且佢唔只飽咁簡單 個意粉好爽口 唔會煮得太淋 而且個蟹汁非常好食 佢有蟹嘅鮮味加埋少少辣 非常特別而好食 兩者嘅味道好夾 食落好開胃 好少食到咁特別而好食嘅意粉 食完之後原來仲有甜品 有一件細細哋蛋糕 個蛋糕質素都非常之高 無諗過係灣仔食到間色香味俱全嘅西餐lunch 絕對值得再食