影片
朋友介绍唻呢度, 话佢海南鸡饭好好食, 今日叫咗呢个套餐, 啲鸡肉唔可以话系好滑𠮶只, 但就唔鞋 仲有啲鸡味, 底下有啲椰菜垫底, 侧边有啲酸菜, 呢啲配菜都好好食 至于点既汁我就觉得甜咗少少, 唔够酸辣, 姜蓉就冇乜特别。例汤都好老火, 仲好足料, 有旧猪横脷食添。佢哋都有卖芝士饼, 芝士饼细细件, 有淡淡既柠檬味, 芝士味唔算浓, 但都唔错 咪以为细细件就可以每人一件, 其实食半件已经好饱。好彩我同朋友一件两份食。见到好多人小菜, 啲小菜大约$6X左右, 完全唔细碟, 下次可以再唻试吓。不过听佢讲话就唻搬, 都系喺附近, 但唔系咁知详细地址了
继续阅读
约咗人系附近但又未够钟，所以找个地方食个早餐先。之前听朋友讲忠记的食物不错，所以就直接过来。因为餐厅系一楼所以选择咗行楼梯上去，一上到去未入门口就听到很嘈吵，果然店内的座位差不多全满，幸好我是一人，所以有位。我一坐下来，已有个哥哥急不及待想同我落单。虽然茶记来来去去都系差不多，咁话哂都系第一次嚟点都要睇下个餐牌架嘛！哥哥等咗我几秒见我仲未可以落单于是就走开咗！咁都好等我可以睇下附近的人叫咩食多，见多数人都系叫面餐多，于是我就叫了沙嗲牛肉火腿米粉和茶走。沙嗲牛肉火腿米粉配有生菜，很有诚意，因为唔多餐厅早餐都会咁做，所以即刻加了分。沙嗲牛肉的沙嗲味很浓有少少辣，牛肉亦都很腍身。米粉是我喜欢的幼粉，很夹口！至于奶茶就强差人意，茶味浓但有苦涩味，不够滑，而且颜色亦偏深，只有香味！
继续阅读
忠记听过好耐，一直想试，去到楼下，大厦门口都几隐密，要入横街，因为在一楼，行楼梯上去！茶餐厅格局，装修比较简陋！墙上有菜式介绍！门口一边系水吧，一边系收银！食物以中式小菜为主！驰名海南鸡饭二人套餐（$168）招牌海南鸡半只：除了鸡胸比较嚡（可接受）其他部位好滑，但又唔肥！鸡唔肥，皮下唔会好多肥膏！有两款酱提供，姜蓉同泰式酱，我喜欢点泰式，酱料唔辣，酸酸地开胃，姜蓉太多姜，我自己钟意葱多嘅！都唔太咸！底下有椰菜垫底，比较硬！唔知系厨房知道系外卖所以特别煮生少许，等到回家都仲爽脆（因为脆肉瓜回家都刚刚好，焗过都仲爽口）仲有红白萝卜丝酸菜！腌得刚好爽脆好味，连平时唔嗜酸菜嘅肥髀都同我抢食！小菜：有4款拣，我拣「虾酱翠玉瓜炒牛肉」翠玉瓜爽脆（焗过仲爽，好难得）牛肉唔韧入味（无用松肉粉）虾酱咸香，好惹味！餐汤：椰子煲猪骨：呢个汤好惊喜，足料香浓，唔味精，好似饮咸椰汁！有三件椰子肉，加大块有软啫喱嘅软肉嘅猪骨！叮热饮好似饮椰子浓汤！平时唔嗜中汤加唔钟意椰子味嘅我饮晒成碗！油饭：金黄色好靓，油香满嘴，每粒都索晒鸡油！如果有黑甜豉油捞饭就仲正！糖水：姜汤汤丸，用纸杯装住6粒汤丸！芝麻馅香甜，汤丸皮烟韧，姜汤非常辣，肥髀辣到顶唔住！食完好暖！食物返家打开，包装得好企理，用可以入微波炉嘅胶盒，方便食客翻热！攞到回家时仲热，可惜等埋肥髀做功课，最后都系暖食！汤同糖水就加热！鸡肉无加热因为一叮就好嚡！店员服务亲切勤快！我去到门口已经有店员招呼，知道我买外卖又叫我坐下来慢慢睇餐牌，落好咗坐响度都要等15分钟先有得攞！店员知道我要唔要搭车，即刻主动再加多个胶袋比我，兼同我讲定，比埋外卖纸叫我下次可以打电话落单先！好好服务！可以八达通比钱方便！整餐外卖食品都好味！题外话：见到枱面有餐牌，话有芝士蛋糕（相片系三角切饼）小菜馆有西饼？但雪柜内嘅芝士饼系方形，唔知点解我一向觉得芝士饼要三角形（个人问题）所以打消了食嘅念头！
继续阅读
是咁的 .... 那天很想食海南鸡, 于是到Openrice 打呢几个字就揾到忠记,于是决定了晚饭地方, 一切是随心而发So easy !晚饭时间, 不是不过旺场。埸内坐著一位上Super Model (But Long time ago)一坐低就点了海南鸡饭餐 $56不久店员为我送上了一盘来盘子内有一碗 姜蓉, 泰式酱汁, 香芽饭和一份鸡。先尝一口汤, 椰子味芳香, 汤头够热香浓可口。再尝主角, 小妹喜欢这里把鸡切得较大件,鸡皮黄咁咁 , 是正宗黄油鸡口感实在不像冰鲜鸡。而鸡皮下乃是传说中的 jelly 层, jelly透明滑溜溜。鸡肉非常嫩滑, 鸡肉富弹性, 肉味不俗垫著鸡件的椰菜和酸萝白都唔可放过 吃一口充满香茅清香的油饭, 而且饭粒是软糯糯的，岩晒我。 淀粉控小妹扒到一粒饭都无得留低, 真系超级喜欢。试过呢到的海南鸡实在回头太难。过左几日再接再厉, 而水准一样无变, 例汤转了青红萝白汤。总结: 我以后会黎多d !
继续阅读
下班后去了靓女kk的新店探望她, 跟著一起吃饭, 她说有点累, 建议随便到附近的茶记吃个简单晚饭, 在铜锣湾这个香港黄金地带, 随著租金日益上涨, 很多小茶记已经被大集团取代了, 当中仍然有数间历史悠久的能够在这个地区努力奋战著, 忠记就是其中一家了...由早年开在渣甸街地舖的忠记, 这几年实在受不了地舖租金的上升, 也不记得在怎么时候搬到商厦的一楼, 我也是偶然在杂志上看到他们的报导, 才知道他们搬到一楼, 继续努力地经营....早前特意找友好陪我到来吃个下午茶, 看到他们晚餐时段有很多家常小菜提供, 就提议到这里吃...晚上8时多, 店里座无虚席, 幸好刚有客人离开, 我们不用等位, 看到其他客人都是联朋结党的来吃饭, 热闹得像个街坊小店...我们看看餐牌, 小菜的款式很多, 价钱亦算经济(在铜锣湾区来说), 最后点了我爱吃的"家乡土鱼尤蒸肉饼"及"虾干面酱唐生菜"....小菜还附送例汤呢...但不包白饭及饮品...今天的例汤是沙参鸡脚, 味道还可以, 不太感到有味精...肉饼煎至金黄色, 肉质经煎香后仍不会太干, 碎猪肉混入了马蹄粒及虾干粒, 令肉饼不会太单调之余, 亦渗透了虾干独有的咸香味, 配白饭来吃, 很赞!!!至于唐生菜...菜很新鲜爽口, 配以很多的大虾干及少许的红辣椒来炒, 令菜带少少的辣味, 但不觉油腻, 大虾干亦吃得出是上好的货色, 有口嚼感亦带虾香味, 不错!他们的小菜选择很多, 只是今晚只得2人, 不能多试几个, 另外, 他们还提供私房菜的安排, 只需提早预订就可以了...
继续阅读