忠誠茶座泰國菜

营业中

休息中

晚餐。好友歡聚，星期五下班後一車車入大尾督，1930去到見到幾乎坐滿，幸好有訂位。是晚order :烤豬頸肉／魚露雞腳／冬蔭公／炒椰菜苗／蝦餅／咖哩雞／蝦餅。特別欣賞豬頸肉及雞腳，前者亮點在於佐汁，又香又辣，估計點任何食物都會變美味，後者則是自己偏好，魚露味不濃，不黏牙，正～其他菜色都屬正常發揮，同行小朋友覺得，冬蔭公味太重，我呢位重口味小姐則覺很有泰味，看不出小小一煲能有4碗。由於地點偏遠，沒車或不住附近的話，平日都很難會去光顧，吃過飯後到海邊走走幫助消化，一個美好的Friday night。

次次踩單車入大尾篤都必食忠誠茶座，今次都唔例外～大熱天時3x度曬到燶~做咗咁多運動，梗係要食返餐好嘅撫慰下饑腸轆轆嘅自己啦～7點嚟到等咗15分鐘終於有位，一坐低梗係order凍檸茶同凍鹹檸七飲gur 一gur啦！鹹檸七個鹹檸成個雞蛋咁大，酸味恰好，極爽勁解渴！雖然有D喧賓奪主，但我係為串串餅而嚟😂串串餅真係好出色，薄餅好鬆化酥脆，八件一串串好十分的骰，睇得又食得，百吃不厭！仲叫左綠咖喱牛。綠咖喱汁微辣，用嚟點串串餅就最好不過！牛肉嫩滑，配埋羅勒葉同泰國茄瓜仔非常地道好味！泰式乾炒貴叼辣辣地好惹味，配料除咗有魷魚，仲有雞肉、牛肉、豆角、菜芯仔、草茹，足料到嚇咗我地一跳！串燒沙嗲豬肉好有誠意，豬肉厚身結實得嚟又彈口，燒得好香，配埋醬汁perfecto!呢間泰菜真係唔錯，難怪門口長期咁多人排隊，下次去大尾督我都一定返嚟食佢！附上餐牌-

Friday quick escape with beloved colleagues. We had stir fried crunchy veggies with diced salted fish, half a chicken, pad thai, beef in sour and spicy sauce, and also the Thai style crispy puff pockets. The beef was my favourite dish- the sauce is very spicy and the beef is tender and coated full on with the sauce and toasted rice powder (khao khua). Yummy yum yum! The puffy pockets were really crispy, they tasted good even without some dipping curry. We just dipped it with the sour sauce from

大熱天時來大尾督走一轉，真是熱到大汗淋漓。成身汗只想快點食個午飯😩。大尾督咁多間餐廳，次次來都會幫襯下忠誠茶座。喜歡它質素高，價錢又不貴，位置多等位容易😂。椰香咖喱牛腩飯 $48吹住冷氣食牛腩飯，感覺即刻爽快點。咖喱汁🍛與飯分開上，可以控制自己食醬汁的份量。咖喱味香，有些少辣味。牛腩煮得夠腍，份量多。薯仔🥔有三大舊，夠軟身，是食咖喱飯的重中之重。上菜速度快，枱與枱之間的距離十足，坐得舒服。👍🏻

約食蟹約左好耐.........約埋都無咁岩，我又係上水，你又係大埔，即成團😋😋😋😋到店還未夠鐘開門，我哋係門口等一下，呢個咖哩蟹，夠大👍🏻👍🏻👍🏻肉就少左啲，味道搭夠，唔辣兼香口，配搭薄餅，一塊一塊配咖哩汁😋😋Yummy....👎🏻👎🏻豬頸肉就一般啦，無乜特色😞😞椰青夠新鮮、夠凍，仲要夠大.......在炎熱☀️☀️的天氣下，飲一口超涼快👏🏻👏🏻椰肉又易刮，超甜👍🏻

已超過兩年無光顧大尾篤 "忠誠泰菜館"今晚，重臨！ 結論： 各方面都差咗好多！食物味精勁重，好口渴！要飲嘢。。。飲品又貴又唔凍 (象啤酒$60幾/枝) 椰青 $55最唔開心，就係服務態度！尤其是，資深接待員！ 其他的服務員，又點會好吖！好奇怪，資深接待員，對客人好有要求。。。資深接待員：快d "Tu" 安心出行客人： 要填表呀資深接待員：吓！ 填表呀！ 要寫清楚吵！每張紙只可寫4 個，一定要寫電話號碼 (已寫) 。。。咁有幾多人"Tu" 安心出行呀？ 要逐個比我check! 資深接待員：10 位呀！要分3 張檯呀！客人： okok. 無問題！由於，在訂檯時，已預訂荀殼魚。。。坐吓，再落其他order...幾分鐘後。。。服務員埋嚟話： 今日條筍殼魚比平時大條，要加收$30! 客人： ok啦！ 由於，分3張 檯坐，所以，已醒目將所有食物都叫3 份，以免麻煩服務員，唔知擺邊檯，但筍殼魚 & 咖哩蟹，只可叫一份，最後，都係求其放！全場極多服務員，但無服務，問咩都無！ 坐咗1小時15 分鐘左右，就不斷埋嚟，叫埋單！要檯呀！要檯呀！下次再嚟啦！唔好意思！下次真係唔會再嚟喇！

串燒鱔片 $108呢度既串燒鱔片絕對係必食✨ 鱔片烤得好香口 外皮燒到超脆 而肉質好肥美又冇碎骨 雖然成碟得4串 但食完絕對會覺得值呢個錢 直頭連本身唔鐘意食鱔既朋友黎到都話要食😚評分: 10/10🌟串燒沙嗲豬肉(4串) $62如果你有食過串燒牛就會明白呢度既串燒淨係可以叫雞/豬 今次揀咗豬肉 肉質好淋有滿滿既炭燒味 加上秘製沙嗲 成個配搭非常出色 值得一試🤤評分: 9/10🌟醃無骨雞腳 $78本身屋企人話想食有骨雞腳 但因為售罄既關係就叫無骨 更加方便去食🤣 食落真係好有正宗既泰式風情 酸酸辣辣超開胃 而且係凍食 啱晒夏天食😍評分: 8/10🌟咖哩炒蟹 $339炒蟹雖然價值較貴 但啲蟹食落都啖啖肉 好入味 加上成個餸既精粹在於個咖喱底 食咁多次都仲係好好食 屋企永遠都整唔到呢個味 香濃得黎唔會好辣(直頭覺得完全唔辣) 小朋友都食到個種 仲要甜甜地 成個汁好rich jeng😋評分: 9.5/10🌟泰式煎薄餅 $42一碟有4塊 4個人share就啱啱好 食落熱辣辣仲好有彈性 每片都厚薄適中 用黎沽咖喱汁食就一流🥰評分: 9.5/10🌟泰式焗薄餅 $42 呢個就係最signature既薄

以前去食，都幾唔錯今晚2021-4-30 6:30pm 去食所有野都好咸！ 咸到離譜好耐冇試過出街食嘢係咁咸我一家人食野唔算淡口但今晚食既呢餐 個個都覺得好咸食到無晒癮 唔夠咸 我地可以加鹽你整到咁咸 點攪？1. 青咖喱雞 呢個死咸 無晒香味拎黎點個碎餅 只係一種死咸味完全遮蓋晒咖哩味。2.泰式濕炒貴叼，又係咸到無晒其他味3. 之前燒得好好食嘅燒白鱔，特登再嚟食，一食又係好鹹4. 最正常就係嗰脆炸筍殼魚..唉，好失望. 一次就夠 唔會再有下次

Visited for sat early bird dinner after hike. No expectation and yet it served the best green curry with vege in town! Spicy beef flat noodles was good too. Highly recommended, especially for all just completed hiking! If you have a car, may also wish to drive here for a try!

食過好多次，覺得水準真係非常之唔錯，不過而家假日真係好多人去食，建議一係5:30就去食，一係就訂位！串燒鱔片 $108最好食既係燒鱔，燒到熱辣辣，個醬甜甜地好好食，皮脆得黎肉又彈牙，真係超好食！！😍😍😍😍泰南炒粉絲呢個好似第一次叫，比我想像中濕，不過粉絲好入味😋😋😋無骨鳳爪呢個都係我既最愛，黎親必叫。鳳爪份量好多，個酸辣汁唔算好辣勁開胃。其實基本上係冇伏，叫咩都好好食，不過親係多人左d要花時間等位～

今日和太太往大埔大尾督忠誠茶座泰國菜食晚餐,我們點了蝦餅, 香葉包雞、炒泰國金邊粉、烤朱頸肉、燒鱔、蒜蓉炒椰菜苗、凍龍眼冰、椰汁冰和原個菠蘿海鮮飯。蝦餅炸得金黃香脆,食落彈牙, 佐酒一流；香葉包雞雞肉肉質鮮嫩可口, 配上特製醬汁食落惹味；炒泰國金邊粉炒得乾身, 金邊粉食落爽口, 食落不油膩, 口感豐富；烤朱頸肉食落乾身香脆, 朱頸肉食落啖啖肉, 口感滿足；燒鱔共4串, 鱔肉質爽脆, 肉質鮮甜味美；蒜蓉炒椰菜苗蒜蓉味道香濃, 椰菜苗食落新鮮爽口；椰汁冰椰汁味香濃, 甜度十足；最後原個菠蘿海鮮飯份量足料, 海鮮有蝦, 魷魚和魚肉等, 材料新鮮彈牙, 飯炒得乾身, 飯粒軟綿, 配上雞蛋和菠蘿口感豐富。餐廳食物美味, 份量十足, 座位舒適, 我和太太食了一頓美味泰國菜。

每逢假日肯定要去郊遊， 周圍去放鬆下吧o(≧v≦)o 今次就入左大尾篤踩單車🚴到傍晚時分就決定係埋入面食野，而附近好多泰國菜食架，我地揀呢間餐廳嘅原因係非常求其，見到邊間最多人排隊就食邊間而呢間當時係最多人排, 覺得多人食肯定有佢嘅原因 心想著:一定係最好食嘅。點知實在太多人，排左成粒鐘 係出面餵蚊店內裝修有啲似大排檔，比較舊式，都多座位食物選擇都多，都係一般泰國嘢🧩明爐魚味道唔酸唔辣 唔係我想像中泰式味 較普通 有少少失望🧩青咖哩同樣好普通 較淡🧩生菜包肉碎中規中矩 呢道菜唔會差得去邊🧩冬陰功湯唔錯 都正常🧩炒通菜正常Overall, 以排咗一個鐘嚟講 沒驚喜到我 有d失望╭(╯3╰)╮

一早訂了去慈山寺賞桃花，希望今年好景，事事順利。大清早出發，要轉了幾程車才到，桃花都開得燦爛，不枉此行。賞完花已經是中午，再乘車到龍尾，見到這間口碑不錯的泰國菜館已經有人龍，幸好只是等了20分鐘就有位。菜館有兩邊，高高低低的分為幾個部份，座位都不少。我們三人點了一個魚露浸滑雞飯 ($55)、一個椰香咖哩牛腩飯 ($55)、一個蒜蓉炒芥蘭 ($48)一個串燒鱔片 ($108), 還有一杯青檸利賓納及一杯青檸薑蜜，後來再加多一個蒜蓉包。魚露浸滑雞飯的雞比想像中大碟，也很嫩滑，味道不錯，亦是第一次試到這個做法。椰香咖哩牛腩飯的咖哩不算辣，椰香味濃，牛腩煮得腍而不韌，咖喱汁撈飯好味，還有兩件薯仔。蒜蓉炒芥蘭也炒得不錯，有著泰式風味，帶些鹹香。串燒鱔片甚有驚喜，一上枱已然聞到碳香味，但沒有燒焦。鱔片很大片，新鮮爽口彈牙，還帶有油脂的甘香，調味也恰到好處，有機會再來一定再試。青檸利賓納帶點甜酸味，而青檸薑蜜就有少許微辣，兩者都清新醒胃。後加的蒜蓉包也不錯，烘得十分鬆脆香口，加些咖哩汁來一起食也很好。雖然是郊外小店，但菜色做得真的不俗。

年初七，人日，天朗氣清，到大尾篤遊玩慶生。仲係過年，雖是平日，人很多，停車場爆滿，慶幸今天揸的是電單車，較易找到車位。對面就是忠誠，先醫肚子。取飛後要等，周圍狂狂還有什麼其他選擇，走一圈後還是想吃忠誠，再回去就有位了。點了一個咖哩牛腩飯，一個冬陰功肥牛金邊，一個沙爹串燒（牛雞），兩杯檸檬茶。沙爹串燒很有炭燒香味，肉質好，比起上次我去好時沙爹食的真的好十倍，調味適中，沙爹醬不會過甜，有花生香。咖哩牛腩都好食，好有椰香味。湯金邊粉就一般。凍檸茶走甜少冰，睇個樣都有heart，放得靚靚的。埋單$250 左右，唔太記得，好似要加一。好評，會再來。

泰式炒金邊粉- 材料好豐富，有蝦仁、蛋絲、豆腐卜、菜莆、肉鬆、花生碎，仲有好多蝦米仔，炒得好有咸香，惹味可口。泰式雞絲濕炒河- 河粉是正宗泰式的那種闊身薄片的，滑溜溜而且爽身不黏口，汁的濃稠度剛好。雞絲分量足，嫩滑爽口。配料有草菇和芥蘭。沙爹串燒牛肉香噴噴，牛肉燒塗上蜜糖，燒得焦香，但不會乾，能夠保持肉汁，啖啖肉，沾上花生沙爹醬更加惹味。