影片
营业时间
今日营业
08:30 - 20:00
星期一至日
08:30 - 20:00
以上资料只供参考，请与餐厅确认详情
招牌菜
今日突然好想食燒味飯所以就專登過去元朗忠輝忠輝佢有幾間分店今次就嚟近大榮華呢邊嗰間買呢間嘅燒味飯不嬲出名係份量大又平所以每次我想食燒味飯嗰陣都會揀佢今日揀咗叉燒燒肉飯 少飯叉燒雖然睇落好似好瘦但係一啲都唔硬同鞋口另外燒肉個皮好脆不過我覺得有少少鹹啲飯撈埋叉燒嘅汁，真係好好味😋😋😋呢個價價錢食到咁嘅質素真係叫好抵燒味又多價錢又唔貴食晒啲飯啲燒味都仲有真係幫我專登入嚟元朗買👍🏻👍🏻👍🏻👍🏻
继续阅读
好食唔好食，真係睇彩數，今次之後，我以後都唔會再喺度買淨叉燒因為真係好垃圾，睇住佢切，勁多頭尾，又切是斷。之前食兩餸飯真係ok，但係淨餸反而唔掂！去返大橋街市嗰面買好過。
继续阅读
早幾日突然想食叉燒，之前喺呢間買過一次雙併飯覺得都ok，就叫左男友返黎之前順便幫我買盒叉燒油雞飯～雙拼飯$30，肉類會舖到滿滿唔太見到啲飯，幾抵食，賣相其實不錯不過今次既叉燒比較乾，乾得黎又完全無焦香味～而啲豉油雞得皮同骨，勁少肉。。。。本身燒味已經鹹，仲要落左勁多豉油同一大pat薑蔥，食完呢個飯我覺得自己腎都虧埋🤦🤦 (其實上次都係偏鹹，但今次依然唔記得叫佢少豉油少薑蔥🤦🤦)只能說如果下次再有機會食既話，就要睇下好唔好彩當日啲燒味水準如何，兼記得記得叫少豉油少薑蔥🙈🙈
继续阅读
今日6點時路過見到咁多人排隊就排埋一份， 見左份上裝燒鵝同一盒叉燒燒肉飯，加埋都係140，重有例湯送。 個燒鵝燒到色澤好靚， 油份岩岩好， 回到家一打開盒，香氣撲鼻，食落肉又嫰，唔會痴牙， 味道濃郁， 而且唔會成舊肥膏係口， 絕對係好高質素既燒鵝。而叉燒燒肉飯份量十足， 叉燒口感以致味道都係上上級，令人食完想再食。燒肉雖然口感都一流， 肥瘦比例都好， 而且層次分明，但我個人來講， 覺得有少少過咸， 可能配埋啤酒食會好d 。
继续阅读
因為相熟中醫在元朗，所以基本一至兩個星期我就會到元朗一次，果度附近有間叫忠輝燒臘店，每次上去睇中醫我都會特登去買返盒燒味飯作晚餐，真心好正㗎！朋友同我講原來我早響五六年前同佢已經結緣響天水圍！嗰陣時我響天水圍一間中學工作，lunch成日去天耀商場隔離嘅街市買燒味飯，嗰陣時已經超愛呢間燒味舖！估唔到原來嗰間就係忠輝！！！😱😱😱以為走咗之後冇乜機會食，原來佢搬咗嚟元朗，仲發光發亮！我知道佢仲生意好到開咗間分店響又新街！果然好嘢係多人欣賞！咁多年之後再同佢重遇，佢嘅燒味一樣係咁好味咁吸引到我！雖然每次去到都見到大排長龍，不過好嘢真心值得等。我最鍾意食佢嘅叉燒，佢啲叉燒燒得够夠林身，如果係肥差仲正，格肥格瘦，中間嘅脂肪肥而不膩，好似食啫喱咁，就算瘦叉都好林，唔似出面啲叉燒勁柴同埋癡牙，如果食到外面其他好柴嘅叉燒一定black list嗰間燒臘舖! .另外佢嘅其他燒味好似燒肉切雞油雞燒鴨，我都覺得響水準之上！單拼$26，雙拼$28， 鹹蛋都係$4一隻，我通常會叫雙拚加隻鹹蛋$32，價錢抵分量仲要勁足，師傅手起刀落大大舊，我已經幫襯左N次，所以都有少少心得，建議唔好嗌四寶飯，因為四寶飯都成$40入面得紅腸，咸蛋，雞翼和燒鴨，冇得食叉燒之餘份量又唔多，仲要係紅腸嗰啲下欄嘢，所以都幾失望，我通常係叫雙拼$28叉雞飯加多隻鹹蛋加$4三寶先$32已勁豐富！😆.基本上佢響元朗已經打出咗名堂，好多元朗人都識佢，我好開心宜家可以成日食到佢，因為佢的燒臘真係不錯👍👍如果經過見到大排長龍都值得去排一排！.—————————————————店名：忠輝潮州鹵水燒臘店 環境🏝：6/10服務💁🏼♀️：7/10 價錢💰：8.5/10食物質素🍝： 9/10 整體🙆🏻♂️：8/10 地址：元朗泰衡街5號地下#吃貨玩樂在元朗#吃貨玩樂#忠輝燒臘店
继续阅读