快樂漁港酒家

营业中

休息中

剛去完, 基本上是不錯的, 送的湯不錯, 聖子有少少沙但都OK, 扇貝好清淡, 瀨尿蝦正! 花螺隻隻都新鮮乾淨.最後到上個蟹, 其實一心想黎食蟹, $200隻肉蟹, 食第一個蚶已經發覺少肉, 再搵第二個蚶, 搵唔到!以上是兩只蚶的穀?搵個經理問, 佢搵番個賣海鮮既過黎講.賣海鮮既係咁耍我, 又話咩碎左, 又話連埋上面果段, 當我Robert? 大佬, 碎左都有個殼係度丫!最後埋單 $818, 佢叫左間野平$20 咁大吧比我地, 我叫佢改番單唔洗平, 費事受佢既"皇恩"大家如果唔怕死下次去食, 未食前請切番隻蟹出黎睇下有無miss咁件!

今次是第三次去，頭再次去完都想再去，但今次食完之後，一定唔會再去，因為勁唔抵死，仲好後悔去左食添。之前兩次都是叫每位$300的套餐，今次也不例外。點知上一次3個人的份量同今次4個人的份量完完全全是一樣的，好搵苯的。其中，我們選了羔蟹，4個人只得一隻比中型size仲要細的蟹，每人只能食到一細件，同佢講，個負責人話一般來講是可以斬到十幾件的，真係爆笑。終之一句，絕無下次，因為太搵苯了。如果想被人在荷包斬一刀，咁就去食啦！

看到食評不錯到來一試,怕晚飯多人無位,中午十二點多來到,好像員工都未準備好,都不願意招呼(可能只得兩個人的關係),進來後有個阿叔帶我們去選擇海鮮,選了聖子、賴尿蝦、花螺及鮑魚仔,本想選兩隻大一點的賴尿蝦,但那些員工都不大願意給我們挑選一些大的賴尿蝦(明明叫他給我選大的),一句到尾~一次便夠了~埋單每人$550

今日星期六, 冇訂位, 好在早到! 酒家方面服務好好, 佢地今日全場爆滿, 但仍然好盡力咁安排座位畀我地![[]]- 鯉魚門既SERVICE好好多! (1) 冇訂位都好盡力安排座位畀我地! (2) 帶/幫我地揀海鮮既人/伯伯都好友善! (3) 好勤力幫我地換骨碟- 裝修好好多 (咁多間海鮮酒家都係!!!)- 同埋好似平少少?快樂漁港送既野食都幾多 (湯+甜品+生果), 令人好驚喜同窩心! =3=

又到左生日既時候，其實到而家我對生日都無咩感覺喇，無話買咩生日禮物，反而開心既係又可以名正言順大食大喝！先食完海鮮buffet，跟住食多餐海鮮，去左鯉魚門既快樂酒家，係鯉魚門咁多檔海鮮最入既一間！可以選露天全海景，不過即使坐室內都ok既，裝修、服務都不錯既！去鯉魚門食飯當然食海鮮啦，枱都未羅老闆娘叫我地選擇海鮮先，一黎我就選左至愛既花螺 ！ 今次係第三次黎呢度，人多時叫過芝士焗龍蝦伊麵底，超正，芝士味超濃，龍蝦彈牙，但今次黎只有2個人，所以無叫龍蝦，咁老闆娘就介紹我食奄仔蟹，因為我個朋友唔食蟹，好，咁我就一個人食一隻蟹！另外就叫左賴尿蝦、聖子、菜！左：每人都有免費既海鮮湯，上次黎好好飲，今次唔知係咪食左咸花生，再飲呢碗覺得比較淡！豉椒炒大聖子，叫左3隻聖子，好鮮甜，唔駛10秒食完！白灼花螺，花螺size比較細，老闆娘見我地2個人所以只稱少量花螺比我，但其實我係超鍾意食既呢！！食完曬先記得未影相！哈哈再黎！左：椒鹽賴尿蝦，叫左大賴尿蝦2隻，一隻斬3件，都多膏既，味道係好惹味，但食完呢個覺得好有罪惡感，因為好肥。中：我覺得係今晚主打，第一次成隻食，鹽焗奄仔蟹，原來奄仔蟹都有咁多膏！！勁興

一行九個大人，五個小朋友出發去鯉魚門食海鮮慶祝母親節！一共叫咗五個海鮮同以下架食物：1. 鼓椒聖子(8隻) (辣辣地,好彈牙,好美味)2. 大班兩味！(清蒸同炒西芹，條魚雖然好大條，但都好滑)3. 椒鹽賴尿蝦(4隻) (好惹味！) 4. 薑蔥蒸鮑魚(9隻) (好鮮味) 5. 蒜蓉蒸扇貝(13隻) (好鮮味) 6. 鼓汁炒蜆 (講明啲蜆好瘦，所以送俾我地食，味道ok)7. 紅燒豆腐 (豆腐都幾滑) 8. 魚湯浸菜心 (啲菜好甜)9. 咕嚕肉 (冇食到,唔知味道)10. 一人一碗木工豆腐魚湯 (free) 好飲11. 鮮果拼盆 (free) 12. 椰汁桂花糕 (free)買單total $4,300，海鮮都叫咗$2,100左右！睇返兩年前黎食，真係物價通脹！

放假突然想食海鮮,而且剛剛好去左觀塘,所以就去鯉魚門,不過有太多間海鮮酒家,唔知邊間好,當然查下Openrice啦,一查之下,呢間排第1既就決定去試下,真係好介紹,整個晚餐好味加愉快,下次可以再來海鮮自己買既,酒家收加工費每人HKD100.00,我地係番呢間酒家既海鮮檔買,買左聖子,瀨尿蝦,南非鮑魚同奄仔蟹,共HKD631.00豉椒聖子椒鹽瀨尿蝦清蒸南非鮑魚鹽焗奄仔蟹所有食物都煮得好好味

有親戚黎食飯,指定要到鯉魚門吃個飯!立即到openrice查!原來呢間野咁多好評,所以我地就黎左呢間野!一去到原來要行好耐路程...行呀行...到左lu! 我地係出面簡左海鮮,之後先入去安頓!入到去坐,環境都唔錯!!侍應亦即刻問我地個d海鮮要點煮一黎既就係魚!我地食既係清steam魚!!真係好好食!!! 豉油岩岩好!魚肉非常滑!真可惜要左條咁細!!!!之後上既就係龍蝦!我地要左芝士焗加面!一開始見到好多芝士仲心諗點算...咁多芝士!一定唔好食!但係原來係唔可以貌相!!好好味!d芝士好濃,但又唔會蓋過龍蝦既味龍蝦本身亦都好新鮮,肉質非常爽再黎既就係肉蟹不過頭先個d真係好好食!!!呢個比上黎就mama地la xd不過都好好食既!再上既就係蟶子做法係豉椒炒!!嘩嘩嘩!!好大條!!原隻上真係好好食豉椒味道完全一流!但仍然可以食到蟶子既鮮味!!真係好難先做到咁!!!最後既重頭戲,亦都係當晚我的最愛!佢就係椒鹽瀨尿蝦真係好好食!!!先係非常大隻!大隻到係街市見唔到!平時我地食呢d,椒鹽味好難入味!但係竟然d肉都有味!!!呢個真係令人意想不到!!!真係啖啖肉!!!!不過我本人就唔係好中意食膏!!!食

差不多每次都叫椒鹽尿蝦，清蒸魚，蒜容粉絲扇貝，豉汁聖子，添加季節性啲海產有豉汁帶子，辣酒煮花螺，清蒸鮑魚仔，鹽蒸掩仔蟹或薑荵局蟹，上湯龍蝦龍蝦唔夠爽好小叫)。送魚湯，炒飯，菜，生果。個餐最抵係5至7人叫。最唔好係人多出嘢慢，要早或閑日去。

上個月８月１４日食【xx 廚‧藝】當晚約實今日去鯉魚門食海鮮，因為有朋友識人話平、靚、正，咁樣一定要去試下有幾平、靚、正啦？！我地一列５人約左７點半係鯉魚門等，由於攪笑遲到，所以叫我地自己行入去間酒家坐低先。去到門口先知原來當晚造訪既酒樓就係同親愛的食生日飯果間！坐低左後，小二就擺低左皮蛋、酸瓜、花生比我地食住等，不到１５分鐘等齊人上菜。木瓜豆腐魚湯 （快樂送）→好清甜，一定冇加味精，如果可以我想飲多幾碗！豉椒炒蟶子皇→蟶子勁大隻好多肉食，一人一隻，炒得勁野味！豉椒香蔥蒸元貝→個殼好大，元貝就細細粒，但係都好好味，好新鮮呀，ｄ肉好甜！椒鹽瀨尿蝦皇→超大隻，勁肥、勁多肉呀！大大條石斑→蒸得真係岩岩好，ｄ肉超滑，勁新鮮！陳皮香蔥蒸鮑魚→鮑魚好細隻，不過勝在新鮮搭夠，肉質都彈牙！芝士焗生蠔→隻蠔其實都幾大隻，芝士焗黎食我都係第一次，食落都ｏｋａｙ，不過好漏！上湯龍蝦生麵底→龍蝦唔係大大隻，但係都食唔哂，因為大家都開始飽飽地啦食到。奄仔蟹（好大隻呀）→基本上大家已經停哂手啦，我地每人半隻，我就貪心Ｄ食埋親愛的果半隻，因為親愛的淨係食蟹鋼，咁我緊係唔客氣啦！椒絲腐乳炒通菜→雖然係小小一道菜，都炒

Occasion: Family GatheringHighly recommended dishes1) Abalone - The size of abalone is just good, not too big, not too small. The best way to cook is steam and add some good soy sauce. I highly recommend to order this as because it brings up all the fresh taste of abalone(2) Lobster with noodles - Only order if you have 4 or more people as because the portion is quite big. If you order it with a small group, I am afraid your stomach will be occupied by the lobster. The lobster is rich, thick

這個下午突然接到妹妹來電, 問有沒有興趣去鯉魚門吃海鮮, 吃海鮮當然 要人多好些,可以點多些餸, 即時找表弟表妹們, 好在一個今日要上班,如果在家一定不會由天水圍老遠跑出來,兩個遊赤柱,自己駕著電單車,當然沒問題,就這樣一行六人成團了.我們都是第一次來鯉魚門吃海鮮,所以妹夫就選了最多好評的 ' 快樂 ' ,來到差不多7:00pm,本想坐可以望到海的位置,但那位部長說已給人訂了,不過今日是星期六,我們來到馬上有位都很好了,而且好像新裝修一樣, 環境整齊舒適.我們先到的負責揀海鮮, 由一位笑容親切的女人帶妹妹他們出去選擇,其實我覺得她似是老闆娘.今晚的菜單有:椒鹽豆腐 ~~ 椒鹽味濃, 可惜皮不夠脆腐乳通菜 ~~ 通菜夠嫩而且幾大碟豉椒炒聖子 ~~ 以前吃開都係蒜蓉粉絲蒸, 估不到用豉椒汁蒸, 它的濃郁汁料不會蓋過聖子的鮮味,而且肉質淸爽, 鮮味十足.椒鹽瀨尿蝦 ~~ 鮮甜味美, 不足之處是每人分得半隻.芝士焗龍蝦伊麵 ~~ 勁多芝士, 啖啖龍蝦肉,好好味, 伊麵又多,這個食到人人都叫飽,唯一不好之處是,吃到最後芝士變得好稠.清蒸海斑 ~~ 好久未食過這麼好味的蒸魚, 肉又滑又鮮甜, 魚

星期五同班同事去食,唔知去邊間食好,因之前去過其它海鮮檔揀海鮮介紹的酒家好唔掂.所以上嚟開飯睇下有冇好介紹,睇到好多人推介快樂,就打去訂位,仲去佢介紹的海鲜檔揀海鲜唔好睇佢海鮮檔冇出邊咁齊,可能我哋太夜去,但啲嘢好新鲜,老闆仲好老實.值得推介有芝士焗龍蝦伊麵底超正,豉椒炒聖子王超正,椒賴尿蝦超正,蒜蓉粉絲蒸扇貝,蛋白花雕蒸麵包蟹:如果用其它蟹整會好D,送的木瓜魚湯超正.下次一定會再去.

油塘站要行3個字先到, 都要行得幾入一圍枱十二人, 開飯喇淮山杞子响螺煲湯, 好好味, 飲咗兩碗, 湯料都正.... 豉椒炒聖子: 普通SIZE, 有D辣,個人鐘意蒜蓉粉絲蒸多D焗大蝦,好大隻, 不過似雪藏貨...蒸鮮鮑魚: 超大, 有兩三吋闊, 蒸得都算冧, 不過無乜味清蒸紅海斑: 又滑又鮮味, 最快搶食晒魚湯浸菜芯:幾清甜椒鹽賴尿蝦, 好新鮮, 唔辣, 都算大隻, 不過係斬碎上, 每人得半隻芝士焗龍蝦伊麵: 龍蝦幾甜,伊麵飽肚奄仔蟹: 好少膏, 肉又少, 失望.. 而且每人都係得半隻, 不過都算好味 揚州炒飯,無乜特別, 飯有D乾/硬, 個人麻麻整體OK, 不過可能因為好多人讚而有所期望, 結果好壞參半, 所以有D失望

之前都食過好多唔同地方的海鮮，所以就覺得呢餐唔算突出，普普通通咁啦。 豉椒炒聖子.....味道好好, d 肉好爽口, 好彈牙....不過就差咁 d "獲"氣 象拔蚌刺身 (二食)..............超正 x 100000.......生食時, 超甜, 超爽, 多汁, 夠薄, 好滑, 鮮味好出, 好香.........白灼後, 甜味依照 keep 住.....不過小妹就 like 生吃多 d 喇............^^ 鹽焗花螺........呢個普通, 冇特別 清蒸黃虎斑........好甜, 好滑......不過唔至於超正 芝士焗龍蝦伊麵..........都係普通 蛋白蒸紅花蟹.........呢個有 d 奇怪, 雖然夠清, 不過 d 蛋太鹹 (可能因為用左鹹蛋), 而 d 蟹肉唔夠爽, 太腍, 得個甜字 楊洲炒飯.......好 good 的炒飯, 味道好, 有火喉, 最好係唔算油.......... 咕嚕肉..........麻麻地, d 肉太多粉了, 唔得...........Total: 差唔多 $6,000