快樂蜂 (豐裕軒)

营业中

休息中

一向都食開佢既炸雞餐，但最近發現多左聖誕餐。仲有二人餐同四人餐揀，二人餐份量都唔少。派對二人餐 $158套餐包左4件樂脆雞，可選辣或不辣，即炸，熱辣辣，好脆，雞肉超嫩，完全冇雪味；1客飯或意粉，包括咖哩酥脆雞飯、芝士肉醬意粉、磨菇飯。揀左肉醬意粉，好多芝士，仲有西蘭花伴碟；2件香芒蜜桃批，細細件，唔太甜，內有果肉，幾好食；細脆炸雞塊，提供醬汁選擇，雞塊大大舊；仲有薯條及2杯青檸茶梳打。梳打淡淡茶味，加上青檸好清新。

上星期食完之後,今個星期再食多次🤪今次就叫多啲就叫咗佢哋派對二人餐, 🍗有炸雞四件/🐥Chicken Nuggets/🍄蘑菇飯/芒果🥭批兩件/檸茶🍹梳打兩杯炸雞🍗有辣🌶同唔辣我哋每樣叫一半, 當然唔少得佢哋蘑菇飯啊真係超級鍾意辣辣地,啱晒我🤪蘋果批就食得多芒果批就第一次, 唔太甜都幾好, 佢哋杯檸茶梳打都幾好飲，好過飲可樂😂每個星期都會嚟一次, 佢哋啲炸雞真係好鬼正, 個個星期食都唔夠喉🤪🤪🤪

快樂蜂 (豐裕軒) (元朗)元朗青山公路 - 元朗段40-52B號豐裕軒1樓你極多學生最腳嘅地方，係咁多間快餐店入邊最好食嘅炸雞。2件樂脆雞配薯蓉 - 香脆嘅樂脆雞，每一口都係濃郁嘅雞肉香氣，再配上軟滑嘅薯蓉，口感豐富，令人食過返尋味。2件樂脆雞配蘑菇飯 - 香脆嘅樂脆雞，搭配濃郁嘅蘑菇飯，每一口都係香脆同濃郁嘅完美結合，辣到爆🚀🚀絕對係一個無法抗拒嘅美味。青檸茶梳打 - 清新的青檸茶梳打，酸甜平衡，入口清爽，係一個完美嘅消暑飲品。

好耐都冇食過炸雞🍗今日去元朗行街，就過嚟食埋佢哋嘅炸雞套餐😉🍗🍗兩件雞再配埋個蘑菇飯或者薯蓉都係40幾蚊連埋汽水， 而且佢哋嘅雞都相當之大件， 好鍾意佢哋啲雞皮因為打得夠乾身同香脆而且肉質又好嫩滑😋， 仲有佢哋蘑菇飯份量相當之大， 又有好多蘑菇我真係好鍾意❤️佢哋嘅🥔薯蓉都好正， 好鬼死Smooth 入口即溶🤩我見佢哋仲有熱香餅啊呢樣嘢我都好鍾意食下次等我早餐過嚟食, 見佢哋一個早餐都係20幾蚊咋👍🏻😍

好耐無食過快樂蜂啊，今日就同朋友過去元朗嗰間分店食吓，我哋嗌咗兩個餐，分別係C2同埋C4餐。C2餐小食可以揀粟米、薯條🍟或薯蓉，我就揀咗粟米🌽，粟米粒好甜好好味C4 餐嘅小食係蘑菇飯，蘑菇飯好多汁，蘑菇片亦都好足夠，好送飯😌得閒食吓快樂蜂嘅炸雞，體驗吓菲律賓式嘅炸雞，真係唔同啲😊😊而且呢度坐位都好多，雖然要上一層樓梯，但都可以坐得幾舒服，唔洗食到趕到趕命😂😂快樂蜂 (豐裕軒) (元朗)元朗青山公路 - 元朗段40-52B號豐裕軒1樓

仲有冇人記得Jollibee曾經叫過祖樂比？出賣年齡系列😂第一次接觸已經覺得佢好食過另外幾間連鎖店，所以口痕時通常都會揀jollibee嘅。是晚買完嘢又嚟咗元朗分店度食炸雞，八點多鐘黎到，店內依然非常熱鬧。⭐樂脆雞配蘑菇飯叫了一份炸雞配蘑菇飯，炸雞就要咗辣嘅口味，即叫即炸雞件新鮮香脆，外皮炸到脆卜卜，但咬落一啲都唔油膩，最正係佢個辣雞辣味唔知係雞皮上面，連雞肉都有辣味，又香又惹味勁好食。蘑菇飯一大碗，菇汁菌味香濃，拌飯食好正。⭐樂脆雞配薯條另一分就叫咗炸雞配薯條，雞件同樣要辣味，個炸雞真係好好食🤤薯條同樣係新鮮炸起，細包裝裏面放到滿滿的，份量一啲都唔少，除咗點茄汁，個人都好鍾意點佢個雞汁食，咁算唔算係肉汁薯條呢？😆⭐可樂&芬達跟餐飲品就要咗可樂同芬達，食快餐梗係要配汽水啦。哈哈，識食一定係食快樂蜂嘅炸雞。

Jolibee係香港愈開愈多分店，好多人都推介樂趣雞~🍗最近我試咗樂趣雞，果然有驚喜✌🏻樂趣雞有原味同辣味，每件新鮮即炸，拎上手都係熱辣辣🔥炸雞皮金黃酥脆，口感脆卜卜，炸雞皮好邪惡但勁香口！肉質嫩滑多汁，即使係原味，滿滿嘅肉汁好juicy~😋而辣味炸雞堅係辣，比原味更加香口惹味仲可以沾蘑菇汁嚟食，味道更豐富！C2同C4餐各有一件雞胸同雞槌，啖啖肉好正C2 可選配細著條/著蓉/栗米/白飯細著條即使唔沾茄汁都已撒上鹽，C4預設配蘑菇飯，啖啖都有蘑菇汁，味道好香😌

熱香餅熱潮風靡全香港，最近先知道原來Jolibee有熱香餅早餐，一直都好想去試下！可惜住嘅地方附近冇Jolibee🥲今次專誠早起跨區去食早餐！熱香餅三文治早餐，三文治餡有蛋、芝士同煙肉。熱香餅甜甜地夾埋鹹味嘅餡料一齊食，鹹鹹甜甜幾好食。熱香餅熱熱地幾軟熟，煙肉就煎到非常脆，令到成個三文治口感層次更豐富。早餐仲有配一杯熱飲，今次就叫咗熱檸茶，熱檸茶好濃味道比較苦，唔太好飲。早餐供應時段係11點前，大家如果想去試嘅話記得要11點前去呀！

呢個做法都幾好，小朋友仔多數都愛吃脆香的炸東西還是炸薯條，但大人們次次跟他一起吃的話，難免會口鞋或是容易熱氣，那麼在小朋友仔上堂的時候，我們去吃麵條，然之後再帶他去吃祖樂比其實都可以接受。😂這間祖樂比都相當大間，內裏位置非常多，看到這一件炸雞腿，份量十足，外皮夠脆，肉汁多，垂涎欲滴。😝薯條份量你都不少，質地夠晒香脆，夠熱燙，不會是放了很久的那種薯條。☺️這間分店可能因為元朗很多傭人都是菲律賓人，因此顧客甚多，因此，遊人如鰂，食物亦夠熱燙夠香脆。😉

今日去咗食雞套餐，一大一小嗌咗兩個套餐！「C3餐」一個跟粟米一個跟薯條，呢間最好嘅嘢就係可以直接轉鮮榨橙汁啊，唔使加錢！啱晒唔可以飲汽水嘅小朋友兩個套餐喺晒度啦！睇落好似得一個餐炸雞🥇今日水準唔錯（原味）好脆好多汁粟米超細杯呢間快餐每個餐都會跟一個汁鮮忌廉通粉湯主餐牌單叫餐牌，橙汁單叫要$15，但可以免運轉加購餐牌，我加左個$10鮮忌通粉湯。鮮忌廉通粉湯唔錯，岩哂小朋友！媽媽最後埋尾試左都算好味！星期日太多姐姐去，等位連食嘢都用左成20分鐘，要試記得唔好星期日去。今日獎牌：🥇

好耐冇食jolliebee啦！本身都好中意食佢地嘅炸雞同薯條😋今次去到元朗分店唸住試下佢地嘅pancake包早餐~見好多人都介紹日本楓糖pancake包，等我介紹下香港會有嘅同款包先🤣▪️煙肉蛋班戟三文治🥓🍳(套餐$25)班戟好軟身又唔乾，不過唔算甜。入面仲有厚蛋同煎到脆卜卜嘅煙肉，超豐富✨估唔到車打芝士又幾濃味！▪配熱咖啡☕️係nutty嘅咖啡，十分香濃▪脆薯餅3件(+$10)🥔薯餅多薯粒，比起Mcdonald更香脆，不過亦較多油。▪鹹牛肉精選套餐($42)牛肉唔會好鹹，比起平時鹹牛肉三文治係肉絲唔係免治牛肉🤣司華力腸亦煎得好香！*早餐11點前供應.✍🏻整體:一早黎呢到食早餐呢到都幾舒服🤣坐位又唔會太迫，可以享受一個good good morning☀️

聽說快樂蜂的炸雞好吃，今天路過元朗分店便一試。星期日的快樂蜂是人滿之患，竟然需要等位，未知平日是否同樣人潮擠擁。選了最基本的炸雞套餐，隨機雞上脾和雞脾各一，炸雞粉漿未算太厚，食材質素比較一般，肉味不強帶點肉汁，傳說中美味的炸雞是有點過譽了，要特地來試可就不必了。至於荔枝爆珠特飲味道比較人工，而且太甜可以不點。快樂蜂的炸雞未算特別好食，也許是對家嘅炸雞特別難食罷了，試一次就夠了。真懷念那些年仍有Wendy's、哈迪斯的日子呢！

I visited Jollibee for lunch with my colleague. The spaghetti with chicken joy set consisted of spaghetti, chicken joy, and gravy. The spaghetti was sweet and tangy, with cheese, ham, and hotdog slices. The chicken joy was crispy and juicy, with a mild and savory flavor. The gravy was thick and rich, and complemented both the spaghetti and the chicken joy. The peach mango pie was flaky and fruity, with a warm and gooey filling.The spaghetti with palabok set consisted of spaghetti, palabok, and g

細細個已經聽過快樂蜂！一直都冇機會食，今次終於可以試下佢嘅炸雞啦！佢嘅炸雞非常香脆，表皮唔會太厚太多炸粉，裡面仲多汁，好食👍🏻叫左套餐仲有可樂同埋薯條！薯條就係有幼細薯條， 都幾好味，唔錯！整體黎講中意食炸雞，快樂蜂係一個好嘅選擇！

快樂蜂 Jolibee平日食得太多麥當勞同KFC係時候轉下口味元朗終於開返左jolibee唔洗出城都可以留返係新界到🤣🤣由於收工時間既關係又想快啲可以休息所以買左外賣返去食可能時間關係果陣係8-9點左右唔算多人一入到去都已經唔洗排隊就買到今次揀左兩個套餐🌟1️⃣ C2 - 2件樂脆雞翼及指定美食 $50 及 加配$5 凍檸檬茶雞翼都係兩隻口味 除左原味仲有辣味、個人喜歡吃辣所以選了辣味。其實佢都唔係大家想像中咁辣到要狂飲食、只係微微既香辣口感 小朋友都一定會食到🤣非常脆卜卜既外層，一咬落去肉汁慢慢漏出黎好惹味🤪 拎到返去都仲係好夠熱！！之後個指定美食分別 細薯條、粟米杯、薯蓉同白飯揀左細薯條，沒有炸過度、唔太鹹、好味🌟2️⃣N1a - 2件樂脆雞翼配意粉及可樂$59男朋友都同我一樣鐘意食辣味雞翼👏🏻所以上面提及過就唔多介紹。想講下個意粉、難怪啲姐姐咁鐘意叫比啲小朋友食，因為真心好好食手😂😂 男朋友平日唔食粉麵類。食過一次呢到既意粉都贊不絕口、就知道又幾吸引啦😂甜甜地都係開胃（甜味感覺會令人更加想食野）、裡面有少量肉腸撈埋一齊黎食真係突然好開口，會想再叫多個黎食😝