快樂蜂 (豐裕軒)

营业中

休息中

快樂蜂 Jolibee平日食得太多麥當勞同KFC係時候轉下口味元朗終於開返左jolibee唔洗出城都可以留返係新界到🤣🤣由於收工時間既關係又想快啲可以休息所以買左外賣返去食可能時間關係果陣係8-9點左右唔算多人一入到去都已經唔洗排隊就買到今次揀左兩個套餐🌟1️⃣ C2 - 2件樂脆雞翼及指定美食 $50 及 加配$5 凍檸檬茶雞翼都係兩隻口味 除左原味仲有辣味、個人喜歡吃辣所以選了辣味。其實佢都唔係大家想像中咁辣到要狂飲食、只係微微既香辣口感 小朋友都一定會食到🤣非常脆卜卜既外層，一咬落去肉汁慢慢漏出黎好惹味🤪 拎到返去都仲係好夠熱！！之後個指定美食分別 細薯條、粟米杯、薯蓉同白飯揀左細薯條，沒有炸過度、唔太鹹、好味🌟2️⃣N1a - 2件樂脆雞翼配意粉及可樂$59男朋友都同我一樣鐘意食辣味雞翼👏🏻所以上面提及過就唔多介紹。想講下個意粉、難怪啲姐姐咁鐘意叫比啲小朋友食，因為真心好好食手😂😂 男朋友平日唔食粉麵類。食過一次呢到既意粉都贊不絕口、就知道又幾吸引啦😂甜甜地都係開胃（甜味感覺會令人更加想食野）、裡面有少量肉腸撈埋一齊黎食真係突然好開口，會想再叫多個黎食😝

咁星期日晏晝入去，都有心理準備好多女傭會喺入面，結果真係有好多好多。叫餐嘅時候職員嘅服務都幾好，啲雞又話幾Juicy，但價錢好似比之前貴咗好多，環境算迫價錢算貴 偶然一次都幾冇咩所謂喇

耐唔耐都會有日想食炸雞，今次就去咗元朗嘅Jolibee，上咗樓梯之後，見到都有好多人排隊，座位比較少，所以餐廳好闊落，有部份窗口位都幾好環境。我買咗兩件炸雞，兩包薯條，仲有個大樹菠蘿批。炸雞皮脆肉嫩，點埋佢個醬汁，非常惹味，但其實都幾鹹，耐唔耐食下就OK，薯條正常，冇特別話好唔好食，跟住佢仲有個大樹菠蘿批，老實講佢好甜，而且原來熱嘅大樹菠蘿味道有點怪，不推薦。我記得佢以前有個芒果批嘅，個芒果批就好食啦。所以耐唔耐食一次就OK，經常嚟食就唔會啦。

無晚市成日要唸食咩…今次就試左元朗既jolly bee 點左唔辣既炸雞餐配薯條..外賣唔算太多人等..好快就攞得..留意返點餐可能要用英語..或者簡單講返餐既號碼都可以..返到屋企..薯條可能因為唔係好幼身個隻..即使唔係熱食口感都仍然唔錯..炸雞🍗真係估唔到重係好有肉汁..個皮凍左都重係好脆..加埋佢本身配個個汁一齊食..成件事昇華左…因為重有其他野食..所以留左一件炸雞夜晚宵夜..估唔到既係..炸雞放入微波爐整返熱都重係脆皮下次會再食👍🏻

第一次食Jollibee，價錢都幾抵。買咗四個餐先$175！芝士漢堡餐（跟薯條汽水）$29，雞堡餐（跟薯條汽水）$44，兩件雞餐（跟薯蓉汽水）$50，兩件雞配蘑菇飯餐（跟汽水）$52，全程都係等咗5分鐘！我見都好多人糖食，佢哋空間非常大，有幾張枱喺獨立空間，非常空曠！佢啲雞普通醃料，食得出係幾新鮮，但係味道來講係爭少少，可能我食慣比較濃醃料嘅炸雞，但係佢係合格嘅！尤其是因為價錢咁抵！我最有驚喜係個雞包！個醬好食，雞排又多汁！應該會再去！

首先一大問題是要全英文點餐，英文都無問題，不過職員講既英文不正宗，很難聽明白！買過4 ，5次外賣，只有1次有香港職員，作為一間做香港人生意既餐廳，不是每一個香港人都會英文，或者他們識但根本不敢講，所以大家都見到由餐廳初開張時大排長龍，到現在水靜河飛既改變。食物都一次差過一次，最初祖樂堡（双層牛肉漢堡）係好好食，而家比M字牌差！二片牛先係出面店嘅一塊，薄到呢～另外炸雞有點乾，一桶 $115 有6件，3件胸3件脾，可能乾係菲律賓既口味，但就唔多啱我！佢雞胸size 大過K 爺爺，脾就一樣大！

諗住熱潮過後又少啲人排隊 就買兩set 返屋企嘆啦之前起港島區食過 D炸雞極高評！睇返元朗區嘅評價就50:50啦雞還好 味道唔差 但油左d…見好多人話意粉都好食 我今次試咗但唔明點解好食🙈呢盒仲要似啱啱解凍嘅急凍意粉 要叮熱先食到🙈🙈暫不回頭

冇諗過第一次寫食評就係劣評買外賣返公司食唔夠1分鐘行到返公司肉醬意粉～凍既薯蓉～凍既漢堡包小小暖啦好失望總之行遠少少麥當勞食比唔上即係比唔上唔應該比期望以後唔食

N年前已經話要試Jollibee既炸雞，但一直都未有機會🙈 一路講講到佢進註新界西北區開首間分店，夠晒近🤣(我家姐個工人姐姐知道元朗開分店佢超開心😂)禮拜日夜晚8點幾黎到排左十零分鐘隊落單，然後又等左十分鐘取餐🙈單點咗個夏威夷漢堡($26)同一件辣既樂脆雞($18)其實個漢堡轉套餐多細薯條同汽水都只係加十蚊，但我爛咀唔敢食薯條住所以無加到🙈 雖然應該係落單後即整，但個漢堡唔夠熱，不過$26黎講性價比都幾高！👍👍有煙肉，菠蘿，芝士，牛肉，生菜同沙律醬～煙肉唔會太乾，幾香口👍菠蘿勁甜勁多汁😋芝士略嫌唔夠溶😅牛肉唔算好薄亦唔會太乾(好食過麥當當既漢堡包好多，但十幾蚊同廿幾蚊有分別都正常既🙊)而隻辣樂脆雞無我預期咁驚艷😅 雖然都脆同嫰滑，但個人認為油膩左啲，我覺得水準同肯德雞差唔多～我自己對肉醬意粉同熱狗興趣不大，而炸雞水準對我黎講亦唔突出，如果下次再黎，🍔同🍟應該會係我繼續會想試嘅嘢😀

由於最近快樂蜂開左係元朗，喜歡食煎炸食物既我就去朝聖一下，人流算多，排隊點餐用了20分鐘，等食物等了30分鐘，但呢個等待係值得既，炸雞熱辣辣，多汁，肉質鮮嫩👍🏻👍🏻👍🏻真係好好食😋薯條係本人至愛既幼薯條🍟價錢都好合理👍🏻👍🏻👍🏻就算肥死都抵😂😂😂😂相比其他炸雞既質素簡直一流，食完之後都成日回味經過都想上去食個餐✌🏻✌🏻開左黎元朗真係好適合一D唔係成日離開元朗既人士

食物出品正常，人手唔夠，排隊排到出地面，收銀得一個，執單二個平均一張單執分半鐘，由排隊到落單度攞嘢食足足等咗一個半鐘，重點係員工喺入邊水都冇得飲廁所都冇得去，不斷輪迴處理海量訂單，下次大家去望清楚入邊夠唔夠人，如果唔係都有排等