快樂蜂 (力生廣場)

营业中

休息中

這是最不快樂的快樂蜂店，商場全部電梯壞了，不是一天是長期壞，地方很不衛生，完全沒清潔感覺，這力新廣場完全是一個非常暗又恐怖的商場。行到3樓終於見到Hoeny Bee ，地下2個白水桶，冷氣機滴水見到旁邊牛陣都已結業吧?招牌仍在，心都沉一沉，都是下次回中環分店比較好。真的在這裡做生意好嗎? 裡面坐位很多，地方很大，但個人和朋友不會再來，因為外面環境太嚇人了。我們選了一個熱狗餐配薯條一個肉醬意粉餐配炸雞食物正常，但剛剛來感覺影響食欲，而且商場衛生太差，我不得不懷疑這店內天花廚房是否都是有問題。真心不推介這分店，要吃去其他分店，一次難忘!

自從食過joliee bee要T2脆雞柳餐之後成日都好想食，雞肉keep到好嫩好香脆❤不過屋企附近唔多分店所以好少食到，有幾次專登搭車出去食❤不過發現會有啲分店冇炸雞柳呢個餐。.當去返同一間分店食唔知點解我水準突然間差咗好多😢，炸到油淋淋，脆雞柳唔知點解炸粉都冇落。我曾經懷疑自己係唔係叫錯餐，好失望。.於是隔多兩星期再去食，又再叫返set T2，情況冇改善，炸雞柳仍然真係超油膩！炸漿得好少完全唔脆，同第一次喺呢間分店食嘅水準好有分別.之後又過多左好多個月，今日工作路經jolibee同一分店，決定比最後一次機會去食😭如果都係甘嘅質素決定未必再來了。.我又再次要我最愛嘅set T2❤今次食物嘅水準終於返來喇❤❤今次雞柳係新鮮即炸熱辣辣😍炸雞柳配上蛋黃醬十分惹味，炸雞肉質好嫩，今次炸漿厚薄恰到好處，食落好香脆。5件雞柳好快就食曬❤希望以後都會保持返呢個水準❤

如果要我比較香港快餐店嘅炸雞jollibee係我心目中一定係第一👍🏻👍🏻每次想食炸雞嘅時候都會不辭勞苦嚟到力新廣場爬嗰條永遠壞咗嘅扶手電梯😂😂佢哋嘅炸雞冇太多花巧嘢，新鮮juicy就不在話下,加埋佢哋個兜神奇肉汁真係無得彈👍🏻👍🏻簡直係邪惡但又極美麗，但其實jollibee 嘅mango peach pie 先而係我至愛😍😍炸得夠脆之餘甜度啱啱好，多多都食唔厭😋😋I love jollibee ~~~~

Jollibee 不再是菲律賓人的專利！來自 🇵🇭Phillipines 的Jollibee可算是當地的國民美食。在香港的餐廳都會有很多菲律賓人光顧，懷念家鄉的味道。而Jollibee亦成為了一間我經常光顧的餐廳。先說其炸雞 🍗，外貌看似平平無奇，卻非常多汁，而且肉質嫩滑，配上獨有醬汁，味道再昇華一個層次，令人上癮。然後是其漢堡包，雖然略嫌乾身，但瑕不掩瑜，肉味挺濃，而且蔬菜平衡得不錯，味道ok。除外，餐廳還有意粉、飯等選擇，可滿足不同朋友的需要！

同朋友約出街食野，剛巧她想試下這間，我地就去食。嚇死朋友，一直插不到底，打開便見到這個 ，難怪。蘑菇飯極難食，味道很差，汁還汁（汁很稀），飯還飯，完全唔夾我寧願食白飯。。。香芒蜜桃批超好食～這個一定要試～超值～汁多，香甜的蜜桃配香芒，好夾呀～原本抱著不期待的心態食脆雞，但食落去，發現又幾好味呀～好食過那個大叔的店很多～很脆，很入味～這個也要試～整體算好食呀～而且那裡又大又可以傾好耐計都得～值得推薦，下次會再幫襯。

因今日(4-4-2019 Thur)爸爸回鄉為翌日清明節祭祖,我同老公就決定出街食飯,上網睇到呢喥有個原價$133.00嘅二人套餐做團購,售$79.00,有4件樂脆雞,2客蘑菇飯,2個香芒蜜桃批同2杯中汽水.問咗老公佢話買,OK,咁就買咗,然後上openrice睇食評,睇到有位會員今年1月3日嘅食評(https://www.openrice.com/zh/hongkong/review/%E7%82%B8%E9%9B%9E%E5%A5%BD%E5%90%83%E3%80%81%E8%98%91%E8%8F%87%E9%A3%AF%E9%87%8F%E5%B0%91%E4%BD%86%E7%BE%8E%E5%91%B3-e3263464),食嘅嘢正正係呢個餐嘅一人份量,不過香芒蜜桃批唔係餐,係另買,共$55.00. $55.00乘2都只係$110.00,即係喺團購喥吹水.放工後,我先去喥坐低等我老公嚟然後至俾張劵佢哋,好快,佢哋執好個餐喇.睇見蘑菇飯同香芒蜜桃批都好細,我先食樂脆雞,炸到外脆內嫩,但竟然唔鹹,老公要問佢哋攞茄汁蘸嚟食.味道:2.8分蘑菇飯,份量已經少,蘑菇汁都一樣好少,蘑

Jollibee 個名就識啦, 但係就一次都無去過。點解? 因為Jollibee 比人既感覺係姐姐去食既, 好食極有限啦....今次因為做功課既原因黎食第一次Jollibee, 好後悔點解之前唔揀呢度食T_T雖然個商場好似有D UP DUP, 但入到Jollibee 好似另一個世界咁~ 間舖好乾淨好舒服..我同同學叫左一個意粉餐加多一舊雞SHARE, 第一次試唔知好唔好食架麻...一口咬落舊雞度....哇...有汁既?! 個皮又薄, 好食到爆! 好耐無食過D JUICY 既炸雞! 唔好講笑真係好食到呆左...試埋個意粉, 一睇賣相就覺得佢好食啦咁足料....個意粉有腸仔同埋好多芝士0係面, 一開盒見到都好開心啊....味道都好好啊, 酸酸甜甜咁~試食左呢餐之後, 我一想食炸雞就會黎呢度~ 希望佢地可以一直做落去啦~ 佢D 炸雞真係好好食架! 而家我同D 賓姐姐一樣做左佢FANS~ 

今天晚上九點，去了荃灣的快樂蜂分店食嘢。平日假期會有很多人，但今晚店內沒有什麼人，我跟朋友點了兩個餐，一個分別是漢堡扒飯餐及一個炸雞套餐。另外還點了一個蜜桃芒果批及兩個漢堡包。先講講那些套餐，套餐當中的薯條要特別稱讚一下。他是剛剛炸出來的，真的很趣很新鮮，味道也很好味。另外，炸雞有很多肉汁，個人覺得比KFC的炸雞還要好食，而且價錢不會太貴。另外那個漢堡扒飯餐也不算是太差，飯汁是蘑菇汁，不算太濃味，可惜飯比較凍及硬了一點，如果熱點的話會更加好味。之後要特別講講那個蜜桃芒果批。這個芒果批的內裏有芒果加蜜桃醬，這個配搭真的很新鮮，味道也10分不錯，個人覺得比麥當勞的蘋果批更加好食。最後是那個漢堡包，漢堡包方便就比較遜色了，中間的醬料只是用了沙律醬，除此之外什麼也沒有。如果可以加多一塊芝士或其他配料的話可以好一些。

早排因為工作關係🙈不論午餐定晚餐都食左好多次快餐店～好頹😂元朗人表示未食過Jollibee，人地話佢好食過KFC，雞又大舊啲、薯蓉又香啲咁。於是叫左野獸仔同我去試試佢（濃濃的鄉下婆心態😂）·😝兩件樂脆雞配指定美食餐💰HKD43/set·我地一人叫左一個經典餐，兩舊雞加一份小食，一杯飲品咁，我揀左薯蓉😋我覺得就無KFC果啲整得咁滑、同埋無奶油味，maybe大家style 唔同（？）呢度果啲薯蓉係無咁滑，不過薯味就重好多，我個人都認同係香啲。👍🏻👍🏻·至於主角炸雞🐣，炸得好熱好脆，啲肉超嫩，仲要係有肉汁果隻😍讚讚的～我發現呢間店係唔會預先炸定一大盤，而係逐少逐少咁，客人可以食到新鮮炸好既雞塊👍🏻不過蘑菇汁就普通左啲，我地無點到都覺得啲雞好味😁·😋單點5件甜辣酥脆雞柳💰HKD35·呢份雞柳係男友食完個餐唔夠喉，所以後加既。好脆好熱辣辣～而且都幾大塊，啖啖肉好滿足😋配搭果兩盒甜辣既沙律醬就好味過蘑菇醬好多，惹味啲！🐣🥓·朋友話係其他分店食過覺得麻麻地，荃灣店我又幾滿意哦～不過位置係一個有手好多賓賓印印商店既商場入面，仲要係頂樓，建議周末既話白天唔好去🙈（不是歧視）·因為周末白天人流實在太多，而

這間店廣告很顯眼，雖說是回歸但以前其實也沒吃過，今天中午想不到吃甚麼就試試看了。點了一客炸雞蘑菇飯餐（$47）想說蜜桃批（$8）評價不錯也點了一個。看別人的食評說蘑菇飯的汁是自己加的，實際上已經加到飯中了，旁邊的黑椒汁（其實不確定是不是真的是黑椒汁，因為沒有黑椒味、但又很像茶餐廳的黑椒汁減去黑椒的味道）是意粉或薯條餐都有，應該是炸雞的汁。蘑菇飯的量小小一碗，汁也不多，但蘑菇大片味道濃厚，比KFC的好吃。炸雞則是很正常的炸雞，皮脆肉嫩、肉汁豐厚，本身已有鹹味，不加黑椒汁（？）也夠味，吃到第二件還會覺得太鹹。蜜桃芒果批裝盒時已經覺得很小件，實際倒出來後發現更小了，比中杯汽水的杯底大一點點而已。味道正常，皮跟麥記蘋果批一樣，內餡不會太甜，但可能蜜桃跟芒果都熔化了、或許一開始就是用醬作內餡，所以咬開這個批後裡面只有醬而已，感覺有點空虛。假如套餐（例如二人餐）包含的話是還好，單獨買就不太建議了，買麥記的批滿足感比較大。飲品點了汽水，後來才發可以轉茶、鮮榨橙汁和朱古力等。這家店的炸雞不錯，但只有一款又沒有烤雞等其他雞類品項、選擇比較少，其他小食種類又少，價格也不便宜，希望這次能生存比較久吧。

初嚐jollibee 聽聞呢間餐廳嘅炸雞係全港來講算最出色 去開荃灣朋友話不如試一試 首先要講呢間餐廳其實唔容易搵 佢係力生廣場入面 但當日八點幾其實廣場嘅鋪頭已經閂晒 燈又冇 電梯都冇埋嘅情況下 我好質疑呢度餐廳嘅水準 仲要入到去只有小貓三兩隻我哋兩人一共叫咗一個雞桶同一個雞配蘑菇飯既set 估唔到佢即炸嘅雞真係咁好食 冇油溢味 又香又脆仲要好多汁 食過返尋味👍🏻👍🏻見啲人好似會將啲雞配蘑菇汁食 我個人就唔係太喜歡 原汁原味就足夠 下次如果有機會應該會去其他分店再食

第一次食jolibee 叫左三個套餐 好好食既雞 好juicy一定會再黎食 好食過k記好多！中午時間去 唔知點解好少人叫左兩份雞套餐 一個熱狗套餐雞加上gravy好好食 薯條就普通 油味好重 好熱氣汽水唔係溝水既 好有氣 我見如果叫ubxxeats好似係會罐裝汽水放落去 下次外賣要叫黎試下先薯泥好細份 不過ok啦 牛油味好重不過熱狗真係堅難食 未食過咁難食既熱狗值得一提既係 作為快餐店 佢係的去過最好服務態度既上餐速度好快 即叫即刻就有得拎

細細個香港仲有jollibee 就已經覺得好好食 我嘅回憶就係工人姐姐帶我食嘅 到咗大個之後jollibee再次回歸我同朋友叫咗兩個餐 一個係意粉配炸雞髀 喺回憶入面我覺得佢嘅意大利粉係最好食 對於佢最出名嘅炸雞 我已經忘記佢既味道 第一啖食就覺得皮薄而肉嫩 因為平時食嘅炸雞都係好厚粉同埋冇雞肉味 再配埋炸雞汁 真係別有一番風味 意粉同我地平時食既有唔同 相對較甜 但味道都算不錯另外個餐係雞柳餐 如果唔想食大量炸雞的話雞柳個份量相對較少 又可以滿足食炸雞的感覺 而薯條都係正常冇話特別好食或者唔好食

星期5 同同事去開荃灣路德圍做野，同事話想食炸雞，咁我就帶佢去我好鬼鍾意食既Jollibee! 自從佢回歸左之後，我久唔久都會去食，我鍾意佢d雞係炸唔係焗既，選擇貴精唔貴多，主力賣炸雞，仲有漢堡食！荃灣呢間鋪，地方幾大，位置寬敞，有好多'工人'姐姐幫襯，足見證明幾有佢哋家鄉風味！我同同事各自點左自己鍾意既野食，有雞，有磨菇飯，牛油栗米，薯蓉，同蜜桃批等等。。非常豐富！炸雞未食已經聞到陣陣香味，炸到金黃色，賣相吸引！呢度d磨菇飯好有特色，就係自己落汁，d汁唔會因為擺得太耐俾d飯吸晒！飯同磨菇份量都幾多，唔錯！另外兩個小食份量貴精唔貴多，啱晒好似我同事呢d 又想食薯蓉/栗米又怕食唔晒既朋友！栗米香甜，都脆口！牛油味香濃！講返炸到金黃色既炸雞，外皮香脆，肉質尚算嫩滑，唔太油膩，連埋醃得帶點咸香既脆皮嚟食先好味！最後不得不提既香芒蜜桃批，唔會太大過，唔駛怕食到飽食唔晒，外脆內流心！甜度恰到好處，食到少少芒果同蜜桃味！

食過佢 唔會想再食香港既kfc!星期日晏晝黎到，好似去左菲律賓咁。落單果陣諗緊係咪應該講英文？😂😂😂其實都係用廣東話order。叫左個2件雞 薯條汽水加個蜜桃批。薯條同汽水正路野唔多講。個蜜桃批幾好味唔會太甜又唔會太似藥水咁既味😜炸雞熱辣辣，外脆入面仲好juicy! 脆漿唔會太厚，岩岩好。雞既大細，都比kfc 既大少少。香港既kfc 越做越頹。真係唔係幾想去食。佢好似貴kfc 少少。但我以後食炸雞會寧願食佢多過kfc。