快樂．順景

营业中

休息中

最近發現CWB原來都有幾抵食嘅懷舊餐廳，仲可以食到快樂餅店嘅餐包，見到炒蛋，就感覺呢餐好治愈！🍭人均$60左右就食到有麵有肉、有餐包、炒蛋lunch，銅鑼灣來説，係平食＋夠飽肚之選🍭好鍾意個餐廳名，見到都頓時覺得心情好左！　Menu完全唔複雜，常餐/全日早餐，少樣煩惱🥚快樂常餐－瑞士汁鷄脾撈公仔麵(配火腿、嫩滑炒蛋及餐包） $58-鷄脾大大件，而公仔麵難得地乾爽唔油膩-炒蛋係粒粒狀好滑同香口，仲有脆皮菠蘿包仔，大滿足🥚全日早餐 $58-賣相超吸引，大大酷愛秘製他他醬炸魚柳，入面魚肉白雪雪，配上法蘭克福腸、菠蘿包-炒蛋同樣有水準，層層蛋配菇好香口 值得一贊嘅係檸檬茶茶香味濃，正！另外，門口麵包店仲有忌廉筒、紅豆沙翁等懷舊餅食，可以買來下午茶懷舊一下！

今晚去time Square 睇戲前，係附近搵到呢間傳統茶餐廳，仲有舊式麵包，配搭新裝修，感覺乾淨衛生。個人推介紅豆沙翁，還有忌廉筒，甜美好味。環境光鮮，坐得舒適，又不失傳統茶餐廳風味。我地晚餐點了滑蛋牛肉飯同快樂特餐。飲品夠凍好岩夏天。快樂特餐。菠蘿油、豬排公仔麵、火腿及炒滑蛋 $62 配特飲 $12 凍檸樂豬排超級大塊，一定大過塊臉，厚身有肉感，炸到好香口，肉質鬆化軟腍，醃得入味。公仔麵都煮得爽口微彈，讚。估唔到可以配菠蘿油，好耐無食，邪惡但超正，牛油入口好香滑，配甜甜菠蘿包，鬆軟可口，個面都夠脆。炒蛋有奶香蛋味重，好味。XO醬滑蛋牛肉飯 $68 配特飲 $12 凍檸賓新派配搭，加XO醬有蝦味同微辣，香口惹味，亦好夾牛肉味。滑蛋同牛肉都嫩滑，飯量剛好，吸哂XO醬味好食。紅豆沙翁 $13， 忌廉筒 $15最後再叫個甜麵包做甜品先，呢兩款都少見。沙翁內超多紅豆餡，麵包鬆軟。忌廉筒好脆卜卜，富牛油香，忌廉細滑，唔甜有少少膩。

星期六想喺銅鑼灣想食個quick lunch，俾我發現呢個性價比高嘅茶記。午餐時段嚟到都差唔多坐滿，好彩流動率高，好快就有位。櫥窗啲麵包同甜品都好吸引，點都要嗌嚟試下。食物價錢相宜，一個常餐都只係$58起。瑞士汁雞脾湯烏冬（63）- 本身個餐係撈公仔麵，但我想食湯烏冬，餐廳都整到俾我。甜甜地嘅瑞士汁做湯底好惹味。雞脾比想像中大份，啖啖肉而且好嫩滑，亦都索晒瑞士汁。個餐仲配火腿、煎蛋、迷利菠蘿包同餐飲，食完都好飽肚。雜扒餐配薯條（$92）- 超豐富呀！有牛扒、雞扒、豬扒、煎蛋、火腿、腸仔、粟米，仲可以揀薯條或飯，份量好大！配埋杯檸茶就大滿足！菠蘿油（$15）- 食完個餐其實都幾飽，但都想叫嚟試下。咬落好鬆軟，唔錯。蛋撻（$9）- 蛋漿香滑厚身，必試。

快樂下午茶時光⁉️🕰同屋企人去銅鑼灣行街🚸去咗快樂順景食個下午茶🥰餐室裝潢懷舊餐室路線📺下午茶時段全場爆滿😄有特色雞髀餐及西多士系列🍗仲有新鮮出爐嘅麵包🥯芝士黑松露炸雞髀，50蚊份💰芝士黑松露雞髀，黑松露醬味道非常濃郁，雞髀炸得乾身，內𥚃肉質爽嫩多肉汁，即叫即炸夠哂新鮮，配埋薯條食夠哂熱氣🤤🤤雙拼公仔麵餐，42蚊份💰雙拼要了沙嗲牛肉煎蛋米牛，牛肉份量好多，牛肉質量係實淨，份量足味道又正常😊菠蘿油，15蚊個💰菠蘿油有大塊牛油脆菠蘿包，脆菠蘿包口感鬆軟，曲奇皮好酥脆🥯整體環境坐得舒適冷氣夠凍❄️服務幾有禮貌👍🏻食物質素中上，價錢合理，附近街坊有口福了☺️

曾經係灣仔好受歡迎既兩間擁有幾十年資歷既 「快樂餅店」和「順景茶餐廳」係去年敵吾過疫情而結束營業，好彩今年有心人將佢地兩個拉埋一起，聯乘成為「快樂•順景Happy Cafe」，今日我去左試下，叫左份「全日早餐」，佢有一個迷你菠蘿包，好扎實又熱辣辣，塊魚柳又大塊，炒蛋加左黑松露同蘑菇，仲有粟米，沙律菜，火腿和長腸，$62 真係好抵食 😋 杯凍檸茶好有茶味，聽聞最出名係茶走，下次一定要試下，行過都可以買門口 d 懷舊麵包架 🍞🥨🥯

今日去咗「快樂·順景」餐廳食午餐🍴餐廳位置喺銅鑼灣，非常方便，佢嘅裝修充滿懷舊麵包冰室的氣氛👍🏻 原來前身係40年老字號「快樂麵包」同「順景茶餐廳」，現在結合，充滿港式味道👍🏻❤️我哋叫咗兩份「快樂常餐」，同一份「全日早餐」。三份套餐都好豐富，真係食得咁滿足呀！😋 套餐配飲品、火腿、嫩滑炒蛋、同特色餐包，係菠蘿包😍 正呀👍🏻瑞士汁雞髀撈公仔麵好好食，啲麵條煮得剛剛好，唔會太腍或者太硬，而啲雞肉就煮得好嫩滑，味道好濃郁，好味！🍜脆炸吉列豬柳湯鳥冬，啲豬柳炸得好脆，而啲鳥冬就好入味，真係好香好好味！🍲全日早餐嘅秘製他他醬炸魚柳同黑松露蘑菇嫩滑炒蛋都好好味！啲魚柳炸得好脆，配埋啲特製嘅他他醬，好開胃！而啲蛋又煮得好嫩滑，啲黑松露味道好濃郁，真係好好味！🍳飲品我哋叫咗雪糕紅豆冰，好涼爽好甜呀！😋「快樂·順景」真係好味又抵食，仲要係平民價錢👍🏻 真係一間好值得去嘅餐廳👍

快樂。順景兩間都係位於灣仔嘅老店，同樣因為收樓而結束營業，快樂餅店有重開，而順景茶餐廳就同快樂餅店做一個Crossover喺銅鑼灣開咗間冰室。冰室繼續有提供蛋撻，忌廉筒等等嘅餅食，茶餐、常餐、扒餐等等都依然有提供快樂忌廉筒傳統嘅冰室餅食，出邊已經買少見少，開陳係酥脆嘅酥皮，包住香滑嘅牛油忌廉。咬一口都已經覺得勁邪惡，配返一杯。熱奶茶，中和返嘅油膩感啱啱好。快樂常餐 瑞士雞髀撈麵雞髀大大隻，入味之餘都夠Juicy。公仔麵沾滿左香甜嘅瑞士汁。常餐已經包咗炒蛋，火腿同埋餐包，今日嘅餐包係鬆脆迷你菠蘿包，食完都幾飽

由快樂餅店及順景茶餐廳結合經營的—快樂．順景👏🏻👏🏻今日放假就同朋友去食lunch順便行街😝⋄====—====—====—====—· 快樂常餐·🍗瑞士汁雞髀撈公仔麵🍜（$58）配火腿🐽、嫩滑炒蛋🍳、特色餐包🥪配熱飲☕️｜凍飲+$3🧊｜汽水+$6🥤｜熱特飲+$6🍵｜凍特飲+$12🧋常餐份量夠大，瑞士汁雞髀非常入味，加入蔥花點綴，公仔麵煮得剛剛好，夠爽滑👍🏻配上的特色餐包原來是菠蘿包，外層酥皮香脆甜美，而包身則是軟綿😜· 全日早餐 ·㊙️製他他醬炸魚柳🐟（$62）配黑松露蘑菇嫩滑炒蛋🍳🍄法蘭克福腸🌭、火腿🐽、牛油粟米🌽及特色餐包🥪配熱飲☕️｜凍飲+$3🧊｜汽水+$6🥤｜熱特飲+$6🍵｜凍特飲+$12🧋全日早餐份量相當大，首先是超巨型的炸魚柳比其他外面的魚柳大2-3倍，絕對誇張。外層炸得金黃香脆，內裡魚柳嫩滑，配上㊙️製他他醬更滋味😜還有配黑松露蘑菇嫩滑炒蛋，濃郁的黑松露配上蘑菇炒成的蛋非常嫩滑，每啖都散發着黑松露的味道😄還配法蘭克福腸、火腿、牛油粟米及特色餐包🥪· 🥚嫩滑鮮雞蛋系列🥚 ·🍳🦐香蔥櫻花蝦叉燒滑蛋飯🍛（$63）配熱飲☕️｜凍飲+$3🧊｜汽水+$6🥤｜熱特飲+$6🍵｜凍特飲+$12🧋店

XO醬雪菜肉絲公仔麵❤佢地既雪菜肉絲真係多到不得了!!! 而且食起上黎好香仲好多肉絲~ 仲要加埋XO醬，味道更加豐富~😀歐陸早餐香煎蜜糖脆皮雞扒🥰個蜜糖脆皮雞扒，真係好香。雖然唔算好大塊，但調味同煎得都好好，而且佢仲有D沙律菜 太陽蛋 牛油粟米，夾埋一齊食，呢個價錢，真係性價比極高!🥳菠蘿包😋佢地每份早餐都會跟菠蘿包，麵包夠哂軟熟，菠蘿皮又好鬆化，食到呢到開始飽飽地😀古早香蕉蛋糕❤香甜鬆軟，食起黎口感濕潤棉花質感，仲要好濃既香蕉味，真係超好食! 肉鬆瑞士卷❤口感鬆軟不油膩吞拿魚包 ❤更加係我兒時最愛

銅鑼灣繁華鬧市吃頓飯一點都不便宜，就算是普通茶餐廳都未必好吃及吃得飽，今天意外地走到銅鑼灣時代廣場後的茶餐廳，平時都很少經過，原來有間寶藏茶餐廳，性價比很高！瑞士汁雞髀撈公仔麵 $58原隻大雞脾大過你張臉，再加上醃製過的雞脾及公仔麵非常濃郁，而且這價錢還包火腿、嫩滑炒蛋、特色餐包，餐包是香港特色菠蘿包的外皮，非常好吃！精美雜扒餐 $72港式茶餐廳來說雜扒性價比真的很高，因為可以嘗試豬、雞、牛、火腿、腸仔、蛋等，什麼肉都吃到，而且這家的所有肉都非常柔軟，不會硬到很難咬，煮得相當不錯！熱飲不用加錢、凍飲加$3是所有港式茶餐廳的潛規則，今次專程試試特式飲品只需+$12，推薦！雪糕紅豆冰港式特飲必喝的紅豆冰，其他地方也沒香港正宗，超甜紅豆再加上煉奶牛奶等調配已經很好喝，還在上面加上雲呢拿雪糕，溶在紅豆冰中也是另一翻風味！西班牙咖啡這個咖啡奶油加雪糕放在港式咖啡上，溶掉起來好像一杯奶昔，夠甜夠濃郁夠好喝！另外因為這家餐廳有名的也是港式菠蘿油，正餐吃到很飽也必需加個港式地道美食！菠蘿油 $15原個方塊牛油放在大大個外脆菠蘿包，麵包咬起來夠鬆化，加上甜甜菠蘿碎，美味極了！重點15元真的相當便宜！這家

快樂。順景是一個很好的名字，食物味道不錯所以差不多每星期也光顧！今天如常一個人過來，員工要求搭枱，明白午飯時間比較繁忙所以同意。落單後不久鄰座二人枱埋單，我問員工是否可以搬隔離，員工姨姨說不可以。不久我叫的食物、飲品陸續送來，最後一碟已經沒有位，我說了一句：「隔離枱空著你哋唔比坐，依張搭枱已經冇位。」戴眼镜哥哥回一句：「你收起個電話就有位啦，麻煩你收起個電話！」這樣對客人的回應確是第一次，香港地少人多，大家明白空間有限，但對客人是否可以客氣一點？一句唔好意思已經可以解決，這間食物在銅鑼灣不是最優秀，客人也不是來這間「快樂。順景」來受氣的！

今晚約了朋友放工後睇戲，時間有點趕，晚餐以快速為主。茶餐廳，冰室就最啱。呢間冰室友人經常來食，份量多，服務好，食物水準也不錯。快樂特餐 $60烚蛋沙律非常有家的感覺，簡單嘅配搭，味美。新鮮蕃茄濃湯火腿通粉採用新鮮番茄，特別鮮甜。湯底濃稠而不膩，還很開胃啊！咸牛肉蛋治兒童時經常食的三文治，咸咸香香，蛋滑溜，烤底又脆口，好味。紅豆冰粒粒紅豆非常飽滿，煮至綿腍，甜度適中，超正。整體來說，抵食超值，推介之一。

今晚叫咗個外賣，香煎雞扒麻辣撈麵，配炒蛋餐包及嘢飲。撈麵非常之惹味，味道香口，雞扒煎得很軟，而且有肉汁，有點驚喜。另外餐包是菠蘿包，把炒蛋和火腿扒夾在一起食，十分不錯。可惜的是收銀的一位女侍應態度黑口黑面。只是外賣短短幾分鐘，已經令人反感。看到其他食評也有相同分享，未知是否同一人。我只係一時講錯付款app名字，該女侍應即刻不耐煩串嘴說我之前講錯，我馬上道歉。說真的，我不求這裏服務可以笑臉迎人，但在這裏消費也至少不要受氣吧。劣評是給那位收銀的女侍應。

行街行到攰，經過呢間茶餐廳，諗住入去飲杯紅豆冰。誰不知裝修這麼漂亮，讓我有點驚喜😍雪糕紅豆冰 （+$12）紅豆軟熟，呈現一粒粒紅豆的感覺，配上雪糕，更顯得雪糕紅豆冰的層次感。🤫🤫脆豬仔包（$28）再除豬仔包上，加上牛油及煉奶，邪惡咁悶悶！麵包香脆，配上煉奶的甜味，簡直找回小時候的感覺，讓我整個心情也變好🌟公司三文治 （$46）包飲品公司三文治的用了充足，厚厚的午餐肉，配上滑蛋及生菜等配料，瞬間拉滿我的滿足感！😋店舖外更有售賣不同的麵包，看到很多人也排隊購買。都不錯，大家經過的時候也可以買來作下午茶😌

位於銅鑼灣的港式茶餐廳，冰室裝修新型，企理整潔。餐牌供應多款食物，有常餐、扒餐、下午茶餐、飯類、三文治等；門外售賣不同款式的港式麵包，新鮮出爐，香味撲鼻，當中不乏馳名的快樂忌廉筒。順景推介：XO醬滑蛋牛肉飯牛肉份量蠻多，蓋滿飯上。金黃的滑蛋炒至半熟，滑溜且帶有蛋香，加了 XO醬，更添鹹香惹味，相當下飯。快樂常餐：雞白湯叉燒湯通粉叉燒肥瘦平均，配上雞湯通粉。套餐跟配火腿、嫩滑炒蛋及特色餐包。雞蛋可以選擇炒蛋或煎蛋。餐包是自家出品的小菠蘿包。菠蘿包外層鬆脆，麵包軟熟。特飲：阿華田雪山賣相澎湃，上面蓋滿了鮮忌廉雪山，底下是冰凍的阿華田飲品，濃郁香甜。