怡景冰室

营业中

休息中

跟同事去完歷史博物館就在尖沙咀覓食。行到K11附近見到間冰室，就隨心吧！冰室地方唔算好大，但整齊企理，環境光猛，仲有卡座，坐得舒服。晚巿選擇不少，有蒸飯、撈麵系列、中式炒粉麵飯常餐、精選飯、晚巿小菜套餐、蒸魚套餐和飲品。精選晚巿小菜套餐包頭盤、主菜、主食和飲品（$75），共四道菜，好抵食！頭盤有中西兩款，真夠誠意！蠔油生菜 翠綠清爽，少油少鹽，夠健康！雜果沙律 爽口甜美，也不錯！我點咗豉汁豆卜蒸鯇魚腩 配米粉和咖啡紅豆冰。即點即蒸，雖然要等一陣，但熱辣辣，讚！嘩！份量好足，魚腩雖較多幼骨，但嫩滑入味，底下墊咗豆卜和豆腐，都係鹹香美味，佐白飯或米粉都好適合。咖啡紅豆冰（+$8/特飲）大大杯，咖啡略為甘苦，但跟甜美的紅豆拌勻同喝，味道就岩岩好；紅豆大粒粉綿，食下食下，差唔多食晒，真係夠晒飽肚。同事就要葱花牛肉叉燒炒蛋配米粉和檸檬七喜。即場炒，又香又熱，正！份量好足，雞好滑，炒得岩岩好，加咗唔少鹹香嘅叉燒和嫩滑嘅牛肉，好豐富！檸檬七喜（+$8/特飲）冰涼透心，酸酸甜甜。再叫咗兩款小食，椒鹽牛丸（$24）牛味濃，鹹香美味，咬落去仲有汁，好味！芝士辣肉醬手抓餅（$32）又係即整，熱辣酥脆，中間夾

🌟經過尖東河內道，見到怡景酒店隔離開左間港式情懷的茶餐廳，正宗香港制造。不嬲都鐘意茶餐廳風味，即刻入去試一試。🥢餐廳menu 有蒸類，秘制撈麵系列，扒類，常餐，特色小食，炒粉麵飯等，選擇都多。每日仲有不同的晚餐精選，$75有主菜，飯，什果沙律同時菜，價錢都幾親民。🐮秘制香辣牛筋撈麵牛筋份量都幾多，起碼十舊😋 牛筋好唸好入味，真係幾香辣，辣得幾過惹👍🏻用辣汁撈公仔麵超正。🐟豉汁蒸金倉魚即叫即蒸，但都吾係等左好內。揀左豉汁蒸，新鮮熱辣，魚肉鮮甜。🐤柚子炸雞翼雞翼炸得脆卜卜，面頭淋上柚子醬，酸酸甜甜幾特別。🫔芝士辣肉醬手抓餅手抓餅幾香幾酥，入面夾住辣肉醬同芝士，仲會拉絲嫁😍口感好正。🥤檸檬可樂(特飲加$8）食左辣牛筋，飲番杯可樂，條氣順晒😁🧋紅豆奶茶(特飲加$8)紅豆飲品真係無得輸，有茶香同紅頭的清甜，好飲。🌟🌟係尖沙咀地帶呢間餐廳價錢真係幾親民，仲係香港制造，值得支持👍🏻

想食家常小菜，平平哋有咩選擇？！ 呢一間位於尖沙咀嘅冰室，一個餐只係$75，就有齊五樣嘢，包括雜果沙律🥙、是日時菜🥬、主菜🥘、主食🍚、飲品☕️，非常抵食！最後我哋就揀咗 蝦米肉碎蒸水蛋 🦐🍳 同埋 菜遠牛肉🐮，兩款餸都好有媽媽嘅味道，我特別鍾意蝦米肉碎蒸水蛋，餐廳好有心機淋左一層熟油喺面，令到水蛋嘅質地更加嫩滑😋😋另外都嗌咗兩款具港式冰室特色嘅小食，分別係法蘭西多士 🍞$32 同埋 懷舊芝士煎蛋菠蘿包 $28，非常適合遊客過嚟體驗吓香港冰室嘅特有風味！😉😉

我今日去左尖沙咀河內道 8A號怡景酒店地舖的 怡景冰室 食午餐，傳統冰室的裝潢。我點左個 南瓜蒸排骨， 金倉魚 配碟生菜 。南瓜蒸排骨份量好，排骨肉腍；金倉魚蒸好，魚肉鮮美；生菜新鮮好食！

🔹️路經尖沙咀河內道, 便到 ‘’怡景冰室‘’午餐 🍽 冰室有兩層坐位, 服務稱心🧑‍💼👩🏻‍💼 價錢親民💰🔸️葱花蝦仁义燒炒蛋飯🦐🍛雞蛋幼滑、义燒蜜甜、蝦仁爽口彈牙配飯十分開胃👍🔸️咖喱牛筋腩撈麵🐮🍜牛筋腩軟腍多汁、咖喱香濃撲鼻配撈公仔麵超Yummy😋🔸️招牌豬扒菠蘿包🐷🍔以甜香鬆軟菠蘿包夾着大大塊軟嫩豬扒加生菜、蕃茄、千島醬, 口感充實🤤🔸️芝士辣肉醬手抓餅🌮餡料以拉絲芝土加辣肉醬,味道鹹香微辣, 手抓餅皮十分酥脆😋😋🔸️紅豆冰🫘🧊充滿紅豆香、冰涼透心凉🧊🔸️咖啡紅豆冰🫘🧋朋友仔喜歡飲咖啡又想飲紅豆冰, 一次過滿足晒兩個願望😁味道咖啡香濃、紅豆各甜👍

黃金週有朋友來港旅遊，當然要去聚一聚，佢住喺尖沙咀怡景酒店，我哋就落去酒店樓下嘅餐廳食飯傾偈。怡景冰室裝修簡潔，港式懷舊茶餐廳格局。常餐五香肉丁公仔麵：五香肉丁味道夠香辣好惹味, 肉質又唔會太硬,配上口感彈牙嘅即食麵,十分美味！多士炒蛋：多士香脆，炒蛋嫩滑有蛋香。炸雞髀飯：生炸雞髀做到外層脆卜卜，即叫即炸，食落內裏嫩滑多汁好好味道，配黑椒汁好惹味。送飯一流！招牌菠蘿油：金黃色脆皮的菠蘿包內再加上一片冰牛油，食落先感到香脆和鬆軟，接著是香滑 的牛油，冷熱交戰，滋味十足。香蔥章魚餅加入煙韌爽脆章魚粒及香蔥等配料、口感豐富、多重滋味！紅豆冰：夏日炎炎喝杯紅豆冰超冰涼舒服，甜度適中，奶味跟紅豆非常搭，有咬口又香甜。雜果賓治：水果不僅為雜果賓治增添了鮮豔的色彩，還為其帶來了清爽的味道。

我今日約同好友去位於尖沙咀河內道 8A號怡景酒店地舖的 怡景冰室 食午餐，原來餐廳位於尖沙咀東地鐵站 N2 出口，十分方便，傳統冰室的裝潢，有樓下雅座。我點左個 南瓜蒸排骨飯套餐 $68，有碟白菜仔＋飲品（紅豆奶茶）；好友點左個 金倉魚（即叫即蒸）套餐配油菜（生菜） $70，另外點左個 榴槤炸彈2粒 $24，紅豆咖啡 $24。南瓜蒸排骨份量好足，南瓜好味，排骨的肉軟腍有咬囗；金倉魚蒸得火喉剛好，魚肉鮮美；白菜仔和生菜新鮮好食；榴槤炸彈的榴槤味濃好味；紅豆咖啡和紅豆奶茶好有特色。店員備有空碗來裝骨頭，好窩心呀！

怡景冰室今次要介紹喺尖沙咀一間冰室叫「怡景冰室」，輪椅人士可以從N1出口個升降機直上就到路面，呢間冰室都好方便輪椅人士，門口係無一級，正在一條斜路仔方便我哋，人面空間雖然好細，枱與枱之間好逼，但店員都好樂意招呼我，今時今日服務態度其他餐廳真係要學下啦！1.香辣沙嗲牛肉撈麵$52+凍檸水$6（6/10）呢個香辣沙嗲牛肉撈麵個牛肉非常咸，香辣同沙嗲食唔到，至於撈麵即係普通公仔麵，如果換印尼撈麵更好，仲有配埋一碗湯，飲品加$6揀咗凍檸水，有3片檸檬，酸度合適，好飲！2.蔥花蝦仁叉燒炒蛋飯$58+紅豆奶茶$6（9/10）呢個蔥花蝦仁叉燒炒蛋飯個蝦仁同叉燒份量勁多，叉燒大約有10舊，每舊叉燒都好香甜，蝦仁都好爽口，大約都有10隻蝦仁，飯如果轉其他牌子就更好，飲品加$6揀咗出面茶餐廳少有嘅紅豆奶茶，紅豆夠淋微甜，奶茶香滑，兩者一齊原來係咁夾，無得輸！3.招牌豬扒菠蘿包$26（9/10）呢個招牌豬扒菠蘿包入面豬扒勁大舊，菠蘿包勁鬆軟，豬扒下面原來仲有蕃茄、生菜、沙律醬同蛋黃醬，食起上嚟都要分三層食，大到非常誇張！4.炸雞翼$24/4隻（9/10）呢碟炸雞翼非常香口，雞翼外皮炸得好脆身，雞翼肉質非常j

尖沙嘴新開冰室主打多款性價比高嘅煮家飯，肉類海鮮，煎炸蒸煮，仲有常見下午茶美食。店內裝潢簡約，有上下兩層，雖然座位之間嘅距離較窄但勝在樓底夠高，充滿香港懷舊風味。晚市套餐包括蔬菜同沙律，主食任選，再搭配白飯、公仔麵、米粉，另可加錢要飲品，平均一人都唔洗一百蚊，價格非常親民。蔬菜新鮮，份量唔少、沙律醬汁夠多，好肥好好味。主食有香煎肉餅，外層酥脆且薄身，肉味香濃，咬落軟嫩又多汁，而且完全唔油，好有驚喜。豉汁豆卜蒸魚腩煮至入味，魚幾鮮甜，下面有豆腐同豆卜，吸滿醬汁，配飯一流。小食方面會推介咖央西多士，出面比較少見，外層炸至金黃酥脆，塗上一層咖央，超級邪惡。另外有芝士辣肉醬手抓餅，估唔到餡料都唔少，手抓餅薄身且鬆軟，微微辣好開胃。

今天我光顧了尖沙咀的怡景冰室，這家餐廳位於K11 Art Mall附近，環境清幽，唔晒放工約朋友嚟食是個享受美食的好地方。晚市套餐的選擇多樣，有好多選擇，讓我迫不及待地想要一試。我點了香葱章魚餅和咖喱魚蛋作為小食。香葱章魚餅外脆內軟，章魚肉質鮮嫩，搭配香蔥的清香，讓人一口接一口。作為香港必點嘅咖喱魚蛋則是另一番風味，魚蛋彈牙，咖喱醬香濃而不過於油膩，讓人感受到濃郁的香料味！晚市套餐點了蔥花叉燒牛肉炒蛋，叉燒的甜味與牛肉的鮮嫩相得益彰，炒蛋偏熟，整體口感非常豐富，配上大碗白飯，份量真係幾夠！我點了在尖咀茶記少有的豉汁鯇魚，而且即叫即蒸的，保持了魚的鮮味。豉汁的香氣滲透到魚肉中，魚肉鮮嫩，底層仲有豆腐吸埋啲豉油汁，搭配大碗白飯，一起享用，非常夠飽！我喝了一杯紅豆奶茶，甜而不膩，少有茶餐廳，嘅紅豆奶茶選擇。朋友點左凍檸檬水，檸檬絕對唔會剩係得一兩片，絕對係良心食肆💪🏻對得住呢個價錢，都幾抵食❤️

今日約咗朋友去尖沙咀行街，到左下午茶時間試下呢間新開怡景冰室，入到去發現原來有兩層，都幾舒服葱花蝦仁叉燒炒蛋飯鮮蝦的彈牙搭配叉燒的香甜，配埋甜豉油畫與米飯的口感十分和諧，葱花的點綴更增添了清新感。麻辣手撕雞湯米線呢碗米線絕對令人驚喜，湯底麻辣適中，香氣撲鼻。手撕雞肉鮮嫩多汁，米線嘅口感Q彈火腿雞蛋雙拼三文治火腿的鹹香與雞蛋的鮮嫩形成完美搭配，三文治的麵包非常軟熟，抵讚招牌豬扒菠蘿包菠蘿包的外皮金黃酥脆，夾住超大件豬扒嫩滑多汁，搭配菠蘿包的香甜，好容易忍唔住食鬼哂怡景冰室尖沙咀河內道8A號怡景酒店地舖

好啦，今次就講講幾樣好味嘅食物，真係食得心癢癢！就係尖沙咀河内道一間冰室！首先係XO醬炒豬扒公仔麵，呢個麵炒得夠乾身！公仔麵煮到剛剛好，唔會過軟，麵條滑溜溜，吸收咗XO醬嘅味道，香氣撲鼻。豬扒外脆內嫩，咬下去有種肉汁四溢嘅感覺跟住就係蔥花叉燒牛肉炒蛋飯色香味俱全。叉燒切得剛好，甜甜咸咸，牛肉炒到啱啱熟，仲有啲嫩滑。雞蛋炒到金黃，真係香味四溢再講椒鹽墨丸，呢個小食真係唔可以錯過！墨魚丸外面炸得金黃酥脆，裡面係柔韌嘅墨魚肉，咬下去有一種鮮味充滿口腔，椒鹽嘅香氣加上微微嘅辣最後就係芝士辣肉醬手抓餅，呢個手抓餅外脆內軟，咬一口就有芝士嘅濃郁味道，辣肉醬嘅香辣味道又唔會太過，兩者結合得無比完美。手抓餅可以隨意撕開，咁樣食更加過癮

怡景冰室 港式茶餐廳！中菜、小炒、港式小食都有得食😬鄰近📍尖沙咀K11 Art mall係附近行完街去食位置好方便!食完搭地鐵都係1分鐵路程！叫左小食、小炒！食物即叫即做！夠哂熱辣咖央西多士：厚身多士夾住咖央餡食落香而不膩椒鹽墨魚丸：即叫即炸！入口彈牙XO醬炒公仔麵：鑊氣夠！炒麵帶XO醬、豉油香楊州炒飯：飯粒炒到金香分明好足料凍檸茶🍋每次去茶餐廳必點港式飲品😆

怡景冰室餐廳位於九龍尖沙咀河內道8a號怡景酒店地舖,餐廳裝修簡約以綠色為主調,餐廳主打港式地道茶餐廳,餐廳設有早午晚餐和常餐,還有其他粉麵飯和蒸魚飯供客人選擇,服務員招呼有禮。蔥油雞扒蛋飯廚師炸雞扒炸到金黃色,配有椰菜,太陽蛋和蔥油,大大塊雞扒食落好香脆。乾炒牛肉意粉乾炒牛肉意粉有鑊氣,配有香蔥,銀芽和洋蔥絲,牛肉份量都不少入口嫩滑有牛味,意粉軟硬適中,每條意粉都有鑊氣味。金沙魚腐配有生菜和沙律醬,金沙魚腐熱辣辣上桌,香氣撲鼻,食落甚香口。菠蘿豬扒包厚切豬扒大大塊配有生菜,豬扒食落鬆化仍保持肉汁,菠蘿包不太甜,包身軟綿。飲品有凍檸七和紅豆冰。

就係K11對面，尖沙咀站N1口一出就到。兩個人懶得煮飯，去冰室至方便抵食。叫兩個蒸飯套餐，豉汁豆卜蒸排骨 + 熱柚子蜜，58蚊蒸鯇魚 + 紅豆奶茶+時菜（加8蚊），78蚊即叫即蒸，新鮮又健康，抵食過自己去買送，兼好過自己係屋企整甘麻煩啦。見隔離檯點嘅小食好吸引，於是我地追加佐兩款小食：芝士辣肉醬手抓餅，炸雞亦。兩款熱辣辣擺上檯，勁香口。一定要趁熱食，手抓餅入面嘅芝士咬落去仲會拉絲。炸雞亦24蚊有四隻，味道同價錢都完勝M記，唔會有太多油係面，入口香口嫩滑。