恆香老餅家 (已搬遷) 新店位置

以往偏重於長評，嘗試寫個知評，希望有來點新意思。近日知道恆香餅家被入稟呈請的消息，不無一點感慨，曾經是香港的唐餅老字號，卻因經營不善之下，給競爭對手榮華大幅拋離，坊間口評，以月餅的水準而言，前者確是勝人一籌。剛好家中來了一盒，雖然來歷不明，也切了一件細嚐。老實一句，以前對月餅的好感也不太大，總覺得甜漏度高，近年也有機會嚐上一些新穎的款式，反而忽略了傳統的雙黃蓮蓉月。試回傳統的味道，印象可不錯，白蓮蓉的味道確是「清香嫩滑」，雖然這是對家的宣傳口號。蛋黃來說恰如其份，稍嫌油水度有所不足，其實現代人也怕肥膩的東西，至於今次的好評，也不無一點感情分在內。我不怕成為「老餅」，如有機會的話，真想品嚐一個傳統的老火蓮蓉出品，還望一代老字號，能夠渡過這一危機。祝大家中秋快樂陵之微調：B+進食於二零一一年八月三十一日早上

剛食完下午茶, 諗住淨係買迷你皮蛋酥過下口就算啦, 最後 終於買多半打老婆餅, 從店員手上接過老婆餅後, 真係冇諗過, 嘩!!!真不得了, 竟然係燙手, 剛剛出爐, 我倆急不及待即刻找個地方, 趁熱食番一個先, 入口香軟香甜又鬆化, 至於迷你皮蛋酥, 蓮蓉啖啖清香, 而皮蛋則平衡了蓮蓉的甜膩, 皮薄餡靚

睇住出爐、裝盒、上架售賣。 未食過咁新鮮嘅老婆餅。買盒半打裝返屋企嘆山長水遠拎返屋企, 依然暖暖地冬瓜蓉餡好清、微甜, 驚喜的是淡淡的焗皮很輕很薄身, 而且食時很少會把焗皮的餅屑周圍掉, 足以証明新鮮得很

15/07/2011, FRI之前在銅鑼灣SOGO地庫內的Freshmart看到這個海綿蛋糕，大大個四四方方的外形很討好，感覺很可愛！時隔差不多一個月後的今天終於把它買回來了！今天特意一早起床叫Daddy駕車載我到元朗的總店，一入店內眼見排成一座小山般的海綿蛋糕就在眼前實在太興奮了！回到家後小心翼翼地把包得緊緊的保鮮紙撕開，海綿蛋糕那濃郁的蛋香隨即散發出來，光這樣嗅著就覺甜美。蛋糕用手觸碰便能感覺到它有多麼的濕潤軟綿，比BB的肌膚還要軟滑呢，真怕把蛋糕表皮弄碰！海綿蛋糕用上植物油而非牛油絕對更符合我的要求，每一口都充滿濃烈的蛋香味，感覺十分天然，而最重要的是甜味不霸道又沒有油膩的牛油味，味道簡單得來十分討好！可能是因為蛋糕本身實在太香滑又軟綿綿了，我實在無法控制自己往它飛禽大咬的食相，只有不能自拔的大口大口咬下去，停不下來呢！這個簡單的海綿蛋糕每口都充滿著甜美得不過份又濃厚的蛋香，今後一定會繼續支持呀！好味道！

元朗最出名相信是老婆餅，只要你聽見「老婆餅」三個字便會第一時間想起元朗，幾乎兩者已成為互通詞語，因此「遠路」而來的香港朋友一定要買點作手信。雖然我住在元朗，但間中都會買些老婆餅作零食，雖明白多吃會肥，但一兩個月才買一盒獎勵自己都不算過份。現在香港某些地方都有老婆餅賣，或者有傳統的分店，但個人卻喜歡元朗店的，或許是鋪大並一大批出爐時的超強香氣吸引所致，喜歡吃甜食的朋友必定不能錯過。細心提示:老婆餅最佳食法是用盒墊住，因為餅皮極鬆脆容易剥落，否則會弄髒衣服。

呀媽去元朗跟朋友飲茶 , 所以叫佢買恆香老婆餅 買左半打老婆餅同三件叉燒酥 老婆餅餅皮容易散開 , 另外個餅底太厚身似硬塊 , 餡比較軟身而冇咩口感 , 不過甜道適中 , ok 啦 !! 因為食慣第二間老婆餅既煙煙unun了 叉燒酥好味 叉燒餡好多 , 而餅皮鬆化同埋幾大件, 大家下次買黎試下

無事幹, 走左去元朗, 見證下大馬路的繁華 左走右走....其實都係想搵恆香食件餅...嘩....真係太耐冇黎過, 居然咁多選擇 ( 超大鄉里)究竟搞邊種好呢~~最後, 都係揀左紅豆煎餅, 同埋必食老婆餅...正 !!!!食飽, 仲要外加一盒帶返屋企繼續嘆~~

星期一，細佬放工帶咗一打老婆餅返屋企，佢話同事請。果然事出必有因！佢個男同事為咗幫老婆儲惠康印花，於是送贈一打老婆餅給每位同事，想搵多啲人幫手收集印花，呢位男仕對太太真係好呀！如果，$5 / 件老婆餅，幫襯惠康 $50 有一個印花，買一打老婆餅咪蝕突？！細佬醒起家中有我同媽咪兩個女人，希望可以幫到手！可惜，我好日都唔走入惠康，媽咪只有買米及油先會去超級市場，恐怕我哋幫唔到手！一打老婆餅其實！我同細佬都唔知有一打盒裝，以為只有半打盒裝。哈哈！打開盒蓋，仲好完整！ 每件老婆餅無甩皮甩骨！用微波爐叮一叮！皮仍鬆化！餡係微暖及軟身，味道甜而不膩！依然保持水準！結果，我哋足足食足三餐先食得哂！

前幾日專程入元朗玩.. 突然想食老婆餅..所以就去買... 熱騰騰的..又好香..不會好像其他店鋪買後是凍的...元朗恆香的餅最出名~~服務員態度麻麻.. 有返多D笑容比較好...店面可都可以..下次會再買..太好味~

今日(15-3-2011 Tue)同女同事FC食完好到底,臨返公司前走o黎返啲手信先.由於男友今晚唔過o黎食飯,只得我同爸爸,就買每個$5.50o既迷你皮蛋酥,同唔知幾錢一個o既迷你老婆餅各兩個,盛惠$19.00.放工返到屋企,忍唔住要食皮蛋酥先啦.唔….蓮蓉又甜又滑,好鬼死正,未食到皮蛋都已經嗅到皮蛋香.而終於食到喇,皮蛋甘香彈牙,食一個好滿足啦,真係冇買錯.而老婆餅呢,因為食埋晚飯都飽,所以冇食到.到第二日,男友o係我屋企食晒其餘三件,一啲都冇留畀我.上次食評: http://www.openrice.com/restaurant/reviews.htm?shopid=8772&page=4

件件四蚊扺食豆沙酥:大頭食到有點油億味.迷你老婆餅:好好味,新鮮,甜道適中.份量啱啱好,細細粒甘樣好.隔夜食都好好味,勁正果然係陣店之寶芝麻花生餅:即日食好正,芝麻和層皮都好味,但花生醬料就稍欠花生香. 隔夜食"尋"皮好硬柴,d料硬"骨骨",建議大家新鮮食.元朗d餅真係好食過係九龍分店買個d,新鮮熱辣,寧捨不同向住第100篇食評進發.加油!!!寫到一百篇係咪有娜姐的婚前試愛換票証架!!??希望有喇.

倆口子入元朗郊遊過後就到市中心食晚飯...想著想著就打算去恆香買一點老婆餅回家...一整座「恆香大樓」鋪面「古色古香」已是7時許但鋪內都人來人往迷你飽點系列, 除了老婆餅還有豆沙, 皮旦, 旦黃蓮蓉, ... 倆口子的目標 - 老婆餅內裡都來白蓮蓉, 不太甜不知是剛巧我們都餓還是怎樣, 雖不是新鮮出爐熱辣辣, 但都很不錯!好一家老字號!!!買少見少了

恒香呢個老自號我由細聽到太，亦都由細都幫襯佢。但係呢個中秋節，我o係教協買左兩盒恒香月餅，送左兩張$20現金券，呢兩張現金券令我有少少唔開心。　　$20現金券背面完全無寫任何購物款項限制，當我9月尾至10月頭用第一張$20現金券o既時候，個售貨員同我講只可以買唐餅，唔可以買西餅。我覺得無所謂，本來我都打算買唐餅，最後我買左一個雞蛋糕、一個核桃酥、三個奶黃燒餅。　　到我上星期用第二張$20現金券o既時候，又有第二個限制，o係鋪面用手寫左張大字報，話$20現金券唔可以買散餅，我到o個日先知道，原來買夠半打但唔同款都算叫做"散餅"！點解$20現金券背面無寫任何限制，但鋪面可以o係唔同o既日子，用同一張券有唔同o既限制？！

從前, 入元朗, 是一件山長水遠既事, 坐車入, 唔暈車浪已經算是好好彩. 入親黎元朗, 當然要買手信啦. 元朗既手信, 除了滔哥既臘腸同月餅之外. 最受世人歡迎的, 就是恆香的老婆餅. 小時侯, 臘腸月餅不會時常買, 但老婆餅, 皮蛋酥, 就必定有一盒拿著, 登上回程的巴士. 肉是日, 食過早餐, 準備過對面馬路搭車前, 突然心血來潮, 整了一盒拿過關, 請同事食. 早上買, 新新鮮鮮, 拿過關回到公司依然是熱熱的. 可能是新鮮出爐同埋即食既關係, 本來好怕面頭層皮碎洒滿地, 這次食, 皮是酥, 但碎得不緊要, 而且是軟綿綿的, 沒有硬塊, 味道甜美. 恆香, 的確可以齋賣老婆餅, 皮蛋酥發達, 只因其他餅店出品, 榮華, 奇華 等等老餅店, 都不及恆香.香香的老婆餅, 回家前也忍不住買多一盒, 可是在店擺耐了, 質素不及早上的好.

豆沙餅 $4.5豆沙很乾身而且不怎麼油膩，酥皮薄十分鬆化，食完一件就想再食第二件是我個人“為食”而已，並不是豆沙餅特別好食老婆餅 $4.5冬瓜蓉，豆蓉餡不算太甜，酥皮一切開就散開豆沙棋子 $3有點似食月餅只欠蛋黃油，我試以微波爐加熱後吃，豆沙餡不夠實不知不覺情況下食了兩件