影片
营业时间
今日营业
07:00 - 22:00
星期一至日
07:00 - 22:00
以上资料只供参考，请与餐厅确认详情
今日經過佐敦嘅時候先發現原來超出名老婆餅嘅恆香餅店都開咗冰室，見到入面都裝修乾淨企理，咁啱肚餓又想食老婆餅，所以就入咗去醫肚😎⭐️鮮鹹蛋煎焗肉餅爆蛋撈飯煎焗肉餅又咬口肉質唔會太淋，上面放咗少少鹹蛋黃，增加個味道令到佢更加惹味。跟住仲有兩隻太陽蛋，用蛋汁撈飯加埋肉餅會更加好食。⭐️香濃咖喱牛腩飯咖喱係港式咖喱好濃郁，牛腩炆得幾淋，入面仲有啲薯仔角，送飯超啱。⭐️老婆餅最出名嘅老婆餅梗係一定要食啦，個皮超級鬆脆，入面係冬瓜蓉又唔會太甜，可以一個人食兩個。
继续阅读
前排經過佐敦，見到開咗間恆香冰室，就係元朗恆香老婆餅開嘅冰室😍 平時好少何去元朗，而家佐敦開咗一間，梗係要去試吓啦🤣鮮鹹蛋煎焗肉餅爆蛋撈飯 $62 (只限佐敦店)飯軟硬度適中，蛋撈飯一流👍🏻肉餅外層煎得好香脆，內裏鎖住豬肉肉汁，食落又有午餐肉風味🤣真係好有層次香濃咖喱牛腩飯 $65 (必食推介👍🏻)咖喱汁好香，帶有淡淡椰香味，唔會太辣，適合大眾，牛腩夠腍唔騷👍🏻撈飯真係好正🤤雪花黃金奶黃流心西多士 $30聽個名已經吸引，食落真係有驚喜完全唔會好似出邊其他茶記啲西多咁甜入邊係奶黃，食完都唔覺得有罪惡感🤣掂👍🏻恆香老婆餅 $10呢個好食到唔使形容🤣 不斷有客人外賣老婆餅🤣以後食老婆餅唔使入去元朗🤣🤣
继续阅读
路過見到新冰室，原來係賣開老婆餅嘅餅家開茶餐廳，就決定入黎試下。口水雞：OK好食, 迎合港人口味嘅少油版口水雞，唔太辣，雞肉份量足麻辣蕃茄米線：OK好食, 迎合港人口味，麻辣嘅味道唔明顯，唔太辣。少少不足係麵嘅分量細啲，好肚餓嘅話呢個餐就可能唔夠飽。蔥油雞扒蛋飯：雞扒煎得啱啱好，切開有好多肉汁，唔會太乾，nice。食物嘅分量合理，不錯。熱奶茶：茶香比想像中淡啲，但味道還可以。常餐餐牌好多選擇，下次會再試下。熱飲當中有鐵觀音/桂花烏龍茶 兩款中式熱茶可以揀，有別於傳統茶餐廳，有新意。
继续阅读
一聽恆香就諗起老婆餅，估唔到依家佐敦開咗間恆香冰室😋玩完喺凍冰冰嘅天氣即刻入左來食個香港風味茶餐😆🍽️ 蔥油蒜香雞扒爆蛋撈飯 + 3.6牛奶紅豆冰茶餐廳野食上檯勁快速😆落完單唔使5mins有野食，Lisboy望住熱辣辣又大塊嘅雞扒時😋開心到啦啦聲試味，個蛋配埋飯都夠晒飯香，普通豉油撈飯已經好有懷舊味道😛而杯3.6牛奶嘅紅豆冰，好甜，Lisboy飲得好Happy 🫘🥛🍽️ 鮮咸蛋煎焗肉餅爆蛋撈飯 + 雪山阿華田Lisba最想試呢個傳統嘅咸蛋肉餅😋味道無得輸，個肉餅仲有啲肉汁流出來就知係新鮮製造🥰半熟蛋配飯，真係好易入口，啲飯又都夠晒飯香，最正係有雪山阿華田揀🧋味道好濃郁😍🍽️ 常餐揀咗叉燒一丁公仔麵🍜都有好多舊叉燒，仲有滑捋捋嘅滑蛋加多士，配埋杯港式茶餐廳奶茶，夠晒Creamy，質素好高😋🍽️ 雪山流心西多士食飽飽點都要試下個地道西多士😋今次仲有雪山流心揀！大大份，奶黃餡，夠晒邪惡😈正啊！
继续阅读
話說我1大2小去食早餐，起初是安排搭枱，後來因為見到有卡位，並告訴餐廳員工因為要照顧小孩的關係，所以想距離近啲，方便照顧小朋友，之後餐廳老闆安排坐4人卡位，及後公然大聲叫我們一定要叫3個人份量的早餐，我告訴老闆一個小孩怎樣可以食得晒一份早餐呢？老闆就大聲話生意難做，呢一個就係佢嘅原因，然後我決定選擇離開！借問聲一個小孩七歲，一個小孩10歲，怎樣可以應付兩個早餐？同我講生意難做，咁不如你喺門口一早告示每人到一定要食一份早餐，呢間餐廳食過一次，味道就一般般，加埋今次咁樣對待客人，一定唔會再有下一次。
继续阅读