悅翠小廚 (已結業)

響新城市食中菜，利苑係最佳選擇。但係因為想食炸大腸，所以想起了悅翠。三個人叫了一個＄238 二人餐再加一個炸大腸，每碟餸份量不大，如果係男生可能唔夠，應該再加個飯就差不多。滷水拼盤，有鵝肉，豆腐，豬耳，蛋。味道剛好，不會過鹹。雪菜茄子炆鮮竹 好食，返屋企要試吓煮。海鮮豆腐羹，湯一個.川椒龍鳳球 蝦大隻但係唔夠線味，雞就好滑。炸大腸 皮夠脆，大腸夠嫩。銀杏芋泥，不太甜，可接受。

2010年7月18日 沙田 ( 悅翠小廚 - 1)逛完(一田百貨)，回到新城市廣場，有點餓又有點攰，來到這裡歇一歇，選了兩款下午茶餐來分享...B餐清湯牛筋腩河，有兩條過腍的筋，腩亦偏腍...味道不差，河粉是普通的。D餐水五花腩湯河粉，腩肉唔夠鬆化，有點膩。飲品要了凍奶茶及熱檸水，兩者都不過不失，OK啦！這餐感覺一般啦...吃罷後...回家去了...

平時喜歡去沙田shopping的我!!!! lunch見肚餓, 又想食d 中式粉麵~悅翠小廚應該是不錯的選擇吧!!!由於當日是第一次光顧的關係, 不知道食物份量多少, 只見一碗粉麵約三十幾至四十蚊左右, 應該份量頗大於是分別跟友人叫了兩碗湯麵另加兩杯黑豆漿~兩碗麵黎到面前, 當堂呆左 份量少得可憐, 並且是跟友人是share的, 每一碗只分到兩細碗麵......食完只係食左陣風入肚, 零感覺~ 之後再order 兩款小食!!!!先講講食物質素:清湯牛腩筋河粉 - 清湯夠清, 味道岩岩好, 好飲, 牛腩筋肥瘦適中, 河粉又夠滑身!!!!薑蔥肥牛麵 - 麵質彈牙幼身而且蛋味濃, gd...蔥加埋牛肉味道非常配合, 但如果肥牛改為滑牛會更好食~鮑汁雞腳 - 本身個鮑汁味道濃, 有藥材味再加上紅棗點綴, 唔錯, 但雞腳略欠入味~鹵水蛋 - 一般, 唔夠入味其實食物唔錯, 不過份量真係太少,價錢又貴....雖然會encore但唔會經常幫襯

幸好我地有book位,如果唔係就有排等,最搞笑係連個姓都睇錯佢地d服務態度都ok,d野食一叫好快就有大致上都唔差,只不過叫左個荷葉飯就太濕,冇我想像中咁好食但都可以再光顧

八月五日（星期四），在沙田大會堂看完表演之後，和朋友沖沖搵地方醫肚，來到第一期一樓，有很多食肆，都唔知揀邊間好，就點指兵兵，點了這家悅翠小廚，差不多9點，雖然內裡有很多人，好在不用等位，服務員帶領我們到一張二人枱就走開了，但看見枱面已放了兩杯茶，感覺不太好，都不知道有沒有人飲過，那些服務員應該一早把它們拿掉嘛，只好叫服務員替我們換過兩杯清水好了。看見放在枱面的餐紙印有一些廚師介紹的菜式，就點了個海鮮豆腐煲，因為之前已吃過了一點東西，又不想那麼晚食得太飽，所以一個煲兩個人食都夠了，豆腐煲材料也十足，魚、蝦、帶子各兩件，二人不用爭，豆腐就當飯吃，熱辣辣的一個煲，食得很滿足。

睇完電影肚餓經過e間餐廳順便醫下個肚，坐定定等上菜期間我就一直望住用玻璃隔住的拉麵廚房，大師不停表演拉麵，好好睇。上菜了，未吃之前個賣相就好好，我點左碗拉麵同小籠包，拉麵真係幾爽口，味道吾錯，個小籠包味道夠Juicy，值得一讚。如果要我比意見的話，我覺得拉麵個湯味道好不過就帶淡吾夠濃，小籠包味道好好，但係就一味細細粒，吾夠食。有下次

係沙田行完街...友人建議下入左呢間叫左蝦子菇扒時菜: 唔錯, 個汁扒得幾好紅燒豆腐魚煲: 份量太少, 魚得3-4塊糖醋面: 唔惦明太子海鮮炒飯: ok不過碟碟都好細碟..完全唔飽折左都要$300幾..唔抵食

兩個人食晏, 食左: 4個小食, 一個bbq pork noodles 同埋一碟海鮮炒麵.小食當中, 皇帝菜最最好食, 好有菜味!!! 但o個個 鮑片 + jelly fish 就好唔ok了!!! 因為d 鮑片絲係變壞左嘅!! 仲有d惡臭!!! 好差呀!! 不過就都cancel返個order, 咁都算啦~~~~~椒鹽豆腐好好食, 淡口d, 但又好乾身同香口~~ 好食~~而 d deep fried chicken wings 就不過不失, 我鍾意個sauce 同味道, 但我husband話佢咁大隻, 又唔係話100%全熟, 要扣d分lor~~海鮮炒麵叩左少油就真係少左油, 但味道都好好! 唯獨是d 魚好dry~~~ 但其他seafood都 as good as usual!! *V*P.S.; 我真係好黑, 連續兩日食lunch都有人大大聲聲講粗口~~ 我就覺得唔係幾開心, 要講都唔該細聲d, 理下其他食客 (仲布細路仔) 呀~~ *___*

見4笑面,,但又太昂貴..中式菜館對我黎講,,,一支公唯有下午茶可以緊緊消費到..點左 餐34$ 雲吞麵,前菜蒜香骨(幾日前食,,呢個前菜諗左我成分鐘先醒起,可想言之...)仲黎飲 凍檸茶,,雲吞麵,,,d湯好清,,但唔甜,,呢個價黎講唔算有乜驚喜,,雲吞就不過不失,,有3粒..整碗麵優勝之處只感到在於優雅氣派,,如果用外賣發泡膠兜,,分分鐘唔覺係出自呢間..前菜,,一般,,當肉咬下咁囉...野飲都係啦..正如絕代商x話齋,..商戶賣貨有8成利潤係來自兩成貨色..我諗個一帶附近食肆真係夜晚同下午係兩個好大差別世界..

看完戲來吃點東西。沒想到星期日都有 tea set。Around $35 亦不是太貴。我要了蝦子撈麵，朋友要了燒腩仔米粉。再加了個魷魚鬚。地方都幾光猛舒服，落單後很快就有得食。朋友說燒腩仔米粉普普通通，我就覺得撈麵可以，只是蝦子不夠香; 魷魚鬚就夠香口，不錯。加茶都加得密，聊聊天一個下午又過去。

因為媽咪生日,所以全家出去慶祝~~爸爸就揀左里間悅翠小廚同媽咪慶祝~~佢地之前食過一次,覺得好好味,所以今次再黎~不過上次我無去,加上我一向都唔多鍾意食中菜,所以無抱任何期望~我大概6點半就到,入面都無咩人,仲有好多吉檯,應該因為仲早la~^^我地叫左5餸~1.豆腐海鮮煲-----海鮮好新鮮、豆腐好入味~good2.黑醋咕嚕肉-----去親食中菜,我必叫o既餸^^味道幾特別,d肉好鬆化,容易咬開,不過又唔會好似其他餐廳d肉咁無晒咬口,味道適中,但係我對黑醋麻麻地,所以比較鍾意傳統o既咕嚕肉多d~但係我o既屋企人就好鍾意~~3.蒜香骨-----好香好香蒜蓉味,整得o岩o岩好,d肉唔會乾爭爭,最重要係上碟無油淋淋,食完之後見到隻碟都無乜油架~唔錯!4.翡翠炒斑球-----因為我唔食魚o既,所以淨係食左入面o既西蘭花~但係屋企人話d魚好新鮮,又大塊,食落啖啖肉~~5.明太子蛋白炒飯----相信里個係最普通,但係都炒得好乾身~無落太多油,所以都ok呀^^到我地食飽走o既時候,人就開始多~~總括黎講,里度真係唔錯~上菜快,侍應加茶亦都快~食物味道每樣都幾好,但係略嫌份量少左d la~~當我見到個

兩人叫了 :-(1) 雪菜燴素千層 - 很美味(2) 老水鵝片 - 跟還暖的老水豆腐, 很美味 (但不及潮州姑爺)(3) 蒜香骨 - 是一字骨, 幾好(4) 脆麻花 - ok, 是凍的, 還是龍苑酒家正好多(5) 雙皮奶兩碗 - very good!每人一杯茶(有refrill)及不收茶芥

尋日去一田百貨，之後就搵野食，見到依間菜館，D菜式幾OK，就入去試試。當時未夠晚黑7點，大約6成滿，帶位比左一個2人位我地。有卡位空喎，咁就問可唔可以坐卡位，個侍應話：『要3個人以上至可以坐卡位』。理由充份，不過呢，有幾個卡位都係2個人坐緊，到我地食完(大約8點)，仲係兩個人坐，點解呢？係咪有D『客人』係我見唔到佢至見到？2人枱當然係迫D,，不過我都唔同佢嘈，快快食完走人。我地兩人點左：花旗參鳥雞燉湯黑醋古魯肉雪菜豆腐雞粒煲干貝肉碎粥野食好快就黎，快過大家樂即叫即炒系列！！野食味道唔錯，尤其係個雪菜豆腐雞粒，好惹味！ 個粥好似方魚肉碎...唔似干貝，因為有好多方魚，無乜乾瑤柱...可能侍應見我地張枱細，一見你食完就即刻收碟！買單走人，承惠240大元，都幾貴! 咁我簽咭，無比貼士，個侍應就粒聲唔出丟低張底單就走左去，好無禮貌囉！

辛勞了整整六天，放工與同事一起逛逛街，吃飯！初初以為悅翠與翡翠拉麵小籠包同一類，所以入去開餐。坐下來才發覺係同一集團，但係吃潮菜為主呢潮菜也沒有所謂，所以點了：蠔仔粥一碗：最為普通，糖醋麵一碟：其實我第一次食糖醋麵，味道不錯。乳鴿一隻(店員推介，即叫即炸)：成75蚊一隻，我都有點覺得貴，但朋友說這店差不多啦。乳鴿果然有驚喜，大鴿一隻，都好厚肉，炸得皮脆肉嫩，推介食物。鵝片三拼：選了拼豬耳及豆腐，鵝片唔肥，十分好食，而且豆腐一流，滑呀！此店都屬於中價店，二人吃了$304

九月廿七‧晴在附近活動，跟大隊來了這裡吃。吃什麼由其他朋友話事，我只吃眼看不錯的，又或是就近方便吃的。這裡的地方不錯，大多是卡位及半圓型疏化椅，也有十多人的大圓檯，幾企理的。看餐牌，這裡是以潮州菜為主，再夾雜廣東菜及滬菜，看陣式，已知不大可能會做得好。如前菜的一味拍黃瓜，條條也切得工整，吃起來又硬又實，是絕對沒有拍過的，就算是下足蒜及醋，也吃不得其味；五花腩煮春菜的精緒不在五花腩，而在於春菜，煮得夠腍，味道甜又帶微苦，很合個人口味；炸花枝餅好吃，炸得香脆又不油膩，花枝餅加入了馬蹄，爽口美味；蠔仔粥幾大碗，蠔仔夠大隻又夠多，不過如果可以多下一點蔥及芫茜，就更對辦；炒五殼飯就只是紅米炒飯，另加粟米及花生碎等等，這個「五殼」的定義，有點奇。可幸飯是炒得幾乾身爽口，吃起來也美味的；糖醋麵就全不對辦，太薄太硬，附上的還是浙醋，不是吧！甜品只吃了脆麻花，很薄又沒有蛋香，連糖漿也下得不夠，沒有什麼味道。在這裡如果叫其他飲品就可以免茶錢，就要了一杯烏梅茶。酸酸的，反而幾醒胃。侍應的服務不錯，以效率為主。埋單每人百二蚊，食物水準一般，但又不貴就是真的。