悅鉬町

营业中

休息中

多謝老闆、廚師和各位用心煮食, 還有額外的溝通和配合都好好, 令到我們有一個很美滿的聖誕晚餐🥂我們是於23/12/2023訂聖誕晚餐自取到會。食物有水準, 份量超足, 每位參加的朋友食第一口就話好食, 第二就是問鋪頭在那裏, 都想知道在那裏訂？就在翠林邨街市的悅鉬町☺️-牛角包真係好好食, 碎蛋做法帶微甜味道很配合-日式蟹柳併蟹籽沙律菜好味到不夠食, 加蟹籽口感很好👍🏻-日式雞絲很用心切到很細又入味配菇很好啊！-鮮茄鴨胸偏意好食, 其他也很好啊！訂單菜式如下：1. 曼魚炒飯🐟2.日式雞絲炒烏冬3.意式鮮茄煙鴨胸茄汁偏意粉(少辣）4.雞中翼+香煎墨魚餅🍘5.牛角包🥐 (碎蛋、芝士火腿、吞拿魚)-1開26.炭燒雞肉串燒🍢7.日式蟹柳併蟹籽沙律菜🥙🥗#多謝你們餐具的預備🍽️是我們意料之外的好

好食的沙嗲牛面不易搵， 五樓果d茶餐廳清湯溝少量沙嗲，一d味都無，牛肉無d質感。不過，里間位於街巿的有d驚喜，真係食得返似樣的沙嗲牛，湯濃、牛有味亦唔涮ge 質地，特餐仲可以有薯餅，仲想點？之前都食過佢蛋包飯，絕對係誠意之作。蛋生熟程度剛剛好，裡面唔係乜料都無的白飯，而且配的汁又係特別調過，唔係頹頹汁。有配埋芝麻醬的沙律。只不過佢係位於屋村街巿， 如果佢係巿中心餐廳，直情可以賣貴一倍。CP值高的食肆！推介！

細鋪食到佢開大鋪，個人感覺食物品質是可以，但服務態度真的要檢討一下，問拿餐具，侍應說：自己攞!，又不說明哪裡可以自取，如果很忙爆場的話會是明白，但見個場都不多人，寧願閒置站著和客人聊都不做好一般服務，感覺很差!

聞風而來，失望而回。「個粉有冇餸？」「無！$8蚊啫！」（一般茶餐係火腿米/雪菜肉絲米/其他）在一張半米x半米的桌上，近一半位置係放咗餐具、筆筒（有好多支筆但係得一張車仔麵紙）、餐牌。手靠在枱邊看著電話，确實無位放餐。就是同一侍應端餐過來特突喝一聲「縮開！」極無禮貌！就算這是個別，食物方面中肯說句不行。熱檸茶竟然有茶渣😒 餐牌上寫雪菜（唔係雪菜肉絲），原來係混咗肉碎（我不吃唯有自己挑走）。最頂唔順嘅係個湯底完全係濃郁嘅豉油味（點解唔可以係正常嘅清湯？），一碗簡單嘅雪菜米都可以搞成咁🤦🏾‍♀️結果勉強食一半，閃！

阿爸喺附近翻工所以發現li間餐廳佢嘅早餐真係不得了黑松露炒滑蛋又香又多蛋煙三文魚，有2大片胡麻醬沙律菜，仲有片蕃茄，唔係平時食嗰d沙律薯仔，係堅沙律菜，仲勁多牛油脆法式多士，好脆再加杯凍奶茶，味道唔錯，都係三十幾蚊咋佢並非一般茶餐廳，老闆兩公婆，老公煮d嘢食有板有眼，老婆超勤快。最正係d牛角包一定熱辣辣咁上，係焗翻熱俾你食，好好心機。如果喺度翻工食晏唔夠時間，早d同老闆娘講，佢會預時間整俾你，留翻個牛角包俾你，因為好快賣哂

最近都喜歡嚟呢度食早餐，呢間餐廳位於街市內，環境雖然唔係太靚，但係食物質素唔錯，分量足夠，價錢也算合理。今日order 了一個西式早餐，有雞扒，沙律菜，茄汁焗豆，炒蛋，多士。煎雞扒帶有陣陣咖喱香味，而且煎得夠香脆，味道不錯。可能用香濃的咖喱味用來掩蓋雞扒的雪藏味。沙律菜新鮮，沙律汁也不錯，如果分量多一點會更好，因為多吃菜比較健康。茄汁焗豆只是罐頭食物，味道不過不失。炒蛋炒得算滑，凍咖啡味道一般，不過不失。