悦東廚房 (已結業)

行山後跟朋友到悅東廚房開餐，地點係涌美老村，地方比較懷舊同地道，原來朋友仔經常去食飯，同侍應生已有說有笑，氣氛輕鬆，好似街坊街里咁，我地點左個羊腩煲，飲下啤酒，醒醒胃分量充足，配菜比例平均，有個咁正嘅煲底，當然要叫啲肥牛呀～菜呀～繼續啦！手切靚肥牛，入口融化有牛味。當晚見佢地都好忙，可能疫情關係，佢地做好多外賣，車出車入未停過當晚原來仲有幾個KOL落去試食盤菜，好似座山咁，材料絕對落足本，下次可以叫返屋企同家人品嚐下先得

今日嚟到悅東廚房，一入去就覺得比較草根，而且傳來陣陣麻雀聲，轉彎見到大堂全部都係麻雀枱，起碼四五台打緊麻雀，係中間食飯好奇怪。一坐低見到張枱布有好多黑印，仲穿窿，要求侍應更換，佢話張張都係咁。之後望吓餐具，黐住一啲不明物體，嚇到即刻起身走人。無論啲嘢有幾好食，比客見到嘅衛生情況都咁樣，難以想像廚房裏面係點樣。

呢間村屋洒家距離青衣大街市步行只要5分鐘(六記隔離），買海鮮去加工真係好抵食！味道非常好！青衣大街市平日海鮮選擇唔多。一到星期五及星期六，d海鮮擋會入多d靚海鮮，所以選擇會比平日多好多！價錢唔貴！今日買左2斤幾大肉蟹，咖哩炒，正！又有海黃花魚！蒸鮑魚會去晒d內臓，食起上黎方便好多！北海道大元貝好鮮甜，蒸既時間啱啱好。元貝先起肉及去內臟，再放係粉絲上面蒸，d粉絲吸味好多！好多酒家都係放d粉絲係面就算！平時食海鮮一定去三聖。但想平平地，近近地食吓海鮮，呢到真係唔錯！