悅素

营业中

休息中

真漢子呢晚嚟到深水埗福華街重新開業嘅 Joys Cafe，實際係要响太子站出嘅，都唔算易搵，好彩我之前嚟過一次，如果唔係應該要花起碼一個鐘先搵到。🤪不過今次見唔到素友講有煮植嘅老闆，唔通只係客串，定咁啱唔响鋪呢？😬真漢子今次試咗：🍵 抹茶香蕉燕麥奶 $3飲品唔太甜，整體係好飲嘅，不過抹茶味唔濃，香蕉味又唔夠，變咗兩邊嘅 fans 都會失望。建議可以加重啲抹茶味。☺️🍔 千島沙律天貝漢堡 $68個包好鬆軟又大個，而且超多芝麻，剩係食個包都覺得好香。天貝係炸過嘅，食落有種食緊吉列豬扒嘅 feel。餡料仲有啲爽口嘅薯仔粒同青瓜。不過略嫌用千島醬比較普通，可能用啲濃味啲嘅醬汁會開胃啲？👅🥑 脆皮牛油果茄子南瓜 $68份量超多，而且每件都大大件，冇三個人以上都唔好嗌。顧名思義，就係將牛油果，茄子，南瓜炸啦，南瓜最好味，其次係牛油果，茄子我就覺得同炸唔係好夾。不過 cafe 嚟講佢呢個炸法略嫌太大排檔，初初食係幾香口，但後尾就覺得熱氣同油膩咗啲。😅🍰 生機檸檬批 $48太好味喇，味道好清新，唔會太甜或太酸，而且好夠凍，尤其食完咁多炸嘢之後食佢落肚，真係有充滿生機嘅感覺啊。💚💪🏻除咗嘢食梗係唔少得同呢

感受店主對動畫動漫好有愛，食飯既同時可以參觀一下店主的收藏，日漫、 Disney ,etc食物選擇雖然唔係好多，西式為主，但飯、意粉、漢堡都有。佢所有野都無五辛、無蛋奶。店員姨姨有禮貌，笑容親切，會介紹一下佢地既菜式。炸薯條就普通薯條咁，但個蜜糖芥茉醬幾清新。沙津好大碟。喇沙意粉個色好唔似一般喇沙，但一樣有少少香辣同椰香味。有一d人想食素者又唔太鐘意食加工既素肉，可以考慮下呢間， 佢有幾款菜式都係以菌類為主。平日晚上去，人唔算多，唔洗等好耐就有位，可能都算係深水埗區，佢野食價錢同區內比較算高。

今次是第三次 “幫襯”了。這間店在屋企附近，由於朋友是吃素所以諗住“近近地”就試下啦。點知有驚喜，小店的食物很美味老闆亦好好人特別推薦 下午茶 款式都幾多，如果想試試素食西餐的朋友不妨 一試 而下午茶時間亦做到6：00。對早食晚餐的朋友亦是一個不錯的選擇

超級差的體驗，未試過咁受氣。。。同屋企人夜晚去到，落咗order之後等咗大概10幾分鐘，侍應突然話夜晚啱啱開爐要等多大概10-20分鐘。我地話比較趕時間，但侍應淨係話ok會同廚房講返，之後又等咗20分鐘都係乜都冇。最後我地話如果整咗既話我地就外賣走，未整就唔需要了。個餐＄108之後外賣完全冇咗薯條，完全無同我哋講，最後打開得個沙律同包。。。完全唔值呢個價，完全無服務可言，極度差唔會再嚟，都唔推薦大家嚟。。。

淨係睇餐廳門面完全諗唔到呢間係一間無五辛、無蛋奶嘅素食cafe！因為呢間cafe充滿童真，入到去會俾不同種類嘅模型玩具包圍，首個映入眼簾嘅就係1:1嘅路飛模型！Cafe四邊牆上都佈滿玩具模型，好震撼啊！小朋友嚟到一定好鍾意！連廁所都佈置了玩具掛飾，幾surprise！加分👍🏻好啦講返食物先～如果想食西餐又想要純素，無五辛、無蛋奶，我會推介你嚟呢度 ，佢哋堅持所有出品都係純素，無五辛、無蛋奶，好適合食素嘅人士，就算唔係食素嘅都十分建議你嚟試試，會令你對素食改觀，原來純素都可以咁好味！Cafe有全日餐、午餐、下午茶等選擇，有意粉🍝、意大利飯、漢堡包🍔薯條🍟、沙律🥗等主食，另有甜品🍰咖啡☕️⭐️蘑菇忌廉意飯👍🏻👍🏻👍🏻👍🏻 睇落平平無奇嘅意大利飯，以為係同普通嘅意大飯差唔多，竟然令我好surprise，一喺入口已經覺得好鮮甜，忌廉嘅味道同其他餐廳唔同，有種好清新嘅感覺，令人一啖接一啖，又唔會有種好膩嘅感覺。平時食忌廉意粉、意飯，食食下好快會覺得膩，要飲啖水清吓口腔先可以繼續食，甚至乎會食到一半就唔想食我竟然可以不停咁食晒呢個蘑菇忌廉意飯，而且一粒飯都冇淨低！真係太好食啦後來主廚好nice過嚟

今晚第一次食，冇論飲品、菠蘿漢堡包、意粉、小食和甜品都是盡心思的烹調，釋出美妙的口感和味道，連醬汁都是大廚精心配製，讓客人吃得健康，味道又有鮮美，又驚喜。特別是有皮薯條，食到最後仍然保持爽脆，絕不油膩。勁呀。

放假嗰日，我一個人去深水涉買嘢，順便去咗間我朋友推介嘅素食餐廳Joys Cafe。呢間餐廳嘅裝修好特別，擺滿咗各式各樣嘅公仔figure，下次我一定要帶埋小朋友嚟。麻辣天貝素肉醬菠蘿包配薯條及沙律（108元）初時有啲選擇困難症，最後覺得麻辣醬配菠蘿包及薯條好特別，所以就試咗呢個先。一開始見到份量覺得似乎唔夠食，但實際食完之後發現其實好夠飽。食物都係即做嘅，菠蘿包面夠脆，素肉本身好夠味，但我都加咗少少醬去食，薯條熱辣辣、脆卜卜，沙律菜新鮮，食得出餐廳好用心去做，味道不錯，我好推介呢個。而且，店員嘅態度都好有禮貌，真係一間值得推介嘅餐廳。下次有機會我一定會再嚟。再試試其他食物。

二訪深水埗嘅悅素。我哋星期六嘅下午到訪，當日人手不足，所以落單同上菜都好慢，而且有漏單嘅情況出現。下午茶 Afternoon tea歐式酸種多士系列D. 紫菜牛油果 ($48)酸種麵包係自家製，無蛋奶成分。口感香脆，底部完全無燶，有淡淡檸檬嘅清香味。菠蘿素牛油包 ($38)菠蘿包嘅皮酥脆，同普通菠蘿包冇分別，但包中間嘅位置比較濕。下午茶餐 奉送$32飲品一杯蘋果汁雜果汁全日菜單A01 摩洛哥番茄湯 ($30)番茄味濃，帶有少少黑椒味，似羅宋湯。配料有甘筍、西芹、黃豆、香草等。M06 煙燻素丸番茄意大利粉 ($98)整體味道比較鹹，肉丸實得黎，帶有少少彈牙嘅感覺。意粉爽口。

Was a brilliant night hanging out as a party of ten at Joy’s cafe.We were greeted by the chef who on multiple occasions displayed his clear enthusiasm for flavour in vegetarian foods by challenging us to guess what went into his dishes!For our set dinner, we started off with pumpkin soup and pesto spread sourdough. Gorgeous crisp and angelically soft inside - my motto is if their bread is right, it will say something about the restaurant.Overall - the food and juices were delicious, good variety

第一次來，好多驚喜！🥳❤ 首先，好鍾意款番茄湯🍅，好鮮美，而且好大碗，分量好足，真係抵！聽講話係煲左好多個鐘熬出來既~ 其他菜色都好驚艷！冇諗過純素可以整到咁好吃又咁便～大厨仲好熱情咁同我地講解點解d菜色可以整得甘鮮美～👨‍🍳最後甜品仲正，冇蛋卻很香滑，好特別的口感，吃過返尋味~🍮感受到個大厨好用心製作，同埋招呼好熱情，係一間好有人情味的餐廳！💞🌈吃完仲可以同好多模型打卡！🤖 超開心！🥰真心推薦！👍🏻🌈

太子區終於搵到一間好味又平民價嘅素食餐廳，仲要午餐$60有找，午餐選擇多，有意大利飯、意粉、漢堡加薯條，又有甜品。今日叫咗烤南瓜沙律、肉醬意大利飯、焦糖燉蛋。南瓜沙律，好大份，南瓜烤得好香好軟綿；意大利飯好好味，個醬好香蕃茄味，份量夠；焦糖燉蛋甜度適中，焦糖脆脆！同仔仔放學去，阿仔見到成間玩具珍藏品，好開心！餐廳環境鬧市中嘅清悠，等嘢食嘅時候仲可以周圍睇店入面啲珍藏，真係咩年代嘅收藏都有，之後一定會多啲幫襯！

Alright, I’m just a normal kid who came back from Aussieland for summer break, but guess what? This vegan restaurant is absolutely horrible, it might as well appear on Hell’s Kitchen. I ate this funny tomato pasta, and that tofu-cheese like substance is salty af! I can barely taste any layering in the pasta sauce,, Why would I pay for sth that I can do better at home? Blud cooks like my school cafeteria 😅😅😅😅 Also the decor is hideous, bro just made the restaurant look like a bloody kindergarten💔

呢間位於深水埗同太子之間嘅新素食cafe基本上有超過一半面積係陳列咗數以千計嘅figure 玩具，分門別類，目不暇給。最眼當然係等身大細嘅ONE PIECE 路飛（網上資料前身係Toys Cafe ）。但除咗玩具外，素食都好正，九十幾蚊全日餐區內唔算太平，但無論質素或份量都算超值。頭盤地中海沙律，藜麥嘅份量多過好多其他餐廳單叫藜麥沙律，由於素食冇用芝士，但有白珊取代。main dish 係素肉醬蕃茄意粉，蕃茄味道極濃；平價加嘅雪梨汁特飲係自家配方，略甜咗少少冇咗雪梨嘅清甜但都算可口；仲有甜品係果脯奇亞籽。

最近係英國返黎放暑假，上網見到呢間vegan好似幾吸引咁，而且冇差評，點知一食就中伏🤮🤮🤮個普羅旺斯燉菜成舊💩💩咁，完全唔入味，D菜仲切到好樣衰，完全唔正宗👎👎個意粉仲衰，鹹到死，冇層次，咩vegan就真係要食屎？收50蚊都嫌多，更何況98蚊🤮🤮vegan千其唔好過黎食

We ordered the all-day set, including a tomato soup, creamy mushroom pasta, following a dessert of chia seeds with baked pineapples. All the dishes taste rich and fresh, definitely comparable with those classy and costly restaurants. We also ordered a pesto risotto with tempeh. Such matching of flavor is considerably nice. This cafe is highly recommended to vegetarian and those non-vegetarian who wants to try innovative dishes.Also, don't forget the toys collections. There're huge amounts of toy