想甜嚐甜 (已結業)

又多一間小店踩入芋圓軍團啦！仲升哂level添呀😉推出三款嘅芋圓產品～除左有level 1嘅黑糖芋圓仙草，仲有level 2嘅芒芋同椰芋🤗試左佢地嘅芒芋～有芋圓，地瓜圓，紫薯丸，小丸子，水晶珠，芒果粒，芒果布甸 配以徳國忌廉同鮮芒果汁😊材料份量都算係幾多！芋圓口感煙軔Q彈，小丸子軟熟略帶煙軔，亦系我歡喜嘅個種😍水間珠系爽口版嘅西米，增添層次感～芒果布甸味道偏奶，德國忌廉份量多，攪勻芒果汁後質地會較為杰身⋯整體上芒果味配搭芋圓味道都夾到嘅，而且芋圓高質，值得一試😀呢個紫薯窩夫亦係不錯的一項甜品！窩夫做得外脆內軟，窩夫中間嘅紫薯味道吾假天然，略嫌蜜糖多咗啲，偏甜，不過高質可以一試

今日下午五點鍾特登坐地鐵去鑽石山，就係要黎呢間小店。地鐵站行過黎要10分鐘。我點了宇㭑綠茶心太軟配紅豆再加乳酪雪榚。綠茶醬夠熱，綠茶味濃，性價比高，期望下次再黎撐本土小食店

雖然佢哋嘅舖頭有啲細 ,而且佢哋港鐵站近, 但係裝修好別緻, 有啲乾花等等做主題, 今次試咗佢哋嘅紫薯牛奶布甸, 紫薯舖面非常豐富, 好甜 而且味道天然， 用個煲仔嚟做容器果然夠曬入諗頭

食過一次返唔到轉到，結果每次經過黃大仙都會走入黎食野。黑糖芋圓仙草 $34就甘望落都幾細碗，裡面有芋圓、小丸子、黑糖啫喱條、水晶珠、西米、仙草，除左爆珠外，所有配料都覺得好食，加埋花奶更好食。我都幾鐘意食乳酪雪糕， 而呢度既乳酪雪糕周不時會轉新口味，所以每次隔一兩個月嚟到都可以試到唔同口味。不過今次雪糕濕左少少，可能未發酵得好？好多款式甜品都試過，今次試未試過既。焦糖香蕉法式燉蛋 $38其實我對焦糖味道一般般，所以食親燉蛋上面層硬硬既焦糖我都會拎走或者只食少少，燉蛋好食，只係甜左少少，配埋乳酪雪糕一齊食，口感同味道都更佳。

晚上回家的路上，經過此甜品店。見甜品店舖面光鮮，甜品花款又多，還主打我最愛的甜品心太軟，加想找點甜的吃吃，便嘗試一下。舖面面積很窄很小，但我一個人，還是可以很快找到座位。我也試過於假期晚上經過此店，總是擠滿了人。一心想試試心太軟的我，點了榛子心太軟配原味乳酪，賣相算得上有特色，相當吸引。心太軟一來到便爆漿，非常流心，榛子味濃，甜度剛好。至於乳酪，清新微酸，配以味濃的心太軟，可以平衡心太軟膩膩的感覺，加上一冷一熱，層次豐富。只是還是略嫌份量少了一點，女孩子還可以，但未必可以滿足想吃多一點的男孩子。

係我屋企附近既甜品店，係黃大仙黎講算係幾多選擇同新款式既甜品，但目測入面廿個位都冇，係名副其實既小店，所以都唔建議一大班人黎食，因為都坐得幾逼😂黑糖芋圓仙草 🍠($34)，一碗入面有八款材料好豐富，有芋圓、地瓜圓、紫薯圓、小丸子、黑糖啫喱條、水晶珠、西米同仙草☺️可以按喜好再加花奶食😛芋圓口感煙韌，不過味道就紫薯圓會較突出，另外黑糖啫喱條彈牙香甜都不錯的😋不過我略嫌仙草份量太多了，芋圓既比例多返一點我會更滿足😇

知道這間有芋圓供應後一直都好想試一試今次經過附近終於有機會一試！目標一早已經鎖定！芋圓 哈哈哈哈🤘🏿-黑糖芋圓仙草($34)-芋圓•地瓜圓•紫薯圓•小丸子黑糖啫喱條•水晶珠•西米•仙草.芋圓夠煙韌 彈牙但芋頭味好淡 有點失望🙁反而地瓜紫薯圓 蕃薯紫薯味幾出✨小丸子煙韌彈牙 但唔太夾 有點兒畫蛇添足水晶珠口感彈爽 加上西米 增加口感🤘🏿最期待的仙草比較淡味 無涼茶的味道😭驚喜嘅係黑糖暗喱條 濃味彈牙✨如果多啲就好🤤整體味好淡 說好的黑糖味亦不夠見小店仲有紫薯心太軟 幾特別有機會再試下吧-.-.有下午茶set有吐司窩夫 都幾抵🤘🏿

食完飯又想食下甜野，又見平時都有人幫襯，排隊咪試下囉。我個FD想食熱野，不過見無，所以揀左個香蕉船。而我就揀左心太軟~心太軟味道一般，而個YOGURT雪糕，本人覺得唔好味。仲衰過韓燒任添嗰D而我FD個份YOGURT雪糕都係一樣，條蕉船就正常味啦~

八十後的甜品小店～ 在屋企附近開了一段時間 終於去試下。小店只有幾張枱 迫迫地 但感覺幾街坊。甜品種類都幾多 最出名是自家製乳酪雪糕～榴槤控是我！揀左榴槤心太軟 真是好有創意。蛋糕都有外脆內軟之感 一切開 榴槤流心就湧出來 榴槤味不是特別的香 但都叫做有榴槤味 又不會太甜。今期的雪糕係蜂蜜抹茶 好鐘意 因為茶味和蜂蜜都balance 好清新～另外點了一個水晶球 荔枝味～ Presentation perfect!! 水晶球口感像啫喱 淡淡荔枝味 旁邊五顏六色的我都忘記了味道 感覺是特別但沒有太大驚喜～原味焦糖布甸 口感頗厚 滑度一般 偏甜了一點而且應該是加雲呢拿香油吧。但坦白說 街坊價錢 有咁既質素 都是抵食的。話說第一次食嚐甜的甜品 是2016年12月31日。慶祝2017的來臨～ 一直冇記起寫呢篇食評直至前幾日再去嚐朱古力心太軟 感覺有點失望 因為朱古力味道淡 亦沒做到流心的效果 所以好想寫下第一次滿足的感受。加油吧 嚐甜的八十後店主。

呢間甜品店開左一段時間，夜晚經常好多人。因為店面細，得十幾個位(仲係坐到好迫個種)，唔想同人迫，一直想試都冇機會。見佢周不時都有新嘢推出，個腦細應該幾有心。今日行過見到有下午茶餐，剛好又肚餓，最緊要有位，即刻坐入來。叫左個牛角包。熱熔芝士係面，入面包碎蛋加白沙律醬。牛角包焗得好脆，味道唔錯。配一杯蜂蜜蘆薈茶(其實係蜂蜜＋蘆薈甜醬＋開水，甜左啲)，都幾放鬆。唯一不足係分量有些少，咁的下午茶餐，$20+比較適合

這篇食評應該早少少寫，因為最近太忙，我係17年1月14日下午來食過。女朋友唔開心，因爲話同我拍拖無plan，我打算請她食甜品開心番啲，就找到黃大仙依間甜品店。最初想食紫薯火鍋，就在FB跟店主留定一份先，店主後來知道我和女朋友「罵架」佢地反而建議我係甜品上寫啲字，向女朋友「道歉」，咁佢就不會話我做野無plan啦，我都無諗過可以咁做！但下午食紫薯火鍋太飽，轉左食心太軟和乳酪雪糕，雖然價錢平左，但店主都肯為我係上面寫字，實在太感動啦😭。講番食物本身，乳酪雪糕食落好輕盈，同平時食開的雪糕唔同，食幾多都唔會好滯，而心太軟入面的紫薯又真係幾新鮮。這是我寫的第一篇食評，對男仔來講野食只有分好食和唔好食，我又不會太識描述，但店主的細心和創意，我覺得好值得推介大家去試下。（原本我和女朋友坐門口位，後來店主見入面有位，叫我地入去坐，唔駛咁食風）

年初四，天陰陰凍冰冰，即時想打返個邊爐，但下午三點零，點打呢？即刻諗起屋企附近有個糖水舖有紫薯火鍋。同老婆馬上去試，二人點了一份紫薯火鍋，等了大約十分鐘，火鍋就送到，先講個'湯底',雖然細細鍋，但用料很足，濃度適中，紫薯味濃。配料大多係制成品，蛋糕鬆軟新鮮，威化餅脆口，窩夫及雪糕係自家制，窩夫厚身亦帶有脆口，紫薯雪糕就絕對。跟餐亦有兩杯玫瑰花茶，清新有花香，為一餐豐富既甜品作消滯既作用。這小店的老闆是一位有活力既年青人，用常制作，面常帶笑容。這亦是甜品店的重要元素!

間鋪頭好細,應該得十幾個位。入到去叫左個布朗尼朱古力布丁,大家見到個樣都幾令。D布丁好滑,唔算太甜,幾好。佢上面仲有D杏仁碎,口感唔錯。不過布朗尼食食下就會覺得好甜,最後差D食唔哂! 

忽然想食紫薯甜品，離我家最近（都要行二十分鐘）、有水準又有紫薯供應的，便是這間「想甜嚐甜」了。此店前身是在九龍灣一間乳酪雪糕甜品店，去年搬來黃大仙後店面細了，但食物水準卻不變。隔了一段日子冇來，感覺此小店的menu多了不少東西，但最後還是選擇吃紫薯奶凍。在白滑的奶凍上面鋪了滿滿一大堆的紫薯，完全放滿下根本看不見下面的奶凍，絕對足料！加上黃黃的花（應該是桂花吧）去配襯顏色，令人忍不住吃甜的心爆發，完全滿足我對紫薯的慾望，正呀！

舖仔細細，當日晚上七點左右，舖入面得一個女仔係到準備。我同女朋友突登黎食甜品既我地唔趕時間，由佢慢慢整。我地叫左紫薯心太軟配乳酪雪糕，二件海鹽焦糖窩夫，一杯凍蜂蜜薑蓉茶。紫薯心太軟配乳酪雪糕，真係軟綿綿，仲配有紫薯粒同麻薯粒，就咁食已經好滿足，加啖乳酪雪糕仲！海鹽焦糖窩夫，個皮夠脆，有得叫1/4,唔洗一得要你食咁多件。留返個胃食下其他野因為之前食飯有啲口乾，所以凍蜂蜜薑蓉茶，不過呢杯有啲甜，最後佢俾咗杯暖水我地呢間小店好有心思，值得支持！