想要飲茶 (已結業)

近排幾hit既方形珍珠🤤愚蠢既我仲以為要用方形飲管先飲到😂🙈原來用圓形就啜到🤣一拎到手其實係漸變色勁靚點知朋友一個神手倒轉左杯野飲🗿🤷🏿‍♀️所以就影唔到漸變色既效果🤦🏻‍♀️方形珍珠口感幾特別無普通珍珠咁煙韌但佢個煙韌度都係我鍾意既比啫喱煙韌又比珍珠軟淋淋不過黑糖味略嫌不足鮮奶茶味道較淡飲唔出奶香同茶香🤔整體黎講差唔多30蚊飲呢杯野有啲少貴🤔味道就普普通通勝在方形珍珠幾有咬口🤣如果奶味再重啲就好嚕

某日中午買咗一杯方形珍珠鮮奶茶，可以話係我飲過最難飲既一杯奶茶，茶還茶奶還奶，茶味好淡，甜度屬於少甜，可以話佢健康，但係咁樣一啖飲落去就係茶溝水溝冰塊，價錢都唔係平，方形珍珠OK但係無特別。

近排上環開左間新既台式飲品，主打手製方型珍珠。作為珍珠奶茶迷既我緊係要去試下啦！朋友話呢間鋪好火，排隊都要排幾個字先有得飲。可以當日我去過左中午食飯時間，居然無人排隊，真幸運！店鋪裝修好簡單，以白色為主。店員推介我飲佢地既主打黑糖方型珍珠鮮奶，同黑糖方型珍珠奶茶。因為唔太想飲茶既關係叫左前者既中杯size 拎到手，即刻打卡先！有黑糖係度令到個杯身好靚，好有IG感！我叫左少黑糖，味道都有小小偏甜，但飲到佢係無溝其他野，純粹黑糖加鮮奶加珍珠！香濃奶味我鐘意！主角方式珍珠感覺都幾得意，但有小小似飲涼粉咁，我諗下次我都係回歸傳統叫番圓型珍珠啦但整體都不錯，店員仲話如果唔太忙既時間，叫多幾杯佢地都會送到附近office既！

真係未飲過咁難飲～ 估不到第一篇要寫的食評是～ 要負評珍珠奶茶身為一個珍珠奶茶控... 見到咁有gimmick的方形珍珠... 緊係要試下啦...我同朋友由中環行過去上環...大熱天時想飲杯野濕下個口～正常情況黎講應該飲咩都叫做「久旱逢甘露」呀！ 但我同朋友飲左一啖後... 即對望...咩黎ga？呢杯野！水溝奶溝茶？ 我地已經係叫走冰不能想像加埋冰... 杯野會浠色成點🤦🏻‍♀️說好的方珍珍珠呢？根本杯中那些就不是珍珠... 口感完全唔係珍珠那種的q彈...仙草唔仙草～啫哩唔啫哩...真係極度失望... 珍珠唔係珍珠都唔緊要連個奶茶都咁難飲... 成杯野完全沒有可取之處...仲要成$29！我同朋友最尾都為免浪費quota...飲左1/3就掉左...真係未試過會咁嘥野...連8方雲集跟餐送的珍珠奶茶gor隻水準都高過佢...

公司附近又開左一間新茶飲，首創方型珍珠吸引了長長人龍。搵了平日食完lunch同同事去試新野😋等了差不多20分鐘終於排到我地，但落完單又要等多15分鐘先有野飲。方型珍珠質感比較似硬版蒟蒻，味道微甜，普通版珍珠煙un有嚼勁，還是普通珍珠比較吸引。噱頭野，一次便夠了😢

同朋友係上環收工，經過見到呢間珍珠奶茶新開，又幾口痕，於是就一人買左杯黎試下。見佢餐牌發現有樣嘢叫方形珍珠，不過問左先知原來賣晒，咁唯有飲番正常珍珠～ 朋友個杯正常甜度，我個杯走甜。即沖嘅奶茶係奶同茶色分開，原來係用鮮奶沖～ 即刻覺得係有驚喜嘅！味道黎講綜合所有野其實真係唔錯，奶茶各自嘅比例岩岩好，唔會偏重其中一隻味，無糖好岩我飲。但係朋友正常甜度個個就真係偏甜。不過價錢都真係幾貴，差唔多都30蚊一杯。不禁感嘆而家d奶茶舖開到周街都係，佢地要stand out都要加油

位於上環既 #想要飲茶 (要上網先搵到佢個正名😂) 主打正方形的珍珠▪️又係台灣來的珍奶店🙌🏼 星期六下午經過見不用排隊便試一下👅🍼 方形珍珠鮮奶(中杯) $26沒有點茶底而選擇了黑糖鮮奶，是均一甜度(奶茶才有得選)，喝起來驚喜地不會過甜，奶味相當香濃，很有在台灣喝黑糖青蛙鮮奶的感覺‼️(順便推薦一下台灣朋友帶我喝的陳三鼎👍🏼)方形珍珠會比一般珍珠小顆，口感有點怪怪的像較有軔度的涼粉粒，朋友和我都一致認為正常的珍珠較有咬口較好吃🤣

台式飲品真係開極都仲有，上星期試咗元朗嗰間春風，今日去返港島區，試咗近排大熱嘅方形珍珠奶茶！ ！ ！平時嘅珍珠多數都係圓形，最多只係分大細，今次試咗呢杯係方形嘅珍珠，感覺好特別，我朋友仲問啜放型嘅珍珠係唔係要用方形嘅飲管🤭之前見到網上對於呢度嘅飲品有啲劣評，但係親身試左之後，我又覺得唔錯喎。紅茶茶底都幾香，同牛奶混合之後係一杯好飲嘅奶茶。而且黑糖珍珠又煙煙銀銀，係介乎珍珠同仙草之間嘅口感，好得意好新鮮嘅感覺！

又有一間新台式飲品進駐香港！熱賣嘅係方形珍珠，可惜去到已經賣哂了😭咁唯有試反圓形珍珠鮮奶!😅😅😅😅😅😅😅珍珠鮮奶嘅奶味都算系香濃，帶淡淡嘅黑糖味，飲落就偏甜左啲(建議可嗌小甜)，珍珠就比較硬身但都煙軔嘅👌🙂🙂🙂🙂🙂外賣都幾得意，好似個手袋咁拎出去！😂😂😂😂草莓歐蕾🍓就系一杯草莓牛奶🥛甜味就適中偏淡，飲落糖份無咁高，牛奶味重草莓味淡，一般貨色😅吾算特別🙂🙂

方形珍珠鮮奶茶.平日午飯後來到 人龍不長 點單到飲品到手只是五分鐘的事😌 因不喜歡喝奶 所以沒有點珍珠鮮奶 點了珍珠鮮奶茶😉 原來有幾款茶底可選 有烏龍/紅茶/忘記了😂 方形珍珠好特別 口感都尚算煙韌 但因形狀較薄 沒圓珍珠的嚼勁 滿足不了煙韌控! 至於奶茶 茶味好薄弱 奶味較突出 甜度選了半糖就還好 整體就不是我杯茶💁🏻‍♀️

香港越來越多台式飲品店，最近有一間新嘅台灣過江龍黎咗香港啦！主打嘅就有佢哋全台首創嘅方形珍珠～聽落幾得意所以我就決定今日黎試吓佢😋好彩今日晏晝唔係好多人排隊姐～佢會有塊板話俾你知有咩賣晒有咩仲有得賣！本來想叫方形珍珠鮮奶茶，店員貼心咁問我係咪第一次飲，之後就介紹我飲佢哋嘅主打招牌《方形珍珠鮮奶》L$29首先是講咗呢個外賣袋先！個設計好得意呀！有手抽～仲有一個位俾你插支飲管落去～鮮奶好好飲，唔單止奶味重，仲有少少黑糖味！其實本身真係唔知啲珍珠變咗方形有咩咁特別，但係原來連質感同味道都會唔同！咬口10分Q彈～質感有啲似啫厘同珍珠之間，味道就係仙草同珍珠之間🤔都幾特別既我本身住係方形珍珠奶茶嗰陣，店員仲有問我想要咩茶底，原來佢有幾種茶底可以揀，分別有茉莉、烏龍等等佢嘅鮮奶咁好味我下次都想試下佢嘅珍珠奶茶！

最近公司附近開了一家由台灣新竹來的台式飲品店 Want To Drink ，有新的過江龍小店當然想要去試一試！可惜的時工作實在有夠忙，走不開的我幸好有親愛的同事為我速遞。聽說店子開張吸引了數十人等候，同事還竟然可以幫我打卡，實在感謝!點了這個方型形珠鮮奶茶 - L ($32)，它的賣點就是限量的「方型珍珠」，跟傳統圓型的一樣Q彈！不過整體味道上就好像沒有什麼突破了...那就是典型的台式奶茶吧，只不過奶味茶味也沒有很好。🤔 這個價錢來說我個人覺得性價比偏低呢，期待下次試的其他款式不會失望！●上環皇后大道中255號地下G1號8鋪●

夏天到啦～呢排開咗好多間新嘅台式手搖飲料店知道啱啱新開咗呢間飲品店招牌好可愛，似係心電圖，又似係簽名朝早10點幾行到附近，行到路口仲見到啲花籃轉入去巷仔，一落樓梯，舖頭就喺右手邊裝修白雪雪，舖仔細細，有四五個員工見到網上啲報道都係介紹佢個方形珍珠，咁緊係想試下啦～點知我哋可能太早去到啦，舖頭左邊有塊板仔寫住方形珍珠要11:15先有，就連普通圓形珍珠都要等到11點先有由於我哋已經行到好熱，極度需要凍飲解渴，所以都唔等啦本來一心試飲方形珍珠奶茶，而家飲唔到，於是望住個menu有啲迷茫而且睇menu上嘅推介logo都好似無乜啟示，因為大部分都有個logo跟住店員就推介咗個草莓歐蕾，話影相好靚。。。聽到之後打咗個突，雖然打卡呃like好普遍，但係飲品店店員係咪都應該講返飲品本身嘅味道或者配方咁呢咁無主見嘅我哋就點咗一杯草莓歐蕾，一杯抹茶歐蕾等咗5分鐘左右兩杯野飲就ready啦～諗住影低做reference然後專業嘅影相店員又指導咗我哋點影得靚啲就係咁啦～講返飲品先本來擔心個草莓歐蕾會係齋用糖漿沖出來點知杯野唔止樣靚，仲幾足料～有士多啤梨果肉，當然都飲到士多啤梨糖漿味甜味適中，果肉有咬口，消暑佳

What a design!Really convenient when you need to take away, though the paper gets wet and quite easy to break if you didn't hold it with equal forceAnyways, the focus is bubble tea, I tried black sugar circle pearls with milk (黑糖圓珍珠鮮奶), and can't choose ice and sugar portion. and I tried milk tea (黑糖圓珍珠奶茶), and you can choose ice and sugar portion. This is a medium size, and there is another large size.I love the combination that black sugar mix with milk, not very sweet but really smooth and n