想要飲茶 (已結業)

近排上环开左间新既台式饮品，主打手制方型珍珠。作为珍珠奶茶迷既我紧系要去试下啦！朋友话呢间铺好火，排队都要排几个字先有得饮。可以当日我去过左中午食饭时间，居然无人排队，真幸运！店铺装修好简单，以白色为主。店员推介我饮佢地既主打黑糖方型珍珠鲜奶，同黑糖方型珍珠奶茶。因为唔太想饮茶既关系叫左前者既中杯size 拎到手，即刻打卡先！有黑糖系度令到个杯身好靓，好有IG感！我叫左少黑糖，味道都有小小偏甜，但饮到佢系无沟其他野，纯粹黑糖加鲜奶加珍珠！香浓奶味我钟意！主角方式珍珠感觉都几得意，但有小小似饮凉粉咁，我谂下次我都系回归传统叫番圆型珍珠啦但整体都不错，店员仲话如果唔太忙既时间，叫多几杯佢地都会送到附近office既！