想點啡 (已結業)

價$同starbucks差不多。 all day breakfast 98. americano 34。味道可以。但老闆/員工應該壓力好大? 我只點餐時聽唔清楚佢覆述講乜,佢就好唔耐煩重覆一次,又話××英文即係×××, 好似話人唔識聽英文。(就算真係唔識又點?)之後我見枱枱都嚟哂野食, 只問了一句佢我仲欠1樣食物, 同樣又係好唔耐煩咁。 其實只要答製作中乜得,但佢1輪咀炆炆憎憎話我地d野即叫即整要等, d語氣好似我已經問左佢10次好煩咁。 maybe佢唔知自己比人呢個感覺, 但我聽完好反感。 仲有,佢間餐廳d食物正常外面都係即叫即整的!

好而之前見過有foodie介紹過紫薯系列嘅小食同甜品不過今次去食lunch所以無試到紫薯食左佢嘅lunch set.每日有3款lunch set今期有1. 白汁雜菌煙肉意粉2. 炒蛋牛角包加薯條3. 吉列豬扒三文治.揀左意粉同Latte先講下個意粉賣相其實好普通 唔太吸引Plating都比較頹😕食落意粉痴埋一舊而且煮到淋哂唔哂用牙咬都會碎哂😧白汁係完全無味得個「漏」字即使自己加左黑椒都食唔出任何味👎🏼成碟野嘅感覺好差.Latte比較好不過其實呢杯唔係正宗latte咖啡味好重好香但就無咩奶味雖然好飲但我會稱佢為Flat white

以前對紫薯野零興趣💩 但呢間野既🔻紫薯牛角包🔻紫薯夾餅🔻紫薯雪糕🔻紫薯latte（有粒粒紫薯肉）全部都好好食原來紫薯係一樣甜甜地 唔會好漏既食物 然後個牛角包好脆口好鬆化一啲都唔濟 個窩夫正常 配紫薯雪糕同cream好食夠濃味 杯latte就可以再濃啲但有紫薯肉搭夠-另外仲叫左個🔻黑松露醬薯條 （太好味無影到）我想講 係我成世人食過最好味既薯條 整完出黎係直接有黑松露係每條薯條到 條條都外脆內軟 好熱好新鮮 個脆既程度係去到鬆化個種 個黑松露味同薯條意外地好夾 最後連沙律醬都無點過 十級好食！！！-十分之推介 就算唔近火車站都值得去！！！

食過午餐、下午茶，味道都相當唔錯，位唔多，但唔會好迫、趕客，可以慢慢hea,呢度做街坊生意多。午餐：選擇好少，嘗過牛角包，唔係講笑，應該係我在港食過最好，極脆又鬆，不得了。餐湯南瓜湯就怪怪地，我覺得太甜，而個甜味唔夾南瓜，估佢加左罐頭🌽糖水落去。下午茶：變左style, 見前人食都有四塊，而家得返兩塊，變左紫薯蓉，其實都好味，不過以$58 既價錢，就覺得呢個量太單薄，就算好味，因cp 值低而唔會再叫。餐茶玫瑰烏龍茶好正，有真玫瑰，少少甜又不失清香，唔係出面台牌大型連鎖茶X咁，玫瑰latte零玫瑰味又難飲。

印象中呢間咖啡店都開了一年多，都係呢句，作為一個大埔人又間唔中路過，怎可以不一試。本來想要魚柳牛角包但售罄，叫來雞翼沙律配拿鐵。先嘗一口啡，很不錯呢! 等了一會，手機了一會，雞翼沙拉來了，份量也算大，味道很不錯，這樣一份美味下午茶才五拾元。當然帶來一本書隨意閱了一會，客人也越來越多了，明顯當中很多熟客來，店員跟客人有傾有講有交流，甚友善的。如果您要型要高尚品味，這裡選址裝潢未必是閣下杯茶。但我覺得店子坐得舒服食品及咖啡也不俗，下次或會試一吓花茶添，有空一定會再來，嘻嘻。

由2015年已經頻常光臨，幾乎吃透了所有下午茶／午飯套餐。以下就略略總括一下食過嘅野：有一次由於餐牌的三文治全部有肉，老闆娘特地幫我整左個素食-friendly 嘅碎蛋沙律治，服務態度良好，待客親切有禮。三文治非常大份，仲跟埋湯同埋沙律，抵食。至於紫薯系列，雖然美味但可以多一點變化，例如將紫薯混入窩夫而非單單在上面加紫薯。 除此之外，紫薯系列甜品賣相及味道皆一流，一定會再黎食。粗薯條好好味，但幼既就麻麻。大家有特定愛好就要問清楚了。 

今日去叫左個忌廉海鮮意粉，勁乾完全食唔完而且海鮮好求其咖啡中規中矩沒有驚人環境太暗，而且裝修一般，牆壁舊舊的比較多中年人去食飯，不適合喜歡寧靜的人比起cafe更似餐廳，但主食選擇太少下次不會再去

平日嘅大埔係比周六、日嘅大埔可愛好多倍，無甘多人，悠適、舒服，連鋪頭D食物質素都提升好多、好多倍。作為一個大埔人，見到出面d人周六、日湧曬入黎，喺好多鋪頭等得耐D人又話咩咩咩，到鋪頭手腳快D，甘水準可能就會飄忽左，又插人，又話之前讚果D人咩咩咩，un...其實真係唔係好fair囉我覺得。想真正食好西，平日黎大埔啦！對大家fair d囉。呢日平日又去食好西。誤打誤撞，黎左呢度。十二點，岩岩開門，入到去得一枱客，職員都仲係做緊準備工作。我就唔會好我是尊貴的食客上身的，所以就算職員忙緊，無好熱情的招呼，我覺得都係ok，況且小店，人手唔夠，又岩開店，人同人之間咪就係在於包容同體諒囉。店子細細，不過幾舒服。呢度仲有wi-fi添。點餐要自行去櫃台落order，不妨留意下是日推介有咩介紹。呢度只係收現金。叫左個煙三文魚牛角包，估唔到原因仲跟甘多薯條，仲有沙律添，個樣就幾靚，但有時野食呢家野，就好似我呢位阿豬媽化左妝甘(得個樣)，所以都係要試下味先可以知佢有無呃人...甘囉 個牛角包的確係幾鬆、脆，酥皮絕對唔會死實，也相信佢個酥皮係摺左好多層先做到呢個效果，不過牛油味未夠香，但好食過早幾日喺「美利」食

朋友提議去這間咖啡店一試午餐，剛剛去到南盛街都找不到小店，原來在稍為轉角的位置，在外面一看裏面不是太多位置，由於地方比較細小所以位置都是相對比較狹窄，正值午飯時間，座位基本都是坐滿的，進門便選擇了最接近門口的一張小圓桌，可能是抽油煙系統不是太給力，店內的油煙味比較重，甚至有些搶喉嚨。午市套餐有兩款選擇（如果想選擇其他套餐以外單點的朋友要留意，除了甜品和飲品外，基本上沒有其他單點的午餐選擇），我選了A餐）粟米吞拿魚軟法包配粟米南瓜湯，飲品點了咖啡Latte，朋友也同樣點了A餐，另外加＄20配了紫薯Latte，軟法包的軟硬度適中味道也不錯，就是裏面的吞拿魚粟米餡料比較普通無甚特別，粟米南瓜湯沒有特別驚喜，但感受到那份心機而非只是加很多粉的那種，咖啡Latte的味道可算有水準，咖啡味和奶味適中，朋友說紫薯Latte的味道也算不錯，就是奶味偏重。個人認為如果去到此咖啡店有合適的套餐心水，可以不妨一試，如果專成是去試他們的咖啡，那麼也值得一試，因為咖啡的種類也蠻多的。

剛剛幫襯完，即刻上黎讚下！其實我唔係呢一區嘅人，對大埔十分唔熟悉，但今晚要黎食飯，仲要九點先食呀，返完一日工嘅我實餓死啦，無端端周圍亂行時遇上呢間cafe，周圍都好靜呀～見價錢唔係太貴，就入去Hea坐、畫下畫。我叫左嘅係套餐，鮮果蜜糖吐司配雪糕，送杯飲品（我揀左茉莉茶），$48！本身諗住呢個價錢，冇咩好高要求啦，兩塊厚多士咁樣掛～點估到，係toast box! Toast box! Toast box呀！仲要好好食，表面脆，入面相當鬆軟，好啱我呢個麵包狂！甜度都好合適，真係好好食！！！搞到我甜品當正餐，食唔到下一餐，哈哈替店家可惜嘅係，門口其實有不少人睇完又走左，我諗係啲男士始終要食啲飯、麵做晚餐，咁呢啲menu上冇提供～都明嘅，佢地主打係咖啡同輕食～不過都建議店家係menu/門口加返啲相，整得咁靚，應有可以吸引不少人呢～希望有機會再黎試試咖啡～

PIZZA比較乾身, 落了TABASCO , 不過人唔多呢個份量SHARE剛剛好架啦意粉做得相對滿意合格, 因為有煙肉, 個汁都幾濃可以沾係意粉身上。HAZLNUT COFFEE太死甜, 而且我飲唔到有果仁味, 係非常難飲, 改喝水好了

身為紫薯控的一分子，看到有一系列紫薯食品和飲品的小店，當然要一試真偽~是日lunch就去了想點啡嚐嚐她的紫薯waffle (因為只有一人，一次過未能多吃，唯有只選一款最hit的)~即叫即做，待了約20分鐘，美麗的紫色終於亮在眼前 Waffle做成夾餅般，中間夾有紫薯忌廉醬~ Waffle本身香脆內軟有蛋香，夾著香濃幼滑的紫薯醬吃，果然能俘虜不少女子心  伴碟的還有以紫薯忌廉墊著的紫薯雪糕和小紫薯仔，紫味十足呢 下次定要試試紫薯系列的其他產品~  

大埔★想點啡受到迷人紫薯夾餅多番召喚，今日終於機會黎喇行到南盛街周圍望下，好易就搵到依間牌匾以木板pattern做底既小cafe～正，平日既１點幾到過左打工仔lunch hour人流比較少可以隨便坐。小店比想像中算係寬敞，主要係2人木枱，略為數下應該可以容納大約20位客人。室內裝潢簡單但牆壁上既圖畫清楚表達咖啡店既身份其中一面牆上面裝左幾個架，上面放滿好得意有唔同表情既杯仔小店採用半自助形式，睇完menu自己出cashier落order，之後拎個牌就有人送野食過黎。想飲水要糖要鹽等等可以係自助區自便。搵食時間是日精選有3款：- 煙鴨胸意粉配蕃茄蒜茸汁（$52）：隻魚形碟好得意呀令成個賣相加分平時好少食煙鴨胸，但見佢成舊叉燒咁色澤粉紅肉厚有光澤都忍唔住即刻食番舊，食落肉質鮮嫩唔似得叉燒d肉咁鬼實又夠入味，最後比我一個人ｋｏ晒個意粉望落普普通通，但連埋個蕃茄蒜茸汁食好正勁開胃，口味清新唔會好似平時食白汁茄汁果d咁heavy- 吉列魚柳牛角包（$52）：記得有人話過依度既牛角包好正，見到lunch set有諗都唔洗諗就揀左佢，原來真係好好味牛角包烘到外層香脆又鬆化，好味到我想偷偷地拎個牛角包

周未中午飲杯Latte食個all day breakfast係人生快事。小弟試每一間新店，都會點該店all day breakfast。這間小店的all day breakfast近百元，泊得住cafe hxxxxx或者simpxxxxxfe的價位。主要為炒蛋，腸，麥樂雞，薯餅，茄豆。炒蛋：炒得不算老，但欠缺奶香，只是一般炒蛋。腸：並非流行的德國腸，只是普通得不得了的施華力腸。口感似街邊小食，味道亦是街邊小食味道麥樂雞：完全是富善街街市凍肉鋪買到的質素薯餅：唉...難道都是m記外賣過來？茄豆：比較做得好，鑵頭豆但有再調味煮熱，勝過一些直接凍上。以近百元的代價，無論選材及質量都不合格。腸和麥樂雞只像附近富善街街市的平宜貨。而Latte的咖啡味十分平淡，飲不出有什麼個性，比不上大埔區近年新開的咖啡店。注意all day breakfast是沒有跟咖啡。飲品是要另外點。當然一個bunch，食物未必最重要，花過百元為的是一種好像文青喝杯咖啡的從容感。可惜店內通風不足，咖啡店充斥唔係咖啡味而係油煙，令整餐brunch感覺好差，幻想自己由文青變成茶記阿叔。我本身十分支持小店，希望日後見到改善。

這餐廳是有天跟同事誤打誤撞的情況下食的，店內座位不多，但裝修卻有著台灣cafe 的感覺。如果平日不用上班，在店內喝杯咖啡，消磨一個下午是不錯的！言歸正傳，午餐的選擇只有2至3款，平心而論，賣相很不錯，味道則屬普通，但很有在家自己弄的味道。湯烏冬味道偏淡，但牛角包卻有驚喜，是出乎意料的脆口！ 由於沒有炸蝦，所以換成這個，照燒雞扒豬骨湯烏冬。湯味道偏淡，但賣相很有家的感覺！ 吉豬牛角包，牛角包真是很脆！到了重點時間，就是不可不試的紫薯系列！點了兩款，分別是紫薯latte及紫薯waffle! 起初喝這杯紫薯latte, 沒有太濃味。但喝完頂頭的泡沫後，紫薯味開始出，而且越喝越濃！底部更有少少紫薯蓉，所以攪拌再喝的話，紫薯味更出！ 最最最重點的推介來了，是紫薯waffle！店家用上厚身waffle, 中間cream 是紫薯味，很濃郁！而且waffle 是脆脆的！還有它配以一球紫薯雪糕，非常非常好吃！將雪糕放上waffle 一起吃，一凍一熱的口感，濃濃的紫薯味在口中瀰漫，很有幸福的感覺！