惹味川 (中海日升中心) (已結業)

今日行過經過見到$37咁平 諗都唔諗就試左個口水雞飯 $37黎講真係算有質 肉質唔差 個口水汁好好味😋撈飯食一流老闆好nice 有求必應人情味重既鋪頭宜家真係好小係附近返工既朋友仔可以一試會返轉頭幫襯既鋪

今日叫外賣 分別叫左一個口水雞米線同埋酸菜魚配飯剩係得個白飯好食其他都好失望咩都唔洗講個米線生到脆口 離曬大譜未煮熟就出街 有點兒過份鍾意食脆口野可以幫襯個酸菜魚 仲衰 唔酸 死咸好大味精味 唔推介試個雞勉強可以試下...但一食就知雪雞扒唔惹味 食完流唔到口水....So sad

Home Office一段時間, 好掛住惹味川的雞絲腸粉; 趁住Happy Friday黎個Happy Lunch, 人都醒D; 去到舖頭發現員工和大廚都唔同左, 心諗會唔會中伏呢, 即刻望望個招牌, 依, 一樣喎, 咁都放心左D. 咁我繼續落單叫我的雞絲腸粉走辣, 由於店是open kitchen我就見到今次製作的工序與之前的有所不同, 心諗應該唔爭大遠啫. 返回公司, 打開飯盒, 嘩….雞絲極小, D腸粉實的的, D醋同麻醬醬汁好似稀釋左水咁; 食落口, 雞絲跟以前無分別, 但個腸粉就好似塑膠咁唔係軟架, 連D醬汁都淡而無味; 所以, 從今之後我想我不會再去了…….失望!

今日行過中海日升中心，紅茶、譚仔附近，見到佢peak hour大排長龍。唯有睇下附近有咩好食。係譚仔果層的轉角位，搵到呢間美味川。本來都鐘意食川菜，口水雞、酸辣粉都係我最愛。見老闆娘落力推，諗唔到食咩好嘅情況下，決定試一試佢。落單嘅時候，見到師傅做緊另一張單，佢起勢放飯落個兜度，即時同老闆娘講要少飯，結果係岩岩好食完。自問自己已經係幾大食，但係都係去到少飯嘅程度。再講就係個雞。老實講，一打開個蓋嘅時候，見到唔係紅色、油油地嘅，都覺得幾新奇，竟然有呢種口水雞。食完至少唔會口渴，雞肉超級嫩滑，好回味！呢個飯都係37蚊埋單，觀塘附近大多都食緊50-65蚊，雖然野飲變左紙包飲品，但都依然係抵食之選！一定再翻去食！

惹味川係我喺觀塘返工咁耐，午餐幫襯得最多最多嘅， 因為真係真係冇得輸啊！ 自從發現咗呢間惹味川後， 就好似發現咗寶藏咁， 一來價錢真係好平好平，而家35蚊既午餐真係 買少見少，二來份量仲要好多，三來味道仲要好味，食物質素絕對唔錯，仲有野飲送，真係去邊度可以揾到啊。你冇睇錯， 亦都唔係相片拉近嘅效果， 而係份量真係好多好多， 35蚊嘅價錢， 分量竟然係一大碟雞，真係一大碟， 每次食都起碼有十幾嚿， 重點係！ 仲要係無骨架！ 好重要所以講多次， 係一大碟冇骨嘅口水雞！而且啲雞肉好嫩滑，真係好好食， 飯量亦都非常充足， 我覺得應該唔止一碗飯， 但我就唔記得咗影， 總之每次食完都係超飽超飽， 好多時仲會食唔曬分畀同事食。我係一個好鍾意食川菜嘅人， 特別好鍾意食口水雞， 所以發現呢間寶藏之後就不停幫襯， 佢除咗冇骨而且雞肉好食之外， 個口水雞醬汁仲要非常非常入味， 個人覺得都幾夠辣夠麻， 因為喺出面食咗好多貴嘅口水雞 都係又有骨有冇咩肉，而且唔夠麻辣， 美中不足係佢嘅口水雞唔係凍嘅， 我始終覺得口水雞都係要凍食先好食 。其實除咗口水雞， 佢仲有好多其他款式， 之前同事有試過花膠、酸菜魚、紅燒肉，

經外賣自取係呢間落左啲野食，佢專做外賣，店面都冇位俾人食野，甘用openrice落外賣自取，呢間最少要落100蚊，少於100蚊就會需要補差額，所以最好同人夾單。其實佢啲食物算平，叫好幾樣先會過100蚊，幾抵食。甘我點左兩盒招牌無骨口水雞，一份手拍青瓜同一份酸辣土豆絲。全部我都雪完一陣再食，反正呢啲涼拌食物都可以凍食既。先講小食先。份手拍青瓜唔辣既，汁主要係酸甜味，有浙醋既味道，青瓜好爽口，好岩夏天食。睇落唔多，其實好夠食。然後就係果酸辣土豆絲，先要講打開既時候好驚喜，居然成碗滿哂，好足料，仲要甘平，物超所值。佢係酸辣帶甜，果汁醬似拍青瓜果汁加啲微辣甘。啲土豆絲以為會淋哂，其實一啲都唔會，好爽脆，夏天食真係岩哂，下次再叫一定會再點土豆絲。最後到主角招牌無骨口水雞，冇骨呢下幾方便，淡淡肉，雞件都好滑。先要講下佢果汁偏麻醬味，而且食到有啲孜然既味道，食落同一般口水雞有啲唔同，但辣味就唔算辣，因為我同屋企人都食得辣，大家都嫌唔夠辣。份量黎講32蚊滿滿一盒雞，拎返去當一碟餸食都夠一家人食，又係抵食之選。整體黎講，佢係抵食之餘，質素高既，而且因為我中意食辣野，佢係我食過既口水雞入邊都排到中上既。建

次次黎觀塘都會好想食佢地既口水雞飯態度好，價錢平，食身質素同份量都好高。可以whatsapp落單，下次再黎觀塘又再食。同埋近期有肉餅同其他新菜，我都好想試。係值得推薦。

今日係觀塘碼頭做完野，行返巴士站既時候🚍，路過中海日升中心，見個商場幾新又有時間咁咪行下搵下嘢食， 去到1樓見到間只做外賣的川菜，睇緊餐牌果時，見到前面個人買口水雞淨食！聽到好似話$32😱（有無咁Q平）係呢個時候，我就好奇咁問個店員🤨：口水雞淨食係咪$32？佢話係呀，$32 咁你要唔要試一份呀？ 心諗咁平咁低食😍😍，就買一份試下。 返到屋企🏠就試下先！食左一啖！嘩！ 咁嫩滑既😘，平時食雞好少食到咁滑，辣度我叫左少辣，對我來講已經差不多，下次可以挑戰下辣少少😉。唔可以唔講個汁，點完啲雞仲可以撈埋飯，惹味程度另我要添多半碗飯😋😋⋯⋯一個字「正」誠意介紹俾大家！😊

今日經開觀塘，收到張傳單，見到$33可以食到四川嘢仲要係套餐～～～～嘩咁平！淨睇相賣相好似唔錯，又咁平就俾次機會佢啦，初初都諗🤔影相同實物通常都有出入（因為圖片只供參考嘛😂😂）今日唔係太肚餓就買個凈口水雞$32！但返到屋企一打開，嘩～～成盒都滿既雞，真係要唱首 『🐔、全部都係🐔』，估唔到真係實際同相有9成似，真係以想不到😍😍因為外賣關係，雞同汁可以叫佢分開裝，唔使放埋一齊搞到要即食，始終得外賣，這點非常貼心😊，唔會搞到浸太耐d 汁醬混到唔知似乜咁！口水都乾啦都仲未入正題😂講講味道方面：以我個人口味雞比想像中辣，我已經撥開囇D辣椒🌶，但越食越過癮、麻麻辣辣剛剛好！搞到我唔肚餓都變左飯桶，半盒雞起屋企食咗一碗飯，如女仕細食，以呢個份量，可以二份share 食！雞肉方面就真係好滑，啖啖肉，完全無骨，三十幾蚊，真係算物有所值，d 人成日講好食食多d,唔好食食飽d, 但呢間我可以話，好食食飽d，因為真係又好食，又食得飽但希望老細keep 住呢個水準，就真係長做長有。

觀塘日昇中心最近開左好多餐廳 當中呢間係絕對會encore 既一間小店。今次已經係第三次幫襯 ， 必食既係招牌口水雞米線， $33有咁大份口水雞，而且仲係有質素。雞肉質感夠結實， 味道亦都係有鮮味， 本人唔太會識辣，小辣既味道岩岩好。米線係會即叫即煮， 唔會糊。相中冇既係川味手撕雞腸粉，$28蚊己經大大兜，小食的女生叫一兜已好當lunch,份量都多。 亦都叫左手拍青瓜， $18都唔會吝嗇， 成碗full 哂愛辣既朋友都叫左口水雞正常辣，都讚夠惹味。可惜呢間係外賣店，冇得堂食。但絕對值得推介

平野無好野呀，lunch唔知食乜好咪係operice search下有咩好食，見有間新野開左係海日升，咪去幫襯下，間野頂波記小食，睇個菜單見到都係幾惹味既四川野，又平，咪試下，口水雞拼米線，仲送一包野飲，諗住都幾抵，點知中伏，見佢比咁多雞，以為好野啦，點知返到去，原來全部雞柳黎，唔怪得之賣咁平啦頂，仲要一陣雪藏味wor，早知幫襯下面果間好過，人地果d起碼真係雞，雖然賣少d，呢間真係如果唔係個汁都cum唔到陣雪藏雞柳味，話就話個廚係酒店做廚師，但起碼比d靚d既料人呀大佬，寧願佢賣貴d

"我揾返我的膠原BB啦😍😍" $33 就食到甘好味好厚身既花膠扒真係要9秒9出post!其實我係誤打誤撞甘揾到呢間驚世小店，老闆好熱情甘問我食左飯未，我梗係即刻對"花膠"兩個字❤❤眼啦! 女人真係無化時無刻都要補架，我係超級信食療既，花膠又低卡又滋侈陰~最最最重要係有膠原BB丫😍😍 鮑汁北菇花膠扒: 一打開我嚇到傻左，媽媽丫好好好大塊 丫，仲大塊過我手掌，攤開差不多有一塊面膜甘大🤤🤤 同埋真係好厚身同滑溜溜 !其實舊花膠發得大吳大，厚吳厚真係好睇師傅嘅功力!原來師傅做過富豪"飯堂"嘅主廚! 吳怪得佢拍哂心口話包你有驚喜，師傅既功架真係不容置疑丫👍👍 重有佢个鮑汁都做得好出色，好香好順口而且一啲都吳腻，所以為左吳好哂每一滴汁，我直接將佢整左做撈米線hehe 😂😂我真係好欣賞老闆同師傅嘅誠意，$33俾甘大塊花膠扒!我明白香港租金貴，所以老闆寧願租小店做外賣，都情願將成本俾更好嘅食材!

收到傳單，試試觀塘新開小店，店主態度友善，推介招牌無骨口水雞，口水雞肉嫩滑，川辣汁辣度適中，份量也不少！冬茹扣原隻花膠，炆得淋身及入味，花膠汁用來拌飯吃或配米線也十分美味，滿足一餐！

在觀塘鬧市中的一間傳奇食店，行過比靚仔傳單哥哥吸引左去試，試完簡直一食難忘 食過返尋味日日都想食，口水雞一食再食都依然覺得好正， 一打開蓋就香味四散，賣相好睇，睇得出師傅用心去做呢款作品，雞肉 滑捋捋 ，簡直係色香味俱全平民價錢酒店級水準，店員仲好細心，叫過一次走花生醬再叫竟然記得好窩心，有時配埋粉會粉同送分開，花膠煮得好冧個味好正，沙律好新鮮配埋芝麻醬簡直係絕配，酸菜魚夠哂酸 ，不過最愛都係口水雞，諗起都流口水

30幾蚊食到咁好食既口水雞重送野飲認真超值唔太辣好夠麻岩哂我口味,wtsapp落定單去到唔洗等食左幾次白飯都比較爛撈米線超好食北菇花膠大大舊口感好,但汁有D淡撈飯差d