意八餐廳 (已結業)

無論早餐，下午茶，晚餐都令我有驚喜的餐廳。味道賣相出色，價錢合理平民化，值得我一去再去。可惜分店不多。早餐時段至11:20am, 啱晒懶床的我。款式多元化，今日選擇了意式蕃茄湯煙鴨胸野菌湯通粉，湯底勁好味不會有死咸感覺，野菌有野菌味，鴨胸唔肥....，加配$2的garlic多士，上枱時還熱的，值得推介。老公因為正在減肥戒殿粉質，但又要陪我食，意八有個豬排早餐啱晒佢，配埋滑溜hot coffee....滿足。

成日都會同家人黎食，味道ok又唔會迫！但要等位，多人等證明我都無揀錯我地次次黎親都食（柚子芝麻雞翼）同埋蒜茸焗田螺仔仔又食得！簡簡單單的一餐（快靚正）！岩曬我呢個唔識煮飯嘅太太

前一星期到這間藍田Itamomo食早餐，點了一個碎蛋沙律牛角包早餐，本身很喜愛吃碎蛋沙律，自己都整得好好味（其實想碎蛋沙律好味，可以在伴沙律和碎蛋時加些鹽拌至鹽溶，試啱味最後放些黑胡椒，再雪凍就會好好味）一心諗住吃個美味的早餐，誰不知那裏的碎蛋沙律竟然是甜的！講真，真的很難食，而且飮品（凍阿華田）完全沒有甜味，要問侍應加糖水，自己吃過幾間Itamomo,好像黃大仙及筲箕灣都不錯，但我想這家的水吧👨🏼‍🍳真的欠缺一點點😓

早兩日一家三口來到這裡食晚餐，這裏款式很多，出餐速度也很快，我們叫了幾樣東西：1. 美式集扒飯牛肝菌汁，有雞扒豬扒煙肉和施華力場，很豐富 ！2. 咖喱雞飯，味道不錯，略嫌雞肉太少 ！3. 安格斯牛柳粒珍珠米炒飯，幾好味，但牛柳粒多根，有點靭！4. 法式焦糖燉蛋，夠香滑！總括來講，味道算OK，可以再來一次😋

多年前曾經嚟過呢度食嘢，印象本是不錯的，今天仲特登帶爸爸黎食，但好失望，完全冇諗過佢越做越差😅我地叫咗兩份早餐野菌煎蛋蕃茄扁意粉，番茄湯完全冇番茄味，非常淡，扁意粉好硬身，食完有啲頂胃🙈本身有啲期待佢嘅脆脆牛角酥，賣相十分吸引，但食落口先知，一啲都唔脆，食完仲要滿口油。🙈煙肉煎蛋蕃茄通粉，就不過不失，通粉比較軟身，容易入口，又大份，好抵食。相對出色嘅就係佢嘅厚多士，又香又脆，值得一試。環境方面是很闊落的，食得舒服。但是，食緊早餐嘅時候，有一隻烏蠅飛過🙈🙈🙈整體而言，食物質素比以往差左好多，希望有所改善。

見今日放假 就同屋企人係11點半落去食意八，地點都算方便，近地鐵站入到去幾大，午市都好快就有位我地一共叫左三個飯，黑椒汁吉列豬扒飯、咖哩牛坑腩飯，同埋海鮮扁意粉。先講左個咖哩牛坑腩飯，個咖哩味好濃，入口唔算好辣，但食耐咗都有啲啲辣，唔食得辣既人要小心啲啦至於個吉列豬扒飯就幾好食豬扒啱啱炸起，熱辣辣好好食但因為啱啱炸起既關係，所以由落單到上菜都等咗一段時間個海鮮扁意粉就好足料，份量都唔算好多，肚飯既民要注意啦順帶一提，杯咖啡幾好飲三樣嘢加埋都係百五蚊左右，都算抵，值得一試！特別係個黑椒汁豬扒飯

屋企無煮飯，搵埋朋友落樓下搵野食，呢間野真係抵食，叫一個牛扒餐食都唔洗一百蚊！仲要牛扒煮得都算好！起碼仲算嫩口，唔會好似食香口膠咁食！叫埋小食都係加多廿幾蚊，西餐黎講真係算好平！

今晚，同朋友們行完Aeon, 就搵左呢間餐廳食飯。今日系平日，但系都有好多客人黎食。同朋友仔嗌左幾道菜：1）.浦燒鰻魚玄米炒飯2）.法式紅酒香茅燴牛肋條飯 3）.紐西蘭穀飼牛扒先講個鰻魚飯，份量足夠，鰻魚都算新鮮，又有香菇，粟米粒等。牛肋條飯有好香紅酒味，d汁撈飯食一流。而個牛扒叫左黑椒汁，有個炒飯底的飯，配合蛋同薯菜。整體都可以，不過牛扒有d筋同肥。除左主食之外，仲叫左柚子雞翼，胡麻野菌汁焗田園蔬菜。兩款小食都吾錯，可以一試。

平日晚上7點鐘左右，會見到這餐廳大排長龍。今晚我們就6點左右去到，趁比較少人就去試一試😋我們點了2份扒餐配牛肝菌汁，餐廳是用鐵板上餐的，可以保持扒的熱度。除了牛扒外，還有唔少已煎香的翠肉瓜，南瓜等，仲有炸得香脆的薯角🤤。還有太陽蛋及炒飯，這餐非常飽肚。🥰牛扒還是選用優質牛扒，不會煎得過老☺️飲品方面，我們點了2杯凍咖啡，咖啡不會太苦，冰同甜度也剛好，比起普通茶餐廳更好飲。2個餐加埋飲品都唔超過$200蚊。質素黎講已經係算優惠👍🏻😆

由於去藍田探親友，所以就選擇itamomo成為我地既午餐喇。唔知係咪假日既關係，佢地好多人排隊拎籌，不過場地好大，我地都好快有位，場地大多都係car位，我既最愛食物方面，我地叫左蕃茄豬扒焗飯，地獄叉燒拉麵，香辣扮煙鴨胸意粉。一杯飲品轉左忌廉湯，畢得太滿，流到周圍都係，不過香濃好味，地獄拉麵就竟然無辣味，不過慶幸味道都唔錯，叉燒多汁，肥瘦適中，豬扒焗飯不過不失，不過略嫌飯有點太硬。煙鴨胸意粉就好味，有少少辣味，好開胃。整體味道不錯，屬平民午餐，不過不失

哈哈，原來寫哩間都寫左既篇，不過次次都食唔同既野，就唔緊要啦。法式紅酒香茅燴牛肋骨珍珠飯（$53）味道ok，薯仔好食。但話明係牛肋骨 ，出到來係牛腩同牛肉😅活蜆香草魷魚忌廉意大利飯（$51）海鮮既份量算多，味道都ok。但個飯太濕了，睇下右下角直情係湯浸住飯咁，煮耐d再收情水就差唔多。葡國烤雞珍珠飯（$49）炒飯底，汁多到撈飯食，好惹味，份量都幾大份。凍咖啡、凍奶茶btw感覺佢依家唔使等咁耐都有得坐

星期六做完義工到Itamomo吃下午茶， 其實我對藍田這個地方不太熟悉， 只是咁啱路過所以到這裏醫肚。 大約下午四點幾的時間，餐廳裏不算太多人， 我們點了兩個下午茶餐，美國佬原味熱狗$25， 日和芝麻燒雞炒珍珠飯$36， 餐飲轉凍香濃奶茶加$2。美國佬原味熱狗連一杯飲品只是$25， 比起出面很多茶餐廳的價錢更便宜， 食物有水準。 熱狗裏面有蕃茄，脆皮腸，酸瓜和醬料芥末和茄汁， 是一般傳統熱狗的口味。日和芝麻燒雞炒珍珠飯， 珍珠飯粒粒煙韌， 味道唔錯。第一次到這間餐廳吃下午茶， 價錢優惠，是一間性價比高的餐廳。

有時夜晚得我同妹食飯，真係唔太想煮了，想出去食D野就算了。ItaMoMo既早餐食過幾次，見無咩人等，就試下晚餐。意大利芝士烤雞扒（$62）個盤擺滿左，一睇上去好豐富咁。哩個可以點來試下，薯皇炸得好好味。蛋黃煙肉卡邦尼長通粉（$49）哩個長通粉就比較一般，食到一半真係覺得漏 。同埋個蛋黃醬一D都唔出，就好一般

藍田平價西餐廳，網上評語好比差多，就試吓佢啦。今次第一次去食，6:30左右唔洗等，餐廳大約八成滿座。墨魚汁小章魚墨魚意大利飯（$58），配料豐富，有三隻小章魚，仲有啲墨魚、蘑菇同蜆。但個意大利飯唔得，都食得出少少墨魚味，但係成個飯未收晒水，成個湯飯咁......活蜆蒜香煙肉忌廉汁天使麵（$54），配料足，蜆仔都算多，仲有蘑菇同雞髀菇。天使麵軟硬適中，但嗰汁真係唔得！食落好稀好水，唔夠creamy，亦唔係好夠味......水牛城辣汁烤雞翼（$25），雞翼唔乾，無咩辣度，加埋表面嘅汁食落酸酸哋。本來呢樣餸會成為開胃之選，好可惜，雞翼裏面唔入味，亦都唔似平時食開嘅水牛城雞翼，失望！前—法式焦糖燉蛋（$16）後—瑞士巧克力奶凍（$16）甜品原價$26，可以$16優惠價跟餐叫！兩個甜品都發揮正常，為成餐飯加返少少分！下次如果想食意粉，以更平嘅價錢去食薩利亞好似好啲！

之前時不時黎食，感覺愈來愈差店員要改善一下1. 少冰變多冰（半杯冰）order 時要求走冰，侍應話只可小冰，我當然無問題結果黎到，要求少冰變左多多冰（半杯冰）另外一杯正常奶茶，Ｄ冰都仲少過我個杯近排幫襯幾次都係小冰變多冰2. 不搭枱變搭枱拎飛時有要求不搭枱今晚平日夜晚唔多人，有Ｄ大卡位都無人我被叫坐4人枱，我同店員要求不搭枱樣似經理的阿叔走過黎話2張枱合埋一齊唔叫搭枱我眼見同場好多大卡位無人我就好客氣問，唔該可唔可以轉過去 經理阿叔話之後好多3～4人（門口無人等）我明白，所以我起身出返去話再等位但到我坐低左，食到一半發現個經理好多2個人坐大卡位但剛才佢地又堅持個Ｄ係俾3～4人坐