意八餐廳 (已結業)

今日同女朋友一齊去食itamomo，其實都食左好多次啦，個人覺得呢間既性價比好高，一到星期五六就要排隊排到暈啦。每次黎食都係必叫牛排配黑椒汁，價錢好似係80蚊有找，真係好抵。有埋飯、菜、薯皇等一定食到你飽😂d牛唔係個d劣質牛，都幾嫩以呢個價錢黎講既話。$7仲可以追加個salad！同埋呢個既牛腩飯都好味，但有時d牛腩無肥既地方所以唔係咁易入口，不過大多數都會有肥既地方既😂大家記住呢間餐廳有一樣野係好值得讚既就係全日免加一呀哈哈好抵食！

平時周未經過藍田都成日見到呢間餐廳午飯時間大排長龍，咁岩今日得閒就黎試下🤤午餐menu選擇都幾多，意大利飯同拉麵應有盡有✨今次就點左個咖哩牛坑腩小鍋珍珠飯，牛腩份量都多，炆得夠冧，咖哩好香濃，唔會太辣，岩晒用黎送飯🤤活蜆香草魷魚忌廉意大利飯，忌廉汁好多，蜆就感覺唔算好新鮮，不過以呢個價錢黎講都ok la另外跟餐會一杯野飲，我自己就加左$3要杯芒果啫喱冰冰，味道比較甜，最底果層啫喱令口感更加豐富。

難得放假，心情輕鬆，就去意八itamomo食個午餐，好好hea hea。十一點半到餐廳，避開午飯時間的人流，不用排隊就可直接入座。餐廳裝不俗，有假的草牆，配上座位寬敞嘅卡位，不錯。另一邊牆畫有很多有趣的意八卡通人物，頓時有另一種感覺。餐廳冷氣充足，夠涼快，值得一讚。食物方面，set lunch 吉列豬扒野菌黑椒汁珍珠飯配利賓納啫喱冰冰。吉列豬扒炸得香脆，略嫌不夠厚身。利賓納啫喱冰冰，利賓納味道燶，芒果味啫喱冰冰好好味。雖然落單時叫了少冰，但仍有大半杯冰，有少許失望。

今日lunch約左朋友係藍田食呢間itamomo，因為呢間係任何時候都勁多人排隊既關係，我就提早去攞位～之前佢攞位係人手安排，依家就有部機可以自己‘禁’飛～我12:30去到攞位，門口係有好多人等緊，大概有15個人左右，真係好多人食！我地大概等左半個鐘左右就入得～都算幾快！lunch set有好多選擇～1 ：日式芝麻烤雞玄米炒飯 配凍奶茶～入面有冬菇、粟米同埋雞肉，加埋蔥花～因為加左sauce既關係，個炒飯唔係粒粒分明個種而係有小小黏感既炒飯～味道唔錯，唔好睇到隻碟好大以為份量就好小，份量係多到我食唔曬！2 ：和風烤雞焗珍珠飯 配 凍奶茶～雞肉好嫩，配搭呢個日式烤醬好好食，飯入面加左d wasabi，份量都係好多～好抵食！凍嘢飲加2蚊～但呢間裝修咁好而食物質素又好高質既餐廳係唔洗收加一架！！！

是，這裡的食物質素係ok,但服務真係要改善，第一次寫食評，今日一家人來食晚飯，我叫了芝麻雞pizza, 但知道是焗煩食品，已經耐心等待，家人已經食完餐，追了2次也沒有回覆，最後用餐換來一肚氣，最後決定取消，服務員都唔係太好語氣。其實無唔緊要，起碼要覆一覆客人吧。再忙抽少少時間回覆都下相信唔會阻太多時間吧。我明白雖然pizza真係平，無錯唔係賺我好多錢，但作為服務行業真的可以再用心一點嗎？相比之下，昨天在旺角平昌(韓國菜)的服務真的一流。相信有一段時間真係唔會再幫襯。

星期六，家人都有約會，只有我和囝囝在家吃飯，天時暑熱，唔想在家煮飯，惟有揀附近餐廳搞掂。囝囝想食西餐，便揀此店，可以快快食完回家煲劇，我們點了蒜蓉焗田螺、日式芝麻醬沙律、焗豬扒珍珠飯和肉醬意粉。整體食物質素ok，價錢經濟實惠，兩個人百幾蚊，好過自己煮蒜蓉焗田螺，蒜蓉味唔夠，薯蓉有點乾肉醬意粉，醬汁OK，意粉彈牙，但個人不太喜歡食扁意粉😑 焗豬扒珍珠飯，醬汁美味，豬扒淋滑日式芝麻醬沙律，蔬菜夠新鮮清甜

一間經常幫襯，好招呼（除咗個別一兩個），嘢食平、靚、正嘅餐廳。佢午餐、下午茶、晚餐都抵食，咩時間去食都要排隊，但食物質素基本上唔會跌，最正係廿蚊個下午茶都係我最愛嘅即磨咖啡。下午茶由輕食到飽肚都有，廿幾蚊起，平過大x活。晚餐選擇都算多，有shabu shabu、牛扒、飯、麵、意，樣樣質素都唔錯。用呢個價錢食到咁嘅質素，仲要服務又唔差，佢哋用平板落單，上菜又快又夠熱，唔會整定先。係領匯場都無加價，算係好好了

呢間餐廳既食物質素一向不錯，我同老公經常幫襯。今次想講的反而是服務質素。呢間餐廳都頗多人光顧，尤其是下午茶時段。大肚既我有兩次於繁忙時間入席，員工除了很細心提醒我要慢行、讓路給我行之外，亦會擔心我坐得不舒服，而彈性安排較寬敞的二人坐位，非常細心及體貼，亦很有人情味。亦是每次令我優先考慮此店的原因之一。食物方面，無論是午餐時段的米蘭番茄焗豬扒飯、咖喱牛肋條飯，還是下午茶的公司三文治，食物水準仍然高。

呢日去藍田探朋友去左啟田商場呢間Itamomo食lunch, 同一層樓都有好幾間食肆，不過得呢間門口有人等位，就揀呢間食lunch。因為揀搭枱位所以等左一陣就有位，餐廳入面坐滿客，午餐套餐選擇都我幾多，有十幾二十種。我揀左個和風烤鷄焗珍珠飯($45)配熱即磨咖啡(跟餐免費)。咖啡先上，飲落唔錯，咖啡香濃順滑又夠奶味，一D都無欺場。等左二十幾分鐘個飯都未上枱，侍應好有禮貌咁解釋話因為焗飯要耐少少，又有幫我追單，值得一讚！好快個飯上枱，雖然賣相一般，但食落烤鷄入味，香口嫩滑，珍珠米入味唔太腍，個烤醬加上個帶有少少wasabi味嘅沙律醬，好食！呢度食物味美，價錢合理，唔怪得咁多客啦！

ItaMoMo Cafe其實是一間連鎖經營的食店, 許多地方都有分店!!! 而且還有ItaMaMa!!!這間ItaMoMo Cafe 在藍田都開了開了多年, 每逢午市 或 晚市都有很多人在店外輪候!其實, 客人的數量亦可算一個客觀的指標, 若不好食, 那會有人回頭再來! 說實在, 以佢的價錢配上佢的質素, 性價比是不錯!!!這晚所叫的雖然不是我平時最喜歡食的幾款食品(因遷就小朋友) , 但我也覺得好好食!這裡的奶茶是我所推介的, 價錢不貴, 但奶,茶和甜品三者比例配合的份量不錯, 真係幾好飲! 不過佢是屬於偏甜的!立貝烏冬是小朋友的喜愛, 湯底濃, 好好味!吉豬鐵板味道也好好食!不過服務就一般, 佢人手不足, 叫人落單真係慘! 不過佢煮得好食, 所以我都係會來!

早餐 雜菌湯通粉雜菌略唔夠多，如果蕃茄味再濃d就perfect近來藍田食得落既餐廳消失了不少間，街坊都知啟田商場冇啖好食，就算有態度都唔係咁好。意八係其中一間比較快靚正嘅，今日早餐食咗雜菌湯通粉，唯雜菌好像比較少，番茄味都係不足，仲有炸豬扒湯通粉，味道都可以，豬扒幾好食，夠鬆軟，湯唔會好鹹，送餐時間速度快，是一個不過不失嘅早餐。豬扒湯通粉

Angel hair with Clams, Bacon & Garlic in Cream Sauce ($52)- Appropriate portion- Sauce: Bit too watery, but still flavory enough- Clams: Lots n lots of clam in the plate, but there's two which isn't clean (has sand inside it)Overall: Average quality but mentally feeling like it's so worthy because of the number of clamsHaha randomly lining all the clam shells up on the edge of the plate

唔知從幾時開始，我好鍾意食意大利飯，鍾意佢嘅濃濃醬汁，有口感既飯粒...今晚老公趕住去踢波，同我食個快飯，因為我早到藍田，去逛逛有咩好食... 之前食過意八，知道佢有平民價既意大利飯，味道ok，格局似茶仔。能夠符合今晚要快，又係我最愛，就梗係衝入去啦！環境：7:00pm 正值黃金晚巿時間，食客好多，我㩒飛仔仲要揀搭唔搭枱，不過唔搭枱都係等咗陣就有位喇，因為呢間藍田店超大，有好多卡位，2-6人枱都有，應該有成30枱以上。食物：墨汁小章魚墨魚意大利飯章魚墨魚都份量好多意大利飯口感剛好，不算太硬，醬汁係味道濃，但略嫌水了些，未夠creamy但呢個價錢，好合符水準! 帆立貝海洋蕃薯湯扁意粉個蕃薯湯好酸酸甜甜，比例剛好，幾開胃，老公食唔停咀海鮮份量足夠，帆立貝唔算好大，仲有青口、蝦、蜆... 都係個句，好對得起個價錢！扺！服務：雖然人多，但服務都不錯，下單上菜速度正常，整體友善有效率，仲無加一架。望餐牌時，都心郁郁想試其他野，据扒、邊爐、小食小食小食但趕時間，無法啦，下次再試...

藍田地區，啓田和德田的餐廳都有很多，但如果在附近工作，會外出享用午餐，就會知道其實大多都質素參差不齊，水準偏低，但價錢卻偏貴。普通茶餐廳，味道極度平庸，但價錢卻已經超過＄40，實在令人搖頭嘆息。唯獨只有意八，質素能夠保持優良，而價錢卻不比茶記貴。所以午餐時段及下午茶時段都總是需要輪候入座，總是人潮滿滿。而我吃了兩年多，都從來不會厭倦意八的白汁烤雞天使麵！性價比高，價錢不貴，但味道甚佳，乃每次指定午餐/下午茶之選要說為藍田的綠洲也不為過

今日喺啟田商場見到意八呢間餐廳，企喺門口見到個價錢就吸引咗我哋入去，最吸引係$69打個細邊爐。個火鍋都幾足料，仲要係龍蝦湯底。另外叫咗個加拿大安格斯牛扒配牛肝野菌汁，都只係$78。可能價錢抵食，我哋都等咗大概15分鐘先入到去。先講下個龍蝦湯底火煱，濃濃嘅龍蝦湯，加片肥牛落去，真係何其美味，啲肥牛都算幾淋，質素唔差。其他啲配菜都頗為新鮮。另外個牛扒都幾厚，喺鐵板上連埋啲牛肝野菌汁會令到個扒好香，塊扒咬落亦好淋。最後我哋加多個柚子芝麻雞翼，呢個小食有驚喜呀，柚子都幾重。意八咁抵食，下次真係可以再嚟~