意八餐廳 (已結業)

每次去到呢間都排晒長隊好受藍田人的歡迎紅湯係傳統雜菜湯,味道不錯而白湯係粟米湯,個人鐘意呢個多Ｄ,相對特別Ｄ主菜今次試下三文魚蛋白炒飯+白汁雜菇意粉,兩個都比一般茶餐廳好味,炒飯夠乾爽同大碟,用料都足而意粉既醬汁調配好味所以不少人排隊亦有其道理！

同媽媽兩個人做完大掃除, 三點三當然要食返個下午茶喇!! 意八長期都人頭湧湧, 好彩翻桌率都快, 唔洗等好耐就有位喇。叫左兩份茶餐同媽媽分黎食, 見到隔離枱嘅公司三文治好吸引, 所以叫左黎試。份量都幾多, 雖然冇薯條或者薯片, 但都好吸引!!! 三文治餡料好豐富呀, 有咸牛肉煎蛋, 有爽脆嘅蔬菜, 一口咬, 好好味!!另外仲叫左柚子雞翼拼薯角, 雖然雞翼只有兩隻, 但加兩件三文治, 唔會唔飽。雞翼有柚子蜜味, 甜甜地, 都幾好味!!! 意八都真係唔錯, 食物質素都幾好而且選擇都多!!!

是日工作路經藍田又黎食我覺得好平又幾好味既意八平時黎親都要排隊3:30黎到竟然無咩人實在太好下午茶 款式多好似乜野國類型既野食都有的選擇我就叫咗個先茄焗豬扒飯珍珠米下午茶份量黎講都算大份豬扒上鋪滿番茄醬及芝士有好濃郁嘅蕃茄味之外仲有好香嘅芝士味唔錯豬扒都唔算薄口感好腍👍🏻珍珠米好乾身食落口好有口感屋村餐廳來講意八真係我最鍾意嘅一間價錢非常公道食物質素亦好有水準所以我間唔時都會抽時間嚟呢度食下飯👍🏻

咁啱黎到藍田，又到咗食晚飯時間喔⋯⋯又咁啱老公呢排打便爐打上癮，我又想試下呢間餐廳，見佢都幾多款式既野食，就好似fusion菜咁樣，所以一於就試下啦！我地叫咗個肥牛火鍋同烤雞焗飯，個火鍋一出場既時候，我有啲嚇親。哇😮洗唔洗咁多料呀！碟肥牛好大碟，啲菜又多款式喔👍🏻完全無諗過65蚊可以食到咁抵既打便爐咯！相比於前幾日食的吉野家簡直係無得比呀！事因吉野家要特登加多三樣配菜加加埋埋89蚊都唔夠呢間多！至於味道方面，意八既質素亦略勝一籌！老公覺得呢間的烏東同樣好食過吉野家！而牛乳豬骨湯底同樣比吉野家的龍蝦湯底濃郁，簡直係便，靚，正👍🏽至於個烤雞焗飯亦都唔錯，而且同樣好足料。有肉都有菜，味道配搭得恰當好處！不過略欠不足既係果杯檸檬🍋柑桔🍊，啲味道有啲怪，而且略微甜！😓

聽同事講 呢間係係藍田較為好食既餐廳即管試一試 黎到唔算滿場多人 未夠一半人但侍應不讓我們選擇位置 態度非常一般之後見到餐牌 選擇唔多亦都有很多配搭最後選擇了一個鐵板安格斯牛人生第一次食鐵板 食到一塊唔熱既牛扒唯有叫侍應給我一碗熱的黑椒汁 因為途中侍應忘記了我的黑椒汁 所以我一等再等 但最後我換來的是唔熱的黑椒汁 可能藍田食肆不多 所以沒有太大競爭力結論係侍應很多 但係服務不周到菜單不錯 食物材料尚可 但煮得唔好我應該不會再來

很久沒有到此店，因為經常有很多人在等位，今日經過見門口新設立自動派籌機，早餐時段又剛結束，見輪候人不多，便㩒張飛試吓，果然很快便可入座，我們點了3個午餐，蛋黃煙肉卡邦尼長通粉、忌廉煙肉菌皇意大利飯和豬骨濃湯叉燒拉麵， 蛋黃煙肉卡邦尼長通粉，有點兒失望，因為醬汁太稀偏鹹唔夠芝士味忌廉煙肉菌皇意大利飯，味道ok，飯軟硬適中 豬骨濃湯拉麵，湯味濃郁叉燒淋滑，拉麵彈牙使用自助攞籌機，方便又有系統，減少爭拗整體食物質素ok，但是卡邦尼長通粉有點兒令人失望。

第一次嚟到藍田依家意八餐廳 ，喺門口等位等咗都半個鐘 先可以入去食下午茶 。呢度選擇多價錢唔貴，而且全部幾乎都係有得坐卡位 ，坐得好舒服。當然食物水準都唔錯， 性價比高， 我哋四個人叫咗五個茶餐。 日式熱狗調味料 類似整小丸子嗰種醬汁， 小朋友食得好滋味。公司三文治本身已經有 烘底， 有芝士火腿番茄 嘅材料 ， 以37蚊嘅價錢嚟講一啲都唔貴呀！ 凍檸茶茶味好濃 但係唔會苦澀。 雞肉白汁意粉好食，但係略嫌雞肉有點騷味，但係個菇煮得好香 ， 好明顯有爆香咗啲古再煮唔係白烚菇。西多士裏面充滿咗花生醬料，炸得好香脆， 配上大大架牛油 ，而且佢用韓國牌子既蜜糖醬， 簡直係一絕 👍唔怪得呢度咁多人排隊都唔去對面嗰間有好多吉位 嘅茶餐廳😅😅

拍拖拍到去藍田同老公又食呢間又平又好食既餐廳！老公食蜆肉珍珠泡飯 $34竟然有咁多隻蜆😍不過蔴油味太重手 蓋過成個飯但肥老公都幾鐘意 可能夠咸 仲飲埋杯茶走 簡直肥仔之選我見到隔離枱叫左呢樣 個樣好靚salad好大個咁呀！所以問左店員哥哥 跟人叫😋柚子雞翼+沙律 $27雞翼味道正常 不過我始終鐘意食辣雞翼多啲 酸酸甜甜有啲奇怪沙律話係粟米沙律 不過好多紅蘿蔔我唔太like 但勝在好大個 感覺健康👍🏻奶茶夠熱夠大杯！ 咁既價錢真係夠哂抵食環境又夠大都幾舒服 絕對值得再去

今日媽咪生日，就去左意八食晚飯慶祝。呢間餐廳係藍田開左好耐，不過我成日都會同朋友來食。佢既食物有意粉、意大利飯、粉飯等等、一應俱全😁，今日黎吃晚飯都簡左好耐，花多眼亂喔。 其中呢個九州豬骨濃湯叉燒拉麵，又平又好食! 湯底夠濃，又有叉燒香味! 正!

因為10號風球吹壞咗個冷氣機，所以就要去藍田商場嗰度買返部冷氣機，經過見到呢間餐廳出面有啲人排隊喎，好啦入去食個下午茶先至去買冷氣機啦！雖然係普通麵包、加條普通腸但係麵包焗過加小小自家制嘅汁料，唔係淨係加D茄汁，都算有啲心思啦普通嘅豬扒公仔麵呢個好味，又多芝士呢個普通的喇，不過個薯角都好鬆脆呢杯凍檸金橘好足料好好飲杏仁霜好多茶餐廳已經冇架啦，絕跡左好耐估唔到黎到呢度有得飲仲好夠味添4個人4個餐都係食咗123，仲想點吖

間嘢開咗咁耐，都食過好幾次不過一開始食好食啲，越食越唔好食今次晚餐嚟食，平日有陣時都要等位叫咗兩個扒餐，一個係西冷牛扒配牛肝野菌汁，一個係吉列豬配黑椒汁佢每個扒餐都會配一塊厚切蕃茄，一啲雜菜，一隻雞蛋，少少飯同少少薯角全部扒都係厚切，好多肉個飯係炒飯嚟嘅，不過唔係特別香因為個蛋係用個鐵板嘅熱力整熟，所以未熟哂，我哋都將個蛋同飯撈埋一齊食配菜基本上係冇調味嘅，啲蔬菜完全係靠個鐵板配嘅醬汁撈住嚟食，感覺麻麻地最慘嘅係個薯角，好哋哋放係度，但係俾其他食物疊住咗，所以淋咗，食嘅時候冇哂層次本來會驚唔夠飽，食完竟然飽到上心口，所以話個餐係大見夾抵食嘅，但係如果食物味道keep返好啲咁就好啦

塔塔子之十萬個為什麼嘅其中一條問題：點解呢間餐廳長期都咁多人排隊？星期五晚黎湊熱鬧，依然都係好多人等，不過餐廳夠大，好快都入到去～屋邨商場內少有裝修幾靚嘅餐廳，價格仍尚算親民沙律菜都算新鮮，但塔塔子覺得太多醬，有d咸份量尚可，冇改錯名確係好多海鮮，可惜樣樣都唔新鮮，青口同硯好腥，蝦肉霉，魷魚圈冇乜味似橡膠。不過香辣蕃茄汁搭夠，夠香口最出色係個汁賣相討好塔塔子比多一粒星星佢啦！大大塊蕃茄，豬扒都夠厚身，仲有少少香茅味道，不錯飲品不錯，加8蚊都算抵環境不錯，食品一般，塔塔子就覺得未至於晚晚排長龍掛

好味又抵食既早餐幫襯左好幾次（早餐），餐牌上推介都好好味，仲要份量十足，價錢真係好平，物有所值。今次吃的是千島豬扒脆脆牛角酥，大個隻手掌，牛角酥有好香既牛油，塊豬扒配合千島醬好正美中不足係塊豬扒無去骨食既時候要小心點

呢間西餐廳係藍田開左好耐啦，都有不少街坊捧場😝。佢既食物款式有好多，意粉、意大利飯、pizza🍕、火鍋🍜一應俱全😁，呢日黎到食佢地既午餐，同樣選擇花多眼亂喔。 .忌廉煙肉菌皇意大利飯 $48 @ 意八餐廳：忌廉味好濃，而煙肉同野菌落得毫不吝嗇，整個飯都是滿滿既煙肉同野菌，不但可以提升香味，k呢個菇迷都食到好滿足！仲落左蕃茄粒🍅，食落清新d無咁漏。

女小編放假除左去拍拖之外，放假都會陪屋企人既今次女小編就同媽咪去行下街兼食下午茶！（同媽咪掛住行街試衫試鞋，搞到連過左午飯時間都唔知）-坐低先覺得好！肚！餓！！！所以我地都叫左兩個飽肚既下午茶餐！-分別係公司三文治同鮮茄焗豬扒飯公司三文治超終足料，有生菜蕃茄、咸牛肉炒蛋、芝士火腿同午餐肉~加上烘到黃金脆面既方包，一口大大啖咬落去真係勁滿足而個焗豬都唔差，炒飯底夠干身，豬扒大大塊之餘亦夠淋，唔會焗到朝爭爭咁！呢兩個餐真心好ok喎，連埋兩杯飲品都係70蚊炸