意八餐廳 (已結業)

我平時都幾鍾意食西式餐廳，例如係焗飯、焗意粉等等。喺黃大仙嘅喱間西餐廳，經常性都需要大排長龍，我平時都成日黎食，我覺得都幾好味。今日下午茶時間，好似平時一樣都係非常之多人等位嘅，今日我哋兩個人等位要等左20分鐘左右。今日叫咗一個焗飯同埋一個辣肉醬焗薯皇，等左一陣就有啦，上菜都上得幾快嘅。首先講一講佢嘅百里香忌廉雞皇焗珍珠飯。忌廉汁味道唔錯，加上百里香，非常穩陣嘅配搭，而佢面頭亦都舖左芝士，更添加風味。除左雞皇，仲有椰菜同茄子做配菜，份量都幾大嘅，下午茶價 $34 包熱飲，抵食！  不過佢個辣肉醬焗薯皇就麻麻地，一黎辣肉醬唔夠辣，因為餐牌上佢寫自己做瘋狂辣肉醬，食落只係普通level囉。二黎個薯皇呢，就淋淋地嘅，又唔係好熱，所以就要扣扣分囉。整體黎講，我食過午餐同下午茶時段，其實兩者嘅份量都係一樣，但下午茶就平好多，所以感覺就好抵食呀。

平日夜晚八點後去唔洗等好耐就有位😊貪佢有小食，岩晒唔太餓又口痕果陣。呢度好在咩都有得食，飯意粉湯麵烏冬都齊全，不過食物質素就有啲參差。今次叫左個煙三文魚沙律$32千島醬配沙律基本上都唔會差既生菜同蕃茄仔都好靚好新鮮三文魚亦唔腥，惟一敗筆在青瓜，又乾又唔爽😢友人點了份西冷牛扒$60牛扒鐵板上，配有野菜、薯角、煎蛋、珍珠飯，都算豐富。可惜既係身為主菜既西冷扒竟比配菜差，肉質粗糙又硬，令人失望。但個蕃茄就好好食好juicy，薯角雖然唔夠脆但都好香口，個飯配牛肝野菌汁都可以。之後點了五個小食焗田螺$26不錯，好香口😋柚子芝麻烤雞翼$23好香柚子味，但就唔係十分好食，賣相同味道都好普通😐香草忌廉煮蜆$27面頭好多都係得個殼，但係食食下發現都有不少蜆肉係底。芝士焗肉子豆腐$21芝士份量適中，肉子豆腐唔夠熱，好似攤左好耐咁😕芝士白汁焗田園疏$22真的很不錯！芝士份量多，雜菜配上白汁香而不膩😍二人點了七款食物一杯特飲，二百多元咁豐富都算抵食吧😌👍🏻

墨西哥辣肉醬扁意粉加飲品($42)尼間餐廳都算係街坊餐廳，下午茶時候排隊排到癲，因為佢下午茶餐多數三十幾，包一個飯或意粉再加飲品，抵到爛架。飲品大大杯，司令叫左凍朱古力，奶味好濃，似係朱古力奶，講返意粉既味道，肉醬好夠味，帶少少辣，份量都好多，唔會好似有D餐廳比好少醬撈唔到意粉，扁意粉煮得岩岩好，唔會太淋，味道好少失手，其他野亦都非常唔錯架。

午餐在意八餐廳，點選得獎咖喱牛坑腩小鍋珍珠飯，先嘗牛乳粟米忌廉餐湯，是粟米蓉，有粟米的香甜，有質感又好味！得獎咖喱牛坑腩份量很足，牛坑腩炆得恰到好處，不粗糙也不炆爛，有咖喱香、微辣，令胃口大開，得獎，果然名不虛傳！珍珠飯也很足份量，配爽口椰菜。加$9的甜點牛乳奶凍，很重奶味。很飽飽，很滿足。

其實這間食店已光顧過數次，水準是不錯的.今天因為實在太忙, 所以hubby貼心地買了愛心外賣午餐特別喜歡這店的蕃茄海鮮意粉, 酸中帶辣, 十分過癮!意粉口感十足, 雖海鮮份量不算特別多, 但整體算是不錯了在黃大仙區, 這店算是很有水準的了

早上十一時剛到，還有很多人在吃早餐。午餐十一時半開始，若一兩人搭檯就不用等。午市有推介套餐，或單點菜式(飲品半價)。點了墨魚汁海鮮飯，服務員說要等二十分鐘，果然準時到達。起初擔心人多，而且點的不是推介套餐會影響食物質素，卻帶來額外驚喜。飯不會很黏很鹹，每粒飯混有墨魚汁，海鮮(墨魚圈、蜆)不腥，有很香的葱頭和磨菇片，具專業水準。唯一挑剔的是不用意大利米而用珍珠米，醬汁吸收得較少。飲品點了牛乳抹茶紅豆啫喱，牛乳抹茶味道濃，只差不夠稠，紅豆啫喱便是搗爛的啫喱，跟飲品不合。服務員可能工作忙，不太理顧客落單要求，幸好食物質素補足。

I was in Wong Tai Sin with boyfriend as we were planning to go check out the turtles at the temple later. Not knowing what to eat, we came here ... as it was number 2 most popular restaurant in Wong Tai Sin as listed on Open Rice. Number one was a hot pot place and well ... at 30C in the afternoon, hot pot was not an option.ItaMoMo Cafe is a restaurant which serves Japanese and Italian fusion. Fusion, I suppose, should be in quotations as it was more like a cha chan teng serving cha chan teng ba

果日去到都幾多人見到差唔多滿座不過位置幾寬落就入左去見佢門口寫自己最出名係牛坑腩就嗌左一個牛坑腩飯＄48連飲品一上菜就聞到好香咖喱味本身都擔心佢辣點知食落都真係辣辣地我唔係好食得辣（平時雞煲BB辣都頂唔順）所以無乜食到D咖喱但係佢個牛腩真係正到爆好入味不特只仲好林就算D筋都好林仲好有牛騷味唔會有雪味

ItaMoMo 意八加倍芝士白汁玉子豆($21) 純粹為“加倍芝士”四隻字而點佢，但係出來之後有失望到。芝士都唔系多，又無煮得特別好味。Wasabi煙肉菌皇意大利燴飯($46) 意大利燴飯不嬲係要味道濃郁先好味！呢個名寫住wasabi一開始都驚驚地中伏，但點知上來之後，個味道出奇地夾！！！ Wasabi甜甜地，完全調到燴飯d濃郁味道出來，唔使次次都係芝士咁重口味既！配左wasabi反而覺得Fresh左好多。加上系煙肉同菌類，都幾健康。 對比雞扒飯，更加推薦呢一款！牛乳抹茶啫喱冰冰($11) 無咩抹茶味，都無咩牛奶味，因為太多冰，飲少少就開始無味，想試既記得叫少冰！港式鴛鴦($10) 普普通通，無話特別好飲。意大利芝士燒烤雞扒($53) 呢道菜式d醬汁幾好食！比到驚喜我地！加埋D薯菜係好似薯餅咁樣，幾有心思。其他餐廳見到多數都係薯條，又炸得唔好食。呢間就可以食到薯餅口感既馬鈴薯，唔錯唔錯。雞扒都幾嫩口，唔好太老。 同埋佢D飯唔系普通白飯！！ 黃黃地，好似係加左蛋入去整，真心係有誠意！總結：去意八都係主食比較抵食又好味，D特飲容易中伏，飲普普通通既餐飲仲好，而小食就見仁見智啦~

是日晚餐 一個人的浪漫平時都係嚟意八食午餐多 但晚餐確是第一次！今晚成八點幾至食飯 好肚餓因為一個人嘅關係 所以不用等位 亦唔洗搭枱今晚點了帆立貝海鮮龍蝦汁意大利飯 然後加咗 7蚊 就可以有多一碗仔日式芝麻汁田園沙律埋單 58蚊 好掋丫

去開黃大仙個邊就去左呢間餐廳食叫左個黑松露魚子什菌天使麵同星級夏威夷比薩兩個餐整體黎講份量真係好少一定食唔飽但味道都ok既天使麵既汁都算多不黑松露同魚子都好少食落去好似淨係食到有汁既天使麵咁而個pizza都唔大但勝在芝士多批邊都夠脆所以都還算可以啦唯有可以讚既係唔同口味既jelly冰都幾好飲算係拉返d分數啦

咖喱牛坑腩珍珠飯:飯餸分開上，牛腩份量不少，這裏的咖喱對於我不吃辣來說屬大辣，夠淋和入味，咖喱汁亦不少及夠咖喱味，還配有2大嚿薯仔，因太大嚿，所以薯仔偏硬及不大有咖喱味；而飯亦配有不少蒜粒炒椰菜，味道幾好，不過少些油會更好，而飯是用珍珠米，有口感，整體味道不錯。

意八既呢個炒飯真係幾好食，叫日和芝麻燒雞炒珍珠飯，下午茶都要$34。個炒飯一到就幾香噴噴，令人食指大動! 個炒飯食落甜甜地，有雞粒、栗米、芝麻等等既野係入面，食落幾香口，唔似普通既飯咁，佢既珍珠飯硬硬地，幾有口感! 不過等炒飯既時間有D耐，如果可以快少少就好!

今日晏晝去到意八食飯，出面好多人等緊位，等左20幾個位終於入到去。叫左呢個焗雞扒飯幾好味，上面層芝士幾厚，好重芝士味，加埋飯上面既白汁，mix埋一齊就好好味，適合好鐘意芝士既朋友。仲有，焗飯既雞扒好大塊好香，雞皮少少焦，雞肉幾嫩，雞扒好好食。飯又焗得幾香，真係色香味俱全!服務態度幾好，值得一讚!

我住附近 第一次去食既時候 食物好難食而且服務態度極差 所以我就半年沒有過去 第二次過去係上個星期嗰時見到門口咁多人係下午茶諗住再試多次 可能或者上次叫果啲嘢唔 好食姐 點知今次食仲衰 risotto無果又硬 米飯粒粒分開好似炒飯咁 個薯角炸到濃晒 真係唔知點食落肚 而且我唔係叫下午茶餐 以後唔會再試 兩次夠哂