意八餐廳 (已結業)

晨早起床想起食早餐，上次吃下午茶不錯的意八餐廳， 大約等五分鐘安排入座， 兩人叫了兩份早餐 ，濃湯公仔麵加二元要了兩件蒜蓉厚多士 ，咖啡奶茶， 好快不夠兩分鐘先來兩件多士，不過厚多士是凍的， 吃多士剛烘好熱辣辣才好吃， 再來兩碗濃湯公仔麵 ，湯也是微暖的，幸好咖啡和奶茶可以接受， 我覺得不要講求速度要注意食物質素大X樂都好佢好多， 這是必需改善的地方。

昨天同朋友到黃大仙搵食，經過依間餐廳，地方大，人流多，食物價錢都比較平，所以入左去幫襯。我地去左個窗口位點餐，我們點了$60牛扒鐵板燒，$46 的叉燒拉麵。鐵板餐的牛肉好味，還有飯和薯菜，拉麵的味道也不錯，兩個餐的份量算是大滿足。我們還點了熱即磨咖啡和熱柚子茶，柚子茶一般, 咖啡比較苦。男侍者先來飲品放在枱邊，我們沒移動過，後來女侍者來食物,一臉不悅及沒禮貌的說: 你地杯野呀！(即是話我地杯飲品阻住佢上菜) 如有禮貌的說聲，我們知道阻住你上菜，會歡迎移開，一開聲就這麼沒禮貌，實在十分反感，態度要改善一下!

上星期五去了黄大仙同朋友吃飯，順便補番生日飯，因友人住黃大仙，加上要照顧小朋友，不能去太遠，我多數約在黃大仙，上次吃完意八又OK,我不太熟悉黃大仙，意八位於黃大仙中心3樓，意八都幾多人排隊、我揾定位等朋友，我入座無耐，朋友同她的仔仔就來到，原來她的仔仔不喜歡意八，我同友人各自点了一個餐，我覺得海鮮炒飯就一般，荔枝啫哩冰又OK,我覺得好飲，服務就一般味道:今次是第二次來，上次好味D，今次呢個就一般環境:黃大仙店地方大，座位坐得舒服服務:來了2次，感覺一般番食:有機會再來我覺得意八算是OK,大家想試下意大利菜，又怕去TST.區個D地方貴，可以不坊試下黃大仙意八，有意外收穫，價錢不太貴

晏就12點半去到 門口已經好多人排緊隊 最後我地6個人等到1點鐘先入得😩一入到去揀左SET LUNCH 有茄汁天使麵 咖喱牛腩飯 意大利飯等等 全部跟湯或者飲品我自己叫左個魷魚圈蜆肉忌廉意大利飯連粟米牛乳湯或者係意大利飯雖時較耐 其他朋友啲野食到齊我都未有((但烤雞忌廉意大利飯一早到左😕😕 催咗接近十分鐘先到先講服務 店員經常性扮睇唔到你舉手直行直過((或者太忙? 見到聽完你講 一句等下好快到就走左去 無幫手嗌咪/去廚房催😞再講食物 其實以唔夠50蚊可以食到個意大利飯加湯都算係咁 不過略嫌意大利飯太乾身 無咩意大利飯既感覺 ⭐建議問店員拎芝士粉落上面 香口好多😉另外啲餸反而過得去 個個蜆殼都有蜆肉係入面有少少白酒味 幾好 不過係雪藏定蜆肉大小就...因價就貨不要要求太高🙈而魷魚呢 唔算梅但有啲韌乾身 無味而個湯呢味道真係幾好 可惜唔熱既😫尼到已經有層薄薄既衣係面成個餐最奇怪既係 有咩可能比哂主菜客人 人地食到一半先比餐湯?(重點不熱!!!!!)如果只係不出尼比人 點解唔一早比呢?ANYWAY 50蚊西餐 算係咁啦 都可以一試😎

接近七時到達，無需等候，坐下後不久便開始有人在店外等位，暗自慶幸。座位間距不闊，加上全店滿座，所以一張四人桌會有兩組人，有單人位亦會馬上被填滿，雖則與一般連鎖快餐店差不多，但環境比快餐店好，不用加一仍有服務。我們吃了~牛乳粟米忌廉湯($6)：賣相平平無奇，像家中喝到的罐頭湯，但味道比較濃郁，質感頗稠。原茄意大利菜湯($6)：普普通通，與大字牌連鎖快餐店的沒任何分別。煙三文魚拌大和芝麻汁冷麵($48)：份量比預期多，三文魚足夠，所謂的「大和」應該是指加了芥末，令冷麵入味不會寡，麵的質感也爽口、有嚼勁，好！帆立貝海鮮龍蝦汁意大利飯($48)：以這價錢來說算是用料十足，有蝦、魷魚、一大粒帆立貝和幾隻蜆，海鮮質素尚可，而龍蝦汁很濃，每一口飯都很入味。星級夏威夷比薩($38)：比薩熱騰騰，沒有厚薄之分，是港式厚麵包底，配料有菠蘿、火腿，至於餐牌上寫有煙肉和米蘭肉腸，數量太少，我好像沒吃到一樣。整體而言，意八餐廳經濟實惠，製作食物的速度快，我會偶一為之。

黎到黃大仙中心， 見一到呢間野個menu都幾吸引。誰不知叫左卡邦尼長通粉， 芝麻雞翼， 玉子豆腐黎到全部凍冰冰， 長通粉d汁完全係水狀態。焗野都係凍真係o晒嘴。整體都十分難食， 唔會再幫襯~

由於起樂富區已經無乜餐廳食晚餐性價比會高。所以，決定去黃大仙睇下有咩好食。一去到已經有好多人排隊，好彩等左一陣已經有位啦。♥蛋黃煙肉卡邦尼長通粉售價：$40睇個碟以為份量好少，又以為無咩汁。原來蛋汁起哂底，好JUICY!入面配料十分充足，份量岩岩好。♥美味滋味炸薯皇售價：$15本身對佢好大期望，點知一食落口全份都係凍冰冰。仲要係淋哂。♥和風照燒雞比薩售價：$37以這個價錢來說，這個7吋大的PIZZA性價比算高。♥帆立貝海鮮龍蝦汁意大利飯售價：$48海鮮料種類很多，例如有帆立貝、魷魚等等...唯醬汁味道過濃，吃小量就會口乾。♥柚子芝麻烤雞翼售價：$23柚子汁鋪在雞翼表皮上，吃上去甜甜的，加上芝麻，食落去好有口感。♥牛乳抹茶紅豆冰冰售價：$10 (簡任何飯或意粉+$10)比較普通，紅豆多到食極都食唔完。是次消費總數(兩位)總括而言，這間餐廳價錢尚算合理，而且食物種類多，平時想不到在哪裹用餐的朋友，到這裡也不失為一個好的選擇。

今次無卡位坐，被安排拼桌，可以望著獅子山吃下午茶。餐廳裏是依然嘈雜，很不自在，而我卻選擇了叫一客有奶油的食物當作安慰劑。入單後的“很快”，飲品與食物皆隨即送來…百理香烤雞忌廉天使麵 $33天使麵煮得剛好，忌廉薄薄的把天使麵包著，一點也不膩，再加上大量新鮮菇菇切片，味道新鮮濃郁。烤雞肉帶重重香草味，不過從肉質及味道食到是烤好的雞肉，但已放在雪櫃裏雪藏了一段日子的貨式，噢… 完全破壞了！特配奶茶:今天的奶茶並不適合我，茶味較淡，奶味沒有把紅茶包著。

無論咩時段都有好多人等位,下次一家大細去食記得要早D去等位~首先,果海鮮飯加左wasapi,令到成個飯多左小小驚喜,有肋提升果飯既鮮味之餘,亦有一種食完仲想食既感覺~而個青口意粉個湯味就太濃,五食得spicy既人五好嗌,D意粉就不過不失,無咩特別!over all , D食物好多選擇,而且價錢公道,都系低佢多人食既!

搵食到黃大仙...黃大仙中心食肆多，但是並非間間爆場，這間意八餐廳，有個得意的英文名字：itaMoMo, 是我在區外完全無食過的。 我個人就是這個樣，每到一個新地區偏要去試試新風味！餐廳面積大，座位幾乎全都是卡座，卡座寬闊加上舒服彈彈梳化，感覺幾有私隱（但是客人似乎不大介意私隱這個問題，因為餐廳內是非常、非常嘈吵  ヘ（´ｏ｀）ヘ  ）下午茶餐牌其實有兩面，多士、三文治、熱狗、燒雞翼、湯麵、炒粉麵飯、中西意日樣樣有，價錢都只是二、三、四十元連熱飲，難怪場面爆場，下午茶都要等位，犀利！熱奶茶有茶味，奶下得不會太多，不會有黏喉狀況。意大利黑醋胡椒牛肉炒天使麵 ... 天使麵帶硬身，炒起來都有幾多油，用豉油及黑胡椒來炒天使麵，再加入青紅椒絲及數片細片牛肉，牛肉有預先醃過，最後上碟再吱多幾行黑醋。  撈勻後食，成品有黑椒的香亦帶黑醋的酸甜，多油並且硬硬口感。在這兒伸一伸懶腰，又再一小時。

法式紅酒香茅牛肋條($43) ：不似是牛肋條，似牛腩多些，還有點紅蘿蔔，一般份量。飯餸是分開上的，有蒜頭炒椰菜配飯，有不錯的蒜味，可惜可能預先炒定，所以有點黃。另外，牛肋條完全沒有香茅味，它的味道有點似羅宋湯味，肉很腍且入味，它不算肥，但越吃越覺得汁肥膩，若不介意沒有香茅味，整體是不錯的。

經常去這裡茶廳，都差不多年多了沙爹牛肉麵，牛肉不錯麵平平無奇的廉價福麵，是正常的味道呢熱奶茶-奶茶熱騰騰的夠茶香和滑囗這裡的環境企理光猛，坐得都幾舒服茶廳全部食物、飲品、三文治、多士等等很簡單沒有甚麼特別嚟這間店子主要係老街坊來打躉聊天

再來此店食早餐，今次試食扒餐，香草煎雞扒煙肉腸仔加凍奶茶，三十一元埋單。雞扒煎得好香脆而內裡肉就好嫩好滑一D都唔鞋，但一定要皮連肉食才好食的，我好喜歡食雞扒，食過很多店，呢塊我會比七分半。如再有蒜蓉汁或燒汁跟就更好，依家只有茄汁就有點美中不足。蒜蓉厚多士一定要叫多牛油，煙肉腸仔比較一般，凍奶茶如少冰一點更好飲。

今天到此經常去的店食早餐，選了蕃茄濃湯米粉加磨菇腸，煙肉。加兩元有蒜蓉厚多士，凍奶茶，共三十一元埋單。味道方面，蕃茄湯濃得來有味道夾米粉一絶，磨菇腸本身無味加埋米粉食好味。多士有驚喜，如多些牛油會更好。like這店其中一個原因是有電視看和有卡位坐，一人來坐埋一邊自得其樂，不多人時有自在的感覺。要彈的是店待應人手不足，又年紀大，很多師奶做parttime似的，不夠專業，但這平民化的店，又談什麼優質服務呢?飲食業當下請到人又做得長已經偷笑吧。

叫咗"牛肝菌汁活蜆鴨胸焗飯".賣相唔錯, 堆滿蜆, 鴨胸, 上面有烘得靚靚嘅芝士, 揭開仲有茄子同椰菜. 出奇地多料, 覺得幾抵食, 因為$43唔洗加一有咁嘅賣相同份量.味道唔錯.只係...上面兩隻蜆都無肉. 你哋可能話跌咗. 揾均全兜, 總共5 粒蜆肉, 7 個殼.平時抄蜆唔見咁啲肉都正常, 因為炒炒下會甩家嘛. 不過宜家係擺喺面焗嘅, 點解無啦啦唔見咗舊肉呢?以為鋪咗啲芝士喺面就唔覺.我唔係介意少咗蜆, $43 五隻蜆其實算有交代.但係你俾多兩隻殼我送飯, 我不其然會諗 "呢兩隻殼, 邊樹執番嚟呢?"味道唔差, 如果你只係得五隻殼, 我會俾lam lam 脷你.奉勸各食市, 唔好畫蛇添足. 加多兩隻殼, 賣相好啲啲... 不過好嘔心! 唔好以為用芝士讓落隻蜆殼入面可以過骨.