意堡

营业中

休息中

某日放工搵嘢食，行行吓發現咗呢間開喺宜安街小巴站附近嘅隱世小店，細細間裝修簡潔，開放式廚房，吧台設計，坐位唔多，啱晒我呢d鍾意靜靜地用餐嘅人。抱住一試無妨嘅心態叫咗個芝士牛肉漢堡，即叫即做，調味剛好，塊漢堡夠厚身，肉汁又多，配合份量剛好嘅醬汁，新鮮沙律菜同埋蕃茄，真係有驚喜。之後回頭再試咗卡邦尼扁意粉，意粉軟硬度剛好，有咬口，每條意粉都沾上調味比例剛好嘅醬汁。另外佢地嘅小食雞肉串都肉嫩多汁值得一試。

呢間隱世Burger店，最主要做街坊生意，舖頭唔算好大，有吧枱可以坐，可以望住店長煮嘢食嘅過程，同佢傾吓計又得。小店都幾受歡迎，價錢親民實惠，又有同貓貓玩，夜晚時段坐滿晒人，而且嚟外賣嘅客人都唔少㗎～小店嘅裝修咗少少似Cafe，主要都係木系嘅擺設，仲有一隻好可愛嘅貓貓店長🐈，時不時都會出嚟巡舖，小店仲可以提供少少貓零食俾你同喵店長玩🧶～餐牌最主要都係漢堡、意粉同飯，佢嘅飯類（除咗炸雞髀）都可以轉漢堡或者意粉，所以組合都算幾多下～佢嘅漢堡包係即叫即整，所以都要等一陣，嗰包烘得微焦，食落都幾脆口～------------------------------🌶️◖辣椒膏豬扒漢堡◗ $42辣椒膏豬扒外層煎得香脆，味道有啲似泰式酸辣醬嘅豬扒，甜甜地唔會太辣！豬扒口感唔會乾柴，口感幾嫩滑多汁又爽脆！🐖◖自家醃製豬頸肉漢堡◗ $55店長大推呢個豬頸肉，豬頸肉嘅漢堡又真係第一次試。豬頸肉醃得幾入味，口感爽脆，油脂豐富，但就略嫌油膩，比較適合配意粉或者飯，整成漢堡包應該冇咁夾～🍗◖沙嗲雞髀肉串◗ $14呢個雞肉串做得幾出色，以為佢好似串燒咁，但做到出嚟效果有啲似炸雞翼～炸得勁香脆，裏面嘅肉質超級嫩滑多汁又

今日係觀塘行街，行行下覺得肚餓，見到一問小店“意堡”。門口放咗個全日餐餐牌📔，見價錢唔貴又有我哋想食嘅食物，於是走入去試下😆。小店面積真的比較小，大約只可容納🔟個人，但整體環境舒適整齊，老板🙎‍♂️及店員🙎‍♀️可以同我哋近距離接觸.....咦😳？！等等...原來仲有一個“店員”，佢就係貓店長🐈豆豆啦😍😍，冇錯鍾意貓🐱嘅朋友聽到呢個消息一定好興奮😍。講返啲食物先，我哋叫咗幾款試下。香草雞扒飯 $38雞扒🐓大大塊煎至乾身香口，調味適中帶香草味，肉質軟腍又juicy，送飯食一流😋。自家制豬頸肉漢堡 $60見幾特別所以叫個嚟試下，豬頸肉🐖厚身有油香有嚼勁的質感。配上千島醬及加牛油烘過嘅漢堡包🍔，估唔到味道夾之餘又幾好食😋。忌廉芝士配炸墨魚肉 $30外層炸漿又薄又脆，墨魚🦑肉質軟腍，點咗忌廉芝士醬🧀一齊食，味道特別之餘口感又豐富🥰。松露醬配粗薯條 $25薯條🍟表面炸得香脆，因為粗身，所以薯味🥔香濃，松露醬淡淡地，反而更能突出薯香味🥰。總括而言，食物有質素，價錢貼地。另外，店內雖然得2️⃣個人，依然運作流暢及照顧全場，我覺好厲害😁。後記：貓店長🐱今日好鍾意同我哋玩躲貓貓，我哋食緊嘢嘅時候，佢喺我

這間絕對是地道的小店，充滿了親切的氣氛和美食的味道。當我走進店裡時，我被可愛的小貓店長迎接了。這隻小貓非常友善，讓我感到像是在家裡一樣舒適自在😍我點了他們的芝士牛肉漢堡和和牛漢堡，兩款漢堡都是非常好吃的。牛肉夠嫩又多汁，麵包烤得非常香，而且裡面還加了一些新鮮的蔬菜，口感非常豐富。特別是芝士牛肉漢堡，那種芝士融化在嘴裡的感覺真是太棒了！除了漢堡，炸脾炸粗薯條也是一絕。脆脆的口感，外層的麵糊炸得金黃酥脆，裡面的薯條則保持了鬆軟的口感。這種炸粗薯條是小學小賣部的味道！飲品點了他們的自家製檸檬薏米水。清新的檸檬味和薏米的香氣混合在一起，非常解渴。而且這種自家製的飲品更是讓人感受到了小店的獨特風格👍🏻👍🏻👍🏻

成日都去附近食米線，早排無意中發現呢間漢堡包小店好多好評，仲要有貓貓玩，決定揾一日試下。坐吧枱位可以睇住店主煮嘢食。全部即叫即製，而且見到店主係一個好衛生嘅人，每次整完嘢食都會即刻洗晒啲嘢😆。和牛漢堡 vs 芝士牛漢堡兩個嘅配料同埋個樣都好似，就係舊牛肉同埋醬汁唔同，食落口就有分別，和牛比較juicy，牛肉香味較濃，質地鬆軟啲。雖然兩個都好好食，和牛稍勝一籌😋。金菇牛肉卷，雞翼，芝士魷魚魷魚係鮮魷切片，芝士可拉絲，炸得剛好唔油膩，有驚喜。金菇牛肉卷 $14 三件好抵食薏米水/可樂 街坊價$7 😃😃😃貓女豆豆10個月大，好可愛。店舖喺內街，好有隱世feel，漢堡啱我口味：蕃茄，生菜，芝士，厚牛肉+煎過的包，小小醬。簡單好食，唔好搞到咁複雜👍🏻喜歡我食評請追踪關注，俾❤️❤️鼓勵我繼續努力。

香港有好多唔同食漢堡包嘅店舖，但係唔係間間都好食，有啲成$100 1個，有啲全部合成既，今日發現咗牛頭角有一間小店，聽聞幾高質舖頭細細大概只有六七個座位位置左右店員只有一個6-70歲嘅婆婆工作，我入到去有啲嚇親，以為通常後生仔先會整漢堡包店仔細一問先知道呢間舖頭係老闆仔同佢媽媽兩個人開，媽媽會下午茶時間去幫手，等佢仔返去休息我入到去嘅時候，見到佢醃緊雞扒豬頸肉，見到我後婆婆就好熱情，問我食啲乜嘢婆婆係完全憑記憶落單，佢係唔需要手寫落單嘅咁我同朋友兩個人就叫咗一個豬頸肉漢堡 一個芝士牛肉漢堡 一個黑松露薯條 同埋一支檸檬薏米水全部嘢都係即叫即整，你係等待嘅期間會聽到食物嘅滋滋聲音好療癒大概等咗10分鐘左右，婆婆仲會遞上兩張牛油紙，比你包住個包嚟食，好貼心豬頸肉係自家製，佢唔會幫你切開，但係咁樣更加有口感，厚切1cm,豬頸肉好多汁，有咬口配上個包既蕃茄菜醬汁一流芝士牛肉漢堡個牛肉好多汁，好Juicy,大部份真係牛肉，唔會話係合成嘅，啲調味啱啱好都唔會話太鹹差唔多$60 1個，好飽肚嗌咗個薯條，粗薯嚟既，即叫既炸，灑上七味粉，再加埋黑松露醬好好食檸檬薏米水都係自家製，唔會話太甜，亦唔會太無味

觀塘牛頭角一帶我都係完美體現新舊交融嘅區域行下條街周圍睇下，別有一番風味小巷入面有間食漢堡嘅小店，即入啦！佢哋除咗漢堡外仲有意粉同飯（仲要係海南雞🐓）小店大概六七個坐位，bar枱加開放式廚房雖然又煎又炸但都冇油煙味👍🍔芝士牛肉漢堡個漢堡漲卜卜幾靚仔自家製手打牛漢堡調味幾好牛豬比例明顯牛佔大比數所以味道極濃郁重口感加上半溶芝士同黑椒，配辣味蛋黃醬新鮮牛茄片同生菜好fresh🍔大啡菇煎蛋漢堡又厚肉又juicy嘅大啡菇上面蓋有黑松露沙律醬燶邊全熟蛋，卜卜脆👍漢堡個包搽咗牛油，一樣係又香又脆加$14可轉套餐，包小食及飲品沙嗲雞肉串，沙嗲味香濃幾入味🍝卡邦尼意粉有驚喜，醬汁啱啱好不多也不少煙肉甚多，越食越好味😋小店有貓店長，得閒會探頭巡視業務肥嘟嘟好得人鍾意🥰整體來講小店實而不華，衛生有改善空間堂食熱辣辣，但外賣可能會好啲（始終座位有限‼️）

觀塘收工後跟同事搵食後才回家，行經呢間#宜安街#意堡，見到餐牌係食漢堡同意粉為主，好似幾好咁， 同事說想食下，便進入開餐囉😚。黑松露大菇煎蛋漢堡，額外加埋芝士，令口感更加豐富。包煎過故🍔帶點脆口感，中間夾了很香的大啡菇，新鮮生菜🥬、蕃茄🍅同芝士🧀, 配埋黑松露醬，美味可口。蒜香蜆肉意粉🍝，呢個價錢很抵食，蜆肉份量多，蒜🧄粒多味重，所有食材拌勻一併食，味道幾好啊。小食點左沙嗲雞髀肉串🥓，烤得很香脆，黑胡椒調味帶點辣，雞髀肉滑嘟嘟的。另一款小食是肥牛金菇卷，牛唔太肥且熟度剛剛好。餐湯用杯裝上，是粉葛加洋蔥🧅又幾清甜啊。飲品點了檸檬🍋意米水, 清新解膩 😚。

牛頭角漢堡小店,住附近嘅人要試下啦.因為依間餐廳唔止漢堡,仲有飯同意粉,價錢仲係十分親民.最平一個海南雞飯只需$35.餐廳主打漢堡,所以我都揀左2款漢堡.芝士牛肉漢堡包鬆軟,有輕輕烘過.牛肉厚身,咬落鬆軟,味道都夠濃.加左好多生菜,有蕃茄,唔會好酸.同埋好多醬,唔會乾.HKD$52自家制豬頸肉漢堡好大塊豬頸肉,成塊豬扒咁,咬落幾淋.豬頸肉好入味,加埋個醬汁有小小辣,幾香口.HKD$60雞脾肉串:好大串超抵食,咬落好嫩滑,多汁HKD$14黑胡椒炸雞脾好大隻,個皮好脆,夠味HKD$35檸檬蒠米水:食完咁多熱氣野,飲返枝岩哂HKD$7店內有隻貓咪,超可愛又唔怕人,岩哂中意動物嘅你.餐廳有一個室外用餐位置.

意堡 Spangle 🍔🍟非常推介呢一間餐廳俾大家，總括三大優點！❤第一，當然就係好食啦！🧡第二，有人情味！💛第三，抵食，性價比極高！成間舖頭有店主一人打理，有時間嘅話，店主都會同客人傾兩句，好nice 架，見到區內都有唔少嘅熟客，香港已經越來越少呢一種咁有人情味嘅餐廳！所以真係非常值得大家支持❤‍🔥芝士牛肉漢堡$52WOW❗ 非常濃厚嘅芝士，配埋勁大塊牛肉，牛肉咬開有肉汁！另外都要特別講一講佢個包，非常脆身，好有口感！平時好少漢堡舖頭可以做到，非常值得一讚💓💓👍🏻自家製豬頸肉漢堡 $60原本以為只係比幾塊薄切豬頸肉我，點知係一大塊，原塊比我😱😱🤪先係比份量嚇完，再比肉汁嚇親，因為原塊咬，肉汁都保留，濕潤而爽口，加上蒜蓉醃製，簡單係漢堡最佳配搭💓💓👍🏻忌廉芝士汁配炸墨魚肉 $30呢一個墨魚肉好有驚喜👍🏻建議大家去到要嗌嚟試一試！墨魚肉上面有一層薄薄嘅炸粉，啱啱炸起非常香脆，上面嘅忌廉芝士汁直頭可以拉絲！🤤🤤墨魚肉偏向淋身又好有墨魚味，好食💓💓👍🏻炸雞髀 $35炸醬薄而酥脆，醃料相當入味，炸到剛熟又唔會令外皮過火，原隻咬開肉汁非常豐富❤如果怕唔夠飽，加$10，就會變成炸雞髀飯，小食正餐，

一人打理的小店 食物都唔會令人失望分店主要賣西式食品 漢堡包 意粉 但仲有海南雞飯依個免治牛飯價錢平，但質量唔會令人失望預早30分鐘點餐但到達分店先開始準備同炒 雖然要等一陣但起碼唔係預先煮定同埋係熱既都抵返店內有好多中學生捧場漢堡包，下次都想再試下

無意中發現呢間漢堡包小店, 價錢非常親民🥰店內座位唔多, 所有食物只有店長一人即叫即整, 呢度仲有隻可愛貓貓坐鎮陪伴店長, 又乖又可愛😻😻▫️和牛漢堡 ($72) 包有微微煎香過, 漢堡扒搓得好厚, 肉汁充份保留係漢堡扒入面, 肉質鬆軟且油香豐腴, 中間夾左新鮮蕃茄🍅生菜🥬同芝士🧀芝士上面配埋黑松露醬, 更加濃厚🍔🥰▫️椒鹽雞軟骨($25) 熱辣辣勁脆口, 粒粒有肉有軟骨, 香脆惹味重口味之選🔥😝▫️忌廉芝士汁配炸墨魚肉 ($30) 大約有4塊, 炸粉唔會好厚, 薄薄一層香口又鬆化, 墨魚彈牙加上忌廉芝士汁, 惹味又不太油👍🏻▫️ 墨汁墨魚肉扁意粉 ($50) 墨魚汁鹹香十足, 炒得好香🫢扁意粉質地好有口感, 掛汁能力高👍🏻入面仲有新鮮既墨魚肉, 非常鮮甜😋▫️沙嗲雞髀肉串 ($14) 啖啖雞髀肉, 肉質又滑又juice, 仲有啲黑胡椒系面份外惹味🍗😋

自家制豬頸肉漢堡（$60)賣相：🐧🐧🐧🐧🐧味道：🐧🐧🐧🐧🐧豬頸肉厚度十足，可跟肉眼扒媲美，香煎微燻，伴以鮮豔的芥末醬，加上新鮮的蕃茄片和伴菜，非常豐富吸引。味道方面，豬頸肉厚而不韌，爽滑彈牙，嚼勁十足，配搭新鮮爽甜的蕃茄伴菜剛好解膩。漢堡包經熱烘，入口外脆內軟，塗上牛油令香味更突出，必試之選。P.S. 餐廳會另外提供防水包裝紙供拿起漢堡食用時使用，十分貼心。黑松露醬配粗薯條（$25)賣相：🐧🐧🐧🐧味道：🐧🐧🐧🐧🐧薯條採用粗身波浪薯條，即點即炸，火喉剛剛好，炸得金黃香脆，表面潵上七味粉作調味。味道方面，薯條口感外脆內嫩，不會過乾，薯香味濃，沾上特制黑松露醬料，邪惡滋味一流。香草雞扒漢堡（$45)賣相：🐧🐧🐧🐧🐧味道：🐧🐧🐧🐧🐧煎雞排非常大件，比漢堡包面積還要大，非常足本。雞扒外皮煎得金黃酥脆，令人食指大動。味道方面，雞扒外皮薄脆不膩，內裡雞肉嫩滑可口，加上香草令雞排的香味更突出。漢堡包同樣經預先熱烘，外脆內軟香味陣陣。椒鹽雞軟骨（$25)賣相：🐧🐧🐧🐧🐧味道：🐧🐧🐧🐧🐧雞軟骨同樣即點即炸，色澤金黃，乾身不油，表面潵上椒鹽作調味用，炸香四溢，非常誘人。味道方面，雞軟骨外脆內爽，嚼口甚佳，加

宜安街意堡🍔，正正在入西貢小巴的窄巷邊係觀安宜安街西貢紅van總站旁小斜坡中有間隱秘小店 「意堡」，日式小店裝修，價錢好親民!內有貓店長豆豆🐈，非常可愛😍自家製豬頸肉漢堡🐖🍔 $60 一大塊厚切嘅豬頸肉🤩，入口juicy得嚟係好肥美，配上生菜一齊食，超級正🫶🏻和牛漢堡🐄🍔$72 和牛肉餅非常大👍，肉味濃郁，肉汁豐富，芝士淋上沙律醬兼夾新鮮蕃茄🍅同生菜🥬，每一啖咬落去，豐富肉汁都喺口中蕩漾，滋味無窮❤️肥牛金蘑菇串🐮🍄 $14 燒到剛剛好，金針菇爽脆得來又有啲汁，好味😋松露薯條🍟 $25 即炸的粗薯條，勁香脆，配上的黑松露醬撈了沙津醬，非常惹味🥰🍔意堡 (觀塘) 📍觀塘宜安街1-7號財利大廈地下F2號舖

估唔到係牛頭角都食到一間咁有質素自家經營嘅餐廳，店員一腳踢已經夠勁，仲會好nice同客人傾吓偈，餐牌食物性價比好高，有意粉、有漢堡包，仲有小食可以點，全部都係即叫即整，佢仲要無手寫落單，全靠記憶，幾勁下🤣雖然地方唔大，坐到幾pair客人，但入面最令我意想不到係竟然有隻店主養嘅貓🐈隻貓貓仲要好乖任摸唔嬲，一路等食一路有貓玩，勁開心😻._.🐂｜和牛漢堡｜🐂和牛扒似質腍身，材料好豐富，大大個漢堡，我一口都咬唔到，好貼心提供埋紙張可以拎住個漢堡食，唔洗咁狼背配菜跌到周圍都係👍🏻·🍔｜芝士牛肉漢堡｜🍔牛肉雖然唔係和牛，但好香濃，肉質腍身，個芝士係黃色車打芝士💛係我最愛，加埋好fresh又大塊嘅蕃茄，食到好滿足💕·🥔｜黑松露醬配粗薯條｜🥔薯條望住新鮮熱辣咁炸好，金黃又香脆，再配埋黑松露醬，趁熱辣辣辣脆卜卜好食到停唔到口🤩·🐥｜椒鹽雞軟骨｜🐥雞軟身嘅椒鹽好夠味，又係炸到好香脆✨·🍢｜沙嗲雞髀肉串｜🍢啖啖雞髀肉，仲有香濃嘅沙嗲係面頭，仲有啲黑胡椒，味道又係好正，而且價錢又唔順👍🏻·🤍｜自家制檸檬薏米水｜🤍呢個檸檬薏米水估唔到咁好飲，檸檬嘅酸酸地又解渴，成個味道都好fresh🌟·🧃｜紙包檸檬茶｜🍋._.