意樂餐廳 (天晉匯2)

营业中

休息中

今次係我成世人第二次寫食評 ，冇諗過會係一間常常光顧的餐廳發生。 氣憤莫名的感覺真係唔寫唔得。 十二點多和女兒前往吃午餐沒有卡位 ，被安排到廚房門口員工的單邊卡，因當時 拿著兩個大袋， 唔夠位所以要求再等卡位 。好啦等咗十分鐘都冇佢亦同我講卡位係唔畀兩個人坐，ok就死死地坐返喺單邊卡。 跟住問題就嚟啦, 叫個牛扒午餐話跟飯 佢就同我悔氣講:"本身就係加飯㗎啦", 再叫過"炸魚柳蛋包飯" 點知全部都係半生米食咗啖真係哽唔落 ，同服務員講，佢 攞咗碟飯出去，又攞返嚟話畀個啲白飯我, 跟住退返碟生米飯喺我枱面， 過了十五分鐘 ，熟飯仲未到，再我好忍追佢 ，服務員就好負氣同廚房講炒返碟飯畀我， 原來呢十五分鐘都係我以為佢哋做緊嘢的。 嗰陣時火都嚟 同佢講 算啦取消， 之後 服務員說同我取消過生米飯餐 ，攞返咗張嚟原來又係冇扣錢,再同佢講,佢馬上拎走張單，仲跟手拎走我原有杯餐茶馬上倒咗佢.我食咗呢間意樂好多年 ，尤其佢啲下午茶品質唔錯性比價高 ，老遠都行過嚟吃。 點知呢次嘅經驗令到我 嘅底線去到新低點。希望貴餐廳生意蒸蒸日上， 不過我哋幫你唔到啦 ~

今日叫咗個$128 穀飼牛扒，叫五成熟，都預咗佢叫五成熟等於七成熟，但係嚟咗全熟，仲個阿婆啲肉，又唔算特別平姐，真係快餐店都好食過佢。雖然唔洗加一，但係唔包野飲。大家千祈唔好食佢個薯蓉田螺，簡直咸到生腎病。啲薯條油冧冧。。。唯一好飲就係得個湯。朋友叫咗個意粉，都話唔好食。d 服務員叫極都聽唔到，d隔音板整到勁高，要大叫先聽到你叫佢。都已經好耐未食過啲咁難食嘅嘢，為咗令大家唔好中招，我專登開個acc 話俾大家知。

放咗幾日假出咗去寶琳新都城買家居用品， 商場嘅人流明顯比以往多咗。 餐廳接近6点 時分開始多人， 都係拿拿臨早啲食晚飯 唔使同人逼。喺food court兜咗個圈， 見到依间《意樂》有位， 仲有下午茶即刻衝入去。《鮮野菌蕃茄濃湯長通粉》$29湯底係正常嘅蕃茄味，唔會夾硬做到好酸， 味道唔錯。 長通粉硬度適中， 超多雜菌。😋👍西湯：忌廉粟米湯， 夠香滑， 個人覺得偏甜，好適合小朋友。《香辣欖油煙鴨胸天使麵》$39天使麵又滑又爽， 醬汁帶少少辣都幾惹味， 煙燻鴨胸煎過更香口。例湯：雜菜湯， 味道唔錯健康清新。《西西里鮮茄烤豬扒焗珍珠飯》$39個鐵盤其實好淺，饭份量唔多， 但醬汁過多， 味道太濃。 豬扒正常～凍檸樂（跟餐加$6）有冰底， 可樂本身也夠凍👍😋 帶小朋友可以試下這個兒童餐下午茶價錢親民， 快靚正之選！

25元免加一包麦皮，温泉蛋，吐司，沙律，咖啡。坐得舒服，环境不俗，食物蠻不錯，很可惜忘了拍照。餐具分開上，不是放在桌面上，感覺是比較衛生。以這個價錢，這個質數，在附近來說是無敵的至抵食早餐！

連續幾日去食早餐，都話已經過鐘無早餐。最後一次去仲離譜，明明11:30前等到位入左去坐。叫極都無人幫我落單，見到個服務員幫隔離枱落單叫早餐，叫佢佢就好不情願咁行過黎比個午餐牌我。我話我叫早餐，佢話啱啱到11:30無得叫無任何安撫或跟進就行開左，極之無禮！明明睇住佢幫隔離枱寫早餐，行到過黎同我講無早餐，分日明針對我！之後我同收銀員投訴，佢都唔係好理我，又話店長好忙唔得閒處理，又話無電話號碼可以投訴。呢個咁艱難既時候仲縱容D咁既員工實在不智！

今晚有到將軍澳新都城商場的意樂食晚餐，坐低攞起餐牌，都有好多食物供選擇。叫左個安格斯牛柳粒炒珍珠飯，可以用半價配杯飲品。碟安格斯牛柳粒炒珍珠飯來到，好香牛味，炒得幾有鑊氣，而且牛柳粒都幾大粒，配埋珍珠米，口感不錯，算是快餐中的驚喜！雖然加埋飲品都要＄78，快餐來講唔算是便宜的，但味道的確不錯，職員亦幾有禮，一坐低主動拎杯暖水過來，，唯一唔係咁理想係坐位椅背前後共用，後面客人大力點坐下或郁動會影響到後面共享座椅的客人

念左一念又醒起呢間意樂餐廳, 入到去咁岩唔洗等位有得入, 上次食過鹹牛肉滑蛋三文治, 今晚dinner決定叫飯食下 ↓ ————————————【蒜香豬扒.野菌滑蛋蓋飯-秘製咖哩汁($56)】🤔果然師傳既炒滑蛋功架同上次一樣功夫十足, 炒蛋也是嫩滑, 豬扒新鮮整出兼有肉香味, 不會硬掘掘, 呢個價錢好抵食, 大家如果念唔到dinner叫乜好可以考慮試下。😃👍

放假不想走太遠的我，去了天晉匯尋找美食意樂集團一向食物夠平夠大份，便選中了這間餐廳慢煮秘制咖哩雞珍珠飯$48咖哩微辣，配白飯一流用上雞扒肉沒有骨也很入味，肉質嫩口星級夏威夷比薩 $32一開4，配料非常豐富：火腿，煙肉，肉醬，洋蔥，雜菇，菠蘿每啖都食到配料比薩底也很鬆軟蒜香豬扒野菌滑蛋蓋飯 配蒜蓉汁 $56一大塊的豬扒放上面，肉質夠軟屬法式田螺香蒜焗薯蓉 $326件薯蓉2人食比較油膩，田螺太乾紅豆冰 $11熱蘆薈荔枝蜜 $11好普通一杯飲品，罐頭荔枝加水 沒有什麼特別味道 賣相 衞生 服務 抵食 推介

前者呢度不時大排長龍, 原來這間意樂有大廚坐鎮, 主打蛋治港式美食,【鹹牛肉滑蛋三文治($29)】師傳炒滑蛋功架十足, 炒蛋零舍嫩滑, 難怪吸引了不少客人慕名而來, 好抵食!! 大家一定要試下。~~~~~~~~環境: 4/5服務: 4/5味道: 5/5性價比: 4/5~~~~~~~~📍G06A, G/F, PopWalk II, 19 Tong Yin Street, Tseung Kwan O

咁耐以来買外賣公司三文治都未試過用纸袋裝，4件公治用4個紙袋，最慘回到家，公司治已變形，紙袋穿了，實在太離譜，公司治的價錢仲要收$43，如果外賣盒收錢無問題，我寧願俾$1好過見到份三文治支離破碎，實在影響食慾

近排要慳慳錢 所以決定食得簡單啲意樂就啱啦 夠曬平2:00就有下午茶餐食仲好多選擇添 主要港式/意式叫咗個意大利蕃茄肉碎湯長通粉 ($28)雖然算平 不過賣相好似差咗少少...有啲求其蕃茄湯底唔錯嘅 有真蕃茄 所以好濃味長通粉都有咬口不過啲肉碎真係甚少 而且多數肥膏／根食食下又唔見曬-一般般啦 為咗食平啲都冇咩期望不過賣相有所改善嘅😶

星期六做完運動好餓， 即刻出來找食物填飽肚子。剛好是下午茶時間， 於是又來到將軍澳的Itamomo意樂餐廳！ 將軍澳吃飯的選擇不多，一般都是大型連鎖餐廳，雖然這家也是連鎖，不過他們的價錢和味道很不錯！ 必食豬扒包我覺得他們的豬扒包比在澳門吃的還好吃！豬扒不會太乾，裡面又有番茄和生菜沙拉醬搭配，麵包也是香脆不會太乾， 非常正！柚子蜜雞翼今天試他們的雞翼，柚子蜜味比較特別，其實就是平時喝的柚子蜜茶的味道，比較甜，喜歡甜的一定要試試 另外超愛他們家的薯條，炸的好香脆熱辣辣！價錢是絕對親民！ 這兩個加起來才67hkd！

好多時屋企無煮飯，都會黎意樂食，因為方便近屋企之餘，價錢算平民化。牛扒牛扒尺寸正常，係意樂算是貴價菜式之一，一份要過百元。但價錢合理，食物質素不差，要求5成熟也做得到。另有配菜如薯條等，炸得香口，擺碟也算高級，來小資一下不錯不錯。焗茄子飯熱辣辣的焗飯就是好吃，你不能要求此種平民餐廳會如果識飛天，但即叫即整已經算保持到該價錢應有質素，不能要求太多。整體是一間平民家庭餐廳，是不是好好吃，便看每個人對食物和價錢的要求了。

屋企附近有一間意大利茶餐廳，一間經常要排長龍嘅餐廳，我特別喜歡食呢度嘅早餐。但係今次我介紹嘅係下午茶，下午茶時間不用等位直接入，坐低就當然睇Menu。呢度有好多唔同地區嘅鐘掛起近天花位置，其實唔知點解佢用呢個嚟做擺設，但係我覺得幾型佢個下午茶Menu有好多選擇，不論係輕食嘅三文治丶多士或一個焗飯意粉等等都有，以下午茶來講真係非常多選擇我自己叫咗個日式芝麻雞炒珍珠飯，其實佢個size同午餐時係差不多，但係價錢就平好多了再配一個凍檸茶簡直係絕配 我先生就飲zero coke😊佢叫咗個炒天使麵不過我唔記得影相😅呢一餐都唔使$100非常便宜又好食

食過好多次，系around 50蚊既西餐廳之選，幾好味！魚柳飯呢個系四個當中最靚，但食果位竟然話魚柳乾左啲，飯都多到剩左啲啲。雜菌意粉，系四個裡面最簡單既一個，食落唔太Heavy。牛扒午餐肉蛋飯，系我叫既，最似常餐，又似早餐加個飯，牛扒望落細左啲，但食落就好飽，蒜容汁有啲特色蒜容汁仲有少少咸咸地，好惹味，好易送飯！！午餐肉系圓形果隻味道好濃，蛋液混飯再帶啲蒜容汁，好味！焗豬扒飯，勁多芝士，但都系好大碟，豬扒一般。整體食個西快餐不錯！！