意樂餐廳 (天晉匯2)

营业中

休息中

今日黎到將軍澳天晉滙2期，呢度位置較為偏僻，所以通常呢度比較小好多人。但係，每次經過呢度都會見到呢間意樂好多人，可能係因為價錢比較便宜啦！今日經過，決定入去試下。下午茶選擇頗多，最後選了＜香草烤雞茄子忌廉焗珍珠飯＞＜香草烤雞茄子忌廉焗珍珠飯＞上枱既時候，見到好多好多既忌廉汁加埋邪惡既芝士😋😙🤤(d芝士仲有拉絲既效果，芝士控既人一定要試試啊！)碟野有普通既椰菜、翠玉瓜、洋蔥粒、冬菇粒、茄子、烤雞。味道方面：烤雞咬落去啖啖肉，唔咸。芝士加忌廉汁拌飯淋淋既感覺，飯仲係珍珠米，食落很有口感。下次一定要黎試下其他野食😋

依個蕃茄豬扒。白汁雞扒芝士焗飯依個焗飯我覺得好抵食，首先依個飯又有一塊豬扒又有一塊雞扒，而且每塊都算大塊，白汁同蕃茄汁都係分開嘅，兩個汁都好好味，蕃茄汁好濃蕃茄味，白汁都好香濃，啲芝士都好香濃，啲飯都算多，而且個飯都好夠飽塊多士好大塊又好脆而且好香蒜蓉味依個餐係冇嘢飲架，如果要飲品就要加10蚊所以要加飲品就唔抵啦不過杯奶茶都好好味

去過另一間分店係坑口，同埋呢間popwalk的分店。坑口嗰間大過popwalk呢間好多，感覺都多野食啲。但popwalk呢間都好好味，而且價錢合理絕對係我成日翻食之選！1. 美國認證安格斯牛扒 $118 （5分為滿分）牛扒餐包多一碗野菌湯+薯條塊扒好大塊！好足料，多肉汁，啖啖肉又唔會太韌。超推介！！嗰湯唔係得水，入面有料，而且都幾濃味，推介2. 加配 （右圖）挪威煙三文魚比蕯 $34 點解得3個讚好？因為入面有我唔鐘意的wasabi... 睇餐單時，眼漏咗嗰wasabi符號。。。所以如果你唔喜歡吃wasabi就唔好嗌！如果你鐘意，就嗌！嗰size都中等，性價比高架！3. 法式紅酒牛肉撈烏冬 （左）$48不過不失，足料。但無嗰種一定要再翻食嘅感覺。可能嗰扒搶哂風頭 哈哈哈...

同朋友行寶琳 肚仔餓揀左間抵食嘅我嗌左卡邦尼長通粉其實不錯 當然你話要好creamy好重奶味就冇可能不過只少夠足料 煙肉同菇都好多 雖然奶味唔濃 但都不過不失而柚子雞翼配薯條外貌就好似二手餐但味道尚算唔錯~

同幾個同事出街食 Lunch呢間分店在商場內，冷氣充足，裝修一流食物份量係唔洗叫多飯都夠食既但選擇太多，揀咗成十分鐘先揀到。之後，叫凍檸茶既有三個人，一個要少冰，一個要少甜，一個要走甜，於是個侍應姐姐就提我地陣間唔好飲錯人地果杯。我地五個人，有四個開始食啦，仲有一個既未黎，最後果個都唔係好急要食，個侍應姐姐就主動過黎幫我地跟啦⋯⋯真係加晒分啦⋯⋯我叫既係意大利飯，我自己就食過好好味既，呢到唔係果個水準。唔夠 creamy 。總體而言，我係滿意既

將軍澳呢區都幾多嘢食，但係將軍澳站啲餐廳越嚟越貴（走高檔路線吧）諗起抵食一定諗起呢一間，而且出品保持到！咁嘅市道呢啲價錢真係好難搵，所以諗唔到食乜嘢去嗰度就唔會有錯！食下午茶係最抵，30幾40蚊意大利style，仲要無加一，真係好超值！出品可以媲美外邊所謂中價餐廳嘅出品但係就收貴你一半價錢個D餐廳！今日叫左個：香辣橄欖油煙鴨胸天使麵（茶）- 酸酸地其實同我想像有落差（唔知點解係茄汁底，唔辣，多鴨胸）不過幾好味香草先惹菌忌廉天使麵（茶）：好creamy，素食人士最啱）和風蟹柳蟹子炒珍珠飯（午）：買相好吸引，唔錯（乾番少少會更好）全部配湯或餐飲，無加1，選擇多，環境舒服，可以再黎

年三十晚，專登過嚟將軍澳東港城行街食嘢辦年貨，順路去下商場影靚相。 影完見有啲肚餓就去搵食。二樓有間叫意樂餐廳，外面望入去感覺幾舒服，門口有大大個下午茶餐牌， 明碼實價， 水位大約40至30蚊，好似幾抵食， 就即刻試試。同朋友二人搵咗個卡位， 望望餐牌有個招牌推介叫流心焗蛋， 好似幾好味 ， 我就叫咗一份有流心焗蛋的下午茶餐， 仲包咗螺絲粉同可以選多個配菜我揀咗蘑菇，都係三十幾蚊好抵。個人意見份量唔太多，一個女仔啱啱好，個招牌流心焗蛋都唔錯值得一試，不過蕃茄湯底唔夠番茄味， 有待改善。

睇完成個lunch menu後，最吸引都係個慢煮咖哩牛，雖然病病地但都照食！到加杯熱奶茶。基本等5分鐘就上菜，就睇擺盤唔多吸引，但牛坑腩份量非常多，成碗咖哩入面有成十幾舊無骨牛腩加幾舊薯仔。先評咖哩，食落微辣，辣味會停於口腔，口感偏厚，加上珍珠米食落唔錯，但如果單食就偏鹹，米飯同咖哩比例可自調，個人覺得較適合重口味人士。再講牛坑腩，因為慢煮關係肉煮到好林，亦入味。但可能因為一大煲煮既關係，有部分牛煮得太耐，肉質變得有少少柴，好可惜。咖哩薯仔，口感好有趣，外皮韌到不得了，但內就幾軟，係唔錯。到熱奶茶，嗯，唔夠香唔夠滑太澀，茶底一般，雖然落多奶但都拯救唔到本質。再選一次我會選擇熱檸茶。總結而言，咖哩牛腩口味偏重發濃，味道非我所偏好。肉質視乎運氣，薯仔口感有趣，奶茶很一般，下次食可能會試其他野食。

今日係平日，落街食早餐當然揀間假日勁多人要等位嘅黎食啦！落到雖然唔駛等位，但係都 full full 地😅病病地，冇得食炸魚，唯有食麵啦！😬今日叫咗第一次叫嘅雜菌牛肉麵 —》冇乜特別，個麵煮得唔夠，硬身左少少。

同FD子食飯，嚟咗意樂，中午都幾多人食。可能係附近住宅區都開始多人入伙了午餐都幾多嘢揀最後叫咗香烤雞鮮野菌忌廉扁意粉配紅湯，入面都幾多料，唔似有啲鋪只係水麵有啲啲乾身，雞肉都幾好味，可惜佢份量真係太小了，個碟身其實好淺，幾啖就可以食晒

是日晚餐去左樂意餐廳，西式快餐，叫左2個餐。雜菌忌廉湯 - 好多菌，足料，好味牛扒併 薯菜 - 件牛扒覺得細咗d，同埋只係牛肋條😅 味道都👌🏻海鮮意大利飯 - 足海鮮，味道好，香港人口感嘅意大利飯🤣

禾子の意樂下午茶餐$32(沙律可轉成滋味脆薯條)田園沙律1)沙律份量足夠,配以醬汁清爽好吃,健康一流2)醬汁不夠可向店員增添豬扒包1)整體太乾,增添醬汁會更好2)豬扒一般,薄身且較小塊,是普通的煎豬扒(豬扒完全不肥膩,少油很健康)3)吃起來麻煩(外表太脆不適宜用刀切)薯條配茄汁1)薯條香脆可口,而且不會太硬或太軟2)不像豬扒包般乾身3)兩者份量都算足夠······························整體來說個人認為沙律和薯條都比豬扒包好吃下次都不會再選豬扒包了(很失望)看見意樂的飯麵類份量都比較少環境還可以,餐桌設有胡椒粉.鹽.白糖.餐具等價錢一般,不貴不平服務態度不錯好像還挺多人去食意樂以健康為主,鍾意健康嘅可以去試下*以上內容純屬個人意見*(僅供參考)

放假一個人食早餐，係屋企附近行左一陣，都唔知食乜好。最後因為想食魚枊，所以選擇左食匿間餐廳。一向都人多要等下位，但今天只係一個人，所以只係等左一陣就有位喇！魚柳腿蛋多士，飲熱華田

今日食早餐幫襯呢間係集團式嘅餐廳，平時標榜食意大利菜嘅佢，喺早餐方面同 普通茶餐廳差唔多。間舖位於商場入面，算係新裝修，整體幾乾淨企理 早餐人流唔算旺，直接walk in就有得食。我叫咗一個蕃茄野菌通粉， 加一塊蒜蓉牛油多士同飲品，價值30蚊。呢個超值早餐質素唔錯，野菌味幾香，加上酸酸地嘅番茄湯， 算幾開胃醒神。 個粉大大兜， 跟餐仲有一塊厚多士， 真係飽到上心口。 同伴叫咗一份清新早餐， 即係清湯通粉。 味道就係鹹鹹地， 冇乜亮點。但兩碗通粉都有個共通點， 就係個通粉幾好食， 唔知係本身通粉質素好定係煮得啱啱好。 推介呢間嘅早餐， 抵食得呢味道唔錯而且又大份。

其實性價比高嘅餐廳真係周圍都係點解硬係要食嗰啲又貴又唔飽嗰啲餐廳好似呢間咁，食塊好鬼大塊嘅安格斯牛扒仲有餐湯薯菜，都係$108，唔算超好食但係呢個價錢自己煮都未必得，佢唔係雜扒就咁煎好俾你食就算，你仲可以叫medium雖然出嚟效果有少少Medium well 但我已經收貨有餘唔該唔好同啲A5和牛同埋斧頭扒比，呢部收$108咋薯條就係加拿大薯條，老實講我唔係好知有咩特別但係幾好食嘅20幾蚊仲要係好食我已經好滿足，唔好意思食之前唔記得影相食食吓先醒起。焗吞拿魚肉醬長通粉擺明係賣芝士冇嘢好講$55抵食整體來講間餐廳坐得都算舒服又有啲裝修睇吓咁重點係嘢食creamy 啱食又抵食，唔鍾意食物creamy濃味覺得唔健康嘅朋友可以按上一頁。