意樂餐廳 (慈雲山中心)

营业中

休息中

開咗之後未食過，今晚去試吓，估唔到同傳聞嘅一樣令人極度失望。因為個圖片好睇，就叫咗個一口安格斯黑椒牛柳粒，價錢唔係平，而且好多方面都好差，(1)等咗好耐，等咗超過30分鐘，餓到唔想等，🙄🙄。以為係要鐵板上牛所以要等咁耐，之後上茶時見到係無鐵板嘅，咁唔知點解咁耐。(2)實物和圖片100%超級極度不符，☹️☹️☹️簡直係被呃咁，早知係咁就唔點呢個，或唔食呢間。我分別影咗實物同menu俾大家參考下。(3)食物無乜味，唔知咩事😓😓。自己加呢樣嗰樣調味粉先有味。對一間好多分店嘅大集團嘅質素嚟講，呢個係非常之差，我覺得呢個體驗可一不可再。如果未食過嘅街坊，建議唔好哂錢試。

係呢間垃圾叫左個熊貓外賣，之後我就等左25分鐘咪問下個熊貓有餐未，點知佢話呢間野未整，咁我就唔太信條友，由於住得近所以自己落去拎，點知落到去真係未有，最後我同個熊貓一齊等左一個鐘，大佬，一個安格斯牛扒飯整一個鐘，我知佢做哂自己外賣同堂食做哂先，而且返到屋企食又乾又難食，絕對垃圾餐廳無誤

疫情原因都好小堂食，一直都係嗌外賣，未見過鋪頭外賣單可以亂成咁，而且啲呀姐（不論普通侍應定係部長）服務態度極差。唔係第一次架喇，由開店無幾耐等外賣試過等35-40分鐘，諗住新開店算啦未上手姐。今次間鋪都開左一段時間，2:00喺網上平台落單，顯示2:15可取，大約2:20到櫃臺問有得拎未，佢係無依張單嘅，咁問佢有無漏到單佢話要問問廚房先，2:25左右無覆過有落定漏左。其實消費者都係想有個答案姐，再追問個侍應時佢即刻覆讀機咁「入面有無單佢唔清楚，佢睇唔到，唔係佢負責，佢又話佢要收錢聽唔到機唔知廚房⋯乜乜物物」🙄，總之唔關佢事話問佢都無用，又話已經好落力幫我追（佢只係耳機問過一聲無再跟），其實我只係想知有無落到單。擾攘多5分鐘，後尾個見習部長行出黎，我問佢佢先話廚房仲整緊，當時係2:32左右。由2:20-2:35中間出左3，4個外賣，我睇過張單都係遲過我落，有張甚至係2:21分落嘅，出單超亂，可能佢係出哂堂食先到落單外賣，外賣平台更係最遲先出。最後我係2:38先拎到外賣，而且啲呀姐唔識對單，俾哂電話佢睇都睇唔明，如果做唔到就唔好接外賣平台單啦。食物質素唔算太標青，服務勁趕客，依區都係做街坊生

平日行经黃大仙中心，都是想要入去意樂餐廳品嚐下各種食物，不過大多排滿等侯的人群，便轉換陣營，幫襯其他食店， 南北館都有很多選擇。今天係慈云山意樂餐廳，新店開張幾星期了，下午茶時段唔使排隊，即可以安排入座卡位。新装修非常光線充足，環境舒適，地方寬敞，適合三兩個友人倾偈嘆茶。我來吃下午茶，想吃滑旦三文治，餐飲就點了杯奶茶。 不到十分鐘，食物已到，滑旦三文治有烘底，賣相都吸 引，急不及待要試下个滑旦先，好滑又熱又新鮮，十分好吃。 旦餡咁熱，预左烘底塊三文治麵包淋些少。 如果下次再光顧，看 看有沒有滑旦多士給我品嚐！ 奶茶味道本應不錯，可惜沒有放在厚身啡杯，在高身薄杯中的熱奶茶好快涼了， 口感欠奉。 工作人員服務態度很好和有礼貌。

從來都未食過啲咁垃圾嘅蛋包飯，啲蛋好鞋，啲汁有垃圾到一個點，我叫咗蒜蓉汁，浸味難食到一個點入到黎服務態度一般，有待改善，唯一真係正常嘅就係得塊雞扒真係希望你哋公司可以改善。

意樂真係好多地方都有，最特別嘅地方係佢每一間嘅質素都唔錯。就算喺慈雲山呢一啲小區，坐落喺慈雲山中心一樓，佢哋質素都唔錯，而且錯位都幾舒服，餐廳設計同其他都係咁有特色同風格，新開張好多人去等位，大家如果要食就早啲去排隊啦。早餐來講，沙嗲牛肉麵真係唔同茶餐廳都要試吓，連鎖快餐店來講呢間都算做得唔錯，湯底幾好，牛肉食落去住得唔錯，味道OK之餘，食得出廚師係有心機條配過，而且擺上台嗰陣都唔係亂咁擺，都係有啲心思嘅，依個位值得加分。第二個火腿絲通粉就不過不失啦都唔錯嘅。個多士要加錢，雖然都加$3都幾貴，但係食完都覺得值嘅，早餐來講$34都算係咁啦。杯奶茶就都係咁啦冇乜特別，但佢都唔差嘅。