意樂餐廳 (麗港城商場)

营业中

休息中

其實今日編排咗兩個試食行程，中午在籃田試食（大一燒鵝）晚飯安排在麗港城試食（意樂餐廳）我哋系籃田附近商場遊蕩了三個鐘至四個鐘左右，然後慢慢哋向麗港城方向行去，去到意樂巳經六點半，我哋揀了近窗口可望商場景觀卡位坐下，呢處座位寬闊及環境都好舒適，待應熱誠遞上餐牌，但當我在餐牌上有問題 ？這待應並未解答我的疑問！要另外一待應給我解釋，原來這待應今天新來才上班，然後由後來的待應慢慢哋教導落單程序。我們點了如下菜式及飲品！1，Mo Mo 比蕯 。2，美國認證安格斯牛扒野菌黑椒汁，五成熟配滋味薯條。3。安格斯牛柳粒炒珍珠飯。4，水牛城辣汁雞翼。5。半溶芝士配一口炸鷄。6，白酒煮鮮蜆。7，黑松露忌廉湯三位。8，芒果味啫喱冰冰。9，利賓納啫喱冰冰。10，經典味紅豆冰。一口炸雞，皮脆肉嫩有汁，辣汁雞翼皮脆 ，辣味剛剛好，唔會太辣。最出色是黑松露忌廉湯。最後埋單唔使$400圓超低食！

中午路過速食，🦞 龍蝦湯海鮮扁意粉🍜 $60， 包熱柚子蜜或是日餐湯。湯底應該係罐頭🦞龍蝦湯， 意粉份量都足夠， 有三隻蜆， 一隻青口， 一隻蝦🦐， 一隻帶子 和 幾片蘑菇。 相信除咗蜆係新鮮之外，其他全部都係雪藏海鮮， 因為龍蝦湯底味濃厚， 完全唔覺雪藏味，當然亦都冇乜海鮮味😅， 60蚊算可以👌啦。

麗港城好耐都冇呢啲嘢食所以Itamomo好受歡迎。除咗早餐，我Lunch time，下午茶同晚餐都試過。佢啲嘢食又平又好食又新鮮，特別係佢嘅檸檬茶同埋蕃茄肉醬豬扒飯痛焗魚飯。

西餐廳越開越多，完全不受疫情影響，同事介紹公司附近開了新店，便一同前往試試。門口放了安全出行QR code及量度體溫器，不想用手機也可以留下電話號碼登記。侍應帶坐後自己選擇餐牌食物，款式也不錯，但午餐時間過了，便問問有沒有午餐，侍應爽快答“ 有 ”。我自己喜歡辣味，就選了慢煮秘製咖喱焗牛腩配珍珠飯，都頗辣！有中辣程度，但我喜歡。咖喱汁送飯一流，牛腩軟身入味，薯仔切半口感不錯，還配上麻醬沙律菜，非常新鮮。不過我覺得飯口感有些硬，就好似涼了嘅壽司飯，因為平時食軟飯多，所以要用多一點點汁送飯。滋味芒果啫喱冰冰，非常甜，所以加了一些水調到自己喜歡甜度，最後芒果啫喱還是完全被我KO。法式香檳汁焗魚柳珍珠飯$53蕃茄汁豬扒、白汁雞扒焗珍珠$55份量之大，醬汁濃濃，通常都是焗豬扒飯，但有埋雞扒就不同了！

意樂其實篇鋪港九新界，相信好多人都食過。不過如果你未食過，咁我話俾你聽其實佢係有人serve你嘅快餐。主打意大利菜但係都好多香港茶記style嘅菜式。今日經過發現已經開咗，有張poster, 新開張優惠30幾蚊一個飯，仲平過麥當勞，真係好抵。我呢個一切以平行先嘅人，立即去試。但係當時正值下午茶時間，又唔想食一個飯咁飽，咁我就叫咗佢個水牛城雞翼下午茶。疫情關係我今次係外賣，堂食見到啲位都唔少，不過有啲窄，同埋個櫈背係硬木，相信唔係預你坐好耐。我睇餐牌見到佢水牛城雞翼有四隻，但係呢個得三隻唔知係咪因為下午茶餐所以少一隻，佢似係一隻正常炸雞翼再加返水牛城汁，炸粉有啲厚，唔似美國style。唔推薦外賣檸茶入邊冇檸檬，不過有檸味，可能佢將檸檬肉打碎撈左落茶入邊。新開張人流比較多，今次外賣等左15分鐘。暫時未有網上點餐平台可以網上點餐，不過見佢有poster話可以打電話order，所以我就將佢餐牌同電話Number upload埋。大家可以電話order完再去拎。疫情期間外賣有九折，不過唔可以同新開張嘅優惠同時使用。而且會收返你$1盒錢，大家自己衡量

意樂plus終於⋯嚟到麗港城商場啦！！我又可以試新店了。推介貼地平日下午茶☕️有多款各國簡單菜式可以選擇。下午茶價格約$28-$42。可以多了百份百集團進駐麗港城商場。我不用上藍田啟田商場嘅意樂餐廳（雖然啟田意樂價格優惠D比麗港城商場意樂plus差價約8折）。但全新店開幕加上裝修新潮又簡約。很適合貼地年輕朋友去吃飯。意樂嘅檸茶出名有特色。焗雞或豬飯，保持水準，沒有失望。值得大家一試。希望日後座位可以保持距離，不要太近像旺角moko mall韓樂這樣。