意樂餐廳 (啟鑽苑)

营业中

休息中

簡單地說，食物種類繁多，質素亦不錯，下午茶也算抵食。不過，有少少其他意見反映，首先，請問意樂的定位應該不是茶餐廳吧！因為都幾有格局，定的餐牌餐飲也有一定的品味，這是我的個人觀感。然而，不知道是否 貴餐廳被規定選播的音樂，其實真係好似電視主題曲的伴奏音樂，仲要無限輪迴咁播放，一點也不切合整體餐廳的氛圍，感覺非常違和，請問用意是否想趕客呢？沒有其他音樂可以選擇？ 貴餐廳是否不知道自己播放著某電視劇主題伴奏音樂？伴奏音樂不是應該在卡拉OK播放嗎！雖然這跟食物沒有直接關係，不過音樂的舒適度會影響食慾。

意乐餐厅，是一家连锁餐厅，我喜欢来这家，因为我就住这个附近。地址位于钻石山彩虹道235號啟鑽苑地下G23號舖，交通便利。这里的服务态度亲切，环境整洁舒适，食材新鲜，味道不错，分量超足，性价比高。是姐妹们聚会喝茶聊天的好去处。

中午和幾個好姐妹逛街的路過鑽石山附近，也是到了飯點兒的時候了，大家肚子都比較餓了，想著吃什麼好呢，朋友真好推薦的這家餐廳，說以前來這吃過幾次，味道不錯，大家分別點了不同的餐點，互相分享，味道都很不錯，尤其是那個咖哩牛肉飯和忌廉粟米酥皮湯，很不錯的樣子，希望下次帶著朋友再來！

和一幫朋友來食午餐，我點的鴨腿意粉和牛奶紅茶，味道不錯，牛奶紅茶不膩，意粉健康清淡，服務很好，服務員熱情👍隨行朋友都讚不絕口，很開心的一次體驗，還會推薦朋友過來吃。

咩料？？？用兩個文字形容 完全唔夠 超級難食6點幾要等位二大一小 入來叫左2個set2個意大利粉2個湯1個小食先來湯餐湯ok酥皮湯ok正常口味 可以接受，2個意粉天使麵冇味，仲差過屋企自己煮既公仔麵黑松路係湯粉？？幾多汁？？咩料？？雞翼係怪味，Pizza Hut, kfc 薩利阿個啲好食好多早知叫pizza …… pizza 我估會正常啲？不過太耐冇食可能都係伏4年無去食依個品牌意樂 估唔到咁差咁多寧願食殺李阿，仲要人地平好多。

週末帶小朋友去食lunch。餐廳環境都比較嘈，隔離一台講野好大聲。跟住食到一半（正在用刀切排時）服務員跑來問可否換台，好方便佢地拼大台給其他客人。婉拒之後服務員在旁邊講不開心的話，跟住1分鐘後另外一位服務員再來push可否換台，佢幫我哋搬。無奈之下只得全部起身換台。我問佢一而再回來同我哋講，是否不換就不卑我哋繼續食，佢又扮不知道其他同事有同我哋講事後投訴卑經理經理只是講不好意思服務員這樣不專業，但無任何其他行動。服務人員質素好差，食物都係麻麻，不會再去

這是一間出名性價比高的西餐茶餐廳，平時這一頭晚上人流少，今日見最好的窗邊位有空，立即坐近窗的最佳位置，點了鐵板芝士牛扒餐配滋味脆薯條和蛋黃煙肉卡邦尼長通粉，份量超足又好食。首先在鐵板芝士牛扒餐中，只需98元已經食到2點5cm高乘4吋長的大牛扒！鮮嫩多汁的牛扒表面略帶焦脆，切開後，肉質粉紅且軟嫩，汁水隨即溢出。融化的濃郁芝士亦與牛扒極為匹配，每一口都能感受像漢堡芝士濃香混嫩滑牛肉汁的味道。一旁的薯條則是餐桌上的點睛之筆，金黃酥脆內部軟綿好食，而不是硬乾薯條。長通粉方面，即是穩穩陣陣的質素，粉身韌度，卡邦尼汁醬濃度及咸度也均真適中，而餐湯亦仍舊是富有紅蘿蔔的特色粟米味白湯，實在是一頓飽滿的晚餐。

Itamomo嘅早餐種類比較豐富 多選擇 西式早餐為主野菌炒蛋+火腿濃湯通粉 配牛角酥 牛角酥🥐大大隻 好香脆 炒蛋好滑😌仲配埋蔬菜沙律🥗夠晒健康奶茶都唔錯 茶味濃 又夠熱呢個餐份量對我嚟講足夠 碗通心粉最後食唔晒🙈通粉仲可以免費轉無糖高纖鮮奶燕麥片 健康又美味😋

今日去探親戚, 費事煮飯，所以落樓下食~揀咗呢一間西餐廳~ 叫咗鐵板芝士盛薈同埋燒雞飯~鐵板芝士盛薈入面好豐富, 即係雜扒餐有豬扒雞扒腸仔煙肉~我哋揀咗配珍珠飯~而醬汁有兩款可以揀, 黑椒汁同埋蘑菇汁! 黑椒汁都算幾辣，不過好香口! 而蘑菇汁都幾重忌廉味幾好食! 肉類方面份量好大份，而且煎得幾好食! 鐵板上個賣相好靚! 加咗芝士上去好邪惡~燒雞飯係半隻雞上碟, 賣相幾吸引! 而且價錢唔貴都係60幾蚊, 性價比好高～仲要套餐都係配埋湯！飲品方面，我哋叫咗紅豆冰～啲紅豆好腍幾好飲，椰汁都落得好足！

已經好耐無去!鑽石山食過野了，今次甘岩經過又要搵下食😁位於啟鑽苑既意樂餐廳好易就見到✅大大間，不過平日晚飯時間竟然係冇咩人，完全唔洗等位❗️餐牌主要都係西式為主，仲以為佢係茶餐廳咩都有油封鴨髀黑松露管意粉 $68管意粉好似米通甘，不過完全唔掛汁又冇黑松露既味道，可能係太水狀了，不過個油封鴨髀少咸，同無味既管意粉就好夾，而且肉質鮮嫩，唔錯幾好味鐵板芝士盛會$98即係雜扒餐!有豬扒同雞扒，仲有其他配菜，出色既反而係個炒飯，好香又好味跟餐可以要湯同飲品

6月13日靚媽陪揾食肥華，見完專科醫生，搭巴士回家，已近中午用饍時間，落車時滂沱大雨，肥華都無心選擇食店，用饍，為求儘量唔被，雨水濕身，就和靚媽衝咗入呢間，平時行過路過都冇望多一眼嘅餐廳用饍，亦随便選擇咗兩份午餐，諗住求其一餐，食飽就算。而此餐最先上枱嘅食物，喺碗意大利菜湯，因香草味太濃，肥華要落重，胡椒粉掩蓋個份香草味，才能接受此湯，至於兩個主食，紐西蘭西冷牛扒定食，及香脆魚柳滑雞蛋蓋飯，味道就超乎，肥華預期水準，兩個餐整體食物都有A級水平，即喺話，肥華和靚媽，日後在住處附近又多咗一間好餐廳，選擇

好耐冇去Itamomo食嘢，啟鑽苑呢間啱啱開嗰陣嚟過，今日同個住附近嘅friend諗住搵間okay嘅餐廳食中午飯，佢提議嚟呢度。可能係因為星期六中午，成個餐廳都係人，我哋都等咗一陣先有張二人枱。😅我哋叫咗兩個餐追加沙律同湯。我個friend嗰個係鮮蜆白酒煙肉蒜香天使麵，我嗰個係慢煮秘製咖喱焗烤雞配珍珠飯。個湯好快到，因為張枱好細，個friend話要快啲飲哂個湯，唔係一陣再有嘢食嚟就冇地方擺！😅不過我個湯勁熱飲唔到好快。🤣個追加沙律其實好少，我覺得如果佢哋用隻細碟或者碗仔上會好睇啲。我個焗飯十分鐘就到咗，未試過焗飯咁快上枱，味道咸咗啲，不過整體唔錯，啲飯唔會焗到乾晒。個friend 嘅鮮蜆天使麵賣相真係唔係好得，好似求其撈埋一齊上碟，但係我個friend 話味道唔錯。今餐整體算okay啦，講真價錢唔係好貴，環境都算唔錯，算係咁㗎啦。

我第二次光顧，原本對此餐廳寄予厚望，期待著一頓美味的扒餐，然而，當我和我的朋友們走進這家餐廳時，我們的期待卻被潑了冷水。我們點了兩塊鐵板和一個焗飯，其中一個鐵板餐是該店最貴的$155紐西蘭縠飼牛扒餐。我特意要求三成熟，然而當服務員送來餐點時，我只看到一塊全熟的牛扒和一個冷冰冰的鐵板。我感到十分不滿，於是先後兩次向侍應投訴此事。然而，他們只是安撫我，說甚麼如果是他也不能接受云云，卻並未有任何實質行動去換掉這道不合規格的餐點。我不禁懷疑，這家餐廳給我的餐是不是在用其他顧客退回的全熟牛扒，再配以不熱的鐵板上菜來蒙混過關。我再次投訴，侍應卻說我沒有明確要求更換餐點，因此他們並未做出任何行動。這種服務態度實在讓人無法接受。更令人氣惱的是，我看到鄰桌的客人點的同樣餐點，他們的牛扒和鐵板看起來比我們的要好得多。我再次向侍應表達我的不滿，他們只說會在帳單上扣減$28的雞翼價錢。整體來看，這家餐廳無論是廚房還是服務員，都顯得非常不專業，讓人失去再光顧的信心。我希望他們能認真反思，改善服務和食物品質，否則他們只會失去更多的顧客。我已經是其中一個不會再光顧的。

意樂的早餐，適合大份的人是進食，特別欣賞雞扒餐能夠加配太陽蛋腸仔午餐肉或火腿，或是是但一款配菜變為兩份，另有沙律菜及薯蓉多士，足夠讓一個女士可以一整日不吃。或是對特定食品感到不喜歡，可以要求侍應提廚房刪減。有興趣可以加六蚊，添加火腿通粉麥皮以及皮蛋粥。最不欣賞他的凍檸茶，一早已沖調好的並不是給予檸檬自行按需要而吉檸檬，讓檸檬茶變酸。意樂位於鑽石山啟鑽苑附近方便快捷，能於地鐵站時致電下單，快取外賣，方便於新蒲崗工作的我。

一大班人諗唔到食咩，意樂實在係好選擇。欣賞佢嘢食大大碟，出餐又快，夠多位，價錢實惠，而且位置方便（地鐵站一出就係）之前食過早餐，覺得係平民價好選擇。可以話係Cafe 質素，但價錢平一半以上。早上唔算多人，環境靜靜地。炒滑蛋好大份，不過乾身d會好d，宜家塊包會濕咗。而且不過張檯略嫌細張，差唔多擺唔曬d 野食。lunch time 同下午茶餐亦有唔少好選擇。$50-60 已經有個set，而且味道ok。侍應態度都爽快有禮👍