意樂餐廳 (啟鑽苑)

营业中

休息中

好耐冇去Itamomo食嘢，启钻苑呢间啱啱开𠮶阵嚟过，今日同个住附近嘅friend谂住揾间okay嘅餐厅食中午饭，佢提议嚟呢度。可能系因为星期六中午，成个餐厅都系人，我哋都等咗一阵先有张二人枱。😅我哋叫咗两个餐追加沙律同汤。我个friend𠮶个系鲜蚬白酒烟肉蒜香天使面，我𠮶个系慢煮秘制咖喱焗烤鸡配珍珠饭。个汤好快到，因为张枱好细，个friend话要快啲饮哂个汤，唔系一阵再有嘢食嚟就冇地方摆！😅不过我个汤劲热饮唔到好快。🤣个追加沙律其实好少，我觉得如果佢哋用只细碟或者碗仔上会好睇啲。我个焗饭十分钟就到咗，未试过焗饭咁快上枱，味道咸咗啲，不过整体唔错，啲饭唔会焗到干晒。个friend 嘅鲜蚬天使面卖相真系唔系好得，好似求其捞埋一齐上碟，但系我个friend 话味道唔错。今餐整体算okay啦，讲真价钱唔系好贵，环境都算唔错，算系咁㗎啦。