意樂餐廳 (香港仔中心)

营业中

休息中

中午時間十分之多人，全場滿坐門口亦要等位。今次安排坐餐廳靠入位置，經過中間廚房出菜位，見到有小型小強。告訴帶位員工後，無講任何野，直接踩死左其中之一隻。香港食飯難免有蟲蟲，接受到就好。食物方面炒飯可以接受，用上珍珠米大大粒煙韌；雖然鰻魚肉很少很碎，但鰻魚汁夠多令每粒飯都有味，加上木魚絲粟米🌽冬菇片等配料，補償鰻魚肉的不足。睇餐牌就好吸引的招牌蒜茸汁豬扒滑蛋飯，上菜賣相都同餐牌照片一樣，可惜蒜茸汁太咸，非常膩⋯⋯

夜晚想据扒食pizza又唔想周圍搵餐廳，所以去左屋企附近間意樂食。一去到二話不說叫左個meat lover和味啖啖肉餐，有牛扒有雞扒仲有煙肉同煎焗流心蛋配薯條，送埋碗湯100蚊有找，超抵食！另外仲叫左MOMO Pizza, 有超多配料同爆炸咁多芝士！中間係流心溫泉蛋，有雞肉煙肉粒，仲有洋蔥🧅等配料。好夠份量，芝士愛好者表示滿足！最後食唔晒，仲打包左返屋企，第二日食都一樣好味😋。餐前粟米忌廉湯夠熱，入口香濃大大碗唔錯。

係附近返工，原因就腳所以每個月都去食午餐，餐牌唔講笑，真係次次都唔一樣；有好有唔好，好係好有新鮮感，唔好係想食返上次好食個樣已經唔見左。三文魚魚子炒飯🍚超多三文魚肉，但同時蔥同洋蔥🧅都好多哦，飯用秋田米大大粒有口感，雖然佢話新出但上上次轉餐牌都已經出現過…係簡單好食的所以再叫。肉醬意粉🍝用左粗扁身意粉麵，多芝士同多肉醬，仲多蕃茄多洋蔥🧅，仲有蘑菇片翠肉瓜豐富。午餐餐牌沒有散叫，全配餐茶性價比合理

雞蛋鐵了心 蛋黃疑太老 幸得漢堡啖啖好麵條軟性子 用料應次等 猶有濃湯口口鮮沒有來的理由，隔壁的百份百，才是我的花我的草。這是陪太子食tea，老大不願意，我帶著批判的心，左瞄右，沒有帥哥只有西施。格局清晰，有空間感，坐得相當舒服。天氣酷熱，想要杯凍水澆冷自己，服務員送上一杯超熱的水，「對不起，沒有凍的，這熱水你放涼吧」。氣結!翻菜譜發覺選擇豐富；價錢合理。我選了雙拼意大利番茄濃湯，其中的煎焗流心蛋+漢堡排，公仔麵底，餐飲凍檸檬茶（套餐共$37），亦與朋友開心share了芝士白汁煙肉焗西蘭花（+$15），和水牛城辣汁雞翼（+$9）。這頓下午茶份量不少。【濃湯】很有番茄味，酸酸甜甜，清新輕盈，彌漫滿滿夏天的感覺。【流心蛋】蛋很小而且太老，半丁點兒都不流心，名不副實，當然不好吃。【漢堡排】非常delicious 。有肉汁，不會乾巴巴，只嫌份量太少。【公仔麵】老人吃了不認識，敢問麵從何處來。麵身很'淋'，缺少方便麵的Q彈和質感，應該是很下價的食材，差勁!【檸檬茶】意樂十佳!【西蘭花】抵食、好食，誠意推介。【雞翼】水牛城的人哭泣了! 這樣難啃的雞翼，直接送垃圾桶算了。在猶疑間我

做嘢去到香港仔, 就順便起附近搵下有咩嘢食啦,見到牌坊隔離就有平時食開嘅意樂, 於是就入去食個lunch. 美國安格斯牛扒定食 $69個賣相拍得住fine lunch餐廳, 雖然份量麻麻但係都好好食,用呢個價錢食到個唔錯開扒都真係好抵😭慢煮秘製焗烤雞配珍珠飯 $56佢有好多珍珠飯option, 而且全部價錢一d都唔貴,食落仲要比一般茶餐廳好好多,好正!呢間餐廳嘅飯類大部分都好正, 而拉麵就好一般, 感覺似自己起屋企就可以煮嘅辛辣麵feel😆所以建議大家試試佢嘅飯類同扒類啦.

帶囝囝去香港仔海濱長廊遊玩，傍晚就在香港仔中心食飯餐廳環境比較闊落適合帶小朋友✅香草雞扒滑蛋蓋飯配王牌蒜蓉汁小朋友食得好開心😃✅慢煮秘製咖喱焗烤雞配珍珠飯有點辣，咖喱味香濃

今日LUNCH叫左意樂既外賣, 我點左個蒜香豬扒野菌滑蛋蓋飯加杯凍奶茶, 我地11:45落單, 等了又等, 終於1:30同1:45分兩次先齊晒D外賣, 其實之前以經食過呢個飯, 但我覺得質素比上次差左, 首先講下個滑蛋, 個滑蛋我覺得煮得熟過頭同落得太多牛油, 其次個蒜汁唔夠蒜味, 豬扒就普普通通, 係細塊左D同簿左D, 凍奶茶都幾好飲, 有茶香奶香味, 整體覺得價錢偏貴, 仲要等左咁耐。

早兩日落去屋企附近食飯，見到間舖頭新開左一段日子但係都仲未去食，咁就行入去試吓啦！今次我哋叫咗個蒜香豬扒滑蛋蓋飯配蒜蓉汁，飛魚子三文魚滑蛋炒珍珠飯同Momo Pizza。三文魚炒飯一上枱勁香麻油味，味道都叫做唔錯啦，唔會話太過油膩。至於個蒜香汁豬扒滑蛋飯，蒜蓉汁重牛油味，豬扒軟身黑椒味重，都叫做合格啦，反而個Pizza我就覺得麻麻地啦，雖然個餅底都唔錯，但係佢啲配料唔係好夾，而且雞扒嘅油脂太多食落去好肥膩，呢度就有啲大打折扣啦！我哋另外都有嗌到佢嘅冷榨檸檬茶，味道都幾香檸檬味，不過茶味就唔係好出，成間餐廳整體來講我覺得都叫合格啦，但係就未必再去食啦！

上一次在這間餐廳叫意粉的時候，我是叫咩菌炒意粉，來到發現有勁多芫荽，仲要唔係裝飾嗰啲唔緊要自己冇問清楚，成碟冇乜點食今次同男朋友再去間餐廳，叫咗個香辣欖油煙鴨胸意粉，嚟咗成碟都係蕃茄汁，個餐牌中英都冇寫過蕃茄，其實有冇諗過啲客唔食得，成個名都冇涉及個蕃茄？唔緊要，我冇要求換過，我再叫多個餐，卡邦尼意粉應該冇死，我仲要求走芫荽，知道呢間野奇奇怪怪，唔知道係啲員工唔識睇中文？嚟到碟野啲芫荽撈喺裏面，？？？？送個餐飲,因為我哋飲唔晒，我同佢講熱檸水走水外賣，送到黎成杯熱辣辣，究竟明唔明中文？？呢間野送都唔會再食，垃圾

門口見佢有人排隊，生意不錯，於是吸引我們入去試吓。因為疫情關係，入去前服務員要求我們量體溫和消毒雙手。這點非常合理，大家都好合作。餐廳環境舒適，不會太狹窄，燈光光暗適中。食物種類方面都可以，質素和味道都好。價錢實惠，難怪咁多街坊支持。唯一失望係服務。首先坐左好耐，想攞個菜單睇吓，點知冇人理我哋。終於攞到菜單，想落單，點知又再一次冇人理我哋。幸好，食物上枱都算正常速度，否則我怕同行朋友會反枱（開玩笑 🙈😅）

餐廳嘅環境舒適，夠大多座位。有卡位高枱座位提供。 平時午餐等位時間都算適中。主要以西式茶餐廳菜式為主， 都幾多選擇， 包羅萬有。 內裏裝修都幾有特色。 首先出場嘅係金黃鬆脆非常之好睇。之後就係餐湯（西湯）裏面粒粒薯仔同埋洋蔥雜菜非常足料同好味。要俾個like佢。今日叫咗個黑松露野菌炒珍珠飯，黑松露味很香，粒粒珍珠飯都夠𡁻口。 味道偏淡少少，所以可以再加少少枱面上嘅白胡椒粉調味。呢個係同事叫嘅扁意粉賣相唔錯但未到我就唔知啦。店內只提供白胡椒粉作調味,建議餐廳可以提供黑胡椒粉同鹽。因為畢竟佢哋都係西餐最佳調味拍擋，會加分好多。

       當日於貴餐廳發生極不愉快事件，事源我們一行八人相約兩點半到貴餐廳茶敘，由於有兩位朋友早到所以先進入貴餐廳當時大約兩點三左右，而兩位朋友剛坐下時有一位女職員跟我朋友講你地要左八個位如果十分鐘未到就要交枱，當時我朋友巳經立刻打電話通知我們要快，而我地亦可以在十分鐘內到達，當我們到達時正看見兩名朋友正在起身離開而且還叫我們去其他餐廳，我們也只好離開貴餐廳到其他餐廳用膳，用膳期間我問及他們為什麼要離開貴餐廳，原來當我們到達之前十分鐘，貴餐廳職員多次問及我們到達情況及有其他職員冷眼觀察他們然後竊竊私語覺得受到侮辱所以選擇離開，當我們正在討論期間我住在香港仔外婆講出係貴公司早兩日前亦發生過類似事件又是十分鐘內必須人齊否則就要交枱，其實我外婆已經九十幾歲而且只係坐二人枱等一位朋友點解都可以叫佢十分鐘內朋友未到就要交枱！但係我在貴公司門口又未見此條例，本來此次茶敘相當愉快，估不到因為貴公司而變成極不愉快事件！

位於香港仔中心既 開業至今都差不多半年, 但每逢平日既lunchtime 同假日既全日都爆多人排隊等位, 今次終於係我第一次去食喇👏🏾 (平日晚餐時段, 一個人, 唔需要等位)餐廳地方大, 坐位都多, 樓底又夠高, 空間感十足😛食物選擇好多, 主食已經有日式炒飯、西式焗飯、意大利飯、意大利麵等, 仲有多款小食、沙律等, 今次我就揀左一個主食同加配一個小食帆立貝海鮮龍蝦汁焗珍珠飯 ($64)滿滿芝士超邪惡😋 份量大, 海鮮配料亦算多, 但味道就還好啦, 普通d無乜驚喜, 而且龍蝦汁味道偏咸😓香草忌廉煮鮮蜆 (+$24)蜆新鮮無沙, 份量多, 味道就一般較淡, 不過值得一讚雖然只是加配小食, 但上碟都好細心👍🏾 可能見成日爆多人排隊等位, 比左個錯覺會好有驚喜, 期望太大所以都幾失望, 總捨以價錢、食物質素大概係環境好少少既茶餐廳🤔

服務態度有好大進步空間。其實以呢個價錢，我都預咗係茶記質素，不過落單姐姐嘅態度令阿爸成餐飯食得好唔開心。事緣阿爸話上兩個星期兩老嚟過食炒飯同意粉，味道對得住價錢，今次又嗌同一個飯同意粉。佢話上次嚟侍應有問佢要咩湯要咩野飲，咁今次落單我嗌完主食就問係唔係連湯同野飲，姐姐話「無架喎，不嬲唔做套餐，我喺度做咗成一年，我好清楚不嬲都唔做。」咁我阿爸回應「唔係喎，上次嚟食都有架。」咁姐姐就話「哦，你上次係唔係叫晚餐呀？」然後喺counter搵咗2分鐘，搵張我從未見過嘅晚餐餐牌show俾我睇，話呢個先有湯同野飲架（我心諗，咁咩叫做不嬲唔做套餐😂）。阿爸堅持話「唔係呀，我上次都係喺張主餐牌度揀架，我無見過呢個晚餐牌。」侍應姐姐都幾大聲講第二次「我喺度做咗成年喇，我知道嘅係從來都無。」（註：香港仔分店開咗應該唔夠半年）阿爸有啲委屈話「你咁講就唔啱，咁上次你哋真係有問我，所以我哋今次先覺得奇怪。你講到從來都無，即係話個客講大話？」姐姐回應「使唔使搵經理同你講？」結果我阿爸成餐飯粒聲唔出，食都好委屈。其實，一個湯一杯野飲唔值錢，我唔係R咩著數，我亦唔介意俾正價叫個湯叫杯野飲。我唔係話客係大晒，但我希望你哋

【香港仔新寵 港式茶餐廳 抵食嗎？】意樂餐廳 | #香港仔係南區住的朋友 都當香港仔係中心點， 近幾年變化好大 有唔少連鎖餐廳進駐！近幾個月係前身KFC 的鬧市位置 開咗兩間茶餐廳！放長假去試下，大排長龍等30分鐘以上！ 「炸魚柳牛角包配炒滑蛋和腸仔」$43餐廳似乎主打呢個餐，因為大大個海報推介！賣相好吸引，眼見唔少食客都有點！但炸魚柳嘅份量好睇運氣，隔離枱的魚柳有啲營養不良！ 牛角包超巨型，入口軟熟 外層酥脆！加埋千島醬同沙律菜 不錯！但價錢認真不值！ ⚠【堂食同外賣都被漏咗炒蛋，要小心留意！】「沙嗲牛通粉餐 配奶茶」沙嗲牛可以話係茶記必點，好可惜冇特色 沙嗲味不夠，通粉份量好少！熱奶茶好淡味 完全無茶香！ 🙁