愛爾蘭瘋薯 (已結業)

去到銅鑼灣, 仲有胃口wor....試埋新開o既“愛爾蘭瘋薯”。叫左個 Sour cream with 紫菜topping既炸薯條, 我覺得都 not bad wor! 香口非常! 25蚊杯。加5蚊有杯氣水飲tim。超多人排隊...

開咗張好耐，一直都想去試吓，揀咗芝士汁加肉醬薯條。加$5有杯汽水飲，仲有得refill，都算幾好，因為食薯條真係要飲大量汽水。等咗差唔多10分鐘，終於有得食。點解搵來搵去都見唔到啲肉醬既？唔通喺個底度？走去問先知原來唔記得咗加，好彩有問咋，唔係就蝕咗$3比佢啦。不過啲肉醬都好少吓，淨係有汁，唔喺好見有「肉」囉。可能個芝士太搶，實在食唔到有薯仔味。始終覺得食薯條配茄汁係最夾既。況且個價錢咁貴，真係一次就夠。

想試呢間好耐~但係通常一出到銅鑼灣就會食到好飽~咁岩今晚食左一個light dinner, 所以終於下定決心要去試一下~兩個人只食得落一款, 所以就揀左蜜糖芥末醬~要$25蚊…等左一陣就有, 都幾熱辣辣, 不過sheep就話有一部份唔係咁熱咯~但係個汁就幾好味~天氣凍果陣食0的熱辣辣既野都幾好既~但係$25蚊又真係貴左少少~而且sheep話叫得做”瘋薯”, 薯仔既質數應該有返咁上下喎~不過依家就太普通咯….

Finaly go try this Potato chips that I want to try for long time, because chips is the food I like the most! So buy one share with my gf before dinner. We choose the 芝士加肉醬 $33.00. Wait for around 15 mins. It tast good but its too less........ the container are big, but its only half full. I think its too less for $33.00, but anyway, things can't going back. ha ha ha. It will be much better if they fill the cup up!

相信每一個路過既人都一定會留意到呢間「愛爾蘭瘋薯」…因為真係實在係太多人排隊幫襯…而炸薯條格格又唔多…所以做成左好多人排隊既局面…不過見到有咁多好評~咁啱行過又有d肚餓就試下啦 叫左個肉醬的..都等左幾耐下 /__\哈不過好在好在d薯條啱啱整好…夠熱夠脆** 正!! 幾香幾好味喎~不過就越食越辣囉覺得 =口=!!!不過都幾熱氣下…食完好口渴…唔食得多…而且廿幾蚊一個薯條真係唔可以話抵死…**不過又真係幾好味既 食其新鮮感啦XPPP

經常見到很多人排隊，今天於是跟朋友試下，看似很美味，點知.....招牌芝士：芝士汁很少，而且味道普通，沒有什麼特別，$30 元雖然實在不值，但總算試過。酸忌廉芝士：呢個汁係凍的，雖然比招牌芝士多汁，但好 "漏"，都係那句，總算試過。一次就夠。

早排吹起瘋薯風，一直苦無機會(其實係自己懶得特登走去試)最後都係忍唔到，特登搵朋友仔陪我放學後去試。揀了酸忌廉，等了十多分鐘。初時還以為薯條肯定新鮮滾熱辣。點知只係暖，再加埋凍既酸忌廉，味道真係不太好。加上酸忌廉無咩味，唔同平時胡鬚佬薯片咁，真係唔討好!難怪焚化爐大朋友都話唔鼓勵去試啦...

初初見到排隊的人, 心想是否咁好味。等左5-10分鐘, 試左個叫wasabi味, 一d都唔辣, 配以薯條, 感覺極特別！仲有個鷄粒，亦都好好味, 一定要再試, 唔知幾時先試哂d味道？

係香港真係好少用薯條黎做主打既Snack Shop...直到愛爾蘭瘋薯係台灣轉入香港事實證明... 香港人既接受能力係非常之高　( 定係三分鐘熱度...? )日日係Ireland's Potato既門口... 都總會大排長龍... 前幾個禮拜... 最愛薯類製品既女友終於忍唔住拉左我去試下................. 係門口睇睇個MENU....有少少Ok咀.............. 我心諗... 點解JUNK FOOD都可以賣咁貴架呢.................... 最後同女友叫左個酸忌廉+招牌芝士既SET薯條送上我地手既時候仲係熱辣辣 食落... 酸忌廉同埋芝士同薯條又出奇地夾酸忌廉好香... 凍冰冰既酸忌廉同埋熱辣辣既薯條combine埋有種特別既化合作用...而溶溶既芝士醬出入面有d碎肉... 無可否認... 食落肚個下係好滿足既............ 人靠衣裝...佛靠金妝...包裝真係非常之咁緊要...忽發奇想... 如果麥當勞開一間新Store...叫McPotato... 再研製一d新既醬料出黎定價40蚊起... 話唔定... 可以殺出一條血路(

琴晚同女友來試試呢間咁多人排隊o既小店,叫o左個介辣味薯條,等o左一段時間先等,因為太多人啦!佢都ok大杯ga,仲超多醬,食完個底都有好多醬,佢d薯條都ok,夠咬口,唔太鹹,算ok ga.

愛爾蘭瘋薯開了這麼久，一次也沒有光顧過，一是怕carbohydrate，二是拍油炸。今晚經過時，我姐買了一客蜂蜜芥末拼招牌芝士的瘋薯($35)和一客炸雞球($25)，我抵得住去買的衝動卻抵不住吃的誘惑。今晚天氣很涼，熱辣辣的瘋薯份外好味。蜂蜜芥末味道酸酸甜甜，很合好味。招牌芝士則普普通通，芝士多點就好了。炸雞球味道不錯，不點醬吃味道亦可以。最怕是香口食物，因為一吃就停不了口，太可怕了。

其實本人同朋友們係佢開業頭幾日已經幫襯個時叫左1個薯條, 魷魚圈, 足足等左40分鐘以上, 條路又窄, 企到出去馬路!催左起碼3次, 都話未有!重要當時岩岩開業, 未有咁多人知~ 唔係好多人等有個唔知係老闆定服務人員話唔好意思, 因為岩岩新開, 未運作好點知到宜家D人都重係要等咁耐! 其實我覺得可能係佢地既策略, 等人龍長D, 可以MAKE NOISE~如果屬實, 咁既經營手法其實係好有問題!無藉口話因為要新鮮定咩而解釋話唔可以整定, 因為佢流量咁快! 而且見佢都好多人手, 只係慢手慢腳!講番食物方面, 個時賣25定28一杯薯條, 忘記左, 唔知宜家幾多,一個爛鬼薯條要等咁耐, 已經覺得唔係好值, 即管睇下有幾好味, 食左之後唔覺得特別好味,其實只係薯條加左D煮過既汁, 其實自己係屋企炸薯條較汁都可能重好味, 同埋一定快過佢!係因為D人貪新鮮, (包括自己在內) 其實又真係有幾咁特別好味呢?味道係可以, 不過唔係咩特別野, 而且咁既價錢, 咁唔MAKE SENSE 既等待時間,加上咁既經營理念真係幫襯一次......都嫌多!

由於未能品嚐興發茶餐廳的黑糯米雞翼，為彌補小小的遺憾，晚膳後與友人在書局閒逛了一會後，便到附近的人氣小店愛爾蘭瘋薯試食，到達已經夜晚九點半，平日見到的人流已經散去，輕鬆地點了肉醬加芝士薯條 $33)，拿牌後在街邊等一會..約五分鐘後，一杯瘋薯便到手了，賣相看似不錯，但芝士只集中落在一兩條薯條上，肉醬也有名無實，只得少許肉粒及紅蘿蔔粒，心中涼了一截。先試芝士，不知為何，芝士已在那短短半分鐘後開始凝固，結果試了杯面那數條鋪滿芝士汁的薯條後，藏於杯底的都沒有味道了；至於肉醬汁，除了之前所講問題外，味道竟比芝士味更咸，卻絲毫沒半點辛辣的感覺，再者，這裡的芝士 / 肉醬竟完全不搭檔，結果愈食愈咸，愈咸愈難食... 最諷刺的莫過於薯條本身，其實薯條跟蛋撻的原理一樣，新鮮製成的九成九好食，但瘋薯不知是否一早炸好，完全沒有熱辣燙手之感，更沒帶半點薯味，質素實在普通!質素普通都算了，單單一杯薯條竟然要 $33，這價錢已經是 Triple O 一個 set 的一半價錢；如果再加幾個大洋，又可以去 Shake'em Bun 食 cheese & chilli fries，不論新鮮程度或味道都絕對比瘋薯好；誇

終於都試了......已經食了第二次了，遠遠已經見到人龍了~ ^^ 有很多口味...但我依然喜歡食蜜糖芥未 $25 。 醬汁甜甜地配合熱辣辣的薯條，冬天食非常溫暖啊。 下次會再試其他味道....

行番至地鐵站的途中見到前排在openrice上很紅的愛爾蘭瘋薯,抱著但試無妨的態度,點了一份芝士薯條,那位cashier很細心地問我之前有無食過,我答無,她便提醒我芝士薯條會比較鹹,若不中意過鹹的薯條可以配埋其他一些醬汁,於是我就選了酸忌廉來配薯條以前只是間中用酸忌廉來配pizza食,從未試過用酸忌廉來配薯條,估唔到這兩樣東西味道竟然這麼夾,酸忌廉凍凍地,不會太酸,配上熱辣辣,軟身小小的薯條,剛好遮蓋掉一些薯條本身的油味,底下的芝士真的如cashier所說,勁鹹!不是我鍾愛的酸味較重的芝士,好彩加了酸忌廉,不然恐怕無法食落這麼大一份...分量的話,以女仔來說就大左小小,畢竟junk food吃得很容易飽,希望下次能有細份賣