影片
港铁黄大仙站E出口, 步行约7分钟
继续阅读
营业时间
星期一至日
11:00 - 23:00
公众假期
11:00 - 23:00
以上资料只供参考，请与餐厅确认详情
食家推介
幾日試左烤魚，今次又返黎試下雞煲，上次黎食見好多人都叫左雞煲，因為上次食烤魚都唔錯，所以又過黎試下雞煲半隻麻辣雞煲$145，價錢都好相宜，上枱已經聞到好香嘅麻辣味，真係好香，感覺上半隻都幾多，雞肉係炸左先，好滑，吸曬啲味，有啲麻辣，但又唔會好辣，鍾意食辣嘅可以叫大辣，真心好食，絕對要試，唔怪得咁多人都叫呢個雞煲另外都叫左個野山椒炒牛肉，味道還可以，有加左黑椒，牛肉可能太熟，有啲老，野山椒都幾辣，不過，份量就多，好多牛肉，幾好味，食左一大半先影相呢間餐廳啲烤魚雞煲都好味，可以試下，特別價錢真係好平民價
继续阅读
鍾意Happy Friday去食飯飲下酒，今次朋友提議去比較街坊區嘅大排檔小炒，環境唔太多人又坐得舒服嘅餐廳估唔到有1664酒提供，適合我地呢啲唔太好濃酒嘅人士，宜家講下啲食物質素先脆皮BB鴿，95分皮好香脆，又唔會炸得太乾，又有肉汁，好味豉汁炒蜆，80分蜆唔算肥，食落似唔太新鮮，不過啲汁都幾香同野味，份量都可以辣子雞，92分好夠辣，啲雞都炸得香脆，十分香，配酒好唔錯，啲配料花生都十分野味野山椒炒牛肉，98分上枱都有好大陣香味，野山椒有啲辣，牛肉份量都多，炒得好夠火喉，朋友都異口同聲話好食甘香乾炒牛河，88分乾牛河都算有鑊氣，食落都香，但牛肉反而麻麻地，份量都多仲有豆豉鯪魚油麥菜，85分都算有火喉，但豆豉鯪魚唔太香，不過油麥菜就好好食3個人都飲左好多酒，連咁多個餸，約$600,每人平均約$200, 價錢算相宜；環境都好乾淨，同埋冇限時，呢間十分推薦
继续阅读
因為疫情都好耐冇出去食飯，近排開返堂食，就約埋同事出去食下飯。之前都有返大陸食下烤魚，宜家好想再食下，於是揾左呢間餐廳，聽講都唔錯，就試下呢間叫大排檔，但有烤魚雞煲食，都幾趣緻下，又唔係烤魚店，未食之前都心諗住過得去就算。但上枱嘅烤魚都都幾大，叫左個酸菜味青江魚烤魚（$255）,3個人食都okay, 魚係炸左先，配合酸菜好鮮味又唔會太酸太辣，呢隻魚好厚肉又唔多骨，好味！仲有薯粉蓮藕片豆卜配料，唔食飯都夠！去到大排檔都會叫啲小菜，叫左椒鹽鮮魷同黃金茄子，椒鹽鮮魷都唔錯，炸得幾香脆，用黎送酒都唔錯；黃金茄子，呢個都幾新穎，鹹蛋黃都幾香，但味道有啲淡，如果味道再濃啲就好唔錯！總體用餐體驗都唔錯，環境都乾淨同坐得舒服，又冇限時，下次應該會再幫襯下＾～＾
继续阅读
朋友介紹呢間餐廳，話幾好食，可以坐得耐，唔會限時，又唔多人，所以今日同屋企人過黎食烤魚，小炒。終於等到餐廳開返夜市，就同屋企人出去食下野，，呢間餐廳近黃大仙地鐵站，大概行10分鐘，位置都okay今日叫左幾多餸，咁當然有最想食嘅烤魚，今次叫左蒜辣味嘅烤魚（青江魚）$255, 好大條魚，蒜辣味好香，又唔會太辣反而好開胃，魚都好厚肉，冇咩骨，屋企人都讚好食又叫左酸菜魚 $145,好好味，魚肉好多，加酸菜好開胃，配料都好食，好好食，有少少，魚片食落好鮮甜又叫左椒鹽九肚魚同蝦仁炒蛋同京都骨，都唔錯，4個人食左大約$600,,,感覺都幾抵食，同埋真係幾唔錯，性格比算好高，所以特登寫下食評支持下☺️☺️💪
继续阅读
又禁左晚市堂食，但又想出街食飯，因朋友喜歡食烤魚，去了黃大仙呢間有做烤魚嘅大排檔食下晏晝飯。打過電話黎下午時間都有烤魚供應，因用饍時間大約下午3點半，又加上疫情，所以都冇咩客人。先黎叫左老闆推薦嘅酸菜味烤魚（清江魚）$255/條。好大條，賣相都幾好睇，味道：魚肉厚實，配合酸菜，感覺好鮮甜，沒有什麼骨，多魚肉，十分美味，唯酸菜味較濃有少許鹹，但朋友認為配飯十分合適。我認為3-4個人食都可以，比較推薦。菠蘿生炒骨都唔錯，酸甜度適中，份量都可以，即炒即上，好香，十分開胃。總體不錯，價錢不貴，可以試下！
继续阅读