戀上台式料理

营业中

休息中

將軍澳海邊之前都嚟過幾次，今次同朋友向康城緩跑徑散步，喺比較入嘅地方遇到呢間台灣菜餐廳。店名係「戀上台式料理」，一如其他海傍店，有TKO河景，有室外開放式pet friendly 座位。店內環境寬敞舒適，還有花花草草打卡牆。整體感覺都好chill，好舒適。食物方面，先叫兩個台灣麵主食，都係附前菜（有花生、青瓜、木耳）。特式手工餃麵手工餃皮薄餡多，肉嫩多汁，肉餡蔬菜比例恰到好處。台灣麵柔靭，有口感，配上輕微藥材味湯頭，確是有一番台灣風味。台式蚵仔麵蚵仔無沙乾淨，有鮮味，加上分量充足，滿滿台灣夜市嘅感覺，值得推介。另外點左小菜/肉食：戀上三杯雞三杯雞鐵鍋上菜有風味，香料有洋蔥同九層塔，香氣撲鼻，味道甜中帶咸，配飯/配麵都好合適。法式煎焗咸豬手煎焗嘅烹調手法冇煎炸咁熱氣，外皮煎香而仍富彈性，分量唔細，係比較大隻嘅豬手，夠滿足2-3人食量，抵食之選。飲品方面，點了鴨屎香香水檸檬茶、百香果爆檸，香味滿滿，加上價錢親民，非常唔錯。

呢日同屋企人去將軍澳海濱晚餐，最後都揀返呢間台灣料理。🌟台式紅燒牛肉麵-附送前菜 $88陽春麵+古早牛肉湯，炆得軟腍嘅牛腱非常香滑，牛肉份量多。🌟細煲（1-2人份）椰子雞煲 $278升級滷肉飯 +@$10追加 松茸雞湯 +@$10煲內已有生的切雞、椰子水、金針菇、木耳、杞子，椰子汁同雞肉嘅香味融合咗之後，啖湯非常香甜。另配有沙薑、辣椒同檸檬，鍋煮時加沙薑，味道昇華到另一個層次。🌟芝士莓莓 $32芝士味道濃厚，攪勻會更好飲。🌟凍黑糖珍珠鮮奶 $32邪惡又好飲。總括來講，係會再來食的餐廳，近海邊，邊食邊睇風景好放鬆。

我今日約同好友去位於將軍澳唐俊街21號翩匯坊地下G26號舖的戀上台式料理食午餐，環境舒適，坐得舒服。餐廳設有室外雅座，讓毛孩陪伴在側。我和好友點左個 海南椰子雞煲 $258，包白飯2碗；戀戀芝麻蝦 Deef-Fried shrimp with Sesame Seeds $158，水蜜桃生炒骨Peach Sweet and Sour Pork $88。海南椰子雞煲座在打邊爐上煮滾，椰香駟溢，雞肉嫩滑；芝麻蝦是開邊烹調，蝦肉結實又惹味；水蜜桃生炒骨賣相不錯，好味！

上次嚟將軍澳南見到有間台式餐廳都想試下奈何食咗嘢，今次我個胃已經準備好嚟呢間餐廳食食食🤩戀戀蚵仔煎好足料，蚵仔粒粒都好飽滿煎餅比較軟身，口感似茶樓其中一款點心薄撐咁加埋甜辣醬一齊食好好味戀上生煎包皮薄，煎得夠脆口，做到爆汁效果一啖一隻生煎包都唔錯台式滷水雞翼雞翼大大隻，色水均勻，滷得夠入味小碗手工魯肉飯配溏心蛋不過不失，份量啱晒食量唔多嘅朋友特選燒肉拼盤 (五花腩肉、黑毛豬、厚切牛舌、牛小排)所有肉類都切得厚身，上枱前已撒上黑椒碎，燒嗰陣可以掃上燒肉汁，加倍好味比較推薦當中嘅黑毛豬同厚切牛舌黑毛豬 睇落以為會好肥膩，食落口感結實仲好多汁厚切牛舌 厚切更加食到牛味，而且更有嚼勁同爽口，好味百香果爆檸 百香果加青檸酸甜比例恰當，價錢真係好抵，$10杯飲品除咗水而家邊度仲揾到芒果沙冰沙冰欠缺咗一份芒果獨有嘅香味，稍為遜色咗少少

琴日約咗個朋友係將軍澳傾計。行下行下就去咗將軍澳南Donki附近。嗰邊係啲新嘅住宅同新商場環境都係非常好。係隔離見到一間舖頭都比較多人食。就走咗入去。呢間舖頭d裝修幾靚，入面有一幅牆，成個牆都係花花。間餐廳都幾特別又有燒肉，又有啲煲，又有小菜咁。我哋叫咗黑毛豬同魷魚頭燒肉，一個小食拼盤，同埋一碟四季豆。魷魚頭個口感好爽，又掛汁，好味道。最有驚喜係個黑毛豬燒肉，估唔到係咁厚身，食落爆汗好juicy 😆

將軍澳南台灣餐廳平時跑步🏃成日會經過呢間餐廳， 環境舒適 望住河景🏞️，心曠神怡 ，環境冇得輸如果帶埋寵物🐕🐶可以坐室外今次食左雞扒🐔刀削麵 ，男朋友就食咗滷肉飯🐽雞扒大大份👍湯底有濃濃藥材味，成碗湯🫗飲曬，雞扒就外脆內軟，斬件🔪附上滷肉飯分量岩岩好，回味無窮😋。不過, 珍珠奶茶🧋就沒有同樣的亮點。奶茶口感略嫌稀薄，珍珠的質地也不夠彈🦷,下次或者試下其他🤭總的來說 值得1️⃣試。但如果你想來一杯地道的珍珠奶茶，或許可以考慮其他專門的奶茶店。😬

今日收工同朋友走進將軍澳一起浪漫chill一chill🥰店內環境寬敞舒適，還有花花打卡牆，很適合家庭/朋友/情侶飯聚。鴨屎香香水檸檬茶茶底清澈透亮，散發出陣陣幽香。鴨屎香這種茶葉本身就有獨特的香氣，搭配上新鮮的檸檬片，入口後清新爽口，酸甜適中，非常適合炎熱的夏天。芝士芒芒芒果的甜香和奶酪的濃郁完美融合，每一口都能感受到兩者融合的香甜。上層的厚厚奶油和芝士末更是增添了幾分奢華的口感。對於喜歡芒果和芝士的人來說，這是一款不容錯過的絕佳選擇。特色手工餃（6件）餃皮薄而柔韌，內餡鮮嫩多汁，咬開後香氣四溢。每一口都能吃到細膩的肉餡和新鮮的蔬菜，調味恰到好處。配上特製的蘸料，更是別有一番風味。戀戀蚵仔煎蚵仔煎外皮金黃酥脆，內裡卻是嫩滑多汁的蚵仔，搭配上新鮮的雞蛋和蔬菜，每一口都是極致的享受。再淋上一點特製的甜辣醬，風味更加豐富，令人回味無窮。細煲（1-2人份）椰子雞煲煲湯中的椰子香氣撲鼻而來，湯底濃郁而不膩，既有椰子的清甜又有雞肉的鮮美。雞肉煮得恰到好處，嫩滑多汁，口感非常好。再配上些許蔬菜和菌菇，整個湯底更加豐富和富有層次感。

今日收工同朋友心血來潮好想食台灣嘢所以就食公司附近呢間食咗幾次嘅台灣嘢嗌咗紅燒牛肉麵湯底好飲，牛肉都好大舊我同事飲曬d湯我自己叫蚵仔魯肉飯份量好多，我一個女人都食唔曬，超飽肚小食叫左台灣香腸，裡面有埋蒜片，所以都幾開胃主菜又叫埋三杯雞，我覺得d調味好香，雞肉入味，而且份量都好多，我自己忍唔住食咗兩碗飯，之後我朋友又叫左，四季豆/蒜香麻辣牛舌/芝士芒芒 /百香果梳打，兩杯飲品好大杯叫左好多野食，飽到我地係附近散步

朋友家樓下，滿滿台灣感，以台灣自然美景為主調，牆身配以木系家具， 面積頗大，空間感足～配上自家製之台灣感覺飲品，清新弓又開胃蕃茄牛肉面台灣醬汁調味滿滿，是傳統味道，重點牛肉嫩口，肉汁滿，份量非常多，感覺不錯蚵仔魯肉飯套餐蚵仔魯肉飯香濃，魯肉惹味，蚵仔肥大，豐富。魯肉味道香，蚵仔肉又嫩又香滑！飯口感滿滿，粒粒充斥魯肉味，旁邊蘿蔔，清清味蕾。香濃魯肉味，蚵仔，平衡被寵壞之台灣感覺，台式之魯肉，有台灣風味。百香果檸檬香濃之百香果，酸甜甜滿滿，手打爆檸，夏日快樂西瓜特飲濃甜清新，好棒，個樣又美。朋友表示入味，不錯。飲杯喔飯餐送前菜，濃濃台灣人情味，滿滿口感

將軍澳台式餐廳🍸風味十足#蒜香麻辣牛舌這道菜非常不錯,既有麻香四溢的蒜蓉醬,又帶有一股微微的辣味,非常開胃。## 鵝肝蚵仔魯肉溏心蛋飯十分豐盛,鵝肝的醇香與蚵仔的鮮味完美融合,魯肉則是軟嫩可口,溏心蛋更是增添了整盤菜餚的豐富層次。##百香果爆檸🍹🍸這個飲品簡單但卻清新爽口。百香果的酸甜滋味與檸檬汁的爽脆感完美結合,不會過於甜膩。冰鎮後的飲品🥤口感更加清涼,非常適合在炎熱夏日享用。這樣一款簡單易做的飲品,不僅消暑解渴,也能為一頓餐點增添一抹生動的氣息。#台式牛筋牛肚麵這是一道相當傳統的台式麵食,牛筋和牛肚的口感相當不錯,不會太柴硬或是過於軟爛。這份陽春麵煮得恰到好處,麵條Q彈有勁,湯頭清爽不膩,十分解渴。雖然沒有太多配料,但這樣簡單的做法卻突出了麵條本身的口感,很適合作為一份清淡的午餐或晚餐了😋😋😋

我好似去咗台灣呀！有朋友帶我行海邊長廊，佢話有好多好chill餐廳，佢話特別喜歡呢一間，因為坐喺度好舒服，又可以同愛犬一齊chill，而且有好多台式食物，仲有台式燒烤，2個人又可以食燒烤同時又可以食其他非燒物。手機QR code menu內第一眼就想食台式燒烤，送到上台跟menu一樣質素，大大片又高質西班牙黑毛豬和鹽燒五花腩啖啖肉有肉汁流出來，肥厚適中，用燒汁塗上去燒著哂火呀，好正🥳燒到條邊脆脆地又可以keep到肉質。而我見到有個口水雞三小拼盤（口水雞/溏心蛋/豆腐）齊三樣台灣特色小食，口水雞雞肉超級嫩滑，有少少麻辣味，糖心蛋超級軟腍腍，豆腐好似有滷水醃過。魯肉乾煸四季豆味道甜甜地同上海四季豆完全不一樣，加上有魯肉成碟都好香。唔止食物價錢合理，飲品都好便宜，大大杯西瓜🍉冰都只係$20，仲有完整一支雪條在飲品之上好好飲呀！

將軍澳海傍有好多餐廳，今次二訪呢間人氣台式餐廳，環境好靚，就係海傍隔離，室內有花海裝飾，室外有寵物友善座位👍🏻🌟必食海陸空極上拚盤今次特別d試下台式燒肉，賣相超豪華😍九宮格設計，有五款肉類，三款海鮮，一款蔬菜，份量充足👍🏻肉類偏厚身，好有誠意😆有日本A4和牛，美國牛板腱，西班牙黑毛豬，豬梅花腩，巴西無骨雞上脾。最愛A4和牛，油脂豐富😍🦐海鮮有花虎大蝦，海蜆同魷魚鬚串，全部都好新鮮彈牙😋🥚台式滷水糖心蛋滷得入味，蛋黃超級流心，幾濃味😋🍉西瓜啵棒夏日消暑大大優惠，飲品$20性價比高。賣相好靚，有成條西瓜雪條😆清甜解渴。🌟食完好野仲可以去海傍散散步😆太chill太relax 👍🏻

好喜歡呢間餐廳，因為係一間pet friendly嘅餐廳，自己又住附近，所以一個星期至少都去幫襯一次，而且已經做埋會員，夜晚黑食飯會免加一。但係真係唔係好頂得順佢啲凳仔，感覺好污糟，唔知點解可以坐到咁黑。店家可否換咗啲凳佢？而家買凳仔都好平，不如換咗佢啦。個個蠔仔餐最好食，次次嚟都會食佢。其他嘢都係好正常，建議可以研究吓點樣再充好啲嘢飲，因為有時唔食嘢經過都想飲杯台式飲品，但真係唔好飲。之前試過飲佢啲珍珠奶茶，啲珍珠奶茶真係淡到死，好似飲稀水咁，之後去到舖頭只會飲樽裝茶。但係其實因為呢間嘢真係好方便，係其實會keep住幫襯，真係好希望佢有改善。

放工同另一半喺屋企附近散步去到海傍就開始有啲肚餓見到差唔多六點就不如食個早飯見到戀上台式料理望望餐廳外嘅menu, 有燒肉套餐有飯餐餐廳又仲有空位就入去食啦入去就侍應帶位，被安排坐窗邊卡位然後侍應就遞上QR code 自行落單今日想試下個燒肉，又想食飯所以就點個燒肉我同另一半各自點個飯先點個 $288 牛肉拼盤🥩有齊牛小排，牛胸腹，牛肩胛同埋薄切牛舌我就點個 $88戀上蚵仔魯肉飯🦪，附送前菜另一半就點個 $88 鹽酥大大雞扒飯🍗，都係附送前菜落單後大約五分鐘左右就上菜先上個燒肉鐵板同埋燒肉汁之後再上個牛肉拼盤見到啲牛好靚仔，仲預先有鹽加黑椒season 好因為個鐵板個火係用蠟，有限時的所以燒肉要食咗先牛肉燒起上來有滿滿嘅油香食落仲有濃濃嘅牛味牛肉點埋燒埋燒肉汁，真係好夾隔咗陣就上埋兩個飯$88 戀上蚵仔魯肉飯啲魯肉係台灣傳統嘅魯肉肉碎係半肥瘦，食落又有油香啲汁嘅份量剛剛好，唔會變撈湯，撈埋啲飯食就好夾而蚵仔🦪好香，唔係苦的，份量都唔少$88 鹽酥大大雞扒飯塊雞扒好大塊，雞皮仲炸到好脆雞肉食落好多汁，唔會炸到乾哂而飯嘅份量都偏多食咗個飯加埋個牛肉拼盤都差不多捧住個肚走呢個價錢可以食到燒肉

約親將軍澳朋友食飯都會諗起呢間台灣菜，之前食過都覺得性價比幾高，而且近海濱位置坐得好舒服🏝️千層三星蔥拉餅 $48台灣名產三星蔥，淡淡蔥味散發出黎，千層拉餅用蛋煎香，非常惹味涼拌皮蛋豆腐 $68重蒜嘅涼拌汁配上涼陣陣嘅滑豆腐同皮蛋，微微嘅辣味令夏天食落更加開胃溏心蛋厚燒鰻魚飯 $98鰻魚份量幾大條，厚肉冇骨，醬汁甜而不膩，加上煮得完美嘅溏心蛋，拌埋粒粒分明嘅白飯一齊食好好食😋鹽酥大大雞扒飯 魯肉飯 $88台灣另一名物非鹽酥雞莫屬，鹽酥雞扒果然大大塊，炸粉唔會太厚，啖啖肉🐥最開心除左白飯，仲可以揀魯肉飯，滿滿魯肉汁好惹味🐷戀上三杯雞 $88三杯雞甜中帶咸，味道平衡，用鐵鍋上菜熱辣辣，香氣撲鼻，加埋洋蔥同九層塔變得香上加香白灼蒜蓉油麥菜 $88而家出街食飯點都要叫碟菜食下，難得係餐廳食到啲唔會太油膩嘅油麥菜，岩晒今晚食完啲濃味野食之後再食返啲清爽嘅蔬菜🥬